Сайта кӗр | Регистраци | Сайта кӗрсен унпа туллин усӑ курма пулӗ
 +9.3 °C
Икӗ куяна хӑвалакан пӗрне те тытайман.
[ваттисен сӑмахӗ]
 

Хыпарсем: Пӑтӑрмахсем

Пӑтӑрмахсем
Роман Загуменный. 21.мвд.рф сӑнӳкерчӗкӗ
Роман Загуменный. 21.мвд.рф сӑнӳкерчӗкӗ

Шупашкар хулинче «Лексус» автомобиль пӗр кунхине светофорӑн хӗрлӗ ҫутине пӑхмасӑрах малалла вӗҫтернӗ. Вӑл ҫул урлӑ каҫма тӑнӑ ҫынсене чутах ҫапса хӑварман. Ҫакна Роман Загуменный ятлӑ арҫын асӑрханӑ. Хӑйӗн машининчи видеорегистратор ҫинче сӑнланнӑ пӑтӑрмаха патшалӑхӑн ҫул-йӗр хӑрушсӑрлӑхӗн инспекторӗсене ярса панӑ.

«Лексус» рулӗ умӗнче 39 ҫулти хӗрарӑм пулнӑ иккен. Ӑна 1500 тенке штраф ҫырса панӑ. Пӑтӑрмаха тепре лексен штраф виҫи 7500 тенке пулассине, хӑйне вара 4,5 ҫуллӑха водитель прависӗр хӑварма пултарасси пирки асӑрхаттарнӑ.

 

Ҫул-йӗр
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Шупашкар хулинче сӗмсӗр пӗр водитель кӳмепе ҫӳрекен сусӑрсене ҫӳремелли тротуара пӳлсе хунӑ. Асӑннӑ парковка хулари поликлиникӑсенчен пӗрин умӗнче пулнӑ.

Ҫавна асӑрханисем сӑн ӳкерсе патшалӑхӑн ҫул-йӗр хӑрушсӑрлӑхен инспекторӗсене ярса панӑ. Инспекторсем «Лада Гранта» автомобилӗн хуҫи 76 ҫулти арсын пулнине палӑртнӑ. Ӑна административлӑ майпа явап тыттарнӑ.

 

Пӑтӑрмахсем

Шупашкарта пурӑнакан 68 ҫулти арҫын Муркаш округне пулла кайсан вилнӗ. Ку шӑматкун ирхине пулнӑ.

Арҫын пулӑ тытнӑ чухне пӑр айне анса кайнӑ. Шел, ҫӑлӑнайман. Унӑн виллине вырӑнти ҫынсем туртса кӑларнӑ.

Сӑмах май, ҫулталӑк пуҫланнӑранпа ҫын путса вилнӗ пӗрремӗш тӗслӗх.

Хыпар ҫӑлкуҫӗ: https://t.me/mchs_chuvashia
 

Пӑтӑрмахсем

Елчӗк районӗнчи Лащ-Таяпара водитель ҫул урлӑ каҫакан хӗрарӑма кӳрентерсе пӗтернӗ.

Асӑннӑ ялта пурӑнакан 33 ҫулти арҫын ҫынсем ҫул урлӑ каҫмалли вырӑн патнех машинӑпа пырса кӗнӗ. Ҫав вӑхӑтра унтан иртсе пынӑ хӗрарӑм хӑраса ӳкнӗ.

«Тойота Камри» автомбиль водителӗпе 61 ҫулти хӗрарам хушшинче тавлашу сиксе тухнӑ. Арҫын хӗрарӑма кӳрентерсе пӗтернӗ.

Прокуратура арҫын тӗлӗшпе административлӑ ӗҫ пуҫарнӑ. Водителе 4,5 пин тенкӗлӗх штрафлама йышӑннӑ. Кӑмӑл-сипет тӗлӗшӗнчен сиен кӳнӗшӗн суд тепӗр 5 пин тенкӗ тӳлеттермелле тунӑ.

 

Пӑтӑрмахсем

Шупашкарта пурӑнакан 67 ҫулти хӗрарӑм тӳлевсӗр пӗлтерӳсен сайтӗнче ӗҫ шыранӑ. Ун патне пӗр арҫын шӑнкӑравланӑ. Хӑй Ҫар службинче пулнине, унӑн вата амӑшн вара пулӑшакан кирлине ӗнентернӗ.

Вӑл 67 ҫулти хӗрарӑма пулӑшушӑн укҫа куҫарса панине ӗнентернӗ. Анчах Ҫавӑнтан пӗр пайне чирлӗ амӑшне эмел туянма куҫӑрса пама ыйтнӑ.

Шупашкар хӗрарӑмӗ ют ҫыг каланине ӗненсе баланса та тӗрӗслесе пӑхман, ют счёт ҫине 4 пин тенке куҫарса та панӑ.

 

Пӑтӑрмахсем
Ҫӑлкуҫ: Следстви комитечӗ
Ҫӑлкуҫ: Следстви комитечӗ

Чӑваш Республикипе ӗҫлекен Россельхознадзор управленийӗ хыпарланӑ тӑрӑх, «Центр» ТМЯП ӗҫӗнче кӑлтӑксем тупнӑ.

Аса илтеретпӗр, нарӑсӑн 4-мӗшӗнче Кӳкеҫ лицейӗнче ачасем наркӑмӑшланнӑ: пӗрине пульницӑна хунӑ, ултӑ ачан килте сипленме тивнӗ. Лицейри ачасене вӗри апатпа «Центр» ТМЯП тивӗҫтерни паллӑ.

Ҫакӑн хыҫҫӑн тӗрӗслев органӗсем хӑйӗн ӗҫне пуҫӑннӑ. Чӑваш Республикипе ӗҫлекен Россельхознадзор управленийӗ «Меркурий» ФГУП урлӑ иртекен электронлӑ хутсене тӗрӗсленӗ те 2025 ҫулхи кӑрлачӑн 13-мӗшпе 20-мӗшӗнче Кӳкеҫри лицея 177 килограмм аш кӳрсе килнине (ӑна Комсомольски тӑрӑхӗнчи Зарифзянов И.Р. фермер хуҫалӑхӗнче туса илнӗ, Соловьев Н.М. усламҫӑ тирпейленӗ) асӑрханӑ. Ку аша «Proteus йӑхӗнчи бактерисем» кӑтарту тӗлӗшӗнчен тӗрӗслемен иккен.

Ҫапла май, апат-ҫимӗҫпе тивӗҫтерекен «Апат-ҫимӗҫ продукцийӗн хӑрушсӑрлӑхӗ» техника регламенчӗ ыйтнине пурнӑҫламан. Ҫакӑншӑн айӑплисен явап тытма тивӗ.

 

Пӑтӑрмахсем

Улатӑрта хуҫасӑр йыта пӗр хӗрачана тапӑннӑ та ӑна хулпуҫҫинчен ҫыртса илнӗ.

Пӑтӑрмах хыҫҫӑн прокуратура тӗрӗслев ирттернӗ хыҫҫӑн вырӑнти администрацие явап тыттарма суда тавӑҫпа тухнӑ.

Суд администрацие хӗрачан ҫемйине 15 пин тенке тӳлеттерме йышӑннӑ, мӗншӗн тесен хуҫӑсӑр йытӑсемшен администраци яваплӑ.

 

Пӑтӑрмахсем

Шупашкарта пурӑнакан арҫын машина туянас тесе улталаннӑ. 2021 ҫулта туса кӑларнӑ «Шевроле Малибу» машина хакӗн пӗр пайне тӳлетӗп тесе вӑл 665 пин тенке ултавҫӑсене куҫарса панӑ.

Ултавҫӑсен капкӑнне 24 ҫулти каччӑ лекнӗ. Вӑл тӳлевсӗр пӗлтерӳсен сайтӗнче «Шевроле Малибу» машинӑна килӗштернӗ. Сутаканни автомобиль Польшӑра тесе пӗлтернӗ. Суту-илӳ килӗшӗвне ӑна мессенджерсенчен пӗринпе ярса панӑ. Шупашкар каччи машинӑшӑн икӗ ӑстрӑмпа 665 пин тенкӗ куҫарса панӑ. Тепӗр темиҫе кунтан ун патне «Арсен» шӑнкӑравланӑ, машинӑшӑн тӳлесе татма ыйтнӑ, мӗншӗн тесен ҫавна пула таможньӑра йывӑрлӑх сиксе тухнӑ тесе каланӑ. Кун пек юптарнине илтсен каччӑ хӑйне улталанине ӑнланса илнӗ.

 

Вӗренӳ
Следстви комитечӗ тунӑ сӑн
Следстви комитечӗ тунӑ сӑн

Кӳкеҫри лицейра ачасем наркӑмӑшланнӑ. Ку нарӑс уйӑхӗн 4-мӗшӗнче пулнӑ.

ЧР Сывлӑх сыхлавӗн министерстви пӗлтернӗ тӑрӑх, нарӑсан 5-мӗшӗ тӗлне 7 ача тухтӑрсенчен пулӑшу ыйтнӑ. Вӗсенчен улттӑшӗ килте сипленет, пӗрине инфекци уйрӑмне вырттарнӑ.

РФ Следстви комитечӗн Чӑваш Енри следстви органӗсем ку тӗслӗх тӗлӗшпе следстви умӗнхи тӗрӗслев ирттереҫҫӗ.

 

Пӑтӑрмахсем
tass.ru сайтри сӑн
tass.ru сайтри сӑн

Республикӑра ача пӗрле вӗренекен тепӗр ачана вӗренпе пӑвнӑ. Ку кӑҫал кӑрлач уйӑхӗнче Ҫӗнӗ Шупашкарти пӗр шкулта пулнӑ.

11 ҫулти арҫын ачана пӗрле вӗренекенӗ тапӑннӑ та хыҫалтан вӗренпе пӑвма пуҫланӑ. Кун хыҫҫӑн вӑл тӑнне ҫухатнӑ. Юрать-ха, вӑхӑтра медпулӑшу парса ӗлкӗрнӗ.

Раҫҫей Следстви комитечӗн председателӗ ку тӗслӗхпе тӗрӗслев ирттерме хушнӑ.

Хыпар ҫӑлкуҫӗ: https://t.me/nikamran
 

Страницӑсем: 1, 2, 3, 4, 5, 6, [7], 8, 9, 10, 11, 12, 13, 14, 15, 16, 17, ... 416
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.04.2025 03:00) уяр ҫанталӑк, атмосфера пусӑмӗ 746 - 748 мм, 2 - 4 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 03

1929
96
Воронцова Галина Михайловна, медицина ӑслӑхӗсен докторӗ ҫуралнӑ.
1977
48
Раман Иринкки, ҫамрӑк чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хуҫа тарҫи
хӑнана ӑсатма никам та тухмасть
хуҫа арӑмӗ
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
кил-йышри арҫын
хуть те кам тухсан та
хуҫа хӑй