Сайта кӗр | Регистраци | Сайта кӗрсен унпа туллин усӑ курма пулӗ
 +21.3 °C
Нумай та пӗтет, сахал та ҫитет.
[ваттисен сӑмахӗ]
 

Хыпарсен ҫыххи: Пӑтӑрмахсем

Пӑтӑрмахсем
gas-kvas.com сӑнӳкерчӗкӗ
gas-kvas.com сӑнӳкерчӗкӗ

Красноармейски районӗнчи прокуратура васкавлӑ пулӑшу машини Вӑрманкасси ялӗнчи пӗр кил патне ҫитеймен тесе тӗнче тетелӗнче пӗлтернӗ хыпара тӗрӗслет.

Тӗнче тетелӗнче ҫырнине ӗненсен, васкавла пулӑшу тухтӑрӗсем чирлӗ ҫын патне ҫитеймен.

Надзор органӗ ҫак хыпара тӗрӗсленӗ май вырӑнти хӑй тытӑмлӑх органӗ ҫула епле тытса тӑнине хак парӗ. Кӑлтӑк пулсан явап тыттарасси пирки асӑрхаттарнӑ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Чӑваш Енре кашни иккӗмӗш преступление тенӗ пек информаципе телекоммуникаци технологийӗпе усӑ курса тӑваҫҫӗ. Кун пирки республикӑн шалти ӗҫсен министрӗ Виктор Шметков канашлура пӗлтернӗ. Чӑваш Ен Элтеперӗ эренесерен ирттерекен канашлура финанс енчен улталакансене хирӗҫ тӑрас ыйтӑва сӳтсе явнӑ.

Кӑҫалхи кӑрлач-нарӑс уйӑхӗсенче регистрациленӗ 1969 преступленирен 974-шне, е 49,5 процентне, информаципе телекоммуникаци технологийӗпе усӑ курса тунӑ. Пӗлтӗр ҫавӑн пек майпа тунӑ преступленисенчен 30-а яхӑн тӗслӗхре ултавҫӑсем хӑйсемпе банк ӗҫченӗ е прав тытӑмӗнче тимлекен тесе улталанӑ. Тӗнче тетелӗнче тавар туяннӑ чухне улталаннисем — 14 процент, телефон е банк карттине ҫухатнӑран шар курнисем — 10 процент, валюта тата криптовалюта биржисенче улталаннисем — 7 процент.

Юлашки вӑхӑтра ҫул ҫитмен ачасем те улталанаҫҫӗ.

 

Пӑтӑрмахсем
ҪҪХПИ тунӑ сӑн
ҪҪХПИ тунӑ сӑн

Ӗнер 17 сехет те 40 минутра Вӑрмар поселокӗ ҫывӑхӗнче авари пулнӑ. Унта 30 ҫулти хӗрарӑмпа 7-ри ача шар курнӑ.

ҪҪХПИ пӗлтернӗ тӑрӑх, «Черри» машина рулӗ умӗнче ларна 35 ҫулти хӗрарӑм Вӑрмар поселокне кайнӑ чухне тӗп ҫул ҫине тухнӑ, анчах унти машинӑна ирттерсе яман, тепӗр иномаркӑпа ҫапӑннӑ. Унта вара 4 ҫын пынӑ: 30 ҫулти хӗрарӑм тата 3 ача. Хӗрарӑма 7-ри ачана пульницӑна илсе кайнӑ.

Палӑртмалла: ача ятарлӑ кресло ҫинче пулнӑ.

 

Пӑтӑрмахсем
Следстви комитечӗ тунӑ сӑн
Следстви комитечӗ тунӑ сӑн

Пуш уйӑхӗн 29-мӗшӗнче кӑнтӑрла Комсомольски тӑрӑхӗнчи Александровка ялӗнче пушар пулнӑ. Ҫулӑма сӳнтерсен 58 ҫулти арҫын виллине тупнӑ.

Инекек вырӑнне следователь килнӗ, пушар вырӑнне тӗплӗн пӑхнӑ. Малтанлӑха пӗлтернӗ тӑрӑх, ҫулӑм юсавсӑр электропралука пула тухнӑ. Халӗ следстви умӗнхи тӗрӗслев пырать.

Хыпар ҫӑлкуҫӗ: https://t.me/chuvashia_sledcome
 

Пӑтӑрмахсем
osnovam.ru сӑнӳкерчӗкӗ
osnovam.ru сӑнӳкерчӗкӗ

Муркаш районӗнчи прокуратура ҫул-йӗр хӑрушсӑрлӑхӗн сферинче саккунсене пурнӑҫланине тӗрӗсленӗ.

Хорнуй ялӗнчи Шкул урамӗнчи ҫул япӑхма пуҫланине тата унти кӗпер шӑтӑк-путӑкланса кайнине тупса палӑртнӑ. Кӗпер ҫинче ҫуран ҫӳрекенсем валли пӑхса хӑварнӑ пай та япӑхнӑ.

Асӑннӑ ҫулпа тата кӗпер урлӑ шкул автобусӗ те ҫӳрет. турттарать.

Район прокуратури тӗрӗслев тӑрӑх Муркаш муниципалитет округӗн администрацине асӑннӑ сооружение юсама, кӗпее хӑйӗн балансӗ ҫине илме ыйтса суда тавӑҫпа тухнӑ. Кӑлтӑка пӗтерме суд яваплисене 4 уйӑх вӑхӑт панӑ.

 

Пӑтӑрмахсем
m.fishki.net сӑнӳкерчӗкӗ
m.fishki.net сӑнӳкерчӗкӗ

Хӗрлӗ Чутай муниципаллӑ округӗнчи пӗр ялта пурӑнакан 52 ҫулти арҫынна РФ Пуҫиле кодексӗн 105-мӗш статйин 1-мӗш пайӗпе айӑпланӑ.

Суд тенкелӗ ҫине лартнӑ ҫын пӗлтӗрхи чӳк уйӑхӗн 27-мӗшӗнче Хурапыр ялӗнче 66 ҫулти пӗлӗшӗпе эрех ӗҫнӗ. Тавлашса кайнӑ хыҫҫӑн ӑна хӗнеме тапранса кайнӑ. Кайран алла пуртӑ ярса илсе унпа 6 хуран кая мар ҫапнӑ. Шар курни инкек вырӑнӗнчех вилсе кайнӑ.

Хӗнекен этеме суд ҫирӗп режимлӑ колоние 9 ҫуллӑха ӑсатма йышӑннӑ.

 

Пӑтӑрмахсем
myskillsconnect.com сӑнӳкерчӗкӗ
myskillsconnect.com сӑнӳкерчӗкӗ

Елчӗк тӑрӑхӗнче ҫула юртан тасатма ӳсӗр тракторист тухнӑ. Пӑтӑрмаха пӗлтӗрхи раштав уйӑхӗнче тупса палӑртнӑ.

Таяпи Энтри ялӗнче пурӑнакан 53 ҫулти арҫынна суд ӳсӗр пуҫпа руль тепре ларнӑ.

Ӑна унччен административлӑ майпа пӗрре явап тыттарнӑ-ха. Ӳсӗрле ҫула тухнӑскерӗн правине те туртса илнӗ. Вӑл ун хыҫҫӑн права илме шутламан та курӑнать.

Пӗлтӗрхи раштав уйӑхӗн 19-мӗшӗнче правасӑр арҫын «Комсомольски-Елчӗк-Пӑва» ҫула юртан тасатма тухнӑ. Ӑна ҫул-йӗр хӑрушсӑрлӑхӗн инспекторӗсем курнӑ. Вӑл каллех ӳсӗр пулнӑ.

 

Пӑтӑрмахсем
umc-kem.ru сӑнӳкерчӗкӗ
umc-kem.ru сӑнӳкерчӗкӗ

Миграци сферинче йӗрке тумалли юлашки вӑхӑтра пӗрмаях калаҫаҫҫӗ. Ҫапла тума мигрантсем тунӑ преступленисен шучӗ ӳсни те хистет.

Пуш уйӑхӗн 26-мӗшӗнче Шалти ӗҫсен министерствин Миграци ыйтӑвӗсемпе ӗҫлекен управлени ӗҫченӗсем Ҫӗнӗ Шупашкарти строительство объектӗнче тӗрӗслев ирттернӗ. Унта ют ҫӗршыв ҫыннисем ӗҫленӗ. Вӗсен ятарлӑ документсем пулман. Вӗсене административлӑ майпа явап тыттарнӑ. Ҫавӑн пек майпа саккуна тата тепре пӑссан вӗсене тӑван тӑрӑхне ӑсатасси пирки пӗлтереҫҫӗ.

Миграци саккунне пӑсакансем пирки ҫынсене йӗрке хуралҫисене систерме ыйтаҫҫӗ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Паян 14 сехетре Шупашкартан Шупашкар округӗнчи Ҫӗньяла ҫӳрекен 15-мӗш автобус водителӗ руле итлеттереймен – кювета чӑмнӑ. Ку аэропортран инҫех мар пулса иртнӗ.

Юрать-ха, салонра 2 пассажир кӑна пулнӑ. Вӗсем те, водитель те аманман.

Паян республикӑра юр ҫӑвӑть. Унччен вара асфальт тухнӑччӗ. Ахӑртнех, ҫул-йӗре тасатса тӑракансем пуш уйӑхӗн вӗҫӗнче кунашкаллине кӗтмен – авари пулнӑ ҫӗрте ҫул тасах курӑнмасть. Ҫынсем каланӑ тӑрӑх, унччен маларах унта ҫӑмӑл машина кювета чӑмнӑ.

Хыпар ҫӑлкуҫӗ: https://t.me/mvd_chuvashia/2462
 

Пӑтӑрмахсем
ҪҪХПИ тунӑ сӑн
ҪҪХПИ тунӑ сӑн

Паян кӑнтӑрла М-7 ҫул ҫинче тырӑ турттаракан машина икӗ автомобильпе ҫапӑннӑ. Тырӑ сапаланса пӗтнӗ.

Ку пӑтӑрмах Ҫӗрпӳ хулинче, М-7 ҫулӑн 679-мӗш ҫухрӑмӗнче, пулнӑ. КамАЗ «Тойотӑпа» тата «Лада Калинӑпа» ҫапӑннӑ. КамАЗри тырӑ ҫул тӑрӑх сапаланса пӗтнӗ.

Телее, аварире никам та аманман.

Хыпар ҫӑлкуҫӗ: https://t.me/gibdd121/4343
 

Страницӑсем: 1, 2, 3, 4, 5, 6, 7, 8, [9], 10, 11, 12, 13, 14, 15, 16, 17, 18, 19, ...373
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (15.06.2024 21:00) уяр ҫанталӑк, атмосфера пусӑмӗ 750 - 752 мм, 21 - 23 градус ӑшӑ пулӗ, ҫил 0-2 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Хутсемпе çыхăннă шухăшсемпе туйăмсене йĕркене кĕртĕр. Килĕшÿсем тăвăр, вĕренĕр. Шалти сасса итлĕр - вăл улталамĕ. Ĕçлĕ тата туслă çыхăнусене йĕркелĕр.Ĕçлĕ партнерсене хăвăрăн шухăша ĕнентернĕ чухне хăвăра алăра тытăр, сасса ан хăпартăр.

Ҫӗртме, 15

1922
102
Ҫеҫпӗл Мишши, паллӑ чӑваш сӑвӑҫи ҫут тӗнчерен уйрӑлнӑ.
1931
93
Абашев Владимир Никифорович, чӑваш литература тӗпчевҫи ҫуралнӑ.
1977
47
Алка Александр Егорович, чӑваш сӑвӑҫи, ҫыравҫи, драматургӗ, тӑлмачӗ, критикӗ вилнӗ.
2003
21
Шемекеев Виталий Дмитриевич, чӑваш сӑвӑҫи, ҫыравҫи ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хуть те кам тухсан та
кил-йышри арҫын
пӗтӗм кил-йышпа тухаҫҫӗ
хуҫа хӑй
хӑнана ӑсатма никам та тухмасть
хуҫа тарҫи
ӑсатма тухни — ҫылӑх, юрамасть
хуҫа арӑмӗ
хӑни ҫулне ахаль те пӗлет, ӑсатмасӑр та