РФ Следстви комитечӗн Чӑваш Енри тӗпчевҫисем 58 ҫулти арҫын хыпарсӑр ҫухалнӑ хыҫҫӑн пуҫиле ӗҫ пуҫарнӑ. Вӑйпитти этем кӑҫалхи кӑрлач уйӑхӗнче йӗп пек ҫӗтнӗ. Ҫавӑн хыҫҫӑн РФ Пуҫиле кодексӗн 105-мӗш статйин 1-мӗш пайӗпе ӗҫ пуҫарнӑ, мӗншӗн тесен арҫынна вӗлернӗ тесе шухӑшланӑ.

Тӗпчевҫӗсем тӗшмӗртни сая кайман темелле. Арҫынпа пӗрле ӗҫленӗ 58 ҫулти хуралҫа кӗҫех тытса чарнӑ.

Кӑҫалхи кӑрлач уйӑхӗн 13-мӗш каҫхине вӗсем иккӗшӗ пӗрле каҫхи хуралта тӑнӑ. Арҫынсем тимӗр-тӑмӑр йышӑнакан коммерци фирминче тӑрӑшнӑ. Тӗпчевҫӗсем шухӑшланӑ тӑрӑх, икӗ хуралҫӑ хирӗҫсе кайнӑ та пӗри теприне тапса-ҫапса пӗтернӗ, вӗлермеллех хӗнесе тӑкнӑ.

Тӗпчев малалла пыать.

Шупашкар хулинче пӗр каччӑ тракторпа пилӗк машина ҫине пырса кӗнӗ. Пӑтӑрмах пуш уйӑхӗн 23-мӗшӗнче, ҫурҫӗр иртни 1 сехет те 10 минутра пулса иртнӗ.

Машинӑсем Гладков урамӗнчи 34 тата 36-мӗш ҫуртсен умӗнче ларнӑ. Вӗсем ҫине пӗри тракторпа пырса кӗнӗ. Ҫавна чӳречерен асӑрхакан пулнӑ. Вӑлах йӗрке хуралҫисене пӗлтернӗ. Каччӑна тытса чарма ҫав ҫын пулӑшнӑ.

Трактор «Калина», «Шкода», «Mitsubishi», «Hyundai» тата «Веста» автомобильсем ҫине пырса кӗнӗ. Трактор рулӗ умӗнчи инкек вырӑнӗнчен такси ҫине ларса тарас тенӗ имӗш. 22 ҫулти каччӑ ӳсӗр пулни сисӗннӗ, анчах вӑл тӗрӗсленме килӗшмен. Трактор хуҫи каччӑ унччен ӗҫленӗ организаци пулнӑ. Ҫамрӑк унта ҫулталӑк каялла ӗҫлеме пӑрахнӑ.

Муркаш район администрацийӗнче ӗҫленӗ хӗрарӑм тӗлӗшпе пуҫарнӑ пуҫиле ӗҫе пӑхса тухнӑ. Тӳре-шарара ӗҫленӗскер тӳлевсӗр ҫӗре укҫалла панӑ.

Хӗрарӑм нумай ачаллӑ ҫемьесене ҫӗр валеҫнӗ чух пӑтӑрмаха ҫакланнӑ. Муркаш районӗнчи Ильинка ҫывӑхӗнче ҫӗр уйӑрнӑ чухне вӑл ҫемьесенчен 10-шар пин тенкӗ илнӗ. Тӗпчевҫӗсем ҫавӑн пек ултӑ тӗслӗхе тупса палӑртнӑ.

Хӗрарӑм район администрацийӗн пурлӑх тата ҫӗр хутшӑнӑвӗсен пайӗнче ертсе пыракан специалист-экспертра ӗҫленӗ. 2019 ҫулхи авӑн уйӑхӗнчен тытӑнса 2020 ҫулхи пуш уйӑхӗччен вӑл 6 хутчен сӗтев илнӗ.

Суд хӗрарӑма 5 уйӑх ӗҫлесе юсанмалла, ҫав вӑхӑтра ӗҫ укҫин 10 процентне тытса юлмалла йышӑну кӑларнӑ. Суд приговорӗ вӑя кӗреймен-ха.

Элӗк районӗнче тырӑ склачӗ пулнӑ ҫурт ҫуннӑ. Кун пирки Инкеклӗ лару-тӑру министерстви пӗлтерет.

Пуш уйӑхӗн 18-мӗшӗнче «01» пульт ҫине Кӗҫӗн Тӑван ялӗнче пушар тухни пирки хыпар ҫитнӗ. 8 сехет те 30 минутра унта склад ҫунма пуҫланӑ. Унта ял хуҫалӑх техникине лартнӑ, гараж пек усӑ курнӑ.

