Кӑҫалхи кӑрлач-нарӑс уйӑхӗсенче пирӗн ҫӗршывра автокредит илекенсен йышӗ палӑрмаллах ӳснӗ. Пӗлтӗрхи ҫулталӑк пуҫламӑшӗнчи икӗ уйӑхпа танлаштарсен ку цифра 31,9 процент ӳсне. Ҫак енӗпе Чӑваш Ен ҫӗршыври 30 лидер-регион хушшине лекнӗ.
Ростов облаҫӗнче цифра 76,2 процент ӳснӗ, Ҫӗнҫӗпӗр облаҫӗнче — 36,1 процент, Чӑваш Республики — 31,9 процент, Самар облаҫӗ — 31,6 процент, Воронеж облаҫӗ — 29,6 процент. Лидер-регионсенчен малти виҫӗ вырӑнта Мускав, Мускав облаҫӗ тата Питӗр.
Чӑваш кӗнеке издательстви Мускаври ВДНХра иртекен «Раҫҫей» курав-форума хутшӑнать.
Паян кӗнеке издательстви ача-пӑча кӗнекисемпе паллаштарать. Кӑларӑмсем ҫинчен Чӑваш кӗнеке издательствин тӗп редакторӗн ҫумӗ, писатель, куҫаруҫӑ Ольга Федорова (Васильева) каласа кӑтартать.
«Пирӗн кӗнекесемпе паллашма пыракансем вӗсене уҫса пӑхнӑ чухне чунтан ырлаҫҫӗ. Питӗрти, Самарӑри, Мускаври, Калининградри, Чӑваш Енри тата Пушкӑртстанри ҫынсем пирӗн кӗнекесене ырласа калаҫнине итлеме кӑмӑллӑ», – пӗлтернӗ Ольга Леонидовна.
Ака уйӑхӗн 2-12-мӗшӗсенче Мускаври ВДНХра Чӑваш Енӗн Цифра аталанӑвӗн, информаци политикин тата массӑллӑ коммуникацисен министерствин кунӗсем иртӗҫ.
«Хыпар» издательство ҫурчӗ хӑйӗн кӑларӑмӗсемпе паллаштарӗ. Чӑваш Енри фотокорреспондентсен музейӗнчи экспонатсем те пулӗҫ.
Чӑваш Енӗн наци телекуравӗ хитре калаҫма вӗрентекен ӑсталӑх сехечӗсем ирттерӗ. Аудиоткрыткӑна ятарлӑ QR-код урлӑ уҫласа илме май килӗ. «Можно я с тобой» ятпа видеоролик е клип ӳкерме те май туса парӗҫ. Ролик ӳкерӗнес текенсем наци тумне тӑхӑнайӗҫ.
Вӑрнар районӗнчи «Ҫėнтерӳ ҫулӗ», Шупашкар районӗнчи «Тӑван Ен», Ҫӗмӗрле районӗнчи «Вперед» хаҫатсем те курава хутшӑнӗҫ.
Ыран, ака уйӑхӗн 2-мӗшӗнче, Мускаври ВДНХра иртекен «Раҫҫей» форумра Спорт министерствин экспозицийӗ ӗҫлеме пуҫлӗ.
Куравра чӑваш спортмсенӗсем ҫӗршыври тата тӗнчери пысӑк ӑмӑртусенче ҫӗнсе илнӗ медальсемпе, кубоксемпе паллашма май пулӗ. Унтах вӗсен старта тухнӑ экипировки те пулӗ. Хальхи вӑхӑтра вӗсем «Чӑваш Енри спорт легендисем» республика музейӗнче упранаҫҫӗ.
Министерство интерактивлӑ проектсем те хатӗрленӗ: спорт темипе викторинӑсем те пулӗҫ. Ҫӗнтерӳҫӗсене парнепе хавхалантарӗҫ.
Ыран, ака уйӑхӗн 2-мӗшӗнче, Шупашкара «Ылтӑн маска» пӗтӗм Раҫҫейри театр премийӗн жюри членӗсем килӗҫ. Вӗсем Чӑваш патшалӑх пукане театрӗн «Король Лир» спектакльне хаклӗҫ.
Ҫав ӗҫе «Ылтӑн маска» премие илме тӑватӑ номинаципе тӑратнӑ: «Чи лайӑх спектакль», «Чи лайӑх режиссёр ӗҫӗ», «Чи лайӑх художник ӗҫӗ», «Чи лайӑх актёр ӗҫӗ».
Мускавран килнӗ ӑстасем Чӑваш патшалӑх культура институчӗн студенчӗсене тата патшалӑх театрӗсенче литература енӗпе ӗҫлекен специалистсене ӑсталӑха вӗрентӗҫ.
Унччен спектакль-номинантсене Мускавра кӑтартнӑ пулсан кӑҫал вӗсене жюри членӗсем театрсене ҫитсе курса хаклаҫҫӗ.
