"Контактри" сӑн

«Контактра» халӑх тетелӗнче улатӑрсем хӑйсене Чӗмпӗр облаҫне кӗртме ыйтса ҫырни пирки пӗлтернӗччӗ. Республика влаҫӗ кун пирки мӗн шутлать?

Пост тухнӑ хыҫҫӑн 16 сехетрен тӳре-шара комментари панӑ. Вӗсем каланӑ тӑрӑх, ҫакна йӗркеллех мар ҫын ҫырнӑ. Пост тухнӑ ушкӑнра ҫын та сахал-мӗн (унта 3,7 пин ытла ҫын). Пӗр сӑмахпа каласан, тӳре-шара ҫакна фейк тесе хакланӑ.

Аса илтерер: ҫак кунсенче Улатӑр тата Улатӑр округне пӗрлештерме йышӑннӑ. Кӗҫех ку ыйтупа халӑх итлевӗ иртмелле.

culture.cap.ru сӑнӳкерчӗкӗ

Куславкка тӑрӑхӗнчи «Чӗмсӗр чикӗсен строительствине халалласа» мемориала ҫынсем Ҫӗнтерӳ кунӗнче тӳлевсӗр кӗрсе курайӗҫ. Ҫав кун экскурсисем те иртӗҫ. Вӗсем 13 тата 15 сехетре пуҫланӗҫ.

Куславкка тата Вӑрмар тӑрӑхӗсенчи шкул ачисем валли 11 сехетре паттӑрлӑх урокӗ ирттерӗҫ.

Музей хальхи вӑхӑтри мультимеди аппаратури пуртан видео тара аудио файлсем кӑтартӑпӑр. Хӑнасене эпир яланах хавас», – тенӗ Чӑваш наци музейӗн ӑслӑлӑх ӗҫченӗ, мемориал экскурсовочӗ Ирина Михайлова.

"Чӑваш Ен" ПТРК тунӑ видео скринӗ

Паян ЧР Министрсен Кабинечӗн председателӗ Олег Николаев йышӑнӑва алӑ пуснӑ: ЧР Вӗренӳ институчӗн ректорне Юрий Исаева ӗҫрен кӑларнӑ. Вӑл ӑна 6 ҫул ытла ертсе пынӑ.

Юрий Николаевич 1969 ҫулта Патӑрьел районӗнчи Нӑрваш Шӑхаль ялӗнче ҫуралнӑ. 2010-2016 ҫулсенче вӑл Чӑваш патшалӑх гуманитари ӑслӑлӑхӗсен институтне ертсе пынӑ. Хӑш-пӗр ҫӑлкуҫ пӗлтернӗ тӑрӑх, вӑл унта таврӑнма пултарать. Чеб.ру сайт хыпарланӑ тӑрӑх, ЧР Вӗренӳ институчӗн ректорӗ вырӑнне вӗренӳ министрӗ Дмитрий Захаров килме пултарать.

t.me/chuv_kray сӑнӳкерчӗкӗ

Чӑваш яш-кӗрӗмӗпе хӗрупраҫӗ 18 медаль ҫӗнсе илнӗ. Питӗрте иртнӗ Раҫҫей чемпионачӗпе первенствинче мас-рестлерсем ҫавӑн пек палӑрнӑ.

Ӑмӑртӑвӑн пӗрремӗш кунӗнче пӗр ылтӑн, виҫӗ кӗмӗл, тӑватӑ бронза медаль ҫӗнсе илнӗ, иккӗмӗш кунхине – тата те 10 медаль.

Турнирта ҫӗнтернӗ Алина Алексеева Кӑркӑстанра иртекен тӗнче чемпионатне хутшӑнӗ. Илья Лазарев, Виктория Яковенко, Лия Иванова тата Николай Ушаков Грузире иртекен Европа чемпионачӗпе первенствине тухса кайӗҫ.

Куславккари Н.И. Лобачевский музей-ҫуртне ҫӗнӗ оборудованипе пуянлатӗҫ.

Музей директорӗ Мария Солдатихина пӗлтернӗ тӑрӑх, пӗлтӗр учреждени музее техника енчен пуянлатмалли конкурса хутшӑннӑ. «Пирӗн заявкӑна Раҫҫейӗн Культура министерстви ырларӗ, 5 миллион тенкӗ укҫа уйӑрса пачӗ», — пӗлтернӗ музей директорӗ.

Унсӑр пуҫне 2024 ҫулта пурлӑхпа техника никӗсне ҫирӗплетме республика хыснинчен 10 млн тенке яхӑн уйӑрса панӑ.

«Ку укҫапа музей сӗтел-пукан, ҫав шутра экспонатсене упрамалли тата кӑтартмалли хатӗрсем, ҫутӑ диодлӑ экран, проектор тата интерактивлӑ киосксем, кирлӗ ытти борудовани тата программа туянӗ», — каласа кӑтартнӑ республикӑн культура министрӗ Светлана Каликова.

"Про Город" сайтӗнчи сӑн

Канашра арҫын 5-мӗш хутран персе аннӑ. Кун пирки «Про Город» хаҫата халӑх корреспонденчӗ пӗлтернӗ.

Ку 14 сехетре Машиностроительсен урамӗнчи 37-мӗш ҫуртра пулнӑ. Ҫурт умне васкавлӑ медпулӑшу, пушарнӑйсем, полицейскисем ҫитнӗ.

