m.lovikino.ru сӑнӳкерчӗкӗ

Шупашкарта пӗр арҫын 9 ҫулти хӗрача ҫумне ҫулӑхнӑ. Пӑтӑрмах юпа уйӑхӗн 2-мӗшӗнче пулса иртнӗ.

Палламан этем 9-мӗш пилӗк ҫуллӑх урамӗнчи ҫуртри лифтра хӗрача ҫумне арҫын шухӑшӗпе ҫулӑхнӑ.

Видеокамерӑсем пулӑшнипе арҫын ӑҫталла кайнине палӑртма май килнӗ. Йӗрке хуралҫисем микрорайонта пурӑнакансемпе те калаҫнӑ. Арҫын ӑҫта пурӑннине пӗлме пултарнӑ. Пӑтӑрмах хыҫҫӑн 12 сехетрен арҫынна хӑйӗн килӗ умӗнче тытса чарнӑ. Вӑл 46 ҫулта. Судпа унччен темиҫе хут та айӑпланнӑ.

Чӑваш Ен Шалти ӗҫсен министерствин пресс-службинче пӗлтернӗ тӑрӑх, ача ҫумне ҫулӑхнӑ этем тӗлӗшпе пуҫиле ӗҫ пуҫарнӑ. Тӗпчев малалла пырать.

#пӑтӑрмахсем, #ШӖМ, #Шупашкар, #ачасем, #пуҫиле ӗҫсем