Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Макӑрман ачана чӗчӗ памаҫҫӗ.
[ваттисен сӑмахӗ]
 

Хыпарсем

Спорт
tass.ru сайтри сӑн
tass.ru сайтри сӑн

Раҫҫейри биатлонистсен танлаштарӑмӗнче халӗ Чӑваш Енре ҫуралса ӳснӗ спортсменка малта пырать. Вӑл – Татьяна Акимова. Аса илтерер: нумаях пулмасть вӑл Чӑваш Ен чысне хӳтӗлеме пӑрахнӑ, Тӗмен облаҫне кайнӑ. Халӗ вӑл ҫав регионшӑн тӑрӑшать. Чӑваш Енрен кайнине Татьяна пирӗн регион ӑна тренировкӑсем ирттерме укҫан пулӑшманнипе ҫыхӑнтарнӑ.

Татьяна Акимовӑн – 159 очко. Унӑн – пӗрремӗш вырӑн. Иккӗмӗш вырӑнта – Екатерина Носкова, виҫҫӗмӗшӗнче – Наталья Гербулова.

Хыпар ҫӑлкуҫӗ: https://pg21.ru/news/68387
 

Пӑтӑрмахсем

Ҫӗнӗ Шупашкарта ӳсӗрле руль умне ларма юратакан арҫынна суд тунӑ. Вӑл унччен те ҫавӑн пек майпа пӑтӑрмаха ҫакланнӑ-ха. Хӗрӗнкӗ пуҫпа машина хускатса ҫула тухнӑ этеме колони-посление тӑватӑ уйӑхлӑха ӑсатӗҫ. Унсӑр пуҫне вӑл водитель правине ҫитес виҫӗ ҫулта алла тытса кураймӗ.

Арҫын ӳсӗрле руль умне ларнипе йӗрке хуралҫисен аллине икӗ хутчен ҫакланнӑ. Уншӑн ӑна икӗ хутчен суд тенкелӗ ҫине лартнӑ. Кӑҫалхи ҫурла уйӑхӗн 30-мӗшӗнче арҫын каллех «Volkswagen Transporter» машинӑна хускатса Ҫӗнӗ Шупашкар тӑрӑх тухса кайнӑ. Кӑштахран ӑна хулари Винокуров урамӗнчи 44-мӗш ҫул патӗнче ҫул-йӗр инспекторӗсем асӑрханӑ.

Суд йышӑнӑвӗ ытла кӑра тесен айӑплин ваккачӗ республикӑн Аслӑ судне ҫитнӗ. Анчах унтисем те пӗрремӗш инстанцири суд йышӑнӑвне пӑрахӑҫламан.

Хыпар ҫӑлкуҫӗ: https://www.instagram.com/p/CIXZieNpQwA/
 

Сывлӑх
weacom.ru сайтри сӑн
weacom.ru сайтри сӑн

Чӑваш Енре пӗр талӑкра чирлекенсен йышӗ каллех ӳснӗ. Паян тепӗр 125 ҫын инфекциленнӗ. Ҫулталӑк пуҫланнӑранпа 13047 ҫын кӑшӑлвирус ҫаклатнӑ. Вӗсенчен 12259-шӗ сывалнӑ.

Юлашки талӑкра каварлӑ вируса пула тепӗр 8 ҫыннӑн чӗри тапма пӑрахнӑ. Ку таранччен 306 ҫын вилнӗ. Раштав уйӑхӗнче кӑна 28 ҫыннӑн пурнӑҫӗ татӑлнӑ. Юлашки талӑкра 158 ҫын сывалнӑ.

Хальхи вӑхӑтра «кӑшӑлвирус» диагноз лартнӑ 482 ҫынна тухтӑрсем сӑнаса тӑраҫҫӗ. Республикӑра койкӑсен 23,4 проценчӗ пушӑ. Кӑшӑлвирус сарӑлнин индексӗ 0,93-пе танлашать.

 

Ҫул-йӗр
cap.ru сӑнӳкерчӗкӗ
cap.ru сӑнӳкерчӗкӗ

Красноармейски районӗнче Ҫырмапуҫ ялӗнче Хӗл мучипе Юр пике ҫӗнӗ ҫула уҫнӑ. Ял ҫыннисем ӑна тахҫантанпах кӗтнӗ, савӑннӑскерсем уяв тунӑ.

Чӳк уйӑхӗн 28-мӗшӗнче савӑнӑҫлӑ мероприяти Хӗвелтухӑҫ урамӗнче иртнӗ. Хӗпӗртемесӗр! Ара, ҫынсем ҫӗнӗ ҫул сарма хӑйсем те укҫа пухнӑ. Кашни килтен 16500 тенкӗ тухнӑ.

