Шупашкарӑн ҫуралнӑ кунӗ умӗн хулан хисеплӗ ҫыннине палӑртасси йӑлара. Кӑҫал та сасӑлав пулнӑ. Унта 7 ҫын хутшӑнни пирки пӗлтернӗччӗ.
Кӑҫал ҫак хисеплӗ ята кам тивӗҫӗ-ха? 2002-2010 ҫулсенче Шупашкар мэрӗ пулнӑ Николай Емельяновшӑн чи нумай ҫын сасӑланӑ. Вӑл 2066 сасӑ пухнӑ. Пӗтӗмпе сасӑлава 4420 ҫын хутшӑннӑ. Николай Емельянов хальхи вӑхӑтра Шупашкарти «Водоканалта» директорӑн пӗтӗмӗшле ыйтусемпе ӗҫлекен ҫумӗнче ӗҫлет.
Сасӑлав пӗтӗмлетӗвне Шупашкар хулин депутатсен пухӑвӗн депутачӗсем пӑхса тухса йышӑну тӑвӗҫ.
Чӑваш агромаркечӗ валли ят суйлаҫҫӗ. «Агро и точка», «Натур-маттур», «Пехет», «Все свое», «Наше» - ҫак ятсенчен хӑшӗ пуласси сасӑлав пӗтӗмлетӗвӗнчен килӗ. Вӑл вара «Халӑх тӗрӗслевӗ» порталта тата ЧР Ял хуҫалӑх министерствин халӑх тетелӗсенче утӑ уйӑхӗн 10-мӗшӗччен 9 сехетчен пырӗ.
Палӑртмалла: агромаркетра хамӑр патри ял хуҫалӑх продукцине сутӗҫ. Вӑл ҫулталӑк вӗҫлениччен уҫӑлмалла. Ҫак проекта пурнӑҫлама 41 миллион тенкӗ уйӑрӗҫ.
Ҫынсем агромаркет валли пӗтӗмпе 70 ят сӗннӗ. Комисси вӗсенчен 5-шне суйласа сасӑлава тӑратнӑ.
Муркаш районӗнчи Ильинкӑри юманшӑн сасӑлама ӗлкӗрӗр. Вӑл ҫурла уйӑхӗн 1-мӗшӗччен пырать.
Чӑваш Енри юман, 372 ҫул тултарнӑскер, «Раҫҫейри ҫулталӑк йывӑҫҫи» конкурса хутшӑнать. 2020 ҫулта вӑл иккӗмӗш вырӑн йышӑннӑ.
Кӑҫал пирӗн юман сасӑлавра хальлӗхе 3-мӗш вырӑнта пырать. Уншӑн 6 пин ытла ҫын сасӑланӑ. Пӗрремӗш вырӑнта – Белгород облаҫӗнчи юман, иккӗмӗш вырӑнта – Питӗрти йывӑҫ.
Ильинкӑри юманшӑн ҫак каҫӑпа сасӑлама пулать: https://rosdrevo.ru/.
Улатӑрта Хаяр Иван патшан палӑкне лартаҫҫӗ. Ҫакна тума халӑх ыйтнӑ-мӗн. Ҫапла пӗлтерет ЧР Строительство министерстви.
Тӳре-шара 2019 ҫултах ҫак патшана халалласа палӑк лартма сӗннӗ. Ун чухне хула администрацийӗн сайтӗнче сасӑлав та ирттернӗ. Анчах унта хутшӑннӑ ҫынсенчен 2376 ҫынран 1274-шӗ палӑка лартма хирӗҫ пулнӑ.
Нумаях пулмасть Улатӑр Пӗтӗм Раҫҫейри конкурсра ҫӗнтерсе 80,8 миллион тенкӗ грант ҫӗнсе илнине пӗлтернӗччӗ. Строительство министерстви ку укҫапа мӗн тӑвассине ӑнлантарнӑ. Хулари Революци лапамне хӑтлӑх кӗртнӗ чухне Хаяр Иван патшана халалланӑ палӑка та лартӗҫ.
Шупашкарта пурӑнакансем «Ҫӗнӗ хула» микрорайонти тӑватӑ чарӑну валли ятсем тупнӑ. Район пысӑкланса пынӑран ҫула тӑснӑ. Унта вара общество транспорчӗ чарӑнмалли 3 чарӑну тунӑ.
Сасӑлав «Уҫӑ хула» микрорайонта иртӗ. Ҫынсем чарӑнусене ҫапла ят пама сӗннӗ: «4-мӗш микрорайон», «Ялав» микрорайон», «Шупашкар проспекчӗ».
Хальлӗхе ку татӑклӑ йышӑну мар. Сасӑлав ку ыйтӑва татса парӗ.
Ҫитес ҫул Телейлӗ ачалӑх ҫулталӑкӗ иртмелле. Ҫавна май логотип суйлаҫҫӗ. Вӗренӳ министерстви сасӑлав йӗркеленӗ. Шел те, сасӑлава тӑратнӑ пур логотип та тенӗ пекех вырӑсла кӑна. Ҫакӑн пек ҫитменлӗх ҫине кӑтартнӑ хыҫҫӑн сасӑлавра хӗрӳ тавлашусем пуҫланнӑ.
