cap.ru сайтри сӑн

Кӑшӑвируспа чирлисем валли хатӗрленӗ койкӑсем сахаллансах пыраҫҫӗ. ЧР сывлӑх сыхлавӗн министрӗ Владимир Степанов ковид-госпитальсене ытларах камсем лекнине пӗлтернӗ.

Пульницӑна ытларах вӑраха кайнӑ чирсемпе нушаланакансем лекеҫҫӗ. Унашкал пациентсем 60-тан кӑна мар, 70-тен те иртнисем. Чылайӑшӗн ӳпкин 60-70 проценчӗ сиенленнӗ. Министр каланӑ тӑрӑх, халӗ те, унчченхи пекех, пульницӑна лекнисен 99 проценчӗ вакцинациленмен.

Паян стопкоронавирус.рф сайт пӗлтернӗ тӑрӑх, юлашки талӑкра 1104 ҫын кӑшӑлвируспа чирленӗ. 554 ҫын сывалнӑ. 180 ҫынна пульницӑна вырттарнӑ.

Паян рекорд - республикӑра кӑшӑлвируспа 1301 ҫын чирленине палӑртнӑ. Ӗнер кӑна 500-е яхӑн ҫын сахалрахчӗ.

Иртнӗ талӑкра сывалакансем те нумаййӑн пулнӑ - 622 ҫын чире парӑнтарнӑ. 192 ҫынна пульницӑна вырттарнӑ. Юлашки талӑкра 8 ҫын чире парӑнтарайман, вилнӗ. Пандеми пуҫланнӑранпа 4277 ҫын кӑшӑлвируса пула пурнӑҫран уйрӑлнӑ. Республикӑра пандеми пуҫланнӑранпа 63,5 пине яхӑн ҫын кӑшӑлвируспа чирленӗ. Вӗсенчен 48,1 пинӗшӗ сывалнӑ. Ку 75,8 процентпа танлашать. ____

Республикӑра 700 грамм ҫуралнӑ ачан чӗрине операци тунӑ. Ҫут тӗнчене килсенех пӗчӗкскере Президент пепкелӗх центрӗн тухтӑрӗсем пилӗк кун пӑхнӑ. Ача кӑшт вӑй илсенех ӑна Республикӑри ача-пӑча пульницин хирургӗсем операци тунӑ. Кӗтме вӑхӑт пулман.

Ачан чӗри питӗ пӗчӗк. Ҫавӑнпа операци тунӑ чухне 3,5 хут пысӑклатакан куҫлӑх кирлӗ пулнӑ. Операци темиҫе минут тӑсӑлнӑ.

Палӑртмалла: Президент перинаталь центрӗн тухтӑрӗсем ҫулсерен 500 ытла ачана пӑхаҫҫӗ. Вӗсен 80 поценчӗ – вӑхӑтсӑр ҫуралнисем. Пепкесене кувеза вырнаҫтараҫҫӗ, унта вӑй иличчен тытаҫҫӗ.

Ку – рекорд. Юлашки талӑкра республикӑра 1258 ҫын кӑшӑлвируспа чирленине палӑртнӑ. Кун пирки стопкоронавирус.рф сайт пӗлтерет.

Сывалакансем те нумаййӑн пулнӑ: 647 ҫын. 188 ҫынна пульницӑна вырттарнӑ. Юлашки талӑкра 12 ҫын кӑшӑлвируса пула вилнӗ. Кун пек хисеп тахҫантанпах пулман.

Ку таранччен 62164 ҫын ҫак вируспа инфекциленнине палӑртнӑ. Вӗсенчен 47479-шӗ сывалнӑ. Ку 76,3 процентпа танлашать. Пӗтӗмпе 42969 ҫын кӑшӑлвируса парӑнтарайман. Ку – чирленисен 6,8 проценчӗ.

Юлашки вӑхӑтра кӑшӑлвируспа вилекенсен йышӗ чакнӑччӗ. Паян статистика каллех пысӑк хисеп кӑтартать: иртнӗ талӑкра 10 ҫын вируса парӑнтарайман.

Сывалакансем вара нумайланнӑ: 572 ҫын чире парӑнтарнӑ. Юлашки талӑкра 1068 ҫын кӑшӑлвируспа чирленӗ, 142 ҫынна пульницӑна вырттарнӑ.

Пандеми пуҫланнӑранпа Чӑваш Енре кӑшӑлвирус диагноз 59770 ҫыннӑн ҫирӗпленнӗ. Вӗсенчен 77,4 проценчӗ – 46245 ҫын – сывалнӑ. Ку таранччен республикӑри 4250 ҫын кӑшӑлвирусран вилнӗ.

Инстаграмри @cheb_rb сӑнӳкерчӗкӗ

Паян, нарӑс уйӑхӗн 8-мӗшӗнче, республикӑри тата тепӗр больница ковид-госпиталь евӗр ӗҫлеме тытӑннӑ. Хальхинче ӑна Шупашкар районӗнчи Кӳкеҫре уҫнӑ.

Асӑннӑ сывлӑх сиплев учрежденийӗнче пӗлтернӗ тӑрӑх, кӑшӑлвируспа чирлисене унти стационарта паян ирхи 8 сехетре йышӑнма тытӑннӑ.

