Чӳк уйӑхӗн 11-мӗшӗнче Тутапстанри Пӑва районӗнчи Кипеккассинче «Пӑва районӗнчи чӑваш пики — 2017» титулшӑн ӑмӑрту пулса иртнӗ.
Тӳрере культура управленийӗн ертӳҫисем, Пӑва тӑрӑхӗнчи Чӑваш наципе культура центрӗн ертӳҫи Владимир Ильин, Рункӑ ял хутлӑхӗн пуҫлӑхӗ Роберт Гордеев, 2017 ҫулхи «Уяв пики» Анастасия Павлова, 2016 ҫулхи «Раҫҫей чӑваш пики» Ксения Романова пулнӑ.
Сцена ҫинче ултӑ хӗр тухнӑ. Спонсорсем хушшинче чӳречепе алӑк кӑларакансем те, ылтӑн сутакансем те, усламҫӑсем те пулнине пӗлтерет «Сувар» хаҫатра Константин Малышев.
Тӗрлӗрен номинацире мала тухнисене ювелир салонӗнче тавар туянмалӑх 5 пин тенкӗлӗх сертификат панӑ.
Мӑкӑр шкулӗнче 11-мӗш класра вӗренекен Екатерина Тюплина мала тухнӑ. Екатерина кӑҫал «Тӑхӑрьял шӑпчӑкӗнче» те палӑрнӑ, ҫитес ҫул ҫуркунне Хусанта иртекен «Тутарстанри чӑваш пики» конкурсра Пӑва районӗн чысне хӳтӗлӗ.
Ф.П. Павлов ячӗллӗ Шупашкарти музыка училищинче Ольга Шарыкина пианистка тата концертмейстерӑн юбилей концерчӗ иртнӗ.
Халӑхсем хушшинчи тата пӗтӗм Раҫҫейри конкурссен лауреачӗ концерт пуҫламӑшӗнчен пуҫласа вӗҫне ҫитичченех рояль умӗнче пулнӑ.
Чӑваш Енӗн профессиллӗ музыкине Ольга Николаевна парӑнни 42 ҫул ӗнтӗ. Ҫав шутран
виҫӗ теҫетке ытла ҫулне пианистка Федоров Павлов ячӗллӗ музыка училищинче тӑрӑшать. Вокалистссемпе инструменталистсен коцертмейстерӗ пулса вӑл вӗренекенсен темиҫе ӑрӑвне вӗрентсе кӑларнӑ. Ун патӗнче пӗлӳ пухнисем Мускаври, Питӗрти, Чулхулари, Сартури, Хусанти тата Шупашкарти аслӑ шкулсенче пӗлӳ пухаҫҫӗ.
Ольга Шарыкина пики каласан, хай вӑл Йошкар-Олари музыка училищинче тата Хусанти пединститутра музыкӑпа педагогика факультетӗнче, Чулхулари М.И. Глинка ячӗллӗ консерваторинче фортепьяно факультетӗнче вӗреннӗ. Тулӑри музыкӑпа педагогика училищинче фортепьяно ӑсталӑхне вӗрентнӗ. Шупашкарта вӑл филармонин музыка лекторийӗ концертмейстерӗ, Чӑваш патшалӑх оперӑпа балет театрӗ балет класӗнче аккомпаниатор пулнӑ.
Ӗнер Шупашкарта Пӗтӗм чӑвашсен «Асам» III кинофестиваль уҫӑлнине Чӑваш халӑх сайчӗ онлайн мелӗпех хыпарласа тӑнӑччӗ-ха. Чӑваш Енӗн Патшалӑх телерадиокомпанийӗн «Ирхи тӗпел» кӑларӑмӗнче Чӑваш Енри кинематографистсен пӗрлешӗвӗн ертӳҫин ҫумӗ Ильтимер Ефремов пулчӗ. Марина Карягина паллӑ тележурналист ертсе пыракан кӑларӑмра «Асам» кинофестиваль пирки калаҫрӗҫ. Ҫавна май Ильтимер Ефремов кӑҫал йӗркеленӗ кинопостерсен куравне миҫемӗш хут ирттернине тата ӑна камсене халалланине хуравлама ыйтрӗ.
Шел те, кӗнекене тивӗҫ ҫын тупӑнмарӗ, мӗншӗн тесен йывӑр мар ҫак ыйтӑва пӗлекен телекуравҫӑ пулмарӗ. Ҫавна май кӗнекене те, фестивале халалласа кӑларнӑ ручкӑна та никам та тивӗҫеймерӗ.
«Раҫҫей чӑваш пики» конкурса кӑҫал раштав уйӑхӗн 2-мӗшӗнче ирттерӗҫ. Кун пирки Чӑваш наци конгресӗн пресс-службин ертӳҫи Зоя Яковлева паян Фейсбукра ҫырнӑ.
«Раҫҫейри чӑваш наци культура автономийӗсене, Чӑваш Республикинчи районсенчи ЧНК уйрӑмӗсене тата «Чӑваш пики» конкурсӑн вырӑнти ҫӗнтерӳҫисене пӗлсе тӑма!», — палӑртса каланӑ ҫав хыпарта.
Аса илтерер, маларах ӑна чӳк уйӑхӗн 25-мӗшӗнче ирттерме палӑртнӑччӗ, халӗ ӑна раштав пуҫламӑшне куҫарнӑ. Конкурс Шупашкарти культурӑпа ӳнер искусствисен институтӗнче иртӗ.
«Раҫҫей чӑваш пики» ятшӑн тупӑшас шухӑшлӑ пикесен congress21@mail.ru электрон пуштӑпа чӳк уйӑхӗн 20-мӗшӗччен ыйту ҫырмалла е ЧНКна кӗрсе тухма та пулать.
Ыйтса пӗлмелли телефонсем: (8352) 62-35-61, 89199725359, 89278447648.
Шупашкарта экологи киновӗн фестивалӗ старт илнӗ. Сӑмах май, вӑл иртнӗ ҫул та йӗркеленнӗ. Ун чухне куракансем йӗркелӳҫӗсене сӗнӳ панӑ: фильмсене канмалли кунсенче кӑтартмалла. Анчах хальхинче те экологи киновӗн фестивалӗ эрнекунччен ҫеҫ тӑсӑлӗ.
Фестиваль тӑватӑ лапамра ӗҫлӗ: «Чӑвашкино» Патшалӑх киностудийӗ, ЧР Наци вулавӑшӗ, Культурӑпа искусствӑсен институчӗ, Кӳкеҫри «Бичурин тата хальхи самана» музей. Фильмсем 13 е 13:30 сехетре пуҫланӗҫ.
Паян «Лео 80. История одного леопарда» фильм тата «Все как у зверей» каларӑм кӑтартнӑ. Ыран «Хабаргуев в натуре: Чей нос лучше?» тата «Хабаргуев в натуре: Степные сони» кӑларӑмсене курма май пулӗ. Чӳкӗн 16-мӗшӗнче «Хабаргуев в натуре: Маленький гений большого подкопа», «Хабаргуев в натуре: Повелитель колец» каларӑмсене кӑтартӗҫ. Чӳкӗн 17-мӗшӗнче «Хабаргуев в натуре: Антилопа с хоботом» тата «Хабаргуев в натуре: Непокорные гиганты» каларӑмсене экран ҫине кӑларӗҫ.
Ҫамрӑксен театрӗн ҫуртӗнче паян «Асам» III кинофестивале савӑнӑҫлӑн уҫрӗҫ. Эпир ӑна онлайн мелӗпе ҫутатса пытӑмӑр.
Пӗтӗмлетсе каласан «Асам» кинофестивалӗн чи сумлӑ хӑнисем Константин Яковлев культура министрӗпе Николай Угаслов ЧНК президенчӗ пулчӗҫ. Вӗсем иккӗшӗ те ку кинофестиваль чӑваш халӑхӗшӗн питӗ пӗлтерӗшлӗ пулнине каларӗҫ. «Малтанах, 2015 ҫулта ку кинофестивале шанманнисем чылайччӗ», — терӗ культура министрӗ. — «Паян вара залра лӑк тулли халӑх. Ларма вырӑн та ҫук». Чӑн та зал тӑп-тулличчӗ. Нумайӑшӗн ура ҫинче тӑрса пӑхма тиврӗ. Сӑлтавӗ — ҫамрӑксен театрӗн ҫуртӗнчи Пысӑк зал юсавра пулнинче.