Ҫакна курнӑ ҫынсем каланӑ тӑрӑх, арҫын балкон ҫинче телефонпа калаҫса тӑнӑ. Ӑнсӑртран вӑл пуҫхӗрлӗ персе аннӑ. Юрать-ха, аялта улмуҫҫи пур. Арҫын ҫавӑн ҫине персе анса чӗрӗ юлнӑ. Пуҫне амантнӑскере тухтӑрсем илсе кайнӑ.

Паян ҫӗрле «Контактра» халӑх тетелӗнче «Алатырь» сообществӑра Чӗмпӗр облаҫне чӗнсе каланӑ хыпар вырнаҫтарнӑ. Улатӑрта пурӑнакансем облаҫ кӗпӗрнаттӑрне хулана хӑйсен йышне кӗртес ыйтӑва пӑхса тухма, референдум ирттерме сӗннӗ.

Акан 8-мӗшӗнче муниципалитет реформипе килӗшӳллӗн депутатсем Улатӑр хулипе округне пӗрлештерессишӗн сасӑланӑ. Ҫу уйӑхӗн 13-мӗшӗнче халӑх итлевӗ пулмалла.

Улатӑрсем халӑх тетелӗнчи хыпарта унччен вӗсем Чӗмпер кӗпернинче пулнине, 1925 ҫулта Чӑваш Енпе пӗрлештернине, вӗсем хӑйсен тымарне манманнине палӑртнӑ, «чылай ҫул ӗнтӗ регион правительстви хулана хӗстерет» тесе ҫырнӑ.

Сӑмах май, 2019 ҫулта улатӑрсем Мӑкшӑ Республикипе пӗрлештерме ыйтнӑ. Ҫакна вӗсем Саранск Шупашкартан ҫывӑхрах пулнипе сӑлтавланӑ.

Ака уйӑхӗн 12-мӗшӗнче Чӑваш Республикинчи Елчӗк округӗн центрӗнче чӑваш халӑхӗн сумлӑ ывӑлне, Елчӗк районӗн хисеплӗ гражданинне, ЧР культурӑн тава тивӗҫлӗ ӗҫченне, ЧНК вице-президентне тата Ульяновск облаҫӗнчи чӑвашсен наципе культура автономине ертсе пынӑ Олег Николаевич Мустаева асӑнса регионсем хушшинче купӑсҫӑсен фестиваль-конкурсӗ иртрӗ. Унта Челябинскран, Санкт-Петербургран, Пенза, Ульяновск облаҫӗсенчен, Тутарстанпа Чӑваш Республикисенчи тӗрлӗ районсенчен 50 яхӑн паллӑ тата ҫамрӑк купӑсҫӑсем хутшӑнса хӑйсен пултарулӑхӗпе паллаштарчӗҫ.

Мероприятие ЧР Елчӗк муниципаллӑ округӗ, муниципаллӑ округӑн вӗрентӳпе ҫамрӑксен политикин, культурӑпа социаллӑ аталану тата архив ӗҫӗн уйрӑмӗсем тӗрев панипе Елчӗк муниципаллӑ районӗн тӗп клуб системи ирттерчӗ.

Фестиваль-конкурсӑн тӗп тӗллевӗсен шутӗнче О.Н. Мустаевӑн историлле йӗрне тата нумай енлӗ пултарулӑхне упраса хӑварса халӑха интереслентересси, Чӑваш Республикинчи тата ытти регионсенчи купӑсҫӑсен профессилле ҫыхӑнӑвӗсене ҫирӗплетесси, ҫамрӑк ӑрӑва воспитани панӑ ӗҫре халӑх музыкипе искусствин пӗлтерӗшне вӑйлатасси.

Малалла...

"Контактри" сӑн

Ҫӗрпӳ муниципаллӑ округӗнчи Тӗрер ялӗ ҫывӑхӗнчи пӗвере пулӑ нумай вилнӗ. Ҫакна вырӑнти ҫынсем асӑрханӑ.

Прокуратура халӗ унта тӗрӗслев ирттерет. Ку ӗҫе ытти тӗрӗслев тытӑмӗн специалисчӗсене те явӑҫтарнӑ. Хальхи вӑхӑтра шыв пробине тата пулӑ виллине тӗрӗслеме илнӗ. Анализ хыҫҫӑн пулӑсем мӗншӗн вилнине палӑртӗҫ, мӗн чухлӗ вилнине палӑртӗҫ.

Хальлӗхе темиҫе варианта пӑхса тухаҫҫӗ: пулӑсем кислород ҫитменнипе е шыва такам вараланипе вилнӗ.

Шупашкарӑн ҫуралнӑ кунне Раҫҫейри паллӑ юрӑҫа Шамана илсе килесшӗн. Кур пирки Патшалӑх Думин депутачӗ Анатолий Аксаков калаҫса татӑлнӑ.

Малтанлӑха пӗлтернӗ тӑрӑх, юрӑҫа хыснари мар укҫаран тӳлӗҫ. «Тӗрӗслӗхшӗн Раҫҫей» парти сайтӗнче пӗлтернӗ тӑрӑх, Шупашкарӑн 555 ҫулхи юбилейне федераци масштабне кӑларасшӑн. «Ку мероприятие федерци шайӗнче кӑтартма пӗлмелле - пӗлтӗр Хусан тунӑ пек», - тесе ҫырнӑ унта.