Пушар 400 тӑваткал метр ҫинче алхаснӑ. Тӑрри йӑлтах ҫунса кайнӑ. Ҫулӑм тырӑ вырмалли ДОН-1500 Б комбайна та сиенлетнӗ.

Ҫав кунах Канаш районӗнчи Шаккӑл ялӗнче мунча ҫуннӑ. Палӑртмалла: ҫулталӑк пуҫланнӑранпа 243 пушар тухнӑ, вӗсенче 28 ҫыннӑн пурнӑҫӗ татӑлнӑ, 11-шӗ суранланнӑ.

Пушар хуралӗнче ӗҫлекенсен ҫӳп-ҫап контейнерӗсене те сӳнтерме тивет. Пуш уйӑхӗн 17-18-мӗшӗсенче Шупашкарти Кадыков, Кривов тата Гузовский урамӗсенчи контейнерсем ҫунма тытӑннӑ. Унта пушар сӳнтерекенсем ҫитнӗ.

Пуш уйӑхӗн 18-мӗшӗнче Шупашкар районӗнчи Ырашпулӑхра йывӑҫ мунча хыпса илнӗ. 55 ҫулти кил хуҫин ытти хуралти те вутра кӗлленнӗ. Юрать, пӳртне ҫӑлса хӑварма май килнӗ. Пушар ҫурҫӗр тӗлӗнче тухнӑ.

Ҫав каҫах Шупашкарти уйрӑм ҫуртсенчен пӗринче мунча ҫуннӑ.

Ҫулталӑк пуҫланнӑранпа пирӗн республикӑра пушар 236 хут алхаснӑ. Вут-ҫулӑм 6 миллион тенкӗ ытла шар кӑтартнӑ. 27 ҫын вилнӗ, 10-ӑн пиҫсе кайнӑ.

Паян ирхине 8 сехет 44 минутра Ҫӗнӗ Шупашкарта 11 ҫулти арҫын ача нумай хваттерлӗ ҫуртӑн 25-мӗш хутӗнчен сикнӗ. Ача шкултан тарнӑ. Вӑл шӑпах картишре ларакан Газель тӑррине ӳкнӗ. Ҫакӑ унӑн пурнӑҫне ҫӑлнӑ та. Халӗ Республикӑри ача-пӑча клиника пульницинче выртать.

Йӗрке хуралҫисем 25-мӗш хутри балкон ҫинче арҫын ача кӗске ҫырӑва курнӑ. Вӑл ӑна аялалла сикиччен 19 минут маларах ҫырнӑ. Ҫырӑвӑн оригиналне Телеграм-канал Mash пичетленӗ, ӑна илсе кӑтартатпӑр /текстра хӑш-пӗр вырӑнта орфографие тата пунктуацие тӳрлетнӗ/. Анчах хавшак нерв тытӑмӗллӗ ҫынсене ӑна вулама сӗнмеҫҫӗ:

«Мама, папа, я вас очень сильно люблю, и не надо плакать, хорошо?

У меня есть к вам просьба: когда Саша вырастет, не надо ей говорить, что у неё был старший брат, а скажите ей только в 18 лет.

Мама, спасибо, что ты мне подарила детство. Папа, ты, пожалуйста, не плачь, хорошо, и да, я сброшусь с крыши, потому что я Андрею сказал: если ты поженишься с Соней, то я сброшусь с крыши, и если ты ей расскажешь, то я точно сброшусь.

Андрей не поверил в мои слова, посчитал их шуткой и сказал ей, а я пошёл на 25-этажку спрыгивать с крыши.

Малалла...

Шупашкар хулинче паян ирпе ирех ҫул ҫинчи инкек пулса иртнӗ. «Киа Рио» автомобиль Гагарин тата Петров урамӗсенчи ҫул хӗресленнӗ вырӑнта пасар патӗнчи тимӗр карта ҫине пырса тӑрӑннӑ. Унччен вӑл машинӑпа ҫапӑннӑ.

Инкеке асӑрхакансем каланӑ тӑрӑх, «Киа» водителӗ Богдан Хмельницкий урамӗ енчен пысӑк хӑвӑртлӑхпа вӗҫтерсе пынӑ. Хӗрлӗ ҫутта пӑхӑнмасӑр каяканскер хура тӗслӗ ҫӑмӑл машинӑпа ҫапӑннӑ.

Малтанласа шухӑшланӑ тӑрӑх, инкекре сахалтан та пӗр ҫын аманнӑ.

Унччен «Киа» автомобиль Гагарин кӗперӗ ҫинче пассажирсене турттаракан маршрут водителӗпе хирӗҫнӗ-мӗн. Малтан вӑл «маршруткӑран» иртсе кайнӑ, кайран микроавтобус водителӗпе вӑрҫӑнассишӗн чарӑнса ларнӑ.

