Ҫу уйӑхӗн 26-мӗшӗнче Ҫӗнӗ Шупашкарта Химик кунне паллӑ тӑвӗҫ. Мероприяти 13 сехетре Атӑл хӗрринче пуҫланӗ та 22 сехетре салютпа вӗҫленӗ.
13-16 сехетсенче ачасем валли программа пулӗ. Ҫав вӑхӑтрах пултарулӑх коллективӗсем юрлӗҫ-ташлӗҫ. 19-20 сехетсенче кавер-ушкӑн сцена ҫине тухӗ. 20-21 сехетсенче Раҫҫей эстрада ҫӑлтӑрӗ концертпа савӑнтарӗ. Анчах кам килессине «Химпром» вӑрттӑнлӑхра тытать.
Салют хыҫҫӑн 1 сехет ташӑ каҫӗ пулӗ.
Ҫеҫпӗл Мишши ячӗллӗ Чӑваш патшалӑх ҫамрӑксен театрӗ Пӗтӗм тӗнчери ачасене хӳтӗлемелли кун тӗлне пуян уяв программи хатӗрлет.
Ҫӗртме уйӑхӗн 1-мӗшӗнче театр умӗнче «Юмах патӗнче хӑнара» интерактивлӑ программа пулать. Унта юмахри сӑнарсем хутшӑнӗҫ. Унтан ачасем «Айболит» мультимедийлӑ юмах курса киленӗҫ.
Уявра кинозал кунӗпех ӗҫлӗ. Унта пӗчӗкскерсем тӗрлӗ мультфильм курса киленӗҫ. Фойере вара шӑпӑрлансене юмахри сӑнарсем хӑмпӑсемпе кӗтсе илӗҫ.
РФ Следстви комитечӗн Чӑваш Енри следстви управленийӗн ӗҫченӗсем Ҫӗнӗ Шупашкарта пурӑнакан 100 ҫулти ветерана, Анна Ивановна Январевӑна, Ҫӗнтерӳ кунӗпе саламланӑ. Ветеран пӗлтӗр раштав уйӑхӗн 20-мӗшӗнче 100 ҫулхи юбилейне паллӑ тунӑ. Вӑл Пӑрачкав районӗнчи Кожевенное ялӗнче ҫуралнӑ.
Анна Ивановна 1941 ҫулта фронта кайнӑ, госпитальте ӗҫленӗ. Кайран прожектор полкӗнче ҫар тивӗҫне пурнӑҫланӑ, Мускава фашистсенчен хӳтӗленӗ. Вӑрҫӑран 1945 ҫулхи утӑн 7-мӗшӗнче таврӑннӑ.
Следстви управленийӗн ӗҫченӗсем ветерана парне панӑ, ачасем вара сӑвӑсем вуланӑ.
Ҫӗнтерӳ кунӗнче, ҫу уйӑхӗн 9-мӗшӗнче, Шупашкарти хӑш-пӗр урамсенче транспорта ҫӳреме чарӗҫ. Стоянкӑсемпе те ирӗклех усӑ курма май пулмӗ.
Уявра общество транспорчӗн хӑш-пӗр маршручӗ улшӑнӗ. Халӑха меллӗ пултӑр тесе троллейбуссемпе автобуссем ҫур ҫӗрччен ҫӳрӗҫ.
Аса илтерер: Ҫӗнтерӳ кунӗнче Шупашкарта ретро-троллейбус ҫула тухӗ. Вӑл ҫӳренине "Ӑслӑ транспорт" сарӑмра курма пулать.
Ҫу уйӑхӗн 4-мӗшӗнче Шупашкарти Текстильщиксен урамӗнчи скверта Тӑван ҫӗршывӑн Аслӑ вӑрҫин ветеранӗсене Ҫӗнтерӳ кунӗпе саламланӑ. Вӗсене оркестр, ансамбльсемпе тӗрлӗ ушкӑн концерт лартса панӑ.
Ҫав кун скверта вӑрҫӑ вӑхӑтӗнчи юрӑсем янӑранӑ. Ветерансене парне, хӗрлӗ гвоздика парса савӑнтарнӑ. Сквера пухӑннисене вара пурне те Георги хӑйӑвӗ валеҫсе панӑ.
Шупашкар хулинче Ҫӗнтерӳ кунне кӗтсе илме хатӗрленеҫҫӗ. Паян, ҫу уйӑхӗн 5-мӗшӗнче, хулан тӗп пайӗнче 13 сехетрен пуҫласа транспорта ҫӳреме чарӗҫ.
Чару Ленин проспекчӗпе Гагарин урамӗ пӗрлешнӗ вырӑнтан пуҫӑнса Карл Маркс урамӗпе Воробьев композиторсен урамӗсем ҫыхӑничченхи вырӑнсене, ҫавӑн пекех Президент бульврӗнчен Дзержинский, Кооператив урамӗсене, Электроаппаратчиксен бульварне тухакан ҫулсене пырса тивӗ.
Ҫӗнтеӳ кунӗнче, сӑмах май каласан, чару «Ҫӗрпӳ-Красноармейски-Кӳлҫырма» ҫула та пырса тивӗ. Унта ҫӑмӑл атлетсем «Дорога Мужества» (чӑв. Паттӑрсен чупӑвӗ) чупӑва тухӗҫ.
