Ӗнер республикӑра нормӑран 4,5 градус сивӗрех пулнӑ. Паян ӑшӑ циклон ҫывхарнӑ, паян-ыран юр ҫукалӗ.

Малалла сивӗтӗ. Синоптиксем пӗлтернӗ тӑрӑх, нумайлӑха мар. Паян-ыран 8-13 градус сивӗ тӑрӗ, юнкун – 13-18 градус, кӗҫнерникун – 18-23 градус. Эрнекунран пуҫласа пирӗн патра ҫурҫӗр антициклонӗ хуҫаланӗ. Уяр ҫанталӑк тӑрӗ, сывлӑш температури 25-30 градус таран сивӗнӗ.

Чи сивӗ кунсем канмалли кунсенче пулӗҫ. Тунтикунран ӑшӑ килме пуҫлӗ. Раштавӑн 13-мӗшӗнче 10 градус сивӗ тӑрӗ. Уйӑх варринче йӗпе юр ҫума пултарать.

Кӗҫӗр тата ыран кӑнтӑрла юр ҫӑвӗ. Каҫхине вара шӑнтӗ, теромометр 15 градус сивӗ кӑтартӗ. Вырсарникун ирхине тӗтре карса илӗ, йывӑҫҫем шурӑ тум пӗркенӗҫ.

Вырсарникун каҫ енне каллех юр ҫӑвӗ. Хальхинче – вӑйлӑрах. Кӑнтӑр районсенче пӑрлӑ ҫумӑр ҫума пултарать.

Тунтикун ҫил вӑйланӗ. Ҫанталӑк хӑвӑрт улшӑнӗ: ирхине 0 градус пулсан каҫ енне шӑнтӗ. Ытларикунран пуҫласа кӑнтӑрла 10 градус сивӗ тӑрӗ. Ҫӗрле 20 градус та пулӗ. Кӑштах юр ҫукалӗ. Канмалли кунсем тӗлне уяртӗ. Эрнери чи сивӗ кунсем пулӗҫ ун чухне.

Раштав уйӑхӗн ӑшӑ килӗ-и е сивӗ пулӗ-и? «Погода21» портал вӑл мӗнле пулассине тишкернӗ.

Шупашкарта вӑтам температура 10 градуса яхӑн сивӗ пулмалла. Норма – 8 градус. Нормӑпа килӗшӳллӗн 36 мм юр ҫумалла тӑк 40 мм пулӗ.

Уйӑхӑн пӗрремӗш декадинче тата юлашки эрнинче, Ҫӗнӗ ҫул умӗн, ӑшӑ пулӗ. Шӑпах ҫавӑн чухне юр нумай ҫӑвӗ. Раштав вӗҫнелле Шупашкарта юр хулӑнӑшӗ 23 сантиметр таран ҫитмелле.

Пӗрремӗш декадӑра икӗ хутчен ӑшӑтӗ, кайран – уйӑх варринче. Раштавӑн 20-22-мӗшӗсенче типӗ те сивӗ ҫанталӑк тӑрӗ. Ун чухне 15 градусран сивӗрех пулмалла. Ҫӗрлесерен 22-27 градус таран сиветӗ.

Паян республикӑра ӑшӑ циклон хуҫаланать. Ҫав вӑхӑтрах кӑнтӑрта сивӗ фрончӗ ҫывхарать. Ҫавна май сивӗтӗ, юр ҫӑвӗ. Кӗҫӗр ыран кӑнтӑрлахинчен ӑшӑрах пулӗ.

Ыран 5 градус таран сивӗтӗ, уяртӗ. Ыран ҫӗрле 15 градус сивӗ тӑрӗ. Юнкун та сивӗ пулӗ, йывӑҫсем шурӑ тум пӗркенӗҫ.

Кӗҫнерникун ҫил вӑйланма пуҫлӗ, циклон ҫывхарӗ. Каҫхине каллех юр ҫӑвӗ. Шӑматкун та ҫил-тӑман вӗҫтерӗ. Вырсарникун вара каллех ҫумӑр ҫума пултарать, ҫулсем шуҫлакланӗҫ.

Малтанлӑха пӗлтернӗ тӑрӑх, ҫитес эрнере хӗллехи сивӗ ҫанталӑк пулӗ. Раштавӑн пӗрремӗш декади вӗҫнелле 20-25 градус таран сивӗтме пултарать. Ҫил лӑпланӗ, уяртӗ.

Кӗҫӗр республикӑра 14 градус сивӗ пулнӑ. Синоптиксем пӗлтернӗ тӑрӑх, ҫанталӑк ӑшӑтӗ. Паян каҫхине юр ҫума тытӑнӗ. Ыран ир тӗлне Шупашкарта юр хулӑнӑшӗ 10 см ҫитӗ. Ыран термометр 0 градус кӑтартӗ. Вырсарникун тӗтре карса илӗ, ҫил лӑпланӗ. Ирхине кӑнтӑр районӗсенчен тытӑнса юр ҫума пуҫлӗ, хушӑран - пӑрлӑ ҫумӑр. Ҫил каллех вӑйланӗ.

Тунтикун уяртӗ. Ытларикун сивӗтӗ. Эрне варринче юр ҫумӗ. Кӗҫнерникун, эрнекун юр ҫӑвӗ. Раштаври пӗрремӗш канмалли кунсенче ҫумӑр ҫума пултарать.

Синоптиксем пӗлтернӗ тӑрӑх, юр текех ирӗлмӗ, хӗл ларнӑ. Паян ҫил-тӑман вӗҫтеркелет, ҫил кастарать, ҫавна май тата сивӗ пек туйӑнать.

Ҫитес икӗ кунра сивӗ пулӗ. Кӗҫнерникун ҫӗрле 14-16 градус таран сивӗтӗ.

Канмалли кунсенче вара ӑшӑтӗ, 0 градус пулӗ, ҫил лӑпланӗ. Тунтикун термометр «плюс» кӑтартӗ, кӑштах ҫумӑр ҫӑвӗ. Ҫул ҫинче юр ҫӑрӑлма пултарӗ. Вырӑнӑн-вырӑнӑн пӑрлӑ ҫумӑр ҫума пултарать.

Ӑшӑ нумайлӑха тытӑнса тӑмӗ, часах сивӗтӗ. Ытларикун ҫулсем пӑрлакланӗҫ. Юнкун тата кӗҫнерникун юр ҫӑвӗ. Уйӑх вӗҫӗнче 6-8 градус сивӗ тӑрӗ.

Малтанлӑха пӗлтернӗ тӑрӑх, раштав сивӗ те типӗ ҫантанлӑкран пуҫланӗ. Пӗрремӗш декадӑра термометр 20-25 градус кӑтартма пултарӗ.

Канмалли кунсенче прогноз улшӑннӑ. Ҫӗпӗрте антициклон ҫил-тӑвӑл пулса лӑпланнӑ. Пирӗн пата килмелли циклон Урала кайӗ. Ҫапах пирӗн патра та юр ҫӑвать, анчах синоптиксем унччен каланӑ пек питех вӑйлӑ мар.

Республикӑн кӑнтӑр районӗсене халӗ циклон ҫывхарать ӗнтӗ. Шупашкара вӑл каҫхине ҫитӗ те ҫӗрӗпех ҫӑвӗ. Ыран ир валли хулара 8 см хулӑнӑш юр ҫуса лартӗ.

Ыран циклон Свердловск облаҫне кайӗ. Пирӗн патра тӗтре карса илӗ, кӑштах ӑшӑтӗ.

Юнкун ытларах республикӑн хӗвеланӑҫ районӗсенче юр ҫӑвӗ. Сивӗтме тытӑнӗ, ҫил вӑйланӗ. Кӗҫнерникун ҫӗрле 14 градус таран сивӗтӗ. Эрнекун кӑнтӑрла иртсен юр ҫума пуҫлӗ, шӑматкун та ҫӑвӗ.

Эрне веҫне Шупашкарта юр хулӑнӑшӗ 20 см таран ҫитме пултарать. Канмалли кунсенче термометр 0 градус кӑтартӗ.

Кӗҫех метеорологи хӗлӗ пуҫланасси пирки пӗлтернӗччӗ. Ку виҫмене пулӗ. Ун чухне юрпа ҫумӑр хутӑш ҫума тытӑнӗ.

Ҫитес эрнере Шупашкарта 26 мм юр ӳкме пултарать. Ӑнланма: Норвеги шутлав моделӗпе 1 мм пирӗн 1 сантиметрпа танлашать. Чӳкӗн 21-мӗшӗнче Чӑваш Ене Хура тинӗс енчен кӑнтӑр циклонӗ килет. Ҫапла сахалтан та икӗ кун юр ҫӑвӗ, ҫил-тӑман вӗҫтерӗ. Сывлӑш температури «минус» пулӗ.

Ҫак прогнозчен тепӗр эрне-ха. Ҫавӑнпа юр нумай ҫуса лартасси пирки ҫирӗплетсех калама ҫук. Ҫапах 26 сантиметртан ҫурри таран ҫуса лартсан та ку нумай шутланать.

Чӳк уйӑхӗн пуҫламӑшӗнче ӑшӑ ҫанталӑк тӑни 10 ҫул пулман. Анчах, синоптиксем пӗлтернӗ тӑрӑх, кӗр вӗҫленсе пырать, хӗл ҫывхарать.

Ыран ҫумӑр хушӑран кӑна ҫӑвӗ, хӗвел пӑхкалӗ. Сывлӑш температури 3-8 градус ӑшӑ пулӗ.

Юнкун тӗтре карса илӗ, ҫумӑрпа пӗрле йӗпе юр ҫӑвӗ. Кӗҫнерникун ҫил ҫурҫӗр еннелле куҫӗ, кӑнтӑрла та сивӗ пулӗ. Ҫак кунран метеорологи хӗлӗ пуҫланать.

Ҫитес канмалли кунсенче юр 20 сантиметр хулӑнӑш ҫуса лартма пултарать. Анчах хальлӗхе ҫакна ҫирӗплетсе калама ҫук. Ахӑртнех, чӳкӗн 17-мӗшӗнче кӑштах юр ҫӑвӗ, хура ҫӗр шуралӗ. Ҫапла сивӗ те типӗ ҫанталӑк тӑрӗ.

Малтанлӑха пӗлтернӗ тӑрӑх, канмалли кунсенче уяр ҫанталӑк тӑрӗ те ҫитес эренере циклон килӗ. Хальхинче - юрпа. Эппин, хӗл хӑйӗн вырӑнне йышӑнасшӑн.

Хӗл хӑҫан ларӗ? Синоптиксем ҫакна пӗлеҫҫӗ ӗнтӗ. Кӗҫех циклон пирӗн патран кайӗ, сивӗ килме тытӑнӗ. Паян ҫӗрле «минус» та пулӗ.

Канмалли кунсем уяр та типӗ ҫанталӑкпа савӑнтарӗҫ. Ҫил те лӑпланӗ. Кӑнтӑрла 1-6 градус ӑшӑ пулӗ. Вырсарникун каллех ҫил вӑйланӗ, каҫ енне ҫумӑр ҫӑвӗ. Тунтикун кӑнтӑрла 5-10 градус ӑшӑ пулӗ.

Юнкун сивӗтӗ, юр ҫукалӗ. Ҫӗр шуралӗ. Эрнекун кӑнтӑрла та «минус» пулӗ. Ҫак кун, чӳкӗн 17-мӗшӗнче, метеорологи хӗлӗ килӗ. Ку – ахаль чухнехинчен икӗ эрне каярах.