Каҫал тӑрӑхӗнче пурӑнакансем вырӑнтисем канма пыма юратакан «Тимоша» ҫӑл патӗнчи территори ҫӳп-ҫап айне пулни пирки халӑх тетелӗнче пӗлтернӗ.
«Канма килекенсен культура ҫук, ҫӑлкуҫ территорийӗнче йӑлари каяш йӑваланса выртать», — кӑмӑлсӑрланса пӗлтернӗ илемсӗр сӑнӳкерчӗке асӑрханисем. «Ун пирки калама та аван мар та», — хушса хунӑ вӗсем.
Чӑваш Енӗн регион управленийӗн центрӗ ҫавӑн пирки вырӑнти тӳре-шарана пӗлтернӗ. Унтисем экологи шӑматкунлӑхне йӗркелесе «Тимошӑна» тасатнӑ.
Урамра ҫанталӑк ӑшӑ пулсан та синоптиксем ӑшӑ япаласене хальлӗхе пуҫтарса хума сӗнмеҫҫӗ. Кӗҫех республикӑна ҫумӑрлӑ, сивӗ ҫанталӑк килӗ.
Паян шӑрӑх, 20 градус ытла ӑшӑ. Ҫӗрле сивӗрех пулӗ, аслатиллӗ ҫумӑр ҫума пултарӗ. Ыран уҫӑрах, анчах уяр ҫанталӑк тӑрӗ. Вырсарникун темиҫе градус ӑшӑрах пулӗ. Тунтикун каллех ҫуллахи пек 20-25 градус таран ӑшӑтӗ. Каҫ енне вара пӗлӗтсем капланӗҫ, аслати авӑтма пултарӗ.
Ҫитес эрне варринче Арктика сывлӑшӗ килӗ, 10-12 градус кӑна ӑшӑ пулӗ. Ҫӗрлесерен вара кӑштах шӑнтма пултарать. Юнкун ҫумӑр ҫӑвӗ. Унтан пӗлӗтсем сирӗлӗҫ, анчах ҫил вӑйланӗ.
Малтанлӑха пӗлтернӗ тӑрӑх, ҫу уйӑхӗн пуҫламӑшӗнчи канмалли кунсенче сивӗ ҫанталӑк пулӗ.
Синоптиксем пӗлтернӗ тӑрӑх, кӗҫнерникунчченех ҫумӑр ҫукалӗ. Ыран ҫумӑрпа пӗрле юр пӗрчисем те ӳккелӗҫ. Ҫӗрле каллех ҫумӑр ҫӑвӗ.
Унччен палӑртнӑ тӑрӑх, пирӗн пата эрнекун юр килмеллеччӗ. Анчах ку фронт Раҫҫейри ҫурҫӗр-хӗвелтухӑҫ регионӗсене кайӗ. Пирӗн пата вара ӑшӑ килӗ.
Кӗҫнерникун ҫулла пекех пулӗ: 21-26 градус таран ӑшӑтӗ. Анчах ҫиллӗрех пулӗ.
Канмалли кунсенче сивӗрех, анчах уяр ҫанталӑк пулӗ. Шӑматкун ҫил лӑпланмӗ-ха, 16 градус ӑшӑ тӑрӗ. Вырсарникун темиҫе градус ӑшӑрах пулӗ.
Муркаш муниципаллӑ округӗнчи Юнкӑ тата Ильинка шкулӗсенче ӑс пухакансем «Вӑрмана сыхласа хӑварар» акцие хутшӑнса 7 пине яхӑн йывӑҫ лартнӑ.
«Куҫ хӑрать те, алӑ тӑвать», – теҫҫӗ халӑхра. Ҫут ҫанталӑк тусӗсем пӗр гектар ҫинче вӑй хунӑ.
Ырӑ ӗҫпе хавхаланнӑ ушкӑн тӑрӑшнипе часах пысӑк лаптӑка ҫамрӑк хунавсем йышӑннӑ. Шкул ачисем, вӗрентекенсем, вӑрман хуҫалӑхӗн ӗҫченӗсем мӑшӑрӑн-мӑшӑрӑн ӗҫлесе пин-пин ҫӗпӗр лиственници лартнӑ», – хыпарланӑ Телеграмри «Чӑваш Ен калаҫать» каналта.
Ӗнер республикӑра ҫурҫӗр округсенче пӗрремӗш аслати авӑтнӑ. Синоптиксем пӗлтернӗ тӑрӑх, унпа пӗрле ӑшӑ ҫанталӑк хальлӗхе вӗҫленет.
Ыран ҫӗрле шӑнтӗ. Вырсарникун кӑртӑрла уяртӗ, 8-13 градус ӑшӑ пулӗ. Тунтикун вара каллех ҫумӑр ҫӑвӗ - кунӗпех. Ҫил каллех вӑйланӗ.
Эрне варринче ҫил вӑйлӑ пулӗ. Вырӑнӑн-вырӑнӑн ҫумӑр ҫӑвӗ. Кӑнтӑрла - 10-15 градус ӑшӑ, ҫӗрле 4-6 градус ӑшӑ пулӗ.
Эрнекун йӗпе юр е пӑрлӑ ҫумӑр ҫума пултарать, сывлӑш температури 0 градус пулӗ. Хальлӗхе ку - малтанлӑха палӑртнӑ прогноз кӑна.
Паянтан республикӑна ӑшӑ фрончӗ килет. Ҫавна пулах ҫумӑр ҫукалать. Каҫ енне термометр 10 градус ӑшӑ кӑтартӗ.
Ырантан ҫанталӑк тата лайӑхланӗ, сывлӑш 13-18 градус таран ӑшӑнӗ. Ҫӗрле ҫумӑр ҫӑвӗ.
