Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Ӳркенмен ӑста пулнӑ.
[ваттисен сӑмахӗ]
 

Хыпарсем

Сывлӑх
lenta.ru сайтри сӑн
lenta.ru сайтри сӑн

Чӑваш Енре кӑшӑлвирусран вилнисен йышӗ 570 ҫынна ҫитнӗ. Ҫулталӑк пуҫланнӑранпа 4 кун кӑна иртрӗ – кӑҫал 42 ҫын ҫак амака пула пурнӑҫран уйрӑлнӑ. Юлашки талӑкра 11 ҫыннӑн пурнӑҫӗ татӑлнӑ.

Ҫулталӑк вӗҫӗпе танлаштарсан, юлашки талӑкра инфекциленнисен йышӗ пӗчӗкрех – 102 ҫын. Сывалакансем 93-ӗн пулнӑ.

Ку таранччен республикӑра 16805 ҫын кӑшӑлвируспа чирленӗ. Вӗсенчен 15145-шӗ сывалнӑ. Ку 90 процентпа танлашать.

Сӑмах май, юлашки талӑкра Раҫҫейре 23 пин те 351 ҫыннӑн организмӗнче кӑшӑлвирус пуррине тупса палӑртнӑ.

 

Хулара
zarinsknews.ru сайтри сӑн
zarinsknews.ru сайтри сӑн

Шупашкарта ҫыснем санитари нормисене мӗнле пӑхӑннинине малалла тӗрӗслеҫҫӗ. Ку ӗҫе, паллах, кӑшӑлвируса сарӑлма парас мар тесе пурнӑҫлаҫҫӗ. 21 мобильлӗ ушкӑн халӑх нумай пухӑнакан вырӑнсене ҫитеҫҫӗ, общество транспорчӗсене кӗреҫҫӗ. Палӑртмалла: мобильлӗ ушкӑна хула администрацийӗн специалисчӗсем, прокуратура тата Роспотребнадзор ӗҫченӗсем кӗреҫҫӗ.

Кӑрлачӑн 2-мӗшӗнче 62 суту-илӳ объектне тӗрӗсленӗ. Ҫынсем общество транспортӗнче маскӑсӑрах ҫӳренӗ тӗслӗхсем те пулнӑ. 22 ҫын маска режимне пӑснӑ, вӗсен тӗлӗшпе акт ҫырнӑ. Сӑмах май, кунашкал йӗркене пӑснӑшӑн ҫынсем – 1-30 пин тенкӗ, должноҫри ҫынсем – 10-50 пин тенкӗ, усламҫӑсем 30-50 пин тенкӗ, организацисем 100-300 пин тенкӗ штраф тӳлеме пултараҫҫӗ.

Хыпар ҫӑлкуҫӗ: https://pg21.ru/news/69064
 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Чӑваш Енре пӗр талӑкра пушарсенче тӑватӑ ҫыннӑн пурнӑҫӗ татӑлнӑ. Пӗр пушар Шупашкарти Ленин проспектӗнче пулнӑ. Ун пирки ӗнер хыпарланӑччӗ. Унта 61 ҫулти арҫын вилнӗ.

Ӗнер Пӑрачкав районӗнчи Напольное ялӗнче те пушар алхаснӑ. Унта 71 ҫулти кил хуҫин пурнӑҫӗ татӑлнӑ. Ҫулӑм шалти отделкӑна сиенлетнӗ. Ҫак районти Никулино ялӗнче те пушар пулнӑ. Шел те, унта та кил хуҫи вилнӗ. Вӑл 1957 ҫулта ҫуралнӑскер пулнӑ.

Ҫӗрле Элӗк районӗнчи Вылпасар ялӗнче пӳрт ҫунса кайнӑ. Унта та кил хуҫин пурнӑҫӗ вӑхӑтсӑр татӑлнӑ. Вӑл 61 ҫулта пулнӑ.

 

Пӑтӑрмахсем

Чӑваш Енри ҫул-йӗр хӑрушсӑрлӑхӗн инспекторӗсем руль умне ӳсӗрле ларнӑ водительсене тӑтӑшах тытса чараҫҫӗ. Элӗк районӗнче, тӗслӗхрен, «БМВ» автомашинӑна асӑрханӑ. Водитель чарӑнманран ун хыҫҫӑн кайма тивнӗ. Водитель пӗрре правасӑр пулнӑ, тепре — ӳсӗр. Вӑрнар районӗнче ӳсӗр водителӗн тусӗсем ҫул-йӗр инспекторӗсемпе тавлашнӑ, юлташне хӳтӗлеме пӑхнӑ. Ун пек хӑтлансан ним мар явап тыттарӗҫ.

Ӗнер тата ҫамрӑк хӗрарӑма (ӑна ӑҫта курнине асӑнман) тытса чарнӑ. Машинӑна штрафлапама илсе кайнӑ, хӗрарӑма хӑйне те явап тыттарӗҫ.

Ҫул-йӗр хӑрушсӑрлӑхӗн инспекторӗсем ӳсӗр водительсем пирки ҫийӗнчех йӗрке хуралҫисене систерме ыйтаҫҫӗ. Е 102 номерпе шӑнкӑравламалла, е @antidiler21bot телеграм-бота систермелле.

Хыпар ҫӑлкуҫӗ: https://www.instagram.com/p/CJl5qIHJTBG/
 

Республикӑра

Эрнере пилӗк кун ӗҫлекенсем кӑҫал 247 кун ӗҫлесе 118 кун канӗҫ.

Кӑрлачӑн 2-мӗшӗнчи шӑматкуншӑн чӳк уйӑхӗн 5-мӗшӗнче кантарӗҫ, кӑрлач уйӑхӗн 3-мӗшӗнчи вырсарникуншӑн — раштав уйӑхӗн 31-мӗшӗнче, нарӑс уйӑхӗн 20-мӗшӗнчи шӑматкуншӑн — нарӑс уйӑхӗн 22-мӗшӗнчи тунтикун. Нарӑс уйӑхӗн 20-мӗшӗнче, шӑматкун, 22-мӗшӗшӗн ӗҫлеттерӗҫ. Унтан нарӑс уйӑхӗн 21-23-мӗшӗсенче канӑпӑр.

Пуш уйӑхӗн 6-8-мӗшӗсенче ӗҫлемӗпӗр.

Ҫу уйӑхӗнче 1-3-мӗшӗсенче тата 8-10-мӗшӗсенче канӑпӑр.

Раҫҫей кунӗ шӑматкуна лекнӗрен уншӑн тепӗр кун ӗҫлеттермӗҫ.

Унсӑр пуҫне Республика кунӗ те — канмалли кун.

Чӳк уйӑхӗнче 4-7-мӗшӗсенче канӑпӑр.

 

Пӑтӑрмахсем

Паян Шупашкарти нумай хваттерлӗ ҫуртсенчен пӗринче пушар тухнӑ. Инкек сӑлтавне специалистсем палӑртӗҫ.

Ҫулӑм паян, кӑрлач уйӑхӗн 3-мӗшӗнче, Ленин проспектӗнчи 21-мӗш ҫуртра алхаснӑ. Инкек пирки «Про Город» хаҫата халӑх корреспонденчӗ пӗлтернӗ.

Хыпара РФ Инкеклӗ ӗҫсен министерствин республикӑри управленийӗн пресс-службинче те ҫирӗплетнӗ.

«Хваттер ҫунма пуҫлани пирки 11 сехет те 30 минутра пӗлтернӗ. Пушара сӳнтерме икӗ автоцистернӑпа тата пусмапа усӑ курнӑ. 12 сехет те 4 минутра сӳнтернӗ», — тесе хыпарланӑ унта.

Хыпар ҫӑлкуҫӗ: https://pg21.ru/news/69058
 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Республикӑри нимеҫӗсен «Действуй» центрӗ «Манпа пӗрле ӗмӗтлен» проектпа килӗшӳллӗн «Ӗмӗтсен чӑрӑшӗ» акцие иккӗмӗш ҫул ирттерет. Сӑмах май, акцие 2018 ҫулта РФ Президенчӗ Владимир Путин пуҫарса янӑ.

Шупашкарти интернат шкулта вӗренекен Максим Быков ноутбук пирки ӗмӗтленнӗ. Ҫакна вӑл «Ӗмӗтсен чӑрӑшӗ» проектӑн сайтӗнче ҫырнӑ.

ЧР вице-премьерӗ Михаил Ноздряков арҫын ачан ӗмӗтне пурнӑҫланӑ. Вӑл Максима Ҫӗнӗ ҫул умӗн ноутбук парнеленӗ.

Сӑмах май, Михаил Ноздряков акцие пӗлтӗр те хутшӑннӑ. Ун чухне вӑл 8-ти Илья Голубовскин ӗмӗтне пурнӑҫланӑ – ӑна тата унӑн йӗкӗреш хӑраххине пралуксӑр колонка тата «Лего» парнеленӗ.

 

Республикӑра
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Вӑрмар районӗнчи Урнар ялӗнче пушарта ултӑ ҫын ҫунса вилнӗ хыҫҫӑн районта рейд иртӗ, 18 ҫул тултарман ачасемпе ӗҫлекен комисси тӗрӗслесе тӑракан ҫемьесене ҫитсе курӗҫ. Ҫапла йышӑннӑ инкеклӗ лару-тӑру комиссийӗн ларӑвӗнче.

Аса илтерер: пушар кӑрлач уйӑхӗн 1-мӗшӗнче ирхи 5 сехет иртсен пулнӑ. Унта аслӑ ӳсӗмри 3 ҫын тата 3 ача ҫунса вилнӗ. Виҫӗ ача тата вӗсен амӑшӗ ҫул ҫитменнисемпе ӗҫлекен комиссире шутра тӑнӑ. Раштав уйӑхӗн 26-мӗшӗнче комисси ҫав ҫемьене ҫитсе тӗрӗсленӗ. Амӑшне ачисене Вӑрмар районӗнчи халӑха социаллӑ пулӑшу паракан центра вӑхӑтлӑх вырнаҫтарма сӗннӗ. Хӗрарӑм вара хирӗҫленӗ.

Хыпар ҫӑлкуҫӗ: https://pg21.ru/news/69059
 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ӗнер, кӑрлач уйӑхӗн 2-мӗшӗнче, Атӑл леш енчи кану базинче пушар алхаснӑ. Юрать-ха, инкекре ҫынсем шар курман, ҫав вӑхӑтра унта канакансем пулман.

Пушар Октябрьски поселокӗнчи кану базинче кӑнтӑрла иртни 2 сехетсенче пулнӑ. Инкеклӗ лару-тӑру министерстви пӗлтернӗ тӑрӑх, унта йывӑҫ ҫурт ҫуннӑ. Пушарнӑйсем ҫулӑма кӳршӗ пӳртсене куҫма паман, пушара сӳнтернӗ.

Аса илтерер: Ҫӗнӗ ҫул хыҫҫӑн, кӑрлачӑн 1-мӗшӗнче ирхи 5 сехет иртсен, Вӑрмар районӗнчи Урнар ялӗнче пушар тухнӑ. Унта, шел те, 6 ҫыннӑн пурнӑҫӗ татӑлнӑ. Ҫав шутра – 3 ача.

 

Сывлӑх
nts-tv.com сайтри сӑн
nts-tv.com сайтри сӑн

Паян валли кӑшӑлвирусран тепӗр 10 ҫын пурнӑҫран вӑхӑтсӑр уйрӑлнӑ. Аса илтерер: 2021 ҫулӑн пӗрремӗш кунхине 10 ҫыннӑн пурнӑҫӗ татӑлнӑ, ӗнер – 11 ҫыннӑн. Кӑҫал 3 кунра 31 ҫын кӑшӑлвирусран вилнӗ.

Ку таранччен вара каварлӑ вирусран сахал мар ҫын пурнӑҫран уйрӑлнӑ: 559 ҫын чире парӑнтарайман. Паянхи кун тӗлне 16703 ҫын инфекциленнӗ. Вӗсенчен 15052-шӗ сывалнӑ. Юлашки талӑкра 92 ҫын чире парӑнтарнӑ. Чирлекенсем вара нумайрах пулнӑ: 105 ҫын.

Аса илтерер: республикӑра кӑшӑлвируспа чирленӗ пӗрремӗш ҫынна 2020 ҫулхи пуш уйӑхӗн 19-мӗшӗнче шута илнӗ.

 

Страницӑсем: 1 ... 1245, 1246, 1247, 1248, 1249, 1250, 1251, 1252, 1253, 1254, [1255], 1256, 1257, 1258, 1259, 1260, 1261, 1262, 1263, 1264, 1265, ... 3865
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.04.2025 03:00) уяр ҫанталӑк, атмосфера пусӑмӗ 746 - 748 мм, 2 - 4 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 03

1929
96
Воронцова Галина Михайловна, медицина ӑслӑхӗсен докторӗ ҫуралнӑ.
1977
48
Раман Иринкки, ҫамрӑк чӑваш ҫыравҫи ҫуралнӑ.
Пулӑм хуш...Пулӑм хуш...