Хӗрӳ тавлашусенче кӳрентерӳ ытлашши ан вӑйланса кайтӑр тесех пуль ӗнтӗ Вӗренӳ министерстви комментарисене хупланӑ (редакци шухӑшӗпе ку ӗҫе чӑвашлисене ыйтасран туман пуль). Шел те, чӑваш чӗлхи кирлӗ мар текен шовинистла шухӑшсене хуратман, хӑварнӑ.
Чӑваш Енре ҫитес ҫул Телейлӗ ачалӑх ҫулталӑкӗ пулӗ. Ҫавна май ун валли логотип суйлаҫҫӗ.
ЧР Вӗренӳ министерстви республикӑри ҫынсене 9 ӳкерчӗкрен пӗрне суйлама сӗнет. Вӗсене ачасем хӑйсем ӳкернӗ. Сасӑлав ҫак сайтра пырать: https://vk.com/wall-142706289_9398.
Сӑмах май, проекта 650 ытла автор хутшӑннӑ. Халӗ тӑххӑрӑшӗнчен пӗрне суйлаҫҫӗ.
Хальхи вӑхӑтра ЧР Министрсен Кабинечӗ мероприятисен планне хатӗрлет.
Шупашкар хулин ҫуралнӑ кунӗ умӗн хулан хисеплӗ ҫыннине палӑртасси йӑлана кӗнине Чӑваш халӑх сайчӗ пӗлтернӗччӗ. Аса илтерер: кӑҫал ку ята тивӗҫессишӗн 3 ҫын: Шупашкарти 1-мӗш ҫӑкӑр завочӗн тӗп директорӗ Елена Бадаева, Чӑваш халӑх писателӗ Анатолий Кипеч, «Отделфинстрой» строительство организацийӗн тӗп директорӗ Александр Черкунов — кӗрешнӗ. Сасӑлава «Уҫӑ хула» порталта йӗркеленӗ.
Сасӑлава 7 594 ҫын хутшӑннӑ, вӗсенчен 5 297-шӗ Елена Бадаевашан. Анатолий Кипеч иккӗмӗш вырӑн йышӑннӑ, Александр Черкунов — виҫҫӗмӗш.
Ҫулсерен Шупашкар хулин ҫуралнӑ кунӗ умӗн хулан хисеплӗ ҫыннине палӑртасси йӑлана кӗнӗ. Кӑҫал ку ята тивӗҫессишӗн 3 ҫын кӗрешӗ. Сасӑлава утӑ уйӑхӗн 31-мӗшӗччен "Уҫӑ хула" порталта хутшӑнма пулать.
Пӗрремӗш кандидат - Шупашкарти 1-мӗш ҫӑкӑр савучӗн тӗп директорӗ Елена Бадаева. Иккӗмӗш ҫын - Чӑваш халӑх писателӗ Анатолий Кипеч. Вӑл ЧАССР культурӑн тава тивӗҫлӗ ӗҫченӗ, Канаш районӗн хисеплӗ ҫынни. Виҫсӗмӗш кандидат - "Отделфинстрой" строительство организацийӗн тӗп директорӗ Александр Черкунов.
Шупашкар хулинче пурӑнакансем вырӑссен паллӑ ҫыравҫипе Александр Пушкинпа Иакинф Бичурин ӑсчах туслӑхне халалласа палӑкуҫасшӑн.
Сасӑлава «Открытый город» (чӑв. Уҫӑ хула) порталта йӗркеленӗ. Унта 1,6 пин ытла ҫын хутшӑннӑ.
Сасӑлава хутшӑннисенчен 53,4 проценчӗ, е 860 ҫын, палӑк кирлӗ тесе палӑртнӑ; 27,6 проценчӗ (448 ҫын) – хирӗҫ; 18,8 проценчӗ (303 ҫын) ку ыйтӑва специалиссен татса памалла тесе йышӑннӑ.
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Вдовина Ираида Григорьевна, паллӑ чӑваш юрӑҫи ҫуралнӑ. | ||
| Пушкай Леонид Иванович, чӑваш сӑвӑҫи, драматургӗ ҫуралнӑ. | ||
| Афанасьев Алексей Андриянович, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Виталий Енӗш, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Исаева Людмила Сергеевна, сӑвӑҫ, тӑлмач ҫуралнӑ. | ||
| Краснов-Асли Василий Иванович, чӑваш ҫыравҫи ҫут тӗнчерен уйрӑлса кайнӑ. | ||
| Василий Краснов-Асли, чӑваш ҫыравҫи ҫут тӗнчерен уйрӑлса кайнӑ. | ||
| Романов Борис Александрович, чӑваш сӑвӑҫи вилнӗ. | ||
| Чӑваш АССРӗ вырӑнне Чӑваш Совет Социаллӑ Республики пулса тӑнӑ. | ||
Пулӑм хуш... |