Авӑн уйӑхӗн 1-мӗшӗнче, Пӗлӳ кунӗнче, пирӗн республикӑра эрех суттармӗҫ.

Ача-пӑчапа ҫыхӑннӑ уяв кунӗсенче эрех-сӑрана ваккӑн сутма чарасси ҫинчен калакан йвшӑнӑва республикӑн Министрсен Кабинечӗ 2012 ҫулхи чӳк уйӑхӗн 12-мӗшӗнчех кӑларнӑ. Вӑл паян та хӑйӗн вӑйне ҫухатман.

Юлашки шӑнкӑрав, Ҫамрӑксен кунӗ йышши уявсенче лавккасенче эрех сутмаҫҫӗ. Район центрӗсемпе хуласенче ҫеҫ мар, ялтисем ие ҫав кун тытӑнса тӑраҫҫӗ.

Пӗлӳ кунӗ пулин те эрех-сӑрана кафе-ресторанта ирӗклӗнех туянма пулать. Тепӗр майлӑ каласан, общество апатланӑвӗн предприятийӗсенче эрех-сӑра туянма май килӗ.

#чарусем, #суту-илӳ, #уявсем, #ачасем, #лавккасем, #йышӑнусем