Президент амӑшлӑх центрӗн тӗп тухтӑрӗ Ольга Рябухина Хулари ача-пӑча клиника пульницине ертсе пырӗ. Пульница коллективне ЧР сывлӑх сыхлавӗн министрӗ Владимир Степанов унпа паллаштарнӑ.
Ольга Рябухина 2012-2017 ҫулсенче Канашри территорисен хушшинчи медицина центрӗн тӗп тухтӑрӗ пулнӑ. 2017 ҫулта Ҫӗнӗ Шупашкарти амӑшлӑх центрне ертсе пырма пуҫланӑ. 2018 ҫулта ӑна Президент амӑшлӑх центрне куҫарнӑ, тӗп тухтӑр пулнӑ.
Ольга Рябухина ҫӗнӗ ӗҫе куҫнӑ мар Президент амӑшлӑх центрӗнче тӗп тухтӑр тивӗҫӗсене Евгений Дубнер пурнӑҫлӗ.
Канашри 34 ҫулти хӗрарӑм халӑх тетелӗнче чӑрӑш сутнине курнӑ та ӑна туянма шутланӑ. Вӑл хӑйне кирлӗ тавара суйласан укҫа – 11 пин тенкӗ ҫурӑ - куҫарса панӑ. Кун хыҫҫӑн сутуҫӑ телефона тытма пӑрахнӑ.
Халӗ йӗрке хуралҫисем ӗҫ-пуҫа уҫӑмлатаҫҫӗ, кун тӗлӗшпе пуҫиле ӗҫ пуҫарасси пирки шутлаҫҫӗ.
Чӳк уйӑхӗн 29-мӗшӗнче Шупашкарта пурӑнакан 3 хӗрарӑм ултавҫӑсен аллине лекнӗ. Вӗсем те тӗнче тетелӗнче тӗрлӗ тавар туянса укҫа куҫарнӑ та шӑнман пӑр ҫине ларса юлнӑ.
Чӳк уйӑхӗн 29-мӗшӗнче Канашра пурӑнакан Анна Сергеевна Александрова килтен тухса кайнӑ та таврӑнман. Ӑна «Лиза Алерт» шыравпа ҫӑлав отрячӗн хастарӗсем шыраҫҫӗ.
22 ҫулти хӗр 170 сантиметр ҫӳллӗш, имшеркке, куҫӗ сӑрӑ тӗслӗ, ҫӳҫӗ вӑрӑм. Килтен кайнӑ чухне вӑрӑм куртка, хура тӗттӗм джинс шӑлавар, хӑмӑр пушмак, кӗрен калпак тӑхӑннӑ пулнӑ, хура сумка йӑтнӑ.
Аннӑна куракансене ҫак номерсемпе шӑнкӑравлама ыйтаҫҫӗ: 8(800)700-54-52 е 112. «Лизы Алерт» хастарӗ Ольга Хельга, 89196699991.
Чӑваш Енӗн мӗнпур муниципалитетӗнчи, Тутарстанри тата Ӗрӗнпур облаҫӗнчи 4 ҫултан пуҫласа 10 ҫула ҫитичченхи 320 ача чӑваш тӗррин илемӗпе паллаштаракан «Азбука чувашского костюма» (чӑв. Чӑваш тумӗн азбуки) пӗтӗм Раҫҫейри конкурса хутшӑннӑ. Ӑна «Радуга» (чӑв. Асамат кӗперӗ) культурӑпа курав центрӗ ирттернӗ.
Ҫӗнтерӳҫӗсен йышне Шупашкарти, Ҫӗнӗ Шупашкарти, Канашри, Сӗнтӗрвӑрринчи, Вӑрнар, Йӗпреҫ, Канаш, Куславкка, Комсомольски, Красноармейски, Ҫӗрпӳ, Шупашкар, Елчӗк районӗсенчи, Тутарстанри Апастово тата Ҫӗпрел районӗсенчи ачасем лекнӗ.
Чӑваш Енӗн мӗнпур муниципалитетӗнчи, Тутарстанри тата Ӗрӗнпур облаҫӗнчи 4 ҫултан пуҫласа 10 ҫула ҫитичченхи 320 ача чӑваш тӗррин илемӗпе паллаштаракан «Азбука чувашского костюма» (чӑв. Чӑваш тумӗн азбуки) пӗтӗм Раҫҫейри конкурса хутшӑннӑ. Ӑна «Радуга» (чӑв. Асамат кӗперӗ) культурӑпа курав центрӗ ирттернӗ.
Ҫӗнтерӳҫӗсен йышне Шупашкарти, Ҫӗнӗ Шупашкарти, Канашри, Сӗнтӗрвӑрринчи, Вӑрнар, Йӗпреҫ, Канаш, Куславкка, Комсомольски, Красноармейски, Ҫӗрпӳ, Шупашкар, Елчӗк районӗсенчи, Тутарстанри Апастово тата Ҫӗпрел районӗсенчи ачасем лекнӗ.
Канашра урнӑ тилӗ ҫынсене ҫыртнӑ. Ҫавна май унта чӳк уйӑхӗн 19-мӗшӗнчен карантин пулнине палӑртнӑ. Хушӑва ЧР Элтеперӗ Олег Николаев алӑ пуснӑ.
