Паян, ҫурла уйӑхӗн 12-мӗшӗнче, Ҫӗрпӳ районӗнчи Паваркассинчи ферма территорийӗ ҫунма пуҫланӑ. Кун пирки халӑх корреспонденчӗ «Про Город» хаҫата пӗлтернӗ.
Ферма ҫывӑхӗнчи уй ирхи 9 сехет ҫурӑра ҫунма пуҫланӑ.
«Тен, хуралтӑ таврашӗсем те сиенленнӗ. Унта вӑйлах ҫунать», - ҫапла пӗлтернӗ халӑх корреспонденчӗ хаҫата.
Ку эрнере Ҫӗмӗрле участок лесничествинче пушар пулнӑ. Кун пирки ЧР Ҫутҫанталӑк министерстви пӗлтерет.
Юрать-ха, ҫулӑм вӑйлах сарӑлса ӗлкӗреймен. Ӑна 15 минутранах сӳнтернӗ.
Малтанлӑха пӗлтернӗ тӑрӑх, вӑрман сӳнтермен пирус тӗпне пула ҫунма пуҫланӑ.
Астӑвӑр: вӑрманта пушар тухасран асӑрханмалла. Уйрӑмах халӗ - ҫанталӑк шӑрӑх тӑнӑ вӑхӑтра.
Улатӑрта 8 ҫулти арҫын ача пиҫсе кайнӑ. Ӑна пульницӑна илсе ҫитернӗ. Тухтӑрсем палӑртнӑ тӑрӑх, унӑн ӳчӗ самай пиҫсе кайнӑ, сиенленнӗ лаптӑк 1-2-мӗш степеньпе танлашнӑ.
Мӗн пулса иртнӗ-ха? Ҫурла уйӑхӗн 8-мӗшӗнче каҫхине вӗсем тусӗсемпе «Стрелка» микрорайонта ҫунакан шӗвекпе усӑ курса кӑвайт чӗртме тӑнӑ. Ҫулӑм вара арҫын ачан тумтирӗ ҫине куҫнӑ.
Палӑртмалла: ҫулталӑк пуҫланнӑранпа республикӑра 932 пушар пулнӑ, вӗсенче 38 ҫыннӑн пурнӑҫӗ татӑлнӑ.
Ҫурла уйӑхӗн 6-мӗшӗнче 10 сехетре Хӗрлӗ Чутай районӗнчи Ҫӗнӗ Туканаш ялӗнче йывӑҫ ҫурт ҫунма пуҫланӑ. Ҫулӑма сӳнтернӗ вӑхӑтра пушарнӑйсем кил хуҫин 22 ҫулти ывӑлӗн виллине тупнӑ. Халӗ пушар мӗнрен тухнине тӗпчеҫҫӗ.
Ҫав кунах 15 сехетре Канаш районӗнче ҫурт ҫунма тытӑннӑ. Вӑл - 60 ҫулти арҫыннӑн. Пушарнӑйсем пӳрте сыхласа хӑварма пултарнӑ.
Паян кӑнтӑрла хыҫҫӑн пушар сӳнтерме васкакан машина аварие ҫакланнӑ. Ҫӑмӑл машина ӑна ирттерсе яманран вӑл унпа ҫапӑннӑ, кайран тротуар ҫине кӗрсе кайнӑ.
«Прогород» кӑларӑм пӗлтернӗ тӑрӑх пӑтӑрмах Ҫӗнӗ Шупашкарти Винокуровпа Пӗрремӗш май урамӗсем хӗресленнӗ вырӑнта 14 сехет те 22 минутра пулса иртнӗ. Аварие курнӑ ҫынсем каласа панӑ тӑрӑх пушар сӳнтерме васкакан машинӑн сирени вӑл вӑхӑтра ӗҫленӗ.
Малтанласа пӗлтернӗ тӑрӑх ҫул ҫинчи пӑтӑрмахра никам та аманман. Хӗрлӗ тӗслӗ ҫӑмӑл машина вара самаях сиенленнӗ.
Паян кӑнтӑрла хыҫҫӑн пушар сӳнтерме васкакан машина аварие ҫакланнӑ. Ҫӑмӑл машина ӑна ирттерсе яманран вӑл унпа ҫапӑннӑ, кайран тротуар ҫине кӗрсе кайнӑ.
«Прогород» кӑларӑм пӗлтернӗ тӑрӑх пӑтӑрмах Ҫӗнӗ Шупашкарти Винокуровпа Пӗрремӗш май урамӗсем хӗресленнӗ вырӑнта 14 сехет те 22 минутра пулса иртнӗ. Аварие курнӑ ҫынсем каласа панӑ тӑрӑх пушар сӳнтерме васкакан машинӑн сирени вӑл вӑхӑтра ӗҫленӗ.
Малтанласа пӗлтернӗ тӑрӑх ҫул ҫинчи пӑтӑрмахра никам та аманман. Хӗрлӗ тӗслӗ ҫӑмӑл машина вара самаях сиенленнӗ.
Паян ҫӗрле Канаш хулинчи Ӗҫ урамӗнчи 4-мӗш ҫуртра пушар пулнӑ. Юрать-ха, ку инкек никамӑн пурнӑҫне те татман.
Пушар тухни пирки ҫур ҫӗр иртни 1 сехет те 55 минутра пӗлтернӗ. Инкеклӗ лару-тӑру министерствин ӗҫченӗсем икӗ пӳлӗмлӗ хваттертен 32 ҫулти хӗрарӑма, унӑн 6-ри ачине тата пӗрле пурӑнакан 29-ти арҫынна пусмапа илсе тухнӑ. Виҫҫӗшӗ те сӗрӗмпе наркӑмӑшланнӑ, вӗсене Канашри тата Шупашкарти пульницӑсене илсе ҫитернӗ.
Пушара 40 минутран сӳнтернӗ. Малтанлӑха пӗлтернӗ тӑрӑх, ҫулӑм пирус асӑрханмасӑр туртнӑран тухнӑ.
Республикӑра ӗнер те аслатиллӗ ҫумӑр ҫунӑ. Ҫӗмӗрле районӗнчи Чӑваш Улхашри пӗр кил хуҫалӑхне аҫа ҫапнӑ.
Ку инкек 13 сехет те 12 минутра Улӑх урамӗнче пулнӑ.
Аҫа ҫапсан хуралтӑ таврашӗ ҫунма тытӑннӑ. Кӳршӗсен сарайӗ те ҫунса кайнӑ. Пушарта 32 сурӑх пӗтнӗ.
Кунсӑр пуҫне ҫулӑм кӳршӗри ҫурт стенине сиенлетнӗ. Халӗ пушар мӗн чухлӗ тӑкак кӳнине шутлаҫҫӗ.
Паян ҫӗрле, 2 сехет иртсен, Тӑвай районӗнче лаша вити ҫунма пуҫланӑ. Пушар Йӑнтӑрччӑ ялӗнче пулнӑ.
Шел те, ҫулӑм 500 тӑваткал метр лаптӑк ҫинче вырнаҫнӑ йывӑҫ витене тӗп тунӑ. Халӗ пушар мӗнрен тухнине тӗпчеҫҫӗ.
Улатӑрта вара Хурӑнлӑ урамӗнчи 3-мӗш ҫуртри пӗр пӳлӗмлӗ хваттерте диван ҫунма тытӑннӑ. Пушарнӑйсем ҫулӑма 5 минутран сӳнтернӗ. 26 ҫулти кил хуҫине ҫӑлма май килнӗ.
Утӑ уйӑхӗн 18-мӗшӗнче юсавсӑр пуйӑса пула «Сӑрҫум» заповедник ҫумӗнчи курӑк ҫунма пуҫланӑ. 12 сехет тӗлӗнче Улатӑр районӗнче чукун ҫулпа тавар тиенӗ тӗтӗм мӑкӑрӑлтаракан пуйӑс иртсе кайнӑ. Вут-хӗм сирпӗтнӗрен чукун ҫул ҫывӑхӗнчи курӑк тивсе илнӗ.
Тӑватӑ ҫухрӑм тӑршшӗнче ҫулӑма ҫичӗ вырӑнта тупса палӑртнӑ, вӗсене пӗтерме виҫӗ сехет кирлӗ пулнӑ. Юрать-ха ҫулӑм вӑрман таран ҫитеймен — ӑна сухаласа пӑрахнӑ лаптӑксем тытса чарнӑ.
Ҫулӑма алхасма касса пӑрахнӑ ҫамрӑк хунавсем те пулӑшнӑ иккен. Электриксем ҫутӑ линине вӗсенчен иртнӗ, анчах хӑйсем хыҫҫӑн тирпейлесе хӑварман — каснӑ хунавсене ҫавӑнтах пӑрахса хӑварнӑ. Типӗ курӑк ҫинчи ҫулӑма вӑй илме вӗсем питӗ аван пулнӑ.
«Сӑрҫум» заповедникри пушарпа кӗрешекенсем кӑҫал чукун ҫул ҫине ҫулӑма сӳнтерме виҫҫӗ ҫитнӗ.
«Чукун ҫул ҫинчи турттаракан хатӗрсем улшӑнаҫҫӗ. Час-часах эпир реактивлӑ самолетсем евӗр ҫула касса пыракан ҫӗнӗ локомотивсене куратпӑр, анчах, шел пулин те, хӑшпӗр чухне вут тивертекенсем пуйӑссем те иртеҫҫӗ», — пӗлтернӗ хӑйсен пӑшӑрханӑвне «Сӑрҫум» заповедникре.
Хальхи вӑхӑтра Горький чукун ҫулӗпе, тата пушар тухассинчен тимлекен органсемпе пӗрлехи ӗҫ ирттереҫҫӗ.
Шупашкарта ҫывӑх вӑхӑтра (27.09.2024 03:00) уяр ҫанталӑк, атмосфера пусӑмӗ 759 - 761 мм, 8 - 10 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.
| Арцыбышев Николай Сергеевич, вырӑс ҫыравҫи, историкӗ вилнӗ. | ||
| Зайцев Юрий Антонович, чӑваш живописецӗ, фотографӗ ҫуралнӑ. | ||
| Чӑваш патшалӑх издательствине йӗркеленӗ. | ||
| Одюков Иван Ильич, чӑваш фольклорне пухаканӗ ҫуралнӑ | ||
| Симунов Николай Васильевич, чӑваш ҫыравҫи ҫуралнӑ. | ||
Пулӑм хуш... |