Чӑваш Енӗн Наци вулавӑшӗнче раштав уйӑхӗн 4-мӗшӗнче 14 сехетре Чӑваш Республикин халӑх художникӗпе Праски Виттипе тӗлпулу иртӗ.
Виталий Петров – художник-монументалист, живописец, график, иллюстратор, вӗри эмаль ӑсти. Тӗнчери этномодернизм юхӑмне аталантараканӗсенчен пӗри. Ӑна чӑваш Пикасси те теҫҫӗ.
Тӗлпулу вӑхӑтӗнче «Тӗспе кӗлтуни. Молитва в цвете. Prayer in color» альбомпа та паллаштарӗҫ.
Ӗнер Чӑваш наци академикӗсен съезчӗ иртнӗ. Пухӑва вӗсем республикӑн Наци вулавӑшӗнче пуҫтарӑннӑ. Унта пухӑннисене, сӑмах май каласан, Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗнчи «Калинушка» хор хӑйӗн пултарулӑхӗпе савӑнтарнӑ.
Академиксенчен нумайӑшӗ вара Наци вулавӑшӗнче Ҫеҫпӗл Мишши ячӗпе йӗркеленӗ «Чӗре йыхравӗ. Ҫеҫпӗл Мишшине халалласа» курава кӗрсе курнӑ.
Ӗнер Чӑваш наци академикӗсен съезчӗ иртнӗ. Пухӑва вӗсем республикӑн Наци вулавӑшӗнче пуҫтарӑннӑ. Унта пухӑннисене, сӑмах май каласан, Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗнчи «Калинушка» хор хӑйӗн пултарулӑхӗпе савӑнтарнӑ.
Академиксенчен нумайӑшӗ вара Наци вулавӑшӗнче Ҫеҫпӗл Мишши ячӗпе йӗркеленӗ «Чӗре йыхравӗ. Ҫеҫпӗл Мишшине халалласа» курава кӗрсе курнӑ.
Республикӑра тӑватӑ модельлӗ библиотека уҫӑлмалла. Вулакансене раштав уйӑхӗн 4-мӗшӗнче кӗтеҫҫӗ.
Шӑмӑршӑри, Хӗрлӗ Чутайри, Куславккари тӗп библиотекӑсем, Улатӑр, Ҫӗмӗрле тата Елчӗк округӗсенчи вулавӑшсем ҫӗнелнӗ. Вӗсенче интерьер, оборудовани ҫӗнӗ. Йӑлтах – хальхи пурнӑҫ ыйтнӑ пек.
Чӑваш наци вулавӑшӗнчи «Варкӑш» литература клубӗн хастарӗсем «Хӗрӗх тӗслӗ хӗл» кӗнекене сӳтсе явма пуҫтарӑннӑ.
Чӑваш кӗнеке издательствин редакторӗ Ольга Иванова халӑх тетелӗнчи хӑйӗн страницинче пӗлтернӗ тӑрӑх, кӑларӑма вунӑ авторӑн – Денис Гордеевӑн, Елен Нарпин, Петр Маркинӑн, Елена Николаевӑн, Алена Аксупин, Рита Артин, Ангелина Павловскаян, Юрий Скворцовӑн, Валентин Константиновӑн тата Марина Карягинӑн – кӗске калавӗсемпе новеллисем тата повеҫӗ кӗнӗ.
Ӑна Галина Антонова пухса хатӗрленӗ, хӑех редакциленӗ. «Хӗрӗх тӗслӗ хӗл» – «Алран алла» ярӑмпа пичетленнӗ пиллӗкмӗш кӗнеке иккен. Ку серие 2020 ҫулта пуҫарса янӑ-мӗн. Галина Антонова хӑтлав вӑхӑтӗнче палӑртса хӑварнӑ тӑрӑх, ку ярӑмри кӑларӑмсем чӑваш литературин антологийӗ майлӑ пулччӑр тесе шухӑшланӑ.