2023 ҫулччен ЧР строительство министрӗ пулнӑ, кайран вице-премьер тилхепине тытнӑ Павел Данилов Чӑваш Енпе сывпуллашни пирки сайтра хыпарланӑччӗ. Аса илтерер: вӑл вӑхӑта ЧР Элтеперӗ Олег Николаев ӑна ӗҫрен хӑйӗн ирӗкӗпе ярасси ҫинчен калакан хушӑва алӑ пусманччӗ. Ӗнер, пушӑн 31-мӗшӗнче, хушу тухнӑ, министра хӑйӗн ирӗкӗпе ӗҫрен янӑ.
Ҫав кунах Mash телеграм-канал Павел Данилова Мускавра тытса чарни пирки пӗлтернӗ. Ӑна сӗтев илнӗшӗн айӑпласшӑн-мӗн. Малтанлӑха пӗлтернӗ тӑрӑх, экс-вице-премьер сӗтеве Чӑваш Енри ипотека корпорцийӗнчен илнӗ.
Пирӗн ентеш самбо енӗпе иртнӗ Пӗтӗм тӗнчери турнирта малти вырӑна тухса ылтӑн медаль ҫӗнсе илнӗ. Вӑл - Даниил Орлов.
Турнир ҫак кунсенче Мускав хулинче иртнӗ. Унта 16 ҫӗршыври 250 ытла самбист хутшӑннӑ. Пирӗн ентеш 79 килограмм тайманнисен виҫе категорийӗнче тупӑшнӑ. Вӑл ытти спортмсена парӑнтарса пьедесталӑн чи ҫӳлти картлашки ҫине хӑпарма пултарнӑ.
Чӑваш Енри хӗрарӑм кутамккара бомба тесе хӑратнӑ. Мускавран Санкт-Петербурга вӗҫсе кайма хатӗрленнӗ самолётра пӑтӑрмах сиксе тухнӑ. Бортпроводниксем ӑна кӗтмен ҫӗтен тӗрӗслеме йышӑннӑ. Ҫапла тума вӗсене пассажирсенчен пӗри хӑйӗн рюкзакӗнче бомба тесе калани хистенӗ.
Хӗрарӑма часах самолётран илсе тухнӑ. Ҫула кайма пуҫтарӑннӑ ҫав этем: «Шӳтлерӗм», — тесе тӳрре тухма хӑтланнӑ.
«Смартавиа» авиакомпанин Мурманскран Мускава килме тухнӑ рейсӗнче те ун пек «шӳтлекен тупӑннӑ». Вӑл ҫын Чӑваш Ен арҫынни пунӑ. 34 ҫулти пассажир тӗлӗшпе пуҫиле ӗҫ пуҫарнӑ.
Чӑваш Енре «Чӑваш ахах-мерченӗ» регионсем хушшинчи фольклор фестиваль-конкурсне пӗтӗмлетнӗ. Конкурса «Трктор тӑвакансен культура керменӗ» республикӑри халӑх пултарулӑхӗн центрӗ ирттернӗ.
Конкурса Чӑваш Енри 16 муниципаллӑ округран тата ҫӗршывӑн тӗрлӗ кӗтесӗнчи 12 коллективран заявкӑсем килнӗ. Хутшӑнакансен шучӗ ҫапла майпа 750 ҫынна ҫитнӗ. Иккӗмӗш тура Чӑваш Енри Элӗк, Йӗпреҫ, Куславкка, Красноармейски, Сӗнтӗрвӑрри, Муркаш, Ҫӗмӗрле муниципаллӑ округӗсенчи тата Мускаври, Пушкӑртсанри, Тутарстанри, Пензӑпа Самара облаҫӗсенчи 6 коллектива суйласа илнӗ.
Пӗрремӗш степеньлӗ дипломсене виҫӗ коллектив тивӗҫнӗ. Вӗсем — Красноармейски тӑрахӗнчи «Трак ен» фольклор ансамблӗ (ертӳҫи — Антонина Никонорова), Мускаври «Ентеш» фольклор ансамбьлӗ (ертӳҫи — Алевтина Тельцова), Пушкӑртстанри «Мерчен» фолькор ансамблӗ (ертӳҫи — Людмила Романова).
Пуш уйӑхӗн 28-мӗшӗнче Чӑваш тӗррин музейӗнче Василий Димитриев историк ҫуралнӑранпа 100 ҫул ҫитнине халалласа «В поисках кладов истории» (чӑв. Истори пуянлӑхне шыраса) курав уҫӑлӗ. Вӑл Василий Димитриевич ӗҫӗсемпе тата унӑн япалисемпе паллаштарӗ, чӑваш халӑх истоорине учёнӑй епле курнине уҫӑмлатса парӗ.
Василий Димитриев пирки ӗҫтешӗсем чӑваш медиевистикин патриархӗ тенӗ, мӗншӗн тесен вӑл чӑваш тӗнчин вӑтам ӗмӗрне тӗпченӗ. Архивсемпе вулавӑшсенче нумай ларса вӑл ҫӗнӗ фактсене, документсене асӑрханӑ. Сӑмахран, феодализм тапхӑрӗнчи чӑвашсен историйӗпе паллаштаракан документсене Мускаври, Питӗрти архивсенче тупнӑ. Ҫавсене тӗпе хурса Шупашкар пирки пуҫласа хӑҫан асӑннине пӗлме пултарнӑ.
+26.3 °C