Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Туман тиха пилӗкне ан хуҫ теҫҫӗ.
[ваттисен сӑмахӗ: 6510]
 

Хыпарсем

Пӑтӑрмахсем

Канмалли кунсенче мунча хыҫҫӑн мунча ҫунать. Кун пирки РФ Инкеклӗ ӗҫсен министерствин Чӑваш Енри управленийӗ пӗлтерет.

Акӑ, сӑмахран, раштав уйӑхӗн 5-мӗшӗнче, Кӳкеҫре пӗр уйрӑм ҫыннӑн килӗнче пушар тухнӑ. Йывӑҫ мунча хыпса илнӗ, унӑн шалти пайӗ сиенленнӗ. Ҫав каҫах Улатӑрта вут-ҫулӑм алхаснӑ. Унта та йывӑҫ мунча ҫуннӑ.

Раштав уйӑхӗн 6-мӗшӗнчи каҫхине Красноармейски районӗнчи Мӑн Шетмӗри 65 ҫулти кил хуҫин мунчи тата хуралтисем ҫуннӑ. Специалистсем шухӑшланӑ тӑрӑх, пушар сӑлтавӗ — кӑмакара.

Вырсарникунхи пушарта Шупашкар, Сӗнтӗрвӑрри тата Патӑрьел районӗсенче мунчасем ҫуннӑ.

 

Сывлӑх

Чӑваш Енре пурӑнакансем кӑшӑлвируспа ҫаплипех чирлеҫҫӗ. Иртсе кайнӑ талӑкра пирӗн тӑрӑхри 118 ҫын чирленине шута илнӗ. Ӑна пула 3 ҫын пурнӑҫран уйрӑлнӑ. Сывалнипе 24 ҫынна пульницӑран кӑларнине пӗлтереҫҫӗ.

Аслӑ класра вӗренекен шкул ачисене икӗ эрне инҫет ҫыхӑну мелӗпе вӗрентрӗҫ. Студентсемпе училищӗсенче вӗренекенсем вара ку эрнере те килте вӗренеҫҫӗ.

Кӑшӑлвируса пула йышӑннӑ мерӑсем усламҫӑсене пысӑк сӑтӑр кунӗ. Пирӗн республикӑри предприятисем 2 миллиард тенкӗлӗх тӑкак тӳснӗ. Апатлану предприятийӗсенче фуд-кортсене уҫма ирӗк пачӗҫ.

 

Сывлӑх

Пурнӑҫ кашни утӑмра тенӗ пек хут ҫырнинчен тата ҫавна электрон ҫӑлкуҫсене куҫарнинчен тӑракан пулса кайрӗ. Ҫакӑ пур отрасльте те сисӗнет. Маларах васкавлӑ пулшура ӗҫлекенсене планшетсем валеҫсе тухрӗҫ. Халӗ ӑна терапевтсемпе пӗтӗмӗшле практика врачӗсене те парӗҫ. Ку хатӗр ҫулталӑк вӗҫлениччен 846 ҫын валли туянӗҫ.

Сывлӑх сыхлав министерствинче планшетсем тухтӑрсене чирлисем патне киле кайсан кирлӗ тесе шухӑшлаҫҫӗ. Мобильлӗ приложени пулӑшниме шурӑ халатлисем электрон медицина карттине пӑхайӗҫ,больница хутне тата ҫӑмӑллӑхлӑ рецепта ҫырса парайӗҫ.

Кирлӗ пулсантухтӑрсемпланшет урлӑ телемедицина консультацийӗ илейӗҫ.

 

Культура

Раштав уйӑхӗн 21-мӗшӗнче Чӑваш патшалӑх ҫамрӑксен театрӗнче Алексей Айги композиторпа «4’33”» ансамблӗн концерчӗ иртӗ. Ун пекки халиччен пулманччӗ.

Кӗвӗ асамлӑхне туйма, юрӑ-ҫемӗн вӗҫсӗр-хӗрсӗр илемӗпе киленме пӗлекенсемшӗн ҫав концерт чӑннипех те уяв пулса тӑрӗ.

Ҫамрӑксен театрӗнче билетсен шучӗ нумай маррине асӑрхаттараҫҫӗ. Пӗр билетӑн хакӗ — 1000 тенкӗ.

Концерт 18 сехет те 30 минутра пуҫланӗ.

Ыйтса пӗлмелли телефон номерне те кӑтартнӑ: +7 (8352) 45-00-34.

Алексей Айги — Геннадий Айги поэтӑн ывӑлӗ.

 

Культура

Чӑваш патшалӑх ҫамрӑксен театрӗ Йошкар-Оларан таврӑннӑ. Унта вӑл гастрольпе пулнӑ.

Иртнӗ канмалли кунсенче артистсем ҫармӑссене хӑйсен пултарулӑхӗпе паллаштарнӑ. Вӗсем Мари Элти ҫамрӑксен театрӗнче шӑматкун кӑнтӑрла «Снежная королева» (0+), каҫхине «Поллианна» (12+) спектакльсем кӑтартнӑ.

Чӑваш артисчӗсене курма халӑх йышлӑ пуҫтарӑннӑ.

«Тавах Чӑваш патшалӑх ҫамрӑксен театрӗн артисчӗсене тав», – тав туса ҫырнӑ «Полианна» спектакле пӑхнӑ хыҫҫӑн ҫармӑссен театрӗн сайтӗнче.

Вырсарникун кӑнтӑрла «Елка и Белка» (0+) юмах кӑтартнӑ. Вӑл ачасене те, аслисене те килӗшнӗ. «Малашне те килӗр!», – тесе йыхравланӑ вырӑнтисем.

Ҫитесю канмалли кунсенче, раштав уйӑхӗн 12 тата 13-мӗшӗсенче, Чӑваш патшалӑх ҫамрӑксен театрӗнче Козьмодемьянскра пулӗҫ.

 

Сывлӑх

Чӑваш Енри фельдшерсем те телемедицина пулӑшӑвӗпе усӑ курайӗҫ. Ку меслет врачсене пӗр-пӗринпе инҫет ҫыхӑну мелӗпе канашлама май парать. Кӑшӑлвирус инфекцийӗ алхаснӑ вӑхӑтра ку пулӑшу пушшех те питӗ кирлӗ тесе пӗлтереҫҫӗ республикӑн Сывлӑх сыхлав министерствинче.

Кӑҫал 26 пульницӑра 35 телемедицина пункчӗ йӗркеленӗ. Ҫапла вара республикӑри мӗнпур медицина учрежденине телемедицина мелӗпе ҫыхӑнтарнӑ. Инҫет ҫыхӑну мелӗпе тухтӑрсем федераци шайӗнчи медицина центрӗсенчи пултаруллӑ та ӑста специалистсемпе канашлама, консультаци илме пултараҫҫӗ. Кӑҫал ун пек майпа ҫыхӑнасси 30 процент ӳснӗ, 5 пине ҫывхарнӑ.

 

Апат-ҫимӗҫ

Вӑрнар районӗнчи Пӑртасри шкулта вӗренекен ачасен кӑнтӑр апатне килтен чиксе кайма тивет. Мӗншӗн тесен унти шкул столовӑйӗ хальхи вӑхӑтра ӗҫлемест. Хальхи вӑхӑтра кӑна та мар, ӑна 50 талӑклӑха хупса хунӑ.

Столовӑй епле ӗҫленине Роспотребнадзорӑн вырӑнти специалисчӗсем тӗрӗсленӗ. Вӗсем савӑт-сапа катӑккинчен пуҫласа кранри шыв юрӑхсӑрри таранах тупса палӑртнӑ. Столовӑйӗнчи хӑш-пӗр оборудовани пачах ӗҫлемен.

Кӑлтӑк ҫине кӑлтӑк тупса палӑртнине кура столовӑя вӑхӑтлӑха хупса хума йышӑннӑ. Ҫак тавӑҫпа суда тухнӑ. Унтисем тивӗҫлӗ йышӑну кӑларса панӑ.

 

Хулара

Шупашкар Ҫӗнӗ 2021 ҫула кӗтсе илме хатӗрленет. Кӑшӑлвируса пула кӑҫал массӑллӑ мероприятисем пулмӗҫ. Ҫапах хула урамӗсенче асамлӑх хуҫаланӗ.

Кӑҫал Хӗрлӗ лапамра 6 метр ҫӳллӗш тухья вырнаҫтарма палӑртнӑ. Вӑл юрӑ-кӗвӗллӗ фонтан вырӑнӗнче пулӗ. Тухьяпа юнашар 14 метр ҫӳллӗш чӑрӑш лартӗҫ, ӑна илемлетӗҫ. Ача-пӑча лапамӗнче кукша пуҫ евӗр лампӑсем ҫутатӗҫ. Сцена ҫине лотос евӗр 6 арт-объект вырнаҫтарӗҫ.

Кӑҫал конкурссем, акцисем, фестивальсем, концертсем дистанци мелӗпе пулӗҫ. Шкулсенче, ача пахчисенче уявсем ашшӗ-амӑшӗсӗр иртӗҫ. Аниматорсене те чӗнме юрамӗ.

 

Спорт
Аслан Тимофеев. stroyfak.chuvsu.ru сайтри сӑн
Аслан Тимофеев. stroyfak.chuvsu.ru сайтри сӑн

Чӑваш Енри тепӗр ҫичӗ ҫынна спорт мастерӗн ятне панӑ. Кун пирки ЧР Спорт министерстви пӗлтерет.

Раштав уйӑхӗн 4-мӗшӗнче РФ спорт министрӗ Олег Матыцин пирӗн республикӑри ҫичӗ спортмена спорт мастерӗн ятне парасси пирки хушу алӑ пуснӑ. Камсем тивӗҫнӗ-ха ҫак ята? Спорт мастерӗн ятне Никита Григорьев биатлонист, Аслан Тимофеев каратист тивӗҫнӗ. Ҫавӑн пекех хӑлха илтменнисен спортӗнче ку списока Ксения Анишева, Александр Садовников кӗнӗ. Спорт аэробикинче ҫитӗнӳсем тӑвакан Эллина Аркадьева, спорт гимнастки Екатерина Ермолаева, ухӑран перекен Роман Кравченко спорт мастерӗ пулса тӑнӑ.

Хыпар ҫӑлкуҫӗ: https://pg21.ru/news/68447
 

Сывлӑх
ocoronavirus.ru сайтри сӑн
ocoronavirus.ru сайтри сӑн

Паян республикӑра 2 ҫын кӑшӑлвирусран вилнӗ. Ку таранччен 325 ҫыннӑн пурнӑҫӗ татӑлнӑ. Кун пирки федераци информаци центрӗ пӗлтерет. Ку эрнере кӑна 47 ҫын пурнӑҫран уйрӑлнӑ.

Паянхи кун тӗлне 13413 ҫын инфекциленнӗ. Вӗсенчен 12355-шӗ сывалнӑ. Юлашки талӑкра 118 ҫын чирленӗ, 38 ҫын кӑна сывалнӑ. Раштавӑн пӗрремӗш эрнинче 850 ҫын кӑшӑлвируспа аптӑранӑ.

Паянхи кун тӗлне республикӑра кӑшӑлвирус пуррине тупса палӑртнӑ 733 пациента сӑнаса тӑраҫҫӗ.

 

Страницӑсем: 1 ... 1273, 1274, 1275, 1276, 1277, 1278, 1279, 1280, 1281, 1282, [1283], 1284, 1285, 1286, 1287, 1288, 1289, 1290, 1291, 1292, 1293, ... 3866
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 03:00) тӗтреллӗ ҫанталӑк, атмосфера пусӑмӗ 739 - 741 мм, 3 - 5 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 04

1882
143
Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ.
1943
82
Аттил Алексей Васильевич, чӑваш сӑвӑҫи ҫуралнӑ.
1963
62
Пӑртта Александр Иванович, чӑваш сӑвӑҫи, драматургӗ ҫуралнӑ.
Пулӑм хуш...Пулӑм хуш...