Чӑваш Енӗн Наци вулавӑшӗн директорӗ Роза Лизакова тата Республикӑри ача-пӑчапа ҫамрӑксен вулавӑшӗн директорӗ Татьяна Вашуркина Питӗрте иртекен канашлӑва хутшӑнаҫҫӗ. Унта федерацин тата регионсенчи тӗп библиотекӑсен директорӗсен ҫулсерен иртекен канашлӑвне хутшӑнаҫҫӗ.
Вӗсем Хӗллехи керменти иккӗмӗш Николай патшан библиотекинче пулнӑ. Халӗ унта Патшалӑх Эрмитажӗн ӑслӑлӑх вулавӑшӗн вырӑс уйрӑмӗ вырнаҫнӑ.
Чӑваш Енӗн Наци вулавӑшӗнче ӗнер, чӳк уйӑхӗн 8-мӗшӗнче, «Десять деревень. Звёзды над Булой» кӗнекипе паллаштарнӑ. Унӑн авторӗ — паллӑ журналист, художника, режиссёр, краевед Владимир Галошев.
Хӑйӗн ӗҫӗнче автор Елчӗк районӗнчи Аслӑ Пӑла Тимеш тӑрӑхӗнчи вунӑ ялпа, унти паллӑ пулӑмсемпе, хисеплӗ ҫынсемпе паллаштарать.
Чӑваш Енӗн Наци вулавӑшӗнче сунарпа паллаштаракан курав ӗҫлет.
«Охотничье поле Чувашии» (чӑв. Чӑваш Енӗн сунар уйӗ) ят панӑскер юпа уйӑхӗн 25-мӗшӗнче уҫӑлнӑ. Куравра сунарҫӑсем тытакан чӗрчунсен кӳлепипе ҫеҫ мар, ку темӑпа ҫыхӑннӑ ӳкерчӗксемпе, журналсемпе, хаҫатсемпе, кӗнекесемпе паллашма май пур.
Курав чӳк уйӑхӗн 25-мӗшӗччен ӗҫлӗ. Унпа вырсарникунсӑр пуҫне кашни кунах, ирхи 9 сехетрен пуҫласа 18 сехетчен, паллашма май килет.
Ӗнер, юпа уйӑхӗн 29-мӗшӗнче, Чӑваш Енӗн Наци вулавӑшӗнче тӑван халӑхӑмӑр литературине кӑмӑллакансем тата ӑна ушкӑнпа пуҫтарӑнса сӳтсе явма вӑхӑт тата кӑмӑл пуррисем «Варкӑш» клубӗнче черетлӗ хутчен пуҫтарӑннӑ.
Вӗсем Владислав Николаевӑн «Маттурсем-хастарсем» кӗнекине авторпа пӗрле сӳтсе явнӑ.
Халах тетелӗнчи «Интересно о Чувашском» пабликра пӗлтернӗ тӑрӑх, повесть пӗчӗк хулари пӗр шкулта 6-мӗш класра вӗренекен тӗлӗнмелле маттур та хастар ачасемпе паллаштарать-мӗн, вӗсем хула администрацийӗн пуҫлӑхне сӗнӳсем пама та хӑрамаҫҫӗ иккен.
Ыран, юпа уйӑхӗн 24-мӗшӗнче, Чӑваш Енӗн Наци вулавӑшӗнче Людмила Сачкова прозаикӑн, публицистӑн, драматургӑн, Чӑваш Республикин культура тава тивӗҫлӗ ӗҫченӗн пултарулӑхне хаклакансем пуҫтарӑнӗҫ. Автор хӑйӗн икӗ кӗнекепе кун ҫути курнӑ «Сиксе юхать Хула ҫырми» тата «Иртнӗ кунсен куҫҫулӗ» романӗпе паллаштарӗ.
Романӑн пӗрремӗш кӗнекинчи пулӑмсем XI–XIII, XVI тата XIX ӗмӗрсенче чӑваш ялӗнче пулса иртеҫҫӗ. Иккӗмӗшӗнче — Граждан вӑрҫин тапхӑрӗнче.
Мероприяти акт залӗнче 14 сехетре пуҫланӗ.
+24.3 °C