Укҫана ҫу уйӑхӗнче пухса пӗтернӗ. Документсем хатӗрлесенех, авӑн уйӑхӗнче, ҫул тума тытӑннӑ. Чӳк уйӑхӗнче ӗҫ вӗҫленнӗ ӗнтӗ. Халӗ ав ҫак кунсенче ҫырмапуҫсем савӑнӑҫлӑ мероприятие пухӑннӑ.

Хыпар ҫӑлкуҫӗ: https://pg21.ru/news/68389
 

Республикӑра

Чӑваш Ен промышленность туризмне аталантаракан ҫӗршыври пилотлӑ 10 регионтан пӗри пулса тӑрӗ. Асӑннӑ проекта хутшӑнма малтанласа республикӑри темиҫе предприяти ҫеҫ кӑмӑл тунӑччӗ. Вӗсем ҫаксемччӗ: «Букет Чувашии», «АККОНД», «Промтрактор», «ЭКРА», «Ҫеҫпӗл» предприятисем, Шупашкарти пӑрӑх савучӗ, «Петровский» ҫӑкӑр савучӗ. Халӗ тата ытти предприяти те, пурӗ 15 ытла, хӑйӗн хӑвачӗпе туристсене паллаштарма хатӗррине пӗлтернӗ.

Чӑваш Ен Элтеперӗ Олег Николаев Фейсбукра пӗлтернӗ тӑрӑх, туристсене Чӑваш Енри савутсене чӗниччен промышленность туризмӗ валли палӑртнӑ маршрутсене экспертсем хаклӗҫ. Унтан турагентсем ӗҫе кӳлӗнейӗҫ.

Республика ертӳҫи шухӑшланӑ тӑрӑх, промышленность туризмӗ тупӑш илмелли ҫӑлкуҫсенчен пӗри. Тупӑшран илнӗ налук вара республикӑра юлӗ. Промышленность туризмӗ производствӑна ҫамрӑк кадрсене те илӗртме май парасса шанать вӑл. Инвесторсем пирки те ҫавнах каламалла.

 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Шупашкарта Президент пернинаталь центрӗнче ҫуралнӑ йӗкӗреш хӗрачасене амӑшӗпе пӗрле киле кӑларнӑ. Пепкесем чӳк уйӑхӗн 20-мӗшӗнче ҫут тӗнчене килнӗ.

Муркаш районӗнчи ҫак ҫемье халӗ нумай ачаллӑ пулса тӑнӑ. Вӗсен ултӑ хӗрача тата пӗр арҫын ача. Аслӑ виҫӗ хӗрӗ шкулта вӗренеҫҫӗ, хӗрачапа арҫын ача ача пахчине ҫӳреҫҫӗ.

Арӑмӗ те, упӑшки те пысӑк ҫемьерен, ҫавӑнпа иккӗшӗ те нумай ача пирки ӗмӗтленнӗ. Мӑшӑр ҫамрӑклах пӗрлешнӗ, килӗштерсе пурӑнаҫҫӗ. Аслисем ав кӗҫӗннисене пӑхма пулӑшаҫҫӗ.

Хыпар ҫӑлкуҫӗ: https://pg21.ru/news/68392
 

Пӑтӑрмахсем

Шупашкар хулинче ӗнер каҫхине икӗ машина ҫапӑннӑ. Сӑлтавӗ — пӗри теприне ҫул парас килменнинче. Кун пирки ҫул-йӗр хӑрушсӑрлӑхӗн инспекторӗсем пӗлтернӗ.

Инкек Лапсар проездӗнче пулса иртнӗ. «ГАЗ-53» автомобиль водителӗ сулахай енне пӑрӑннӑ чух ҫул паман. Унпа «ВАЗ-2115» пырса тӑрӑннӑ. Инкекре аманакансем пулнӑ. Ҫӑмӑл машинӑн рульне тытса пыракан хӗрарӑм тата автомобильти хӗрарӑм-водитель аманнӑ.

Ҫул-йӗр инспекторӗсем асӑрханса ҫӳреме чӗнсе калаҫҫӗ. Васкакан вакка сикнӗ тесе калани тӗрӗсех ҫав. Ҫакна асра тытсан инкекрен пӑрӑнма май килӗ.

Хыпар ҫӑлкуҫӗ: https://www.instagram.com/p/CIX7tCFpX6b/
 

Сывлӑх

Раштав уйӑхнче пирӗн республикӑна кӑшӑлвирусран вакцина кӳрсе килӗҫ. Кун пирки паян Чӑваш Енӗн сывлӑх сыхлав министрӗ Владимир Степанов пӗлтернӗ.