Хӑш чухне, уявсенче, Шупашкарта ретро-троллейбус ҫула тухать. Ҫӗнтерӳ кунӗнче те ӑна курма май пулӗ. Унпа ҫу уйӑхӗн 9-мӗшӗнче 9-11 сехетсенче тата 14-17 сехетсенче ярӑнма пулать.
Троллейбус 1-мӗш маршрутпа ҫӳрӗ. Вӑл ҫӳренине «Ӑслӑ транспорт» сарӑм урлӑ йӗрлеме пулать. Унта ӑна «Р» саспаллипе паллӑ тунӑ.
ЗИУ-5 троллейбуса, ретро-транспорта, 1964 ҫулта туса кӑларнӑ. Ӑна 2019 ҫулта юсаса уявсенче маршрут ҫине кӑларма пуҫланӑ.
Чӑваш Ен Тӑван ҫӗршывӑн Аслӑ вӑрҫинче ҫӗнтернӗренпе 78 ҫул ҫитнине паллӑ тума хатӗрленет. Шупашкарта Хӗрлӗ лапамра Ҫӗнтерӳ ҫӑлтӑрне вырнаҫтарнӑ. Вӑл 4,5 метр ҫӳллӗш.
Шупашкар ҫыннисемпе хӑнисем ун умӗнче хаваспах сӑн ӳкерӗнеҫҫӗ.
Палӑртмалла: кӑҫал Ҫӗнтерӳ кунӗнче "Вилӗмсӗр полк" акци иртмӗ.
Кӗҫех Шупашкарта Ҫуркуннепе Ӗҫ уявне тата Ҫӗнтерӳ кунне паллӑ тӑвӗҫ. Ку уявсенче массӑллӑ мероприятисем пыракан вырӑнсенче эрех-сӑра сутма чарӗҫ. Ҫапла йышӑннӑ Шупашкар хула администрацийӗ.
Мероприяти пуҫланиччен 2 сехет маларах тата ун хыҫҫӑн 1 сехет эрех-сӑра сутмӗҫ. Массӑллӑ мероприятисем ҫу уйӑхӗн 1-мӗшӗнче, 5-мӗшӗнче, 6-мӗшӗнче, 7-мӗшӗнче, 8-мӗшӗнче тата 9-мӗшӗнче иртӗҫ.
Аса илтерер: кӑҫал «Вилӗмсӗр полк» пулмӗ. Акци урӑхларах йӗркепе иртӗ: вӑрҫа хутшӑннӑ паттӑрсене потречӗсене машина, чӳрече ҫине ҫирӗплетме сӗнеҫҫӗ.
Ӗнер, ака уйӑхӗн 25-мӗшӗнче, Пӗрремӗш каналпа Чӑваш чӗлхин кунӗ ҫинчен сюжет кӑтартнӑ. Пирӗн халӑхӑмӑрӑн уявӗ ҫинчен «Доброе утро» кӑларӑмра асӑнса хӑварнӑ.
«Чӑваш Ен — ҫӗр пин юрӑпа ҫӗр пин тӗрӗ ҫершывӗ. Кудряшовемпе Абрамовсен ҫемйисенче чӑвашла кашни юрра перекетлӗн упраҫҫӗ, ҫавна май вӗсем 12 ҫул каялла ҫемье ансамблӗ йӗркелесе янӑ. Репетицисене сӗтел хушшинче ларнӑ чух та ирттереҫҫӗ. Коллективра 24 ҫын…» — каласа кӑтартнӑ сюжетра.
Чӑвашла Атӑлҫи пӑлхарсем те чӑвашла калаҫнине, пӑлхар ушкӑнӗнчи чӗлхесенчен чӑваш чӗлхи ҫеҫ упранса юлни пирки каласа панӑ. «Ку чӗлхепе паян пӗр миллион ытла ҫын калаҫать. Чӑваш Енре кӑна мар, Тутарстанра, Пушкӑртстанра, Самар, Чӗмпӗр, Сарту, Пенза облаҫӗсенче», — пӗлтернӗ сюжетра.
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Вдовина Ираида Григорьевна, паллӑ чӑваш юрӑҫи ҫуралнӑ. | ||
| Пушкай Леонид Иванович, чӑваш сӑвӑҫи, драматургӗ ҫуралнӑ. | ||
| Афанасьев Алексей Андриянович, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Виталий Енӗш, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Исаева Людмила Сергеевна, сӑвӑҫ, тӑлмач ҫуралнӑ. | ||
| Краснов-Асли Василий Иванович, чӑваш ҫыравҫи ҫут тӗнчерен уйрӑлса кайнӑ. | ||
| Василий Краснов-Асли, чӑваш ҫыравҫи ҫут тӗнчерен уйрӑлса кайнӑ. | ||
| Романов Борис Александрович, чӑваш сӑвӑҫи вилнӗ. | ||
| Чӑваш АССРӗ вырӑнне Чӑваш Совет Социаллӑ Республики пулса тӑнӑ. | ||
Пулӑм хуш... |