Романтикăллă тĕлĕрӳ

Андрей Петтоки | Поэма | 1933 | 8 146


(поэма сыпăкĕ)

Тра-тара-рам...

Трам-тарам...

Тарам...

Тарам...

Трам...

Кăвак тĕтрен

Явçать умра,

Сарлать тавра,

Ирлет шавра

— Ас илĕм,

Вилĕм...

Хĕм...

Ак — инçетрен

Сассем чĕрлеç,

Сăр-сăр сĕрлеç,

Тавра ирлеç,

Трам... тăр-тăр-тăр-р-р...

Трам-тăр-р-ррр...

Трам...

Там...

Трам-тар...

Трам-там...

— Параппан сасси...

Хăраман хăшши

— Хурашар хушши...

Утăм пар!

Çăвар

Кар!

Çĕр алă — пĕр тан

Çăран сулаç.

Çĕр ал хăлаç

Çĕр айĕ варлаç

Полкшерĕн.

...шерĕн,

...рĕн.

Утăм пар!

Çăвар

Кар!

Тăрам-тарарам-там!

Тăрам-тарарам-там!

Тăрам!

Тăрам!

Тăрам!

Кăвак тĕтрен,

Сĕмке мĕлкен

Ума тухать хальччен курман

Çĕтĕк çĕр çи, чăрлак çырма...

Тĕтĕм тĕтĕрет

Хура çилхен.

Çунат карать — куçа хуплать,

Ĕнĕк шăрши пыра каплать.

Тăрам-тарарам...

— Ыйхран вăратать

Тăрам-там!.. Там-там!..

Тухсам, утсам!

Вăран, чарарах

Тинкер куçăра!

Илт халь, пăх-ха,

— Шавлать поход.

Трум-тирарам!..

Труба йыхăрать,

Вăрçа! Вăрçа!..

Çĕклен, Хĕрлĕ Çар!

.................................

Ак эп каллех

Кăвак шинельлĕн

Тăрап — пăшал алра.

Чĕр çил çилхеллĕн

Хуплать хĕвеле.

Йăсăрланать тĕнче

Хăй тĕтĕмче...

Ытарăмсăр ударăн чĕрçийĕ —

Çĕр çи —

Хĕрет çĕр-каç,

Ялсем çунаç...

Сар туллăн çĕкленнĕ уй-хирĕн

Ытарăмсăр чĕр кăккăрсем

Таптанаç.

 

Çĕршыв,

Тăван çĕршыв,

Хамăра ӳстернĕ ыр çĕршыв —

Чĕнет,

Чунтан чĕнет

Пур арă-ывăлĕсене.

Чĕнет — хăйне вутран,

Вутран-шартан

Çăлма.

Ак эп курап,

Çĕршыв ытамĕ

Сывлать

Шыв хумĕн çĕкленен

Чĕр кăккăрпа.

Ак эп курап,

Çĕр ай хутламĕ

Сăрхать

Вĕри шывăн вĕрекен

Чĕп-чĕр юнпа.

 

Çĕр чăмăрĕн

Чĕр юнлă вăйĕ,

Çĕн ĕçĕн анлă вучаххи

Хуртла сĕрлет.

Хĕвел вăррин

Çурлаç çĕр çийĕн,

Çĕн савăт,

Тулă пучаххи,

Вĕсемпе пĕрлех

Çĕн çын.

 

Çунан хĕм çи,

Ăша çуран суран,

Вилĕм, хĕн-хур,

Асап, чир, мур,

— Çакăнайнă

Хура пĕлĕт сăнĕн

Унтан,

Кунтан,

Туран, —

Тирнесшĕн

Наркăмăшлă сăнăн

Çĕршывăмçăм çине.

 

Çĕршывăм чĕнет!

Манăн çĕршывăм!..

Пирĕн çĕршывăмăр...

Тĕнчен çĕршывĕ!..

— Вĕçсĕр Союзăм!

— Трум-тирарам!..

Труба йыхăрать,

■ Страницăсем: 1 2 3

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: