ШӖМ сайтӗнчи сӑнӳкерчӗк

Утӑ уйӑхӗн 2-мӗшӗнче, йӗрке хуралҫисене аптекӑран вӑрлани пирки йӗрке хуралҫисене хыпарланӑ.

Шупашкарти Мускав проспектӗнчи апеткӑсенчен пӗрне арҫын кӗнӗ, вӑл ӳте сӗрмелли крем, пурӗ 10 пин тенке яхӑнлӑх, вӑрланӑ. Видеосӑнав кмерисем ҫав арҫынна ӳкерсе илнӗ.

Вӑрӑ сӑнлӑ ҫынна тепӗр 20 минутран «Республика пульници» чарӑнура патшалӑхӑн ҫул-йӗр хӑрушсӑрлӑхӗн автоинспекцийӗн ӗҫченӗсем асӑрханӑ.

Свердлов облаҫӗнчи 48 ҫулти арҫын вӑрланине йышӑннӑ. Чӑваш Енре вӑл Чулхуларан Хусана кайнӑ чухне вӑхӑтлӑха чарӑннӑ. Каҫхине эрех ӗҫсе минренӗ хыҫҫӑн унӑн пуҫне вӑрӑ шухӑшӗ пырса кӗнӗ.

ҪҪХПИ тунӑ сӑн

Паян ирхи 3 сехетре Йӗпреҫ округӗнчи Кӗҫӗн Патӑрьел ялӗ ҫывӑхӗнче шкул ачи машинӑпа ҫаврӑнса ӳкнӗ. «Тойота-Камри» рулӗ умӗнче 16 ҫулти каччӑ ларнӑ, вӑл кювета чӑмса ҫаврӑнса ӳкнӗ.

Машина ют ҫыннӑн пулнӑ. Каччӑ ӑна тӑванӗнчен ыйтмасӑрах илнӗ. Аварире хӑй шар курнӑ, суранланнӑ, ӑна пульницӑна илсе ҫитернӗ.

Шӑпах ӗнер, ҫӗртме уйӑхӗн 3-мӗшӗнче, 9-мӗш классем экзамен тытнӑ. Авари ҫав куҫ пулнӑ та.

Инкеклӗ лару-тӑру министерстви тунӑ сӑн

Ӗнер каҫхине Ҫӗмӗрле хулинче Октябрь урамӗнчи 10-мӗш ҫуртри пӗр пӳлӗмлӗ хваттерте пушар пулнӑ. Ҫулӑм 15 тӑваткал метр лаптӑка ярса илнӗ. Малтанлӑха пӗлтернӗ тӑрӑх, пушар пирус асӑрханмасӑр туртнӑран тухнӑ. Пушара сӳнтерсен 1957 ҫулта ҫуралнӑ арҫын виллине тупнӑ.

Палӑртмалла: иртнӗ эрнере Чӑваш Енре 46 пушар пулнӑ, вӗсенче пӗр ҫын вилнӗ, тепӗр ҫын аманнӑ. Ытларах чухне пушар ҫулӑмпа асӑрханманран тухнӑ.

"Про Город" сайтӗнчи сӑн

Шупашкарта общежитири пӳлӗм ҫуннӑ. Ку Кривов урамӗнчи 10-мӗш ҫуртра пулнӑ.

Ҫӑлавҫӑсене пушар тухни пирки ирхи 5 сехет те 30 минутра пӗлтернӗ. Вӗсем ҫитнӗ тӗле чӳречерен ҫӑра тӗтӗм палкаса тухнӑ.

«Про Город» хаҫата халӑх корреспонденчӗ пӗлтернӗ тӑрӑх, ҫулӑм пӳлӗмри шалти отделкӑна сиенлетнӗ. Телее, пушарта вилекен пулман.

«Химпром» сӑнӳкерчӗкӗ

Ку инкек кӑҫалхи нарӑс уйӑхӗн 21-мӗшӗнчех пулса иртнӗ-ха. Пӑтӑрмах пирки Чӑваш Енӗн ӗҫ хӑрушсӑрлӑхӗшӗн инспекцийӗнче ҫак эрнере пӗлтернӗ.

Ҫӗнӗ Шупашкарти предприятири инкекре виҫӗ рабочи сӗрӗмпе наркӑмӑшланнӑ, вӗсенчен пӗри вилнӗ. Пӑтӑрмах тӗлӗшпе пуҫиле ӗҫ пуҫарнӑ.

Шар курнисем – Тутарстанри «Паколь» предприяти ӗҫченӗсем. Вӗсем гидроизоляци ӗҫӗпе аппаланнӑ чухне инкек тӳссе ирттернӗ.

Техника шывне уҫласа кӑларнӑ чухне ҫавсем мотопомпа сӗрӗмӗпе наркӑшланнӑ. Вӗсенчен пӗри – вилмеллех.

Прокуратура архивӗнчи сӑн

Паян каҫхине Ҫӗнӗ Шупашкарта Винокуров урамӗнче 4 ҫулти хӗрача 5-мӗш хутри чӳречерен тухса ӳкнӗ. Халӗ вӑл реанимацире выртать.

Малтанлӑха пӗлтернӗ тӑрӑх, ача хваттерте ачасемпе тата аслӑ тӑванӗпе пулнӑ. Асли ҫав вӑхӑтра тепӗр пӳлӗмре пулнӑ. Инкек вырӑнӗнчи ҫынсем каланӑ тӑрӑх, чӳрече кӑшт уҫӑ тӑнӑ, москитлӑ сетка ҫук.

Вырӑна Ҫӗнӗ Шупашкар прокурорӗ Владимир Гришин ҫитнӗ. Прокуратура халӗ тӗрӗслев ирттерет.

Следстви комитечӗ тунӑ сӑн

Патӑрьел округӗнчи Ҫӗнӗ Ахпӳрт ялӗнче пурӑнакан арҫын савнине кӗвӗҫнипе чутах ҫунтарса яман. Ку пӑтӑрмах ҫу уйӑхӗн 7-мӗшӗнче пулнӑ.

Ҫав кун арҫын 39 ҫулти савнийӗпе гаражра вӑрҫӑнса кайнӑ. Вӑл ӑна кӗвӗҫнӗ. Тарӑхса кайнӑскер ӑна бензин сапнӑ, шӑрпӑк чӗртсе вӗлерессипе хӑратнӑ.

Телее, хӗрарӑм унӑн аллинчен вӗҫерӗнче тарма пултарнӑ. Палӑртмалла: нарӑс уйӑхӗнче вӑл савнийӗ патӗнче Патӑрьелте хваттерне вӑйпах кӗнӗ.

Арҫынна тытса чарнӑ. Ун тӗлӗшпе пуҫиле ӗҫ пуҫарнӑ.

fedpress.ru сайтран илнӗ сӑнӳкерчӗк

Шупашкарти хӑна ҫурчӗсенчен пӗринче паян газ баллонӗ сирпӗннӗ. Асӑннӑ хӑна ҫурчӗ Ярославль урамӗнчи 23-мӗш ҫуртра вырнаҫнӑ. Вӑл 43 хӑна номерӗлле«Волга Премиум» хӑна ҫурчӗ.

Инкек газ баллонӗ ҫурӑлса кайнипе ҫыхӑннӑ. Пӑтӑрмах пирки ятарлӑ службӑсене хыпар 12 сехет те 43 минутра ҫитнӗ. Пӑтӑрмах вырӑнне 11 техника тата 34 ҫын пырса ҫитнӗ.

Инкеке пула 8 ҫын шар курнӑ. Вӗсем ҫав вӑхӑтра отелӗн ресторанӗнче пулнӑ.

Инкеклӗ лару-тӑру министерстви тунӑ сӑн

Паян ҫӗрле Муркаш муниципаллӑ округӗнчи Патаккассинче пушар алхаснӑ. Ҫурт тӗппипех ҫунса кӗлленнӗ.

Пушар пирки ҫур ҫӗр иртсен пӗлтернӗ. Пушарнӑйсем ҫулӑма кӳршӗ ҫуртсем ҫине куҫма паман. Шел те, 44 ҫулти кил хуҫи инкекрен ҫӑлӑнайман. Малтанлӑха пӗлтернӗ тӑрӑх, вӑл, ахӑртнех, пирус туртнӑ, ҫулӑм ҫавӑнран тухма пултарнӑ.

Ҫулталӑк пуҫланнӑранпа 549 пушар пулнӑ, вӗсенче 32 ҫын вилнӗ.

t.me/chuv_prok сӑнӳкерчӗкӗ

Ҫӗмӗрле муниципаллӑ округӗнчи Мисчӗ ялӗнчи пушарта 15 ҫулти хӗрача пурнӑҫӗ татӑлнине Чӑваш халӑх сайчӗ унччен пӗлтернӗччӗ-ха. Аса илтерер: инкек ҫу уйӑхӗн 25-мӗшӗнче пулнӑ.

Халӗ ҫакӑ паллӑ. Икӗ хутлӑ кирпӗч ҫуртра 2022 ҫӳлтанпа нумай ачаллӑ ҫемье пурӑннӑ. Инкек вӑхӑтӗнче хӗрача килте пӗчченех пулнӑ.

Пӑтӑрмах хыҫҫӑ яваплӑ службӑсем тӗрӗслев пуҫарнӑ. Ҫав шутра пушарпа техника суд экспертизи ирттерӗҫ. Вырӑнти прокуратура та тӗрӗслев пуҫарнӑ.