Вӗренӳ
ru.dreamstime.com сӑнӳкерчӗкӗ Шупашкарти 56-мӗш шкулта ачасене вырӑс чӗлхипе литературине вӗрентнӗ хӗрарӑм-педагогпа ҫыхӑннӑ пӑтӑрмаха Чӑваш халӑх сайчӗ унччен пӗлтернӗччӗ-ха. Аса илтерер: авӑн уйӑхӗн 4-мӗшӗнче учитель пиллӗкмӗш класс ачисене класа вараланӑшӑн, ҫав шутра пушмак тӗпӗ хуратнӑшӑн та, ятланӑ. Вӑл вӗсене кӳрентермелле сӑмахсем каласа пӗтернӗ. Пӑтӑрмах ҫын ҫине тухсан прокуратура тӗрӗслев пуҫарнӑччӗ. Шупашкарти шӑв-шав ҫинчен федераци МИХӗсем те тупӑшса тенӗ пек хыпарларӗҫ. Вӗрентекен хай кӑмӑлӗпе заявлени ҫырса парса ӗҫрен кайнӑччӗ, шкул директорӗ ачасемпе ашшӗ-амӑшӗнчен каҫару ыйтнӑччӗ. Паян вара Чӑваш Ен прокуратури учитель хӑйне килӗшӳсӗр тытнӑ пирки хула администрацийӗн пуҫлӑхӗ ячӗпе асӑрхаттару хучӗ шӑрҫаланине пӗлтернӗ. Хыпар ҫӑлкуҫӗ:
| ||
Алӑран ҫыртнӑПӑтӑрмахсем
Патӑрьел районӗнчи Куславкка ялӗнче пурӑнакан хӗрарӑм пӑтӑрмаха ҫакланнӑ. Вӑл йӗрке хуралҫин сулахай аллинчен ҫыртса лартнӑ. Халӗ хӗрарӑмӑн суд тенкелӗ ҫине ларма тивӗ. Ӑна РФ Пуҫиле кодексӗн 318-мӗш статйин 1-мӗш пайӗпе айӑпласшӑн. РФ Следстви комитечӗн Чӑваш Енри управленийӗнче пӗлтернӗ тӑрӑх, пуҫиле ӗҫе тӗпчесе пӗтернӗ ӗнтӗ. Утӑ уйӑхӗн 7-мӗшенче хӗрарӑмӑн упӑшки мопедпа шлемсӑр ярӑннӑ. Ҫавна йӗрке хуралҫисем асӑрханӑ. Вӗсем мотоциклиста чарӑнма ыйтнӑ. Анчах лешӗ вырӑнтан тапса сикнӗ. Пакунлисем хыҫран хӑваланӑ. Арҫын хӑйӗн килӗ умне ҫитсе чарӑннӑ. Унта хайхин арӑмӗ сиксе тухнӑ, пакунлисемпе хирӗҫме тытӑннӑ. Тарӑхнипе вӑл вӗсенчен пӗрин сулахай аллинчен ҫыртса лартнӑ. Хыпар ҫӑлкуҫӗ:
| ||
Пӑтӑрмахсем
Ҫӗрпӳ хулинче килсӗр-ҫуртсӑр пӗр арҫын хӑйӗн ар хатӗрне ачасене кӑтартнӑ. Ҫавӑншӑн ӑна хупса хумалла тунӑ. Раҫҫей Следстви комитечӗн Чӑваш Енри управленийӗнче пӗлтернӗ тӑрӑх, пӗлтӗрхи утӑ уйӑхӗн 25-мӗшӗнче 53 ҫулти арҫын 8-11 ҫулсенчи 4 хӗрача патне пынӑ. Вӗсем нумай хваттерлӗ ҫурт картишӗнче вылянӑ. Арҫын ар хатӗрне уҫса кӑтартнӑ хыҫҫӑн таҫта кайса ҫухалнӑ. Ачасенчен пӗри киле кӗрсен ашшӗне евитленӗ. Арҫын пакунлисене пӗлтерме васканӑ. Пӑтӑрмахчен 6 кун маларах арҫын хуран вӑрланӑ. Хуҫи тӑкака 2,5 пин тенкӗ ытла тесе пӗлтернӗ. Килсӗр-ҫуртсӑр арҫын унччен те судпа темиҫе хутчен айӑпланнӑ. Ӑна 13,5 ҫуллӑха ҫирӗп режимлӑ колоние ӑсатма йышӑннӑ. Хыпар ҫӑлкуҫӗ:
