Елчӗк тӑрӑхӗнчи Тускелти пултарулӑх коллективӗсеӗм кӳршӗллӗ Тутарстанра концертпа тухса кайнӑ.
«Шуҫӑм», «Тускил» пултарулӑх ушкӑнӗсем «В Новый год с новыми мечтами!» (чӑв. Ҫӗнӗ ҫула ҫӗнӗ ӗмӗтпе) концерт программипе Пӑва районӗнчи Кипеккасси ялӗнче пулнӑ.
Маларах асӑннӑ икӗ ушкӑнсӑр пуҫне сцена ҫине Петр Козлов, Николай Карамаликов, Виктория Романова, Вениаминпа Наталья Муллинсем, Татьяна Крылова тата Луиза Доброхотова тухса хӑйсен пултарулӑхӗпе савӑнтарнӑ.
Кӑрлач уйӑхӗн 14-мӗшӗнче Чӑваш Енӗн наци вулавӑшӗнче Виталий Станьялӑн пултарулӑх каҫӗ иртӗ. Мероприяти 16 сехетре пуҫланӗ.
Виталий Станьял (01.01.1940) — литературовед, поэт, публицист, общество ӗҫченӗ, краевед, филологи наукисен кандидачӗ (1984), халӑх академикӗ, Чӑваш Республикин аслӑ шкулӗн тава тивӗҫлӗ ӗҫченӗ, СССР журналистсен союзӗн членӗ (1968), Н. Гарин-Михайловский, Ҫеҫпӗл Мишши премийӗҫен лауреачӗ, Шупашкар районӗн хисеплӗ ҫынни.
Чӑваш Енре Ҫамрӑк авторсен клубӗ ӗҫлесе кайнӑ. Вӑл иртнӗ ҫул вӗҫӗнче, раштав уйӑхӗн 27-мӗшӗнче, хӑйӗн ӗҫне пуҫӑннӑ.
«Вӗсене пӑхсан пирӗн республикӑра поэзин ҫӗнӗ варкӑшӗ килес пекех туйӑнчӗ. Мӗн тери шухӑшлӑ сӑвӑсем итлесе килентӗм Ҫамрӑк авторсен клубӗн пӗрремӗш тӗлпулӑвӗнче! В
Пӗрремӗш тӗлпулу Шупашкарта Л.Агаков ячӗллӗ вулавӑшра иртрӗ. Малалла вара тата кӑсӑклӑрах пулӗ. Ҫамрӑк авторсем кашни уйӑхрах ҫапла пуҫтарӑнса сӑввисемпе паллаштарӗҫ, калаҫусем ирттерӗҫ. Чӑвашла-и, вырӑсла-и е ытти чӗлхепе ҫыратӑр – Ҫамрӑк авторсен клубӗ пурне те хапӑл!» — хыпарланӑ Лариса Петрова сӑвӑҫ халӑх тетелӗнчи хӑйӗн страницинче.
(Владислав Пастухов-Анаткас сӑввисене вуласан)
Владислав Григорьевич Пастухов-Анаткас (1954 ҫ.ҫ.) — Муркаш тӑрӑхӗн каччи, журналист, адвокат, следователь, педагог, ҫичӗ тачка кӗнеке авторӗ. Раҫҫей писателӗсен союзӗн членӗ. Ӑна Чӑваш академийӗн ретне илнӗ. Журналистсен союзӗн пайташӗ. Лара-тӑра пӗлмен ӳрӗк те ӗҫлӗ чӑваш. Умма лартнӑ тӗллевсене пӑрӑнми пурнӑҫлакан ҫын вӑл. Хӑй тӗрӗс текен шухӑшран пӑрӑнма хӑнӑхман. Ку вара пуҫлӑхсене пит тарӑхтарать. Тӳрӗлӗхе пула Владислав Григорьевич ӗҫре пӑшӑхланса курчӗ. Урӑх специальноҫа вӗренме тиврӗ унӑн, ӗҫ вырӑнне улӑштармалла пулса тухрӗ. Парӑнса хуҫӑлмарӗ. Анаткас ачи ягель шыракан пӑлансемпе пӗрле Ҫӗпӗр тайгин юрне ашса курчӗ. Якутра, Магаданра, Колымара ылтӑн приискӗсемпе шахтӑсен тусанне ҫӑтрӗ. Нушара та ырри пур, теҫҫӗ. Ҫав манӑҫми вырӑнсем ӑнӑҫлӑ сӑвӑсен ярӑмӗсене кӗрсе юлчӗҫ.
Сӑвӑҫӑн «Раҫҫей-аннемӗре пуҫ тайса: сӑвӑсемпе поэма» ятлӑ чӑвашла-вырӑсла пысӑк кӗнекене (Ш., «Ҫӗнӗ вӑхӑт», 2024, 564 с.) вуласа тахҫанах хам шухӑша ҫырнӑччӗ. Ҫеҫпӗл Мишшипе Андриян Николаев юбилейӗсене халалланӑ пухчӑна, вӗсен ячӗпе ятарласа пайсем уйӑрнӑ.
Нумаях пулмасть Шупашкарти Культура колледжӗ тӗнчери халӑхсен юрри-ташшипе паллаштаракан «Заплетаем в косы песни»т (чӑв. Ҫивӗтлесе юрлатпӑр) фестиваль-концертне ирттернӗ.
Асӑннӑ фестивале унта иккӗмӗш ҫул ирттереҫҫӗ. Хальхинче ӑна «Этнохудожество пултарулӑхӗ» специальноҫа алала илекен студентсем хатӗрленӗ.
Мероприятире тӗнчери 15 халӑх юрри-ташшин илемне кӑтартса панӑ. Сцена ҫине колледжӑн вокалпа хореографи ансамблӗ, пултарулӑх коллективӗсем чӗннӗ. Чӑваш Ен халӑх артисчӗ Августа Уляндина тата «Ярды» этно-фолк ушкӑн та пулнӑ.
Паян, раштав уйӑхӗн 3-мӗшӗнче, Пӗтӗм тӗнчери инвалидсен кунӗ. Ҫавна май Шупашкарти Трактор тӑвакансен культура керменӗнче пысӑк мероприяти пулса иртнӗ. Унта тӗрлӗ пултарулӑх лаҫҫисем ӗҫленӗ кӑна мар, сусӑрсене еплерех пулӑшма май пурри ҫинчен каласа кӑтартакан кӗтессем йӗркеленӗ.
Мероприятие тӗрлӗ шайри тӳре-шара, ҫав шутра республикӑн ӗҫ министрӗ Алена Елизарова, культура министрӗ Светлана Каликова, Николай Владимиров сенатор тата ыттисем хутшӑннӑ.
Сусӑр пулсан та тӗлӗнсе каймалла тӗрлӗ енӗпе ӑста ачасемпе аслисен пултарулӑхӗпе те паллашма май килнӗ.
Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта ӗнер, Чӑваш тӗррин кунӗнче, вата ҫынсен ал ӗҫӗсен куравӗ уҫӑлнӑ.
Стрелоксен 324-мӗш дивизийӗ урамра вырнаҫнӑ «Манӑн социаллӑ центр» клубри курава пенсионерсем хӑйсен ӗҫӗсене ҫеҫ мар, амӑшӗсенчен юлнӑ пуянлӑха та илсе пынӑ.
«Аннен тӗрленӗ ӗҫӗсемпе кунти куравра ҫынсене паллаштарма май пурри мана питех те савӑнтарать», — тенӗ Галина Деомидова.
Николай Фролов мӑшӑрӗн Екатерина Сильвестровнӑн ӗҫӗсем пирки темччен каласа кӑтартма пултарать. Вӗсен килӗнче те ал ӗҫӗсем, чӑвашла тумлантарнӑ пуканесенчен пуҫласа минтер пичӗсем таранах, пур.
Чӑваш Енре ҫуралнӑ Антон Макаров — пултаруллӑ художник. Ку сӑнукерчӗкре унӑн «Молодая Чувашка» (чӑв. Ҫамрӑк чӑваш хӗрӗ) ӗҫӗпе паллашма пулать.
Антон Владимирович Шупашкарти ӳнер училищинчен тата Питӗрти И.Е. Репин ячӗллӗ живопись, скульптура тата архитектура академи институтӗнчен вӗренсе тухнӑ. Темиҫе ҫул Питӗрти А.Л. Штиглиц ячӗллӗ патшалӑх ӳнерпе промышленность академийӗнче пӗтӗмӗшле живопись кафедринче аслӑ преподаватель пулса тӑрӑшнӑ.
Питӗрте пурӑнакан Владимир Живов чӑваш халӑх тетелӗнчи хӑйӗн страницинчен пӗлтернӗ тӑрӑх, художник регион, ҫӗршыв тата тӗнче шайӗнчи куравсене темиҫе хут та хутшӑннӑ. 2010 ҫулта ӑна Раҫҫӗйӗн художниксен союзӗн ылтӑн медалӗпе чысланӑ.
Шупашкарти Уруков урамӗнче вырнаҫнӑ Патшалӑх истори архивӗнче «Минуты счастья в четыре руки» курав уҫӑлнӑ.
Унӑн авторӗсем — пултаруллӑ та ҫамрӑк Мария Евишева тата ӑна пулӑшса пыракан художникӗ-живописҫи, педагогӗ, Ҫӗнӗ Шупашкарти Ӳнер музейӗн ӑслӑлӑх ӗҫченӗ Наталия Нагорнова.
Куравра Машӑн тӗрлӗ техникӑпа тата стильпе пурнӑҫланӑ ӗҫӗсен коллекцийӗпе паллашма пулать.
Архив директорӗ Галина Ертмакова хӗрачана пулӑшса пынӑшӑн Наталия Юрьевнӑпа Владимир Порфирьевич Нагорновсене тав тунӑ.
Сусӑр ачасене пулӑшса пыракансене ырласа ыттисем те сӑмах каланӑ.
Кӑҫал республикӑри колхоз театрӗсене пуҫарса янӑранпа 90 ҫул ҫитнине эпир унччен пӗлтернӗччӗ-ха. Аса илтерер: ҫавна Шупашкар районӗнче тӗрлӗ мероприяти ирттерчӗҫ те ӗнтӗ. Чӳк уйӑхӗн 23-мӗшӗнче вара Патӑрьелте республикӑри халӑх театрӗсен анлӑ фестивалӗ иртӗ.
Шупашкар муниципаллӑ округӗнчи Апашри халӑх театрӗн артисчӗ Владислав Кириллов халӑх тетелӗнчи хӑйӗн страницинче пӗлтернӗ тӑрӑх, СССР халӑх артисчӗ Борис Алексеев ячӗллӗ Апаш халӑх театрӗ уява хатӗрленсе Н. Угарин пьесипе лартнӑ «Юнланнӑ пӗркенчӗк» спектаклӗн пӗр сыпӑкне сцена ҫине тепӗр хут кӑларас тесе ӗҫлеме тытӑннӑ та.
+11.3 °C