Ҫӗнӗ Шупашкарти «Радость» (чӑв. Савӑнӑҫ) 40-мӗш ача пахчинче савӑнмалла мар япала пулса иртнӗ. Пуш уйӑхӗн 15-мӗшӗнче унти веранда ҫивиттийӗ ишӗлсе аннӑ. Вӑл юр пусарса лартнине чӑтайман тесе шухӑшлаҫҫӗ. Пӑтӑрмах каҫхи тӑхӑр сехетсенче пулнӑ.

Строительсен урамӗнчи ача пахчинчи пӑтӑрмаха куракансем пулнӑ. Вӗсем йӗрке хуралҫисене пӗлтернӗ.

Халӗ ку пӑтӑрмах тӗлӗшпе прокуратура тата тӗпчевҫӗсем тӗрӗслев ирттереҫҫӗ. Ҫӗнӗ Шупашкар хула администрацийӗн пуҫлӑхӗ ячӗпе хут ҫырса панӑ та ӗнтӗ. Чӑн та, юрать ачасем шар курман. Кӑнтӑрла пулсан унта пӗчӗккисем выляма пултарнӑ.

agro-ukraine.com сӑнӳкерчӗкӗ

Чӑваш Енри тата тепӗр икӗ ҫынна ултавҫӑсем шӑнман пӑрпа лартса яма пӑхнӑ.

Пуш уйӑхӗн 14-мӗшӗнче Ҫӗнӗ Шупашкарти йӗрке хуралҫисем патне 57-ри хӗрарӑм ҫитнӗ. Вӑл хӑйӗн патне «банк ӗҫченӗ» шӑнкӑравланине, ун ячӗпе такам кредит илнине пӗлтернине, кивҫене тавӑрса пама ыйтнине хыпарланӑ.

Усал хыпара илтсен хӗрарӑм ҫухалса кайнӑ, палламан ҫын каланине итлесе мӗнпур кодпа пароле пӗлтернӗ. 400 пин ытла тенке куҫарса пама тӑрсан банкомат кансӗрленӗ, хӗрарӑм карттипе малашнехи операцие тума чарнӑ. Ҫавна пӗлсен ултавҫӑ ҫухалнӑ, тек шӑнкӑравламан.

Муркаш районӗнче 40-ри арҫын така сутас тенӗ. «Туянакан» та тупӑннӑ. Укҫан пӗр пайне куҫарса пама банк карттин номерне ыйтнӑ. Кайран банкомата кайма ыйтнӑ. Анчах ҫав ӑслӑ хатӗр картӑна ҫӑтса янӑ.

В этот же день в ОМВД России по Моргаушскому району позвонил 40-летний сельчанин, подавший объявление о продаже барана. Позвонивший ему покупатель попросил продиктовать номер банковской карты для предоплаты. После этого злоумышленник предложил провести операцию по получению денег через банкомат, якобы для того, чтобы получить чек. Также как и в первом случае, карта была заблокирована банкоматом, а злоумышленник прервал разговор.

Малалла...

Пуш уйӑхӗн 12-мӗшӗнче 16 сехетсенче Шупашкарта И.Яковлев проспектӗнчи чарӑнура 262-мӗш маршруткӑна икӗ ӳсӗр арҫын ларнӑ. Хайхискерсем водительпе харкашма тытӑннӑ. Салонра ун чухне 5 пассажир пулнӑ.

Тепӗр чарӑнура водительпе пӗр арҫын урама тухнӑ, иккӗшӗ хирӗҫнӗ. Пассажирсем салонран тухса кайнӑ. Ҫав вӑхӑтра тепӗр арҫын руль умне ларнӑ та тапранса кайма шут тытнӑ, анчах тепӗр машинӑна кӑшт лекнӗ. Ун хыҫҫӑн вӑл микроавтобусран тухса тарнӑ.

Пӗр арҫынна тытса чарнӑ. Вӑл 24 ҫулта. Ҫӗнӗ Шупашкарта пурӑнакан 22-ри Иван Аранина вара халӗ шыраҫҫӗ.

Ҫак пӑтӑрмаха курнӑ ҫынсем каланӑ тӑрӑх, арҫынсем ҫӗҫӗпе те сулкалашнӑ, лектернӗ ҫӑмӑл машинӑн водителӗпе те ҫапӑҫнӑ. Пӗр ҫын каланӑ тӑрӑх, ӳсӗр арҫын салонра пассажирсем пур чухнех транспорта тапратса хускалнӑ. Анчах ку хыпара официаллӑ майпа ҫирӗплетмен.