| ||
Сывлӑх
Twitter.com сайтри сӑн Чӑваш Енри васкавлӑ медпулӑшу машинисен автопаркне ҫӗнетме палӑртнӑ. Кун пирки ЧР Элтеперӗн тивӗҫӗсене вӑхӑтлӑх пурнӑҫлакан Олег Николаев ЧР Министрсен Кабинечӗн ларӑвӗнче пӗлтернӗ. Раҫҫей суту-илӳпе промышленноҫ министерстви пуҫарӑвӗпе Чӑваш Ен валли хушма 100 миллион тенкӗ уйӑрӗҫ. Ку укҫапа васкавлӑ медпулӑшу машинисем туянӗҫ. ЧР Сывлӑх сыхлавӗн тата Финанс министерствисене автопарка ҫӗнетмешкӗн тумалли ӗҫсене пурнӑҫлама хушнӑ. «Ӗҫе ӗнер пуҫланӑ. Ку питӗ пӗлтерӗшлӗ тӗллев. Ҫулталӑк вӗҫлениччен ӑна пурнӑҫласан автопарк улшӑнӗ, тен, тӗпренех», - тенӗ Олег Николаев. Хыпар ҫӑлкуҫӗ:
| ||
Персона
Vk.com сайтри сӑн Ҫӗнӗ Шупашкарти 12-мӗш шкулта вырӑс чӗлхипе литературине вӗрентекен Татьяна Якунина Раҫҫей президенчӗн патшалӑх премине тивӗҫнӗ. Хушӑва ҫурла уйӑхӗн 21-мӗшӗнче Владимир Путин алӑ пуснӑ. Ҫак премие вӗрентӳре пысӑк ҫитӗнӳсем тунӑ педагогсене параҫҫӗ. Татьяна Якунина та Раҫҫейри чи лайӑх вӗрентекенсен йышне кӗнӗ. Татьяна Якунина И.Я.Яковлев ячӗллӗ ЧППУран лайӑх вӗренсе тухнӑ, Ҫӗнӗ Шупашкарти 12-мӗш шкулта 2001 ҫултанпа ӗҫлет. Унӑн пысӑк квалификаци категорийӗ пур, шкулта 18 ҫул педагогра ӗҫлет. Хыпар ҫӑлкуҫӗ:
| ||
Ӗҫ укҫи ӳсӗРеспубликӑра
News.myseldon.com сайтри сӑн Юпа уйӑхӗн 1-мӗшӗнчен Чӑваш Енре бюджетниксен ӗҫ укҫине ӳстерме палӑртнӑ. Кун пирки ЧР Правительствин ларӑвӗнче пӗлтернӗ. Шалу 3 процент ӳсӗ. ЧР вице-премьерӗ Михаил Ноздряков пӗлтернӗ тӑрӑх, ӗҫ укҫине ндексацилессине федерации шайӗнче йышӑннӑ. Ҫавна май ЧР Финанс министерстви республикӑри патшалӑх хысна учрежденийӗсенче ӗҫлекенсен шалӑвне ӳстерме йышӑннӑ. Ку 38 пин ҫынна пырса тивӗ. Ку тӗллевпе республика хыснинчен 161 миллион тенкӗ уйӑрӗҫ. 40 миллион тенкине – кӑҫал. Хыпар ҫӑлкуҫӗ:
| ||
Ҫутҫанталӑк
Funart.pro сайтри сӑн Ҫуллана пӗтӗмлетнӗ май Наци экологи танлаштарӑмне хатӗрленӗ. Чӑваш Ен ку енӗпе Атӑлҫи федераци округӗнче пӗрремӗш вырӑн йышӑннӑ. Танлаштарӑма «Симӗс патруль» общество организацийӗ хатӗрленӗ. Раҫҫейри кӑтартӑва илес пулсан, Чӑваш Ен – ҫиччӗмӗш вырӑнта. Пирӗн республика танлаштарӑм хаклавӗнче 100 балран 66-шне пухнӑ. ЧР Ҫутҫанталак министерстви пӗлтернӗ тӑрӑх, республика пысӑк балсене «Экологи» наци проекчӗн «Таса ҫӗршыв», «Вӑрмансене упрар», «Атӑла сыватни», «Шыв объекчӗсене упрани» программисене пурнӑҫланӑшӑн тивӗҫнӗ. Хыпар ҫӑлкуҫӗ:
| ||
Сывлӑх
Behance.net сайтри сӑн Паянхи кун тӗлне тепӗр ҫын кӑшӑлвируспа чирлесе вилни палӑрнӑ. Ҫапла ку таранччен 75 ҫын каварлӑ инфекцие парӑнтарайман. Авӑн уйӑхӗн 9-мӗшӗ тӗлне 8043 ҫын кӑшӑлвируспа чирленӗ. Юлашки талӑкра ку йыша 29 ҫын хушӑннӑ. Чирленисенчен 6668-шӗ сывалнӑ. Юлашки талӑкра 33 ҫын каварлӑ вируса парӑнтарнӑ. Паянхи кун тӗлне 1300 ҫын кӑшӑлвирусран сипленет. Респубикӑра кӑшӑлвирус сарӑлнин индексӗ 1-не ҫитнӗ. Аса илтерер: ку эрнере Чӑваш Енре ача пахчисем ӗҫлеме пуҫланӑ. Хыпар ҫӑлкуҫӗ:
| ||
Политика
cap.ru сӑнӳкерчӗкӗ Чӑваш Ен Сывлӑх сыхлав министрӗн ҫумне Владимир Дубова ӗҫрен кӑларнӑ. Хушӑва республикӑн влаҫ органӗсен официаллӑ порталӗнче вырнаҫтарнӑ. Документа Олег Николаев паян алӑ пуснӑ. Владимир Дубов Чӑваш патшалӑх университетӗнчи медицина факультетӗнче вӗреннӗ. Аслӑ шкула вӑл хӗрлӗ дипломпа пӗтернӗ. Унтах ординатурӑра ӑс пухнӑ. Медицина наукисен кандидачӗ. Владимир Дубов ЧПУра та, тӗрлӗ пульницӑра та тӑрӑшнӑ. 2018 ҫулхи утӑ уйӑхӗн 27-мӗшӗнче ӑна республикӑн ун чухнехи премьер-министрӗ Иван Моторин сывлӑх сыхлав министрӗн ҫумӗ пулма шаннӑччӗ. Хыпар ҫӑлкуҫӗ:
| ||
Политика
Чӑваш Енре тӳре-шара йышне чакарӗҫ. Капла хушӑва республикӑн Министрсен Кабинечӗн ертӳҫи алӑ пуснӑ. Ӗҫлӗ хута республикӑн влаҫ органӗсен официаллӑ порталӗнче вырнаҫтарнӑ. Патшалӑх влаҫ органӗсенче тӑрӑшакансен йышне пӗчӗклетнӗ май Чӑваш Ен Элтеперӗн Администрацийӗнчи пӗр штата чакарӗҫ, Финанс министерствинче — тӑватӑ штата, Ӗҫ тата социаллӑ хӳтлӗх министерствинче — икӗ штата. Ҫав вӑхӑтрах Чӑваш Енӗн Юстици енӗпе ӗҫлекен патшалӑх службине пӗр ҫын хушса парӗҫ. «Ҫыхӑнура» форум пӗлтернӗ тӑрӑх, Чӑваш Ен Элтеперӗн тивӗҫӗсене вӑхӑтлӑх пурнӑҫакан Олег Николаев утӑ уйӑхӗнче патшалӑх влаҫӗ органӗсен ӗҫне тишкерме тата унта тӑрӑшакансен йышне оптимизацилеме хушнӑ. Хыпар ҫӑлкуҫӗ:
| ||
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Краснова Ирина Мефодьевна, Чӑваш АССРӗн тава тивӗҫлӗ культура ӗҫченӗ, журналист вилнӗ. | ||
Пулӑм хуш... |