Сайта кӗр | Регистраци | Сайта кӗрсен унпа туллин усӑ курма пулӗ
 +17.3 °C
Качакан сухалӗ вӑрӑм та ӑсӗ кӗске.
[ваттисен сӑмахӗ]
 

Хыпарсен ҫыххи: Пӑтӑрмахсем

Пӑтӑрмахсем
krarm.cap.ru сӑнӳкерчӗкӗ
krarm.cap.ru сӑнӳкерчӗкӗ

Красноармейски округӗн пуҫлӑхӗ Санькасси ялӗнче халӑхпа пуху ирттернӗ чух вӑрҫӑнса кайнине, пухӑва ӳкерсе тӑракан пӗр сусӑртан телефон туртса илме хӑтланнине Чӑваш халӑх сайчӗ пӗлтернӗччӗ. Чӑваш Ен Элтеперӗ Олег Николаев паянхи пресс-конференцие ҫав ҫынна хӳтӗлесерех калаҫрӗ. Пуҫлӑх йӗрке хуралҫисен ячӗпе заявлени ҫырса панӑ иккен.

Олег Николаев шухӑшланӑ тӑрӑх, МИХсем пӗр енлӗрех хыпарланӑ. «Каччи ҫамрӑк», ун пурнӑҫне пӑсса хуни аван мар. Вӑл унччен, Канаш районӗнче ӗҫленӗ чухне, ырӑ енӗпе палӑрнӑ-мӗн. «Чи лайӑх муниципалитет практики» федераци конкурсӗнче икӗ хутчен ҫӗнтернӗ иккен.

 

Пӑтӑрмахсем

Красноармейски тӑрӑхӗнчи прокуратура ачасене йытӑ ҫыртнӑшӑн администрацине явап тыттарасшӑн.

Хуҫасӑр йытӑсем ачасене Красноармейскинчи Ленин тата Слукин урамӗсенчи ҫуртсем тӗлӗнче тапӑннӑ. Вӗсем икӗ ачана шар кӑтартнӑ. Вӗсене тухтӑр пулӑшӑвӗ кирлӗ пулса тухнӑ.

Ачасен правине хӳтӗлесе вырӑнти надзор органӗ суда тухнӑ. Тавӑҫра Красноармейски муниципаллӑ округӗн администрацийӗнчен 20 пин тенкӗ укҫа шыраса илес кӑмӑллине палӑртнӑ. Ку вӑл — ачасене кӑмӑл-сипет тӗлӗшӗнчен шар курнине саплаштарма.

 

Пӑтӑрмахсем
РФ Следстви комитечӗн Чӑваш Енри управленийӗн сӑнӳкерчӗк
РФ Следстви комитечӗн Чӑваш Енри управленийӗн сӑнӳкерчӗк

Муркаш муниципаллӑ округӗнчи Мӑрсакасси ялӗнчи 24 ҫулти каччӑна 9 ҫул ҫурӑлӑха ҫирӗп режимлӑ колоние ӑсатма йышӑннӑ.

Аса илтерер: Мӑрсакасси каччи виҫӗ ҫынна вӗлерессипе хӑратнӑ, вӗсенчен укҫа тапӑннӑ. Кӑҫалхи пуш уйӑхӗнче вара вӑл 56-ри арҫынна килне кайса хӗнесе пӗтернӗ, Унтан ӑна ятарлӑ шӗвекпе сапнӑ та вӗлерессипе хӑратса чӗртсе янӑ. Ҫу уйӑхӗн 27-мӗшӗнче каччӑ каллех ҫав арҫын патне пырса кӗнӗ. Хытах хӗнесе пӗтернӗ хыҫҫӑн шар курни вилнӗ.

Пуҫтах ҫав каччӑ пӗлтӗрхи пуш уйӑхӗнче тепӗр ҫынна хӑратса унтан укҫа тапӑнса пурӑннӑ, хӗненӗ. Лешӗ ӑна пурӗ 30 пин тенкӗ панӑ. Кунсӑр пуҫне каччӑ тепӗр ҫынна хӗненӗ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Патӑрьелте Хусантан килнӗ ултавҫӑна тытса чарнӑ. Вӑл 62 ҫулти хӗрарӑма хӑратса унран 400 пин тенкӗ илсе тухса кайнӑ.

Пӑтӑрмах пирки йӗрке хуралҫисене пуш уйӑхӗн 8-мӗшӗнче 15 сехетре пӗлтернӗ. Улталаннӑ хӗрарӑм каласа кӑтартнӑ тӑрӑх, ун патне пӗр арҫын шӑнкӑравланӑ, унӑн тӑванӗн хӗрӗ ҫул ҫинчи инкек лекнӗ тесе хӑратнӑ. Яваплӑха кӑштах «ҫемҫетме» курьер урлӑ 400 пин тенкӗ пама ыйтнӑ. Ял хӗрарӑмӗ ҫапла тунӑ та. Укҫана темле каччӑна тыттарса янӑ хыҫҫӑн ҫеҫ хӗрарӑм тӑванӗ патне шӑнкӑравлама ӑс ҫитернӗ.

Укҫа илсе кайнӑ каччӑна кӗҫех тытса чарнӑ. Вӑл Хусантан килнӗ 19 ҫулти каччӑ пулнӑ.

 

Пӑтӑрмахсем
forum.na-svyazi.ru порталтан илнӗ сӑнӳкерчӗк
forum.na-svyazi.ru порталтан илнӗ сӑнӳкерчӗк

Иртнӗ уйӑх вӗҫӗнче, нарӑс уйӑхӗн 24-мӗшӗнче, Шупашкарта ют ҫӗршыв арҫынни пенсири хӗрарӑма ҫаратнӑ. Ӑна иртен-ҫӳрен тытса чарнӑ.

Вӑтам Азири ҫӗршывсенчен пӗринчен килнӗ 38 ҫулти арҫын 72-ри кинемейӗн сумккине ярса илнӗ. Ватӑ ҫын лавккаран таврӑнать пунӑ. Ют ҫын сумккипе аякка тарайман — хӗрарӑм сумккипе урам тӑрӑх чупакана, ун хыҫӗнче пулӑшу ыйтса кӑшкӑракан ватта курсан Павел Ивашков таркӑна такӑнтарса ӳкернӗ. Вырӑна Лариса Изотова чупса пынӑ, вӑл йӗрке хуралҫисене чӗнсе илнӗ.

Ватта ҫаратма тӑнӑ арҫын тӗлӗшпе пуҫиле ӗс пуҫарнӑ, ҫынна пулӑшнисене вара Тав хучӗсемпе хавхалантарнӑ.

 

Пӑтӑрмахсем
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкар хулинче вырӑн тавраш сутакан лавккана явап тыттарасшӑн. Тавар сутнишӗн мар-ха. Ытла хытӑ рекламӑланӑшӑн.

Усламҫӑна явап тыттарасси пирки Федерацин монополипе кӗрекен службин Чӑваш Енри управленийӗнче пӗлтернӗ.

Сасӑ рекламине Иван Яковлев проспектӗнчи 3 ҫуртра вырнаҫнӑ «ЦентрУМ» универмаг умӗнче янӑратнӑ.

Ивановӑри вырӑн таврашне сутасси пирки Екатерина Ермакова уйрӑм усламҫӑ ҫавӑн пек пӗлтернӗ.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ӗнер, пуш уйӑхӗн 5-мӗшӗнче, Ҫӗмӗрле хулинче харпӑр ҫурт ҫуннӑ. Ҫулӑм йывӑҫ пӳрте тӗп тунӑ. Пушара сӳнтерсен 64 ҫулти кил хуҫин виллине тупнӑ. Халӗ инкек сӑлтавне тӗпчеҫҫӗ.

Ҫав кунах Шупашкар округӗнчи Вӑрманкасра пушар пулнӑ. Унта ҫулӑм 61 ҫулти арҫынна кил-ҫуртсӑр хӑварнӑ. Малтан мунча ҫунма тытӑннӑ, унтан ҫулӑм пӳрт ҫине куҫнӑ. Юрать-ха, кил хуҫи ҫӑлӑнса ӗлкӗрнӗ.

