Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Ҫилсӗр ҫирӗк тӑрри те хумханмасть.
[ваттисен сӑмахӗ]
 

Хыпарсем

Сывлӑх
pulmohealth.com сӑнӳкерчӗкӗ
pulmohealth.com сӑнӳкерчӗкӗ

Кӑшӑлвирус сарӑлнипе кӗрешекен оперштаб паян черетлӗ ларӑва пухӑннӑ. Унта Роспотребнадзорӑн республикӑри управленийӗн ертӳҫи Надежда Луговская пневмонипе (ӳпке шыҫҫипе) чирлекенсен статистикине пӗлтернӗ. Унтан та ытларах: ҫак чир кӑшӑлвируса пула пуҫланнине пур чухне те пӗлтерменнине палӑртнӑ вӑл.

«Юлашки эрнере пневмонин сӑлтавне палӑртасси лайӑхланчