|
Кӳршӗре
 116.ru сайтри сӑн Тутарстана ҫутҫанталӑкӑн чӑн-чӑн апокалипсисӗ ҫитнӗ тейӗн. Кӳршӗ регионта ҫил вӑйланнӑ, ҫумӑр ҫунӑ, хӑш-пӗр ҫӗрте пӑр чашлаттарнӑ. Темиҫе районта ҫил-тӑвӑл шар кӑтартнӑ ӗнтӗ. Зеленодольскра теннис мечӗкӗ пысӑкӑш пӑр ҫунӑ. Пӑвара вӑйлӑ ҫил ҫурт тӑррисене сӳнӗ, картасемпе йывӑҫсене тӳнтернӗ. Виҫӗ сехет каялла пӗлтернӗ тӑрӑх, унта 10 машинӑна яхӑн сиенленнӗ. Чӑваш Ене килӗ-и ку апокалипсис? Килмессе шанатпӑр. Асар-писер ҫанталӑк Хусан еннелле кайнӑ. Хыпар ҫӑлкуҫӗ:
|
|
Чӑваш чӗлхи
 t.me/nikamran сӑнӳкерчӗкӗ Етӗрне округӗнчи Кӑкшӑм шкулӗнчи медиацентр чӑваш культурине халалласа репортажсем хатӗрлет. Кун пирки Телеграмри «Пуринчен малтан. Ҫывӑрса юлмасан» каналта пӗлтернӗ. Ҫӗнӗ пуҫарӑва шкул хастарӗсем чӑваш чӗлхи эрнипе ҫыхӑнтарнӑ иккен. «Хальлӗхе вӗсем чӑваш литератури тата чӑваш ӑсти ҫинчен видеороликсем хатӗрленӗ», — тесе хыпарланӑ маларах асӑннӑ ҫӑлкуҫра. Хыпар ҫӑлкуҫӗ:
|
|
Культура
 chgign.ru/a сӑнӳкерчӗкӗ Утӑ уйӑхӗн 25-мӗшӗнче Шупашкарта славянсемпе тӗрӗксен тӗнчине явӗҫ. «СЛАВЯНО-ТЮРКСКИЙ МИР: ИСТОРИЯ И СОВРЕМЕННОСТЬ» (чӑв. Славянсемпе тӗрӗксен тӗнчи: истори тара хальхи вӑхӑт) пӗтӗм Раҫҫейри ӑслӑлӑхпа практика конференцийӗ иртӗ. Мероприятие республикӑн Вӗренӳ институчӗ, Чӑваш патшалӑх гуманитари ӑслӑлӑхӗсен институчӗ, И.Н. Ульянов ячӗллӗ Чӑваш патшалӑх университечӗ, И.Я. Яковлев ячӗллӗ Чӑваш патшалӑх педагогика университечӗ, «Пӗлӳ» обществӑн регионти управленийӗ йӗркелӗҫ. Хыпар ҫӑлкуҫӗ:
|
|
Хулара
 t.me/chuvashenkalasat сӑнӳкерчӗкӗ Шупашкарта кӑна мар, Чӑваш Енре аттракционсене йӗркене кӗртеҫҫӗ. «Ҫакӑ чи малтанах хӑрушсӑрлӑхпа ҫыхӑннӑ, мӗншӗн тесен ярӑнмалли хатӗрсем ҫинче ачасем аманни пулнӑ. Хальлӗхе 86 аттракциона тӗрӗсленӗ», – пӗлтернӗ Телеграмри «Чӑваш Ен калаҫать» каналта. Хӑш-пӗр чуччу кивелме ӗлкӗрнӗ. Юрӑхсӑра тухнӑ ҫав хатӗрсемпе усӑ курма юрамасть. Ун пекки, сӑмахран, Канаш хулинче те пур. Ӑна утӑ уйӑхӗн 1-мӗшӗччен сӳтмелле. Хыпар ҫӑлкуҫӗ:
|
|
Ял хуҫалӑхӗ
