ЧР Патшалӑх Канашӗн депутатне, ликер-эрех савучӗн директорне Олег Мешкова «Чӑваш Республикин тава тивӗҫлӗ промышленноҫ ӗҫченӗ» ят панӑ. Хушӑва ӗнер ЧР Элтеперӗ Олег Николаев пуснӑ.
Олег Мешков Шупашкарти лекер-эрех савутне 2017 ҫултанпа ертсе пырать. 2011 ҫултанпа, виҫҫӗмӗш созыв ӗнтӗ, вӑл Патшалӑх Канашӗн депутачӗ шутланать.
Унӑн награда сахал мар: «Чӑваш Республики умӗнчи тава тивӗҫлӗ ӗҫсемшӗн» орден медалӗ, Чӑваш Республикин Хисеп грамоти, РФ Ял хуҫалӑх министерствин Хисеп грамоти, Патшалӑх Думин Хисеп грамоти…
Паян Шӑмаршӑ муниципаллӑ округӗн депутачӗсем черетлӗ мар пухӑва пухӑнӗҫ. Округ администрацийӗн пуҫлӑхӗ Александр Чамеев ӗҫрен хайӗн ирӗкӗпе кайма заявлени ҫырнӑ. Пухура шӑпах ӑна пӑхса тухӗҫ.
Александр Чамеев ку должноҫре 2020 ҫулхи кӗркунне ӗҫлеме пуҫланӑ. Унччен вӑл район администрацийӗн пуҫлӑхӗн ҫумӗ пулнӑ.
Аса илтерер: нумаях пулмасть Ҫӗнӗ Шупашкар хула администрацийӗн пуҫлӑхне Дмитрий Пулатова шанчӑкран тухнӑ тесе должноҫрен кӑларас ыйтӑва пӑхса тухма палӑртнӑ.
ЧР Патшалӑх Канашӗн сессийӗнче «Чӑваш Республикин парламентаризмне аталантарнӑшӑн» хисеплӗ палла пама йышӑнассине сӳтсе явнӑ. Депутатсем ҫакна ырланӑ.
Ӑна кама парӗҫ? Регионти саккуна, парламентаризма, граждан обществипе демократие аталантарма тӑрӑшакан ҫынсене. Документра палӑртнӑ тӑрӑх, ӑна 30 ҫынран ытларах мар илме пултарать.
Хисеплӗ палла республика хыснинчи укҫапа туса хатӗрлӗҫ.
2024 ҫултанпа РФ Патшалӑх Думин депутачӗсем хӑйсен суйлав округӗсенче Раҫҫейре туса кӑларнӑ машинӑсемпе кӑна ҫӳрӗҫ. Ку, паллах, ӗҫпе ҫыхӑнна ҫула пырса тивет.
Ку саккуна Патшалӑх Думи ҫак кунсенче йышӑннӑ. Ҫак депутатсем валли машинӑсене регионти влаҫ тара илет. Кайран тӑкака Патшалӑх Думи саплаштарать.
Палӑртмалла: пирӗн регионта Патшалӑх Думинчен 3 депутат пур. Вӗсем - Алла Салаева (Пӗрлӗхлӗ Раҫҫей), Анатолий Аксаков (Тӗрӗслӗхшӗн Раҫҫей)тата Ирина Филатова (КПРФ).
ЧР Патшалӑх Канашӗ федераци саккунне улшӑнусем кӗртме сӗнесшӗн. Ку мотоблок водителӗсене пырса тивет. Чӑваш Ен депутачӗсем вӗсене водительпе танлаштарасшӑн. Ку шухӑша ЧР Элтеперӗ Олег Николаев та ырланӑ.
Хальхи вӑхӑтра мотоблок водителӗсем ҫул ҫинче ҫуран ҫӳрекен ҫынсемпе танлашаҫҫӗ. Ҫавна май ҫул-йӗр правилисене пӑссан вӗсене водитель пек явап тыттарма ҫук.
Палӑртмалла: ҫулталӑк пуҫланнӑранпа республикӑра мотоблокпа ҫыхӑннӑ 5 авари пулнӑ. Вӗсенче 2 ҫын вилнӗ, 6-ӑн аманнӑ.
Чӑваш Енре пурӑнакансем кӑҫал пуҫласа инҫет ҫыхӑну мелӗпе электрон сасӑлава хутшӑнайӗҫ.