Чӳк уйӑхӗн 17-мӗшӗнче Канаш урамӗнчи 4-мӗш ҫурт путвалӗнче тилӗ тупнӑ. Унта пытаниччен вӑл тӑватӑ ҫынна тапӑнса ҫыртма ӗлкӗрнӗ. Вӗсене Канашри пульницӑн травматологи уйрӑмне янӑ. Вӗсене тата ҫак ҫынсемпе хутшӑнннӑ ЖКХн 2 ӗҫченне сиплеҫҫӗ.
Путвалти тилле чӗрчунсен чирӗсемпе кӗрешекен станци ӗҫченӗсем тата сунарҫӑсем тытнӑ. Биометариала республикӑри лабораторие илсе кайнӑ.Тилӗ урнӑ чирпе аптӑрани палӑрнӑ.
Канашра карантин пулнӑ май эпидемие хирӗҫ мероприятисене туса ирттернӗ. Тилле тупнӑ путвалта икӗ хутчен дезинфекци тунӑ.
Яшсемпе хӗрсенчен хӑшӗсем ҫемье ҫавӑриччен ура ҫине ҫирӗп тӑма ӗмӗтленеҫҫӗ. Малтан вӗренсе пӗтермелле, ӗҫе вырнаҫмалла, хваттерлӗ-ҫуртлӑ пулмалла, кайран ҫеҫ ҫӗрӗ тӑхӑнма юрать тесе шухӑшлакансемпе пӗрлех ҫамрӑклах мӑшӑрланакансем те пур.
Чӑваш Енре кӑҫалхи кӑлач уйӑхнчен пуҫласа юпа уйӑхӗн вӗҫӗччен 4 976 мӑшӑр ҫемье ҫавӑрнӑ. Пӗлтӗрхи асӑннӑ тапхӑртинчен ку цифра 24 процент пысӑкрах.
Пӗрлешекенсен вӑтам ҫулне илсен, арҫынсем — 24-30 ҫулта, хӗрарӑмсем — 25-30 ҫулта.
Мӑшӑрланакансем Шупашкар, Ҫӗнӗ Шупашкар тата Канаш хулинсенче йышлӑрах пулнӑ. Яллӑ районсенчен малтисен шутӗнче Шупашкар, Ҫӗрпӳ, Патӑрьел тата Сӗнтӗрвӑрри районӗсем.
Регион управленийӗн центрӗ тӗнче тетелӗнчи халӑх ушкӑнӗсенче ҫынсем ҫырнине тишкерсе пырать, унта халӑх мӗншӗн пӑшӑрханнине яваплисем патне ҫитерет. Юпа уйӑхӗ пирки каласан, Чӑваш Енри халӑха вакцинаци тата ҫул-йӗр ыйтӑвӗ пуринчен ытла пӑшӑрхантарнӑ.
Асӑннӑ центр пӗлтернӗ тӑрӑх, ыйтусене пӑхса тухассин вӑтам вӑхӑчӗ — 4 сехет те 12 минут.
Уйрӑмах хастар муниципалитетсен йышӗнче — Шупашкар, Канаш, Ҫӗнӗ Шупашкар, Улатӑр тата Ҫӗмӗрле. Тӑвай районӗнчен пӗр ҫыру та пулман-мӗн.
Чӑваш Енре пурӑнакансем ытларах чухне «Контактра» халӑх ушкӑнӗнче (1 104 ҫыру) тата Инстаграмра (562 ҫыру) шӑрҫаланӑ.
Юпа уйӑхӗнче вӗсем кӑшӑлвирус, вакцинаци, сывлӑх сыхлавӗн тата ҫул-йӗр юсавӗн ыйтӑвӗсене хускатнӑ.
Канаш районӗн сучӗ 25 ҫулти арҫынна айӑплӑ тесе йышӑннӑ. Вӑл ӗҫ вырӑнӗпе усӑ курнӑ тесе палӑртнӑ.
Хайхискер Канашра пурӑнакан хӗрарӑма унӑн хӑрушсӑрлӑх органӗсенче ҫыхӑну пуррине ӗнентернӗ. Вӑл ҫак хӗрарӑмӑн тата унӑн пӗлӗшӗн 8,8 миллион тенкине вӑрланӑ ҫынсене явап тыттарссине каланӑ. Анчах куншӑн ӑна 1,5 миллион тенкӗ памалла-мӗн. Ку укҫа ФСБ ӗҫченӗсем валли имӗш. Арҫынна кӑҫал ҫу уйӑхӗнче тытса чарнӑ. Ун чухне ӑна хӗрарӑмсем 400 пин тенкӗ пама ӗлкӗрнӗ ӗнтӗ.
Суд ӑна тӗрмене хупмасӑр 1,5 ҫуллӑха айӑпланӑ. Тӗрӗслев срокӗ – 2 ҫул.
Канашра чӳк уйӑхӗн 6-мӗшӗнче ирхи 9 сехетре Ҫӗнтерӳ пулнӑранпа 30 ҫул ҫитнине халалланӑ урамри 85-мӗш ҫуртра пушар пулнӑ. Унта икӗ пӳлӗмлӗ хваттер ҫуннӑ. Кун пирки Инкеклӗ лару-тӑру министерствин пресс-служби пӗлтерет.
Пушарнӑйсем ҫунакан хваттертен 8 ҫынна илсе тухнӑ. 58 ҫулти кил хуҫи сӗрӗмпе наркӑмӑшланнӑ, ӑна медпулӑшу кирлӗ пулнӑ. Ҫак ҫуртра пурӑнакан ҫынсем ыттисем чиперех. Пушарнӑ йсем урама илсе тухнӑ ҫынсен йышӗнче 2 ача пулнӑ.
+18.3 °C