Кӑшӑлвирус сарӑлнипе кӗрешекен оперштабӑн паянхи ларӑвӗнче вӑл ковид статистикипе паллаштарнӑ. Кӑшӑлвируса пула 306 ҫын вилнӗ. Сывлӑх сыхлав министрӗ пӗлтернӗ тӑрӑх,кӑшӑлвирусран 1012 доза вакцина килмелле. Прививкӑна чи малтанах врачсемпе вӗрентекенсене тата тӗрлӗ чир-чӗрпе чирлекенсене (вӗсем пирки хӑрушлӑх ушкӑнӗнчисем теҫҫӗ) тӑвӗҫ. Владимир Степанов ӗнентренӗ тӑрӑх, никама та ирӗксӗрлемӗҫ. Прививка умӗн тухтӑр пӑхӗ, вӑлах вакцинацилеме ирӗк парӗ.

Ҫӗнӗ ҫул хыҫҫӑн прививка тума мӗнпур ҫын черете ҫырӑнайӗ.

 

Персона
hypar.ru сӑнӳкерчӗкӗ
hypar.ru сӑнӳкерчӗкӗ

Чӗмпӗр тӑрӑхӗнчи хастар чӑваш арӗ Олег Мустаев 55 ҫул тултарнӑ.

Юбиляр 1965 ҫулхи раштав уйӑхӗн 4-мӗшӗнче Елчӗк районӗнчи Аслӑ Ейпеҫре ҫуралнӑ. И.Н. Ульянов ячӗллӗ Чӑваш патшалӑх университетӗнчи историпе филологи факультетӗнче вӗреннӗ. 1990 ҫулта вӑл Чӑваш наци чӗрӗлӗвӗн партине кӗнӗ. 1992 ҫулта ӑна Чӑваш наци конгресӗн Аслӑ Канашӗн пайташне, 1995 ҫулхи пуш уйӑхӗн 17-мӗшнче ӑна Турцири Пӗтӗм тӗнчери тӗрӗк халӑхӗсен ассамблейин пайташне суйланӑ.

Олег Мустаев ҫамрӑкранпах чӑвашлӑхшӑн хыпса-ҫунса тӑрать. Хальхи вӑхӑтра вӑл чӑвашлӑх юхӑмне Чӗмпӗр тӑрӑхӗнче аталантарать. 1993 ҫулта ӑна Чӑваш Республикин культурӑн тава тивӗҫлӗ ӗҫченӗ ята панӑ. Халӗ вӑл — Чӗмпӗр тӑрӑхӗнчи чӑвашсен наципе культура автономийӗн ертӳҫи.

 

Вӗренӳ

Чӑваш Енри шкулсенчи ачасем каллех парта хушшине ларнӑччӗ. Кашӑлвирус алхаснӑран вӗсен вӗренӗвне инҫет ҫыхӑну мелӗпе йӗркеленӗччӗ. Онлайн-мелпе вӗрентме аслӑ классенче ӑс пухакансене тытӑннӑччӗ. Кӑшӑлвирус сарӑлнипе кӗрешекен республикӑриоперштаб эпидемиологи лару-тӑрӑвӗ лайӑхланнине ӗнентерет. Шкул ачисем кӑшӑлвируспа чирлесси пӗр эрнере икӗ хут чакнӑ-мӗн.

Чӳк уйӑхӗн 27-мӗшӗнче 127 ача ковидпа чирленине шута илнӗ пулсан, раштав уйӑхӗн 3-мӗшӗнче ун пеккисен йышӗ 67-пе танлашнӑ. Ку цифрӑсене республикӑн вице-премьерӗ — вӗренӳ тата ҫамрӑксен политикин министрӗ Алла Салаева пӗлтернӗ.

Аслӑ классенче вӗренекенсем парта хушшине раштав уйӑхӗн 7-мӗшӗнче ларӗҫ. Студентсем тепӗр эрне килтенех вӗренӗҫ. Хушма пӗлӳ паракан организацисем те хальлӗхе ӗҫлеме тытӑнмӗҫ.

 

Страницӑсем: 1 ... 1276, 1277, 1278, 1279, 1280, 1281, 1282, 1283, 1284, 1285, [1286], 1287, 1288, 1289, 1290, 1291, 1292, 1293, 1294, 1295, 1296, ... 3866
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 03:00) тӗтреллӗ ҫанталӑк, атмосфера пусӑмӗ 739 - 741 мм, 3 - 5 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 05

1961
64
Чӑваш Республикин ҫамрӑк строителӗсен слёчӗ (ака, 5-6) пуҫланнӑ.
Пулӑм хуш...Пулӑм хуш...