Чӑваш чӗлхи кунӗ тӗлне эпир пуҫарнӑ «Чӑваш ачи, сассуна пар!» конкурса майӗпен ӗҫсем килсе тӑра пуҫларӗҫ-ха. Паянхи кун тӗлне вӗсен йышӗ 20 ҫитрӗ.

Ӗҫсем Муркаш, Куславкка, Елчӗк, Шупашкар районӗсенчен, Шупашкарпа Ҫӗрпӳ хулисенчен ҫитрӗҫ. Республика тулашӗнчисем те айккинче тӑрас темен — Тутарстанри Пӑва районӗнчи Тутиел шкулӗнчен 5 видеосӑвӑ ҫитрӗ. Тӑрӑшса тунӑ ӗҫсем те пур, ахаль ҫырнисем те. Пурне те малти вырӑна тухма ӑнӑҫу сунатпӑр! Кашни 20 видеосӑвӑпа «Шкул ТВ» каналӗнче паллашма пулать: www.youtube.com/playlist?list=PLhm2wH_6q1BLcLWij46nFSfNk58vw2kE_. Хутшӑнакансен йышӗпе паллашас тесен ҫак документа (Google Docs-ра хатӗрленӗ, пурте курма пултараҫҫӗ) уҫма пултаратӑр.

Асаилтеретпӗр, «Чӑваш ачи, сассуна пар!» видеосӑвӑсен ӑмӑртӑвне Чӑваш халӑх сайчӗ, Тӗнче тетелӗнчи «Сӑвар ТВ» каналпа «Шкул ТВ» канал, Чӑваш чӗлхин инҫет вӗренӳ центрӗ пӗрле пуҫартӑмӑр. Ӗҫсене ака уйӑхӗн 15-мӗшччен (ҫитес тунтикун ӗҫсене йышӑнассине вӗҫлетпӗр) ярса памалла. Ака уйӑхӗн 24-мӗшӗнче эпир вара ҫӗнтерӳҫӗсене палӑртӑпӑр. Чи нумай пӑхнӑ видеосӑвӑ вулакана «Куракансен кӑмӑлне кайнӑ видеосӑвӑ» номинаци лекӗ — маларах ярса парсан унта ҫӗнтерме, паллах, ҫӑмӑлрах пулӗ.

#Елчӗк районӗ, #Ҫӗрпӳ, #Ҫатракасси, #Муркаш районӗ, #чӑваш чӗлхи, #конкурссем, #Чӑваш чӗлхи кунӗ, #видеосем, #Шкул ТВ, #Сӑвар ТВ, #ӑмӑртусем, #Шупашкар районӗ, #Тутарстан, #Пӑва районӗ, #Тутиел