Кӑҫалхи «Асам» кинофестивале Марат Никитин режиссёрӑн «FUGA» фильмӗпе уҫрӗҫ. Унсӑр пуҫне куракансем «История чувашского кино» (чӑв. Чӑваш киновӗн историйӗ) фильм та курма пултарчӗҫ — унта Тани Юнпа Иоаким М.-Кошкинский асаилӗвӗсемпе паллашрӗҫ.
Тӗплӗнрех пирӗн онлайн-репортажра паллашма пултаратӑр.
Шпашкарта иртекен Максим Михайлов ячӗллӗ Пӗтӗм тӗнчери опера фестивалӗ куракана кӑҫал чӳк уйӑхӗн 17-21-мӗшӗсенче йыхравлать. Фестиваль «Евгений Онегин» оперӑпа уҫӑлӗ. Тӗп партисенче Сартури Михаил Журков, Ярославльти Альбина Хрипкова, Беларуҫри Юрий Городецкий пулмалла.
Фестиваль вӑхӑтӗнче сцена ҫине Италири, Румынинчи, Грецинчи, Канадӑри, Казахстанри, Китайри, Беларуҫри, Германинчи артистсем тухмалла. Хамӑр ҫӗршывӑн тӗрлӗ кӗтесӗнчен пуҫтарӑннисен пултарулӑхӗпе те киленме май килӗ.
Кӑҫалхи фестиваль 27-мӗш хут иртет. Кӑҫал кӗркунне йӗркелекен ҫӗршыври чи лайӑх фестивальсенчен пӗри шутланать вӑл.
Вырсарни кун «21-мӗш ӗмӗр тенорӗсем» концерт пулӗ.
Билетсем хакӗ 500 тенкӗрен пуҫласа 2100 тенкӗ таран пулин те вӗсене халӑх кӑмӑлтан туянать.
Чӑваш халӑх сайчӗ хӑйӗн черетлӗ онлайнне ирттерме хатӗрленет — хальхинче эпир «Асам» кинофестиваль уҫнине ҫутатӑпӑр.
Асаилтеретпӗр, вӑл ыран, 18 сехетре пуҫланӗ. Ҫур сехет маларах килес пулсан киноплакатсен конкурсӗпе паллашма май пулӗ. Енчен те малтанхи ҫулсенче кинофестиваль наци вулавӑшӗнче иртетчӗ пулсан кӑҫал вӑл «Ҫеҫпӗл» кинотеатр ҫуртӗнче тӗпленӗ.
Ҫакӑнпа хамӑр онлайна вӗҫлетпӗр. Пурне те кинофестивальти ӗҫсемпе паллашма йыхравлатпӑр
Халь «FUGA» фильм пуҫланчӗ.
Хлопушкӑпа шаплатса кинофестиваль уҫӑлчӗ тесе пӗлтерчӗҫ. Ултиар Цыпленков шаплаттарчӗ.
Кинематографсен ретне Александр Шумов хушаматлине илчӗҫ.
Шупашкарта Тани Юнпа Максимов Кошкинский ячӗллӗ урамсем 2018 пуласса шанса каларӗ.
Голливудра 1926-мӗш ҫулсенче пирӗн ӗҫсене алӑ ҫупнӑ терӗ.
Халь жюри председателӗ Олег Цыпленков сӑмах калать.
Жюри членӗсемпе паллаштарчӗҫ.
Сцена ҫинче "Янтал" ушкӑн. Вӗсем кӳршӗри музыка училищинчен.
Конкурса хутшӑнакан фильсемпе паллаштарчӗҫ. Кӑсӑклисем чылай.
//шел те ҫыхӑну кунта сӑнсем ярсах тӑма памасть.
Халь конкурса хутшӑнакан ӗҫсемпе паллаштараҫҫӗ.
ЧНК президенчӗ сӑмах каларӗ.
Виктор Горбунов, Шупашкар хулин ертӳҫӗ ҫумӗ сӑмах калать.
Сцена ҫине "Янташ" ушкӑн тухрӗ. Ертӳҫи: Анатолий Никитин композитор.
Ултиара пысӑк тав сӑмахӗ каларӗ, Михаил Игнатьева та.
Малтанхи ҫулсенче кинофестивале нумайӑшӗ шанманччӗ терӗ, паян вара залра ларма вырӑн ҫук терӗ.
Константин Яковлев сӑмах калать.
Ку лента "История чувашского кинематографа ятлӑччӗ" пулас.
Тани Юна кӑтартаҫҫӗ. Кивӗ лентӑна.
Залта чӑн та вырӑн сахалрах.
К. Яковлев телеканалсене интервью парӗ те вара Кӗҫӗн зала куҫӑпӑр - кинофестивале уҫма.
К. Яковлева тата ытти хаклӑ хӑнасенк плакатсен альбомне парнелерӗҫ.
Пӗчӗк залта уҫӗҫ. Анчах унта вырӑн ҫитеймессе пултарӗ. Пысӑк залта вара юсав пырать иккен.
Ҫамрӑксем пит нумай килеҫҫӗ. Музучилище юнашар вырнаҫнӑран унти ҫамрӑксем чылай.
Кинофестивале уҫма Константин Яковлев ҫитмелле.
"Асам" кинофестиваль пуҫланиччен пӗр сехет ҫеҫ юлчӗ. "Ҫеҫпӗл" кинотеатр ҫуртне ҫитме вӑхӑт пур.
Шала кӗрсен вара пурне те хапӑл пулни лайӑх курӑнать. Программӑсем те хӑнасене кӗтсе выртаҫҫӗ.
Алӑк ҫинче пур иккен. Ҫамрӑксен театрне килекенсем фестиваль программипе паллашма пултараҫҫӗ.
Пӗр пысӑк баннер та та кинофестиваль пирки сӑмах ҫук... Шупашкар кинофестивалӗпе танлаштарсан «Асам» чухӑнрах ҫав ку тӗлӗшпе.
Халӑх «Ҫеҫпӗл» кинотеатрӗ пек пӗлекен ҫурт «Асам» кинофестивале кӗтсе илме хатӗрленет. Шел те ку аякран курӑнмасть.
Кӑҫалхи конфестивале вара «FUGA» илемлӗ фильм уҫӗ. Вӑл конкурса хутшӑнаканскер, тӑршшӗ 57 мин. Фильм режиссёрӗ — Марат Никитин.
«FUGA» фильмӑн кӗске аннотацийӗ: «Матвей Безродных пилӗк ҫул ытла ӗнтӗ пысӑках мар Етӗрне хулинче арӑмӗпе тата хӗрачипе пуранать. Кунти пурнӑҫ лӑпкӑ та васкамасӑр иртет. Анчах пӗррехинче паттӑрла ӗҫ тунӑ хыҫҫӑн Матфейӗн пурнӑҫӗ йӑлт улшӑнать. Пӗр кун хушшинчех унӑн ячӗ пӗтӗм Раҫҫей шайӗнче сарӑлать».
Фильмӑн страници «КиноПоискра» та пур. Унта эсир «FUGA»-н трейлерӗпе паллашма пултартӑр: www.kinopoisk.ru/film/fuga-2017-1009736/
Иртнӗ ҫулхи кинофестивале вара «История великого народа» фильмпа уҫрӗҫ.
www.youtube.com/watch?v=A9TgZ2ceGRs — курманнисем ак ҫак каҫӑпа кайса пӑхма пултараҫҫӗ. Ҫак фильмах вара «Чи лайӑх документлӑ фильм» номинацие тивӗҫрӗ.
Пӗлтӗрхи гран-при Владимир Карсаков ӳкернӗ «Сурӑм хӗрне» лекрӗ.
//ӳкерчӗкре — «История великого народа» фильмри сӑн
Кинофестиваль уҫӑлнине кӗтнӗ май сире кӑштах иртнӗ ҫулхисемпе паллаштарар.
Чи пӗрремӗшӗ виҫӗмҫул иртсеччӗ. Ӑна уҫнӑ чухне халӑха «Киремет кати» фильмӑн тулли версине кӑтартрӗҫ. Халӑх ҫӗнетнӗ фильма хапӑл туса йышӑнчӗ.