 

Пӑтӑрмахсем
Инкеклӗ лару-тӑру министерстви архивӗнчи сӑн
Инкеклӗ лару-тӑру министерстви архивӗнчи сӑн

Пуш уйӑхӗн 2-мӗшӗнче ҫӗрле Патӑрьелти Совет урамӗнчи пӗр харпӑр ҫуртра пушар тухнӑ. Инкеклӗ лару-тӑру министерстви пӗлтернӗ тӑрӑх, ҫулӑм сӗтел-пукана, тӗпелти чӳречене, шалти отделкӑна тӗп тунӑ. Пӗтӗмпе 20 тӑваткал метр лаптӑк сиенленнӗ.

Пушара сӳнтерсен 55 ҫулти арҫын виллине тупнӑ. Малтанлӑха пӗлтернӗ тӑрӑх, пушар пирус асӑрханмасӑр туртнӑран тухнӑ. Халӗ ӗҫ-пуҫа тишкереҫҫӗ.

Хыпар ҫӑлкуҫӗ: https://t.me/mchs_chuvashia/5329
 

Пӑтӑрмахсем
tavanen.ru сӑнӳкерчӗкӗ
tavanen.ru сӑнӳкерчӗкӗ

Кӳкеҫри ҫуртсенчен пӗринчен юр йӑтӑнса аннӑ та вӑл ҫутӑ пӑралукне татса пӑрахнӑ.

Пӑтӑрмаха пула район центрӗнчи темиҫе ҫурт ҫутӑсӑр юлнӑ. Ҫавсен шутӗнче — Шоссе урамӗнчи темиҫе объект: Шупашкар муниципаллӑ округӗн администрацийӗ, нумай ӗҫ тӑвакан центр (МФЦ), «Тӑван Ен» хаҫат вырнаҫнӑ ҫурт.

Муниципалитетӑн пӗрлехи диспетчер службинче ҫутта вӑрах тӑхтамасӑр пама шантарнӑ.

 

Пӑтӑрмахсем
«Лиза Алерт» шырав отрячӗн сӑнӳкерчӗкӗ
«Лиза Алерт» шырав отрячӗн сӑнӳкерчӗкӗ

Шупашкарта хӑлхи начар илтекен хӗрарӑм ҫухалнӑ. Ӑна «Лиза Алерт» шырав отрячӗ шырама тытӑннӑ.

35 ҫулти Наталья Игнатьева ӑҫтине ҫывӑх ҫыннисем нарӑс уйӑхӗн 27-мӗшӗнченпе пӗлмен.

Хӗрарӑм 176 сантиметр ҫӳллӗш, вӑтам пӳ-силлӗ, хӑмӑр куҫлӑ, ҫутӑ ҫырӑ тӗслӗ ҫӳҫлӗ. Хӑй хура курткӑпа, кӑвак джинс шӑлаварпа пулнӑ.

УҪӐМЛАТНИ

Шырав отрячӗн ушкӑнӗнче вырнаҫтарнӑ хыпар айӗнчи комментарисене ӗненсен, хӗрарӑм тупӑннӑ. Вӑл никампа та калаҫасшӑн мар. Хӗрӗ ӑҫтине амӑшне пӗлтернӗ имӗш.

Хыпар ҫӑлкуҫӗ: https://vk.com/wall-134917368_16212
 

Страницӑсем: 1 2, 3, 4, 5, 6, 7, 8, 9, 10, 11, [12], 13, 14, 15, 16, 17, 18, 19, 20, 21, 22, ...373
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (16.06.2024 03:00) уяр ҫанталӑк, атмосфера пусӑмӗ 751 - 753 мм, 16 - 18 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Хутсемпе çыхăннă шухăшсемпе туйăмсене йĕркене кĕртĕр. Килĕшÿсем тăвăр, вĕренĕр. Шалти сасса итлĕр - вăл улталамĕ. Ĕçлĕ тата туслă çыхăнусене йĕркелĕр.Ĕçлĕ партнерсене хăвăрăн шухăша ĕнентернĕ чухне хăвăра алăра тытăр, сасса ан хăпартăр.

Ҫӗртме, 16

2007
17
Корольков Василий Антонович, истори ӑслӑлӑхӗсен кандидачӗ, доценчӗ вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хӑнана ӑсатма никам та тухмасть
хуҫа хӑй
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
кил-йышри арҫын
хуҫин ҫитӗннӗ ачисем
хуть те кам тухсан та
хуҫа тарҫи