Кӗҫнерникун 20 градус таранах ӑшӑтӗ. Каҫ енне вара сивӗ фрончӗ ҫывхарӗ, аслати те авӑтма пултарӗ. Сивӗтнисӗр пуҫне ҫил вӑйланӗ.
Эрне вӗҫне самаях уҫӑлтарӗ, кӑнтӑрла 9-14 градус ӑшӑ пулӗ, ҫӗрле – 2 градус ӑшӑ. Хушӑран ҫумӑр ҫукалӗ.
Вырсарникун шӑнтма пултарӗ, юр ҫумӗ. Малтанлӑха пӗлтернӗ тӑрӑх, уйӑхӑн иккӗмӗш ҫурринче хӗвеллӗ типӗ ҫанталӑк тӑрӗ.
Кӑҫал та, пӗлтӗрхи пекех, метеоҫуркунне 10 кун маларах пуҫланнӑ. Пуш пуҫламӑшӗнче юр 70 сантиметр хулӑнӑш пулнӑ, халӗ – 24 сантиметр кӑна. Ҫак кунсенче юр ирӗлсе пӗтмелле.
Хальлӗхе пӗлтернӗ тӑрӑх, уйӑх вариччен сывлӑш температури улшӑнса тӑрӗ. Акан 17-18-мӗшӗсенче сивӗтме, юр ҫума пултарать. Кайран вара типӗ те ӑшӑ ҫанталӑк, ҫуллахи пекех, тӑрӗ. Кӑнтӑрла 22-27 градус ӑшӑ пулмалла.
Пӗтӗмӗшле илсен ака уйӑхӗн нормӑран 2-3 градус ӑшӑрах пулмалла. Нӳрӗк те сахалрах пулмалла.
Пуш уйӑхӗн юлашки декади нормӑран 4 градус ӑшӑрах пулнӑ. Синоптиксем ку эрнере те ӑшӑ пулассине пӗлтереҫҫӗ.
Эрне варринче 15-20 градус таран ӑшӑ пулӗ, ҫӗрлесрен – 7-12 градус. Ҫак кунсенче юр кайса пӗтӗ. Тӑрук ирӗлнӗрен ейӳ сарӑлма пултарӗ. Сӑрта тата Ҫавалта шыв 3 метр ытла хӑпарнӑ.
Чи ӑшӑ кун акан 3-мӗшӗнче пулӗ. Ҫапах кӑштах ҫил вӗрӗ. Кӗҫнерникун ӑмӑртарах пулӗ, ҫумӑр ҫӑвӗ, термометр 12 градус ӑшӑран ытларах кӑтартмӗ. Эрнекун та ҫумӑр чарӑнмӗ, ҫил ҫурҫӗр енчен вӗрӗ
Канмалли кунсенче кӑнтӑрла 5-10 градус пулӗ, ҫӗрлесерен – «минус». Ҫил лӑпланӗ.
Малтанлӑха пӗлтернӗ тӑрӑх, ҫитес эрнере ӑшӑ таврӑнӗ. Иккӗмӗш декада пуҫламӑшӗнче 20 градус таран та ӑшӑ пулмалла.
Синоптиксем пӗлтернӗ тӑрӑх, ҫитес эрнере ҫанталӑк савӑнтарӗ - ҫу уйӑхӗнчи пекех ӑшӑ пулӗ.
Ҫак канмалли кунсенче ҫӗрлесерен вырӑнӑн-вырӑнӑн ҫумӑр ҫӑвӗ. Каҫхине те термометр «плюс» кӑтартӗ. Шӑматкун кӑна кӑшах сивӗрех пулӗ. Вырсарникун 7-12 градус ӑшӑ тӑрӗ.
Малтанлӑха пӗлтернӗ тӑрӑх, ҫитес эрнере 14-19 градус ӑшӑ пулӗ. Пӗлтӗр, сӑмах май, акан 4-мӗшӗнче 17,6 градус ӑшӑ пулнӑ. Ку - рекорд.
Синоптиксем хальлӗхе пӗлтернӗ тӑрӑх, ҫитес вӑхӑтра сиветмӗ. Акан пӗрремӗш декади вӗҫӗнче 20 градус таранах ӑшӑ пулма пултарӗ.
Юлашки икӗ кунра республикӑра ҫӗрлесерен те шӑнтман. Ҫавна май юр самаях ирӗлнӗ: 45 сантиметр хулӑнӑш кӑна юлнӑ. Вӑл эрне вӗҫнелле кайса пӗтес шанчӑк та пур.
Кӗҫӗр ҫил лӑпланӗ, тӗтре карса илӗ. Ытларикун вара ҫил ҫурҫӗр-хӗвелтухӑҫ енчен вӗрӗ, вӑйланӗ. Юнкун кӑнтӑр-хӗвеланӑҫ районӗсенче юр ҫума, ҫил-тӑман вӗҫтерме пултарать. Ҫил ҫеккунтра 18 метр хӑвӑртлӑхпа вӗрӗ.
Ҫанталӑк пӗр кунлӑха кӑна пӑсӑлӗ. Кӗҫнерникун уяртӗ, ҫӗрлесерен термометр «минус» кӑтартӗ. Кӑнтӑрла вара – 7 градус ӑшӑ.
Эрнекун 10 градус таран ӑшӑтӗ. Пуш вӗҫӗнче-ака пуҫламӑшӗнче вӑйлах ӑшӑтса ярӗ: 13-18 градус таранах пулӗ. Ку – ака уйӑхӗ вӗҫӗнчи норма.
+3.3 °C