Авӑн уйӑхӗн 8-10-мӗшӗсенче Чӑваш Енри 9 муниципалитет пӗрлешӗвӗнче 15 депутата суйламалла.
Сасӑлава 17,5 пин ытла ҫын хутшӑнӗ.
Электрон мелпе ҫав шутран 2,4 пин ытларах ҫын сасӑлама палӑртса хунӑ. Ку вӑл мӗнпур суйлавҫӑн 13,6 проценчӗ пулать.
Сасӑлав электрон мелпе хутшӑнас текенсен заявленине Патшалӑх пулӑшӑвӗсен порталӗнче авӑн уйӑхӗн 4-мӗшӗнчи 24 сехетчен йышӑнӗҫ.
Шӑп та лӑп ҫулталӑк каялла, ҫурла уйӑхӗн 22-мӗшӗнче, Шупашкар мэрӗ пулнӑ Олег Кортунов пурнӑҫран уйрӑлнӑ. Вӑл 38 ҫулта пулнӑ.
Олег Кортунов 2015-2020 ҫулсенче Шупашкар хула пухӑвӗн 4-мӗш созывӗн депутачӗ пулнӑ, строительство енӗпе ӗҫлекен комиссие ертсе пынӑ. Кайран вӑл хула мэрӗ пулса тӑнӑ. Олег Кортунов мӗншӗн вилнӗ хыпар сарӑлман.
Палӑртмалла: халӗ ку тивӗҫе Евгений Кадышев пурнӑҫлать.
«Хыпар» Краснов депутата явап тыттарасшӑн. Ҫапларах пӗтӗмлетме пулать «Правда ПФО» тӗнче тетелӗнчи хаҫатра утӑ уйӑхӗн 31-мӗшӗнче «Краснов о тиражах и миражах» ятпа пичетленнӗ блогра.
Асӑннӑ ҫӑлкуҫ хыпарланӑ тӑрӑх, «Хыпар» хаҫат ӗҫченӗсен пӗр ушкӑнӗ республика парламенчӗн депутатне Пётр Краснова редакцие пӗрмай критикленӗшӗн (ӑнланманлӑх пирки Чӑваш халӑх сайтӗнче «Петр Краснов депутат «Хыпара» мӗншӗн тапӑннӑ?» ятпа пичетленнӗ хыпарта Софья Савнеш унччен пӗлтернӗччӗ-ха) явап тыттарма ыйтса Чӑваш Енӗн Патшалӑх Канашӗн этика енӗпе ӗҫлекен комиссине заявлени ҫырса панӑ-мӗн. Комисси вара ҫав хута пӑхса тухассине каярах вӑхӑта хӑварнӑ имӗш.
Асӑннӑ блогра Пётр Краснов депутат ӗнентернӗ тӑрӑх, унӑн тӗп чӑваш хаҫатне е пӗр-пӗр ҫынна тапӑнас тӗллев ҫук. Вӑл, республикӑн пӗрремӗш пичет министрӗ пулнӑскер, «Хыпар» шӑпишӗн питӗ пӑшӑрханать-мӗн.
Депутатсене курас тесен... вулавӑша каймалла.
Республикӑн Культура министерстви депутатсемпе тӗл пулмашкӑн ятарлӑ пӳлӗм уйӑрса парасси пирки йышӑну проектне хатӗрленӗ, ӑна республика Правительстви ырланӑ.
Раҫҫей Патшалӑх Думин, Чӑваш Енӗн Патшалӑх Канашӗн депутачӗсене суйлавҫӑсемпе тӗл пулма унччен Чӑваш Республикин киностудийӗнче вырӑн уйӑрса панӑ пулнӑ. «Чӑвашкинона» реорганизациленӗ хыҫҫӑн ҫӗнӗ вырӑн тупса пама тивнӗ. Ун валли Чӑваш Республикин Наци вулавӑшне палӑртнӑ.
Улатӑрта депутатсен черетсӗр ларӑвӗ иртнӗ. Унта вӗсем хула администрацийӗн ҫӗнӗ пуҫлӑхне суйланӑ.
Аса илтерер: ҫу уйӑхӗн 29-мӗшӗнче депутатсем хула администрацийӗн пуҫлӑхӗ Денис Трифонов ӗҫрен каяссине пӑхса тухнӑ.
Халӗ ав, утӑ уйӑхӗн 13-мӗшӗнче, ку тивӗҫе Павел Аринин йышӑннӑ.
+11.3 °C