Парне
Аттеçĕм Турă, йăлăнап:
Каçар Эс Хăвăн ывăлна,
Хăйне чармасăр кăлăхах
Вăл тунă пин-пин çылăха.
Парне пама ун çуккă сурăх,
Пусаймĕ вăл çук вăкăрне,
Куççуль тăкать, курсам Эс, Турă, —
Юхать куççуль, вĕри парне.
Эй, Турă, Эсĕ ан хăвар
Ăна пит йывăр самантра.
Чунне хур юрату-кăвар:
Вăл Саншăн ялкăшĕ — Санрах!
Парне пама ун çуккă сурăх,
Пусаймĕ вăл çук вăкăрне.
Куççуль тăкать,
курсам Эс, Турă, —
Юхать куççуль, чунтан парне.
Ан пар ултавлă явăла1
Ачаш путек пек ывăлна, —
Мухтатăр Санăн çут ятна,
Виçесĕр аслă хăватна.
Парне пама ун çуккă сурăх,
Пусаймĕ вăл çук вăкăрне.
Куççуль тăкать, курсам Эс, Турă, —
Юхать куççуль, таса парне.
Шухăшсем
Use AI to drive targeted traffic to your...
Hoping to revitalize your website...
Your website, chuvash...
Ready to energize your website vi...
Is your website chuvash...
Get more leads for your chuvash...
Struggling with a sluggish websit...
Замечательное поэтическое творение...
Аван çырнă вăл вăхăтра ...
Кам пĕлет И...