Стационара ҫавӑн пек ӗҫлеттернине чирлекенсем йышлипе ӑнлантарнӑ. Ковид-госпиталь пӗр харӑсах 140 ҫынна йышӑнма пултарать.

Апла пулин те сывлӑх сыхлав учрежденийӗнче ҫынсене асӑрхануллӑ пулма чӗнсе каланӑ. Больницӑра вырӑн пурри унта лекмеллине пӗлтермест. Ҫавӑнпа та халӑх йышлӑ вырӑнта маска тӑхӑнса ҫӳремелле, киле е ӗҫе ҫитнӗ-ҫитмен алӑ ҫумалла т.ыт.те.

Муркашри поликлиникӑна 2024 ҫулта тума тытӑнасшан. Хальлӗхе проект документацине хатӗрлеҫҫӗ, ӑна туса пӗтернӗпе пӗрех.

Модернизаци программипе килӗшӳллӗн, Муркашри ҫӗнӗ поликлиникӑна 2024-2025 ҫулсенче тумалла. Халӗ вара вырӑнти поликлиника темиҫе ҫуртра вырнаҫнӑ. Кун пирки районти тӗп пульница Инстаграмри страницинче пӗлтернӗ. Хӑш-пӗр ҫурчӗ кивелсе те кайнӑ ӗнтӗ. Тӗп корпусне, икӗ хутлӑскере, 1980 ҫулта хута янӑ, иккӗмӗш корпусне вара – иртнӗ ӗмӗрӗн 50-мӗш ҫулсен вӗҫӗнчех. Хӑш-пӗр уйрӑм стационар ҫуртӗнче вырнаҫнӑ.

Сӑмах май, кӑҫал Канаш районӗнчи Шӑхасан ялӗнче ҫӗнӗ поликлиника тума тытӑнмалла.

Пӗлтӗр республикӑра 4050 ҫыннӑн усал шыҫӑ пулнине палӑртнӑ. Вӗсен 57 проценчӗн усал шыҫӑ малтанхи тапхӑрта пулни паллӑ.

Чӑваш Енре усал шыҫҫа тупса палӑртас тӗлӗшпе уйлӑх пуҫланнӑ. Ку акцие Пӗтӗм тӗнчери ракпа кӗрешмелли куна халалланӑ. Онкологи диспансерӗ онколог патӗнче шутра тӑман ҫынсем валли уҫӑ алӑксен кунне йӗркелет. Специалистем патне направленисӗрех лекме пулать. Анчах малтан шӑнкӑравласа ҫырӑнмалла: 26-05-05. Пушӑ вырӑнсем шутлӑ анчах. Нарӑсӑн 19-мӗшӗнче диспансерта ӳт ҫинчи шатра-суран тӗлӗшпе консультаци илме пулать.

Кунсӑр пуҫне онкологсем акципе килӗшӳллӗн районсене тухса ҫӳрӗҫ. Тухтӑрсем усал шыҫҫа маларах тупса палӑрсан унран хӑтӑлас шанчӑк пысӑкрах пулнине аса илтереҫҫӗ.

1090 ҫын чирленӗ, 401 ҫын сывалнӑ. Ҫапла пӗлтерет паян статистика кӑшӑлвирус пирки. Чирлекенсен йышӗ, ӗнерхипе танлаштарсан, нумайланнӑ.

Иртнӗ талӑкра 231 ҫынна пульницӑна вырттарнӑ, 7 ҫын чире парӑнтарайман. Пандеми пуҫланнӑранпа республикӑра 4227 ҫын кӑшӑлвируса пула вилнӗ. Ку таранччен 52712 ҫын чирленӗ, вӗсенчен 44657-шӗ сывалнӑ. Хальхи вӑхӑтра республикӑра 7828 ҫын кӑшӑлвируспа чирлет.

Ӗнерхи кун тӗлне амбулатори мелӗпе 9202 ҫын сипленнӗ. Ку йыша ОРЗпа тата ОРВИпе чирлекнсем те кӗнӗ. Стационарта 1496 ҫын сипленет.

Республикӑра кӑшӑлвируспа чирлисем валли 1671 койка хатӗрленӗ. Нарӑс уйӑхӗн 4-мӗшӗ тӗлне 175 койка пушӑ пулнӑ. Резервра тепӗр 2 пин койка пур.

Юлашки талӑкра республикӑра 992 ҫын кӑшӑлвирусран вилнӗ. Ӗнерхипе танлаштарсан, сахалрах. Анчах вилекенсен йышӗ пысӑкланнӑ: иртнӗ талӑкра 7 ҫын пурнӑҫран уйрӑлнӑ. Кун пек пысӑк хисеп юлашки икӗ эрнере пулман.

Юлашки талӑкра 183 ҫынна пульницӑна вырттарнӑ. 352 ҫын сывалнине палӑртнӑ. Ку таранччен 55622 ҫын инфекциленнӗ, вӗсенчен 44256 ҫын сывалнӑ. Пандеми пуҫланнӑранпа 4220 ҫын кӑшӑлвируса пула пурнӑҫран уйрӑлнӑ.

Паянхи кун ковид-госпитальсенче 175 койка пушӑ. Кӑшӑлвируспа чирлисем валли пӗтӗмпе 1671 койка хатӗрленӗ.