Саватăп эпĕ август уйăхне...
Ç.Элкере
Саватăп эпĕ август уйăхне, —
Ун капăр илемне,
Ун тулăхне.
Саватăп сарăхма тытăнайман
Вăй-хал тапса тăран йывăçсене;
Сад пахчисен кĕрен сăнне саватăп!
Вĕсен сĕткенлĕхне юрра хыватăп.
Саватăп эпĕ август уйăхне, —
Ун капăр илемне,
Ун тулăхне.
Саватăп сарлака улăхсенче
Ыйха кайса ларан капансене,
Сенкер тӳпен чаршавĕ айĕнче
Хирсем хуллен сар хум кустарнине.
Комбайнсен кĕрне-шавне саватăп?
Вĕсен хастарлăхне юрра хыватăп.
Саватăп эпĕ август уйăхне, —
Ун капăр илемне,
Ун тулăхне.
Саватăп кун-каçах ян-янракан
Анкартисен хĕрӳ симфонине.
Вăл, шăплăха сирсе, таçтан-таçтан,
Ял çийĕн те уй çийĕн кумнине.
Янташăмсен вăр-варлăхне саватăп!
Çĕн тыррăн хăватне юрра хыватăп.
Саватăп элĕ август уйахне, —
Ун илемне!
Ун тулăхне!
Ун юррине!
1963-1965
Шухăшсем
Use AI to drive targeted traffic to your...
Hoping to revitalize your website...
Your website, chuvash...
Ready to energize your website vi...
Is your website chuvash...
Get more leads for your chuvash...
Struggling with a sluggish websit...
Замечательное поэтическое творение...
Аван çырнă вăл вăхăтра ...
Кам пĕлет И...