Кинофестивалӗн гран-прине вара Марат Никитин ӳкернӗ «Хорло» фильм ҫӗнсе илчӗ.
//ӳкерчӗкре — «Киремет катинчи» сӑн
Кинофестивалӗн программипе паллашма ӗлкереймен пулсан — вӑл «Чӑваш Республикинчи кинематографистсен пӗрлешӗвӗн» сайтӗнче пур: avan-kino.com/a/news/84.html
Пирӗн Республика Ертӳҫи хисеплӗ Михаил Васильевич!
Юратнӑ чӑвашсем!
2018-мӗш ҫул пуҫламӑшӗнче Чӑваш Патшалӑх Академи Драма театрӗ 100 ҫул тултарать! Юратнӑ театрӑн паллӑ кунне хӗпӗртесе кӗтсе илӗпӗр! Анчах та, пӗр витӗмлӗ сӑлтав канӑҫ памасть. Хӗрлӗ тӳремӗн 7-мӗш номерлӗ ҫуртра пулмалла-ши театр? Вӑл лапамра яланах халӑх хӗвӗшет, ҫав сӑлтавпа ҫак ҫуртра академиллӗ юрӑпа-ташӑ ансамблӗ, симфони оркестрӗ, академиллӗ капелла, «Ҫавал», «Сувар», «Ҫеҫпӗл», «Эревет» ансамбльсем вырнаҫччӗр-мар-и??? Кашни ушкӑн уйӑхсерен тӳлевсӗр концерт кӑтарттӑр. Ҫуллахи вӑхӑтра кермен умӗнче, ытти чухне шалта сцена ҫинче вӗсен пултарулӑхне курмаллла пултӑр пурин те! Кунашкал меслетпе халӑх хушшинче культурӑна сарма май пулӗ. Ҫӗртме уйӑхӗн 24-мӗшӗнче, Республикӑмӑр кунӗнче, ҫак вырӑнта «Раҫҫей Ҫӑлкуҫӗсем» ятлӑ юрӑ-ташӑ фестивалӗ иртет-ҫке тата! Чипер ӑс-тӑн тӗлӗшӗнчен Хӗрлӗ Лапамӑн 7-мӗш номерлӗ ҫуртра нимӗнле театр та пулмалла мар. Ҫӳллерех палӑртнӑ коллективсем тӗпленччӗр!
Академи театрӗ 110 ҫул тултарнӑ тӗле театрӑн ҫӗнӗ ҫурт пулӗ тесе шутлӑпӑр!
Чӳк уйӑхӗн 13-17-мӗшӗсенче ирттерме палӑртнӑ Пӗтӗм чӑвашсен «Асам» фестивалӗ кӑҫал «Ҫеҫпӗл» кинотеатрта 18 сехетре «FUGA» (12+) фильмпа уҫӑлӗ.
«Чӑваша тӗнче кино урлӑ пӗлнӗ», — тесе пуҫларӗ Чӑваш кинематографисчӗсен пӗрлешӗвӗн ертӳҫи Олег Цыпленков ӗнерхи пресс-конференцие.
Олег Михайлович фестивале ирттерме пулӑшакансене чунтан тав тунине чӑвашла калаҫнӑ чух та, вырӑсли ҫине куҫсан та палӑртрӗ. Чӑн та, юлашки ҫулсенче чӑваш киноне ҫул уҫнинче республика Элтеперӗн Михаил Игнатьевӑн, Культура, национальноҫсен ӗҫӗсен тата архив ӗҫӗн министерствин тӳпи пысӑк. Ҫавна пулах ӗнтӗ РФ Наци ӗҫӗсен агентстви те фестивале ирттерме пулӑшать. Хыснаран кӑҫал 167 пин тенкӗ уйӑрнӑ.
Кӑҫалхи программӑра документлӑ 9, илемлӗ 7 тата мультипликацилле 2 фильм пулӗҫ. Вӗсене 18 номинацире хаклӗҫ. Тӳресен йышне Светлана Асамата, Леонид Трифонова, Юрий Сергеева, Николай Медведева тата Олег Цыпленкова кӗртнӗ.
-2.7 °C