 t.me/chuv_kray сӑнӳкерчӗкӗ Чӑваш Енре кӑҫал та ҫырла фестивалӗ иртӗ. Ӑна утӑ уйӑхӗн 20-21-мӗшӗсенче ирттерме палӑртса хунӑ. Пӗлтӗрхи фестиваль Шупашкар муниципалллӑ округӗнчи Хыркассинче пулнӑччӗ. Хальхинче Шупашкарта ирттерӗҫ. Фестивале Машина тӑвакансен проспектӗнчи 1-мӗш ҫуртӑн 6-мӗш корпусӗнче пуҫтарӑнӗҫ. Унта пысӑк парковка, сцена, фудкорт тата арт-объектсем пулӗҫ. Фермерсем ҫырла ҫеҫ мар, паха калча, хунав сутӗҫ. Ӗҫлӗ программа кӑҫал та «Ивушка» (Хыркасси ялӗ) питомникра иртӗ. Хыпар ҫӑлкуҫӗ:
|
|
Культура
 chgign.ru сӑнӳкерчӗкӗ «Центр и периферия» ӑслӑлӑх журналӑн кӑҫалхи пӗрремӗш номерӗнче Чӑваш патшалӑх гуманитари ӑслӑлӑхӗсен институчӗн директорӗн ӑслӑлӑхпа аталану енӗпе ӗҫлекен ҫумӗн Геннадий Николаевӑн, истори наукисен кандидачӗн Геннадий Николаевӑн статйи пичетленсе тухнӑ. Унта институтӑн ӗҫченӗсен ҫитӗнӗвӗпе паллаштарнӑ. Паянхи куна илсен, асӑннӑ учреждени академи евӗрлӗ центр пулса тӑрать. Унта чӑваш чӗлхин, литературин, историйӗн, археологийӗн, этнологийӗн, антропологийӗн, ӳнерӗн ыйтӑвӗсене теори тата ӑслӑлӑхпа прикладной енӗпе тӗпчет. Хыпар ҫӑлкуҫӗ:
|
|
Республикӑра
 m.smi24.net сайтри сӑн Вӑрмар муниципаллӑ округӗнче шкул автобусӗ 1-мӗш класс ачине уроксем хыҫҫӑн киле илсе кайман. Ашшӗ-амӑшӗ прокуратурӑна заявлени ҫырнӑ. Халӗ ачана кӑмӑл-сипет тӗлӗшӗнче сиен кӳнӗшӗн шкул администрацийӗн 20 пин тенкӗ тӳлемелле. Ку 2023 ҫулхи авӑнӑн 4-мӗшӗнче пулнӑ. Шкул ӗҫченӗсем ачана автобуспа илсе ҫӳремелли ачасен списокне кӗртмен. Ҫавна май ача уроксем хыҫҫӑн пушӑ класра чылай вӑхӑт ашшӗ-амӑшне кӗтсе ларнӑ. Унӑн стресс пулнӑ, вӑл ӑна каллех манса хӑварасран хӑранӑ. Куншӑн шкул ертӳлӗхне тата ӗҫченӗсене явап тыттарнӑ. Хыпар ҫӑлкуҫӗ:
|
|
Тӗнче тетелӗ
 Чӑваш уйрӑмӗн тӗп страници РУВИКИн чӑвашла уйрӑмӗ ҫак кунсенче бета-верси шайӗнче ӗҫленинчен тухнӑ. Кун пирки, Чӑваш чӗлхи кунӗ ҫывхарса пынӑ май, ҫӗнӗ энциклопедин Раҫҫей чӗлхисемпе ӗҫлекен пай хыпарлать. Бета-режимран ҫаван пекех ытти уйрӑмсем те тухнӑ: тутар, пушкӑрт, мӑкшӑ, мари, саха тата ыттисем. Вӗсемсӗр пуҫне тепӗр ҫӗнӗ сакӑр уйрӑм хушӑннӑ — бурят, вепс, ингуш, калмӑк, коми, коми-пермяк, карел (ливвик пуплевӗ) тата хакас чӗлхисен уйрӑмӗсем. Вырӑсла уйрӑма шутласан пурӗ 20 уйрӑм пулать. РУВИКИнчи чӑвашла уйрӑм иртнӗ ҫул вӗҫӗнче уҫӑлнӑ. Унтанпа вӑл 500 ытла ҫӗнӗ статьяпа пуянланнӑ. РУВИКИн чӑвашла уйрӑмӗнчи материал ытларах пайӗпе Википедирен илнӗскер (вӗсене Creative Commons Attribution-ShareAlike лицензипе килӗшӳллӗн копилесе илнӗ; ку лицензипе килӗшӳллӗн РУВИКИрен те Википедине копилеме юрать), апла пулин те чылай материала якатнӑ, йӗркене кӗртнӗ. Тепӗр уйрӑмлӑх — кунти текстсене ҫырнӑ май чӑваш саспаллисен кириллица пайӗнчи саспаллисемпе усӑ курма тӑрӑшаҫҫӗ, унччен латин пайӗнчисемпе ҫырнисене кириллица пайӗнчи саспалли ҫине ылмаштарса пыраҫҫӗ. Малашнехи планра — ҫӗнӗ 2.0 калӑплав ҫине, вырӑс уйрӑмӗ пекех, куҫасси. Хыпар ҫӑлкуҫӗ:
|
|
Политика
 cap.ru сайтри сӑн Чӑваш кӗнеке издательствин тӗп директорне Александр Иванова ӗҫрен кӑларнӑ. Тӗрӗсрех каласан, унӑн ӗҫ килӗшӗвне тӑсман. Хальлӗхе директор тивӗҫӗсене Владимир Скворцов пурнӑҫлать. 66 ҫулти Александр Степнович тӗрлӗ ҫулта информаци политикин министрӗ, вӗренӳ министрӗ пулнӑ. 2021 ҫулхи ака уйӑхӗн 8-мӗшӗнченпе вӑл Чӑваш кӗнеке издательствин тӗп директорӗ пулнӑ. «На связи» портал пӗлтернӗ тӑрӑх, кӗнеке издательствин тӗп директорӗн пуканне 67 ҫулти Петр Краснов йышӑнма пултарать. Нумаях пулмасть ӑна Чӑваш патшалӑх гуманитари ӑслӑлӑхӗсене институчӗн директорӗнчен кӑларнӑ – унӑн ӗҫ килӗшӗвне тӑсман. Хыпар ҫӑлкуҫӗ:
|
|
Республикӑра
 t.me/oanikolaev телеграм-каналти сӑн Иртнӗ канмалли кунсенче типӗ курӑк ҫуннӑ 9 тӗслӗх пулнӑ. Иртнӗ талӑкра – 2 тӗслӗх. Ҫапла пӗлтерет Инкеклӗ лару-тӑру министерстви. Тунтикун ир тӗлне республикӑра ҫӳп-ҫап ҫунтарнӑ 12 тӗслӗхе, курӑк ҫуннӑ 18 тӗслӗхе шута илнӗ. Пӗтӗмпе 37,3 ытла гектар ҫинчи типӗ курӑк ҫуннӑ. Инкеклӗ лару-тӑру министерстви пӗлтернӗ тӑрӑх, хальлӗхе кун пек инкексенче ҫын вилнӗ тӗслӗх пулман. Ытти ҫулсенче унашкал тӗслӗхсем, шел те, пулнӑ. Анчах ҫакна та манмалла мар: курӑк ӑшӗнче тӗрлӗ кӑпшанкӑ, чӗрчун пурӑнать. Ҫав шутра – чӗрӗпсем те. Хыпар ҫӑлкуҫӗ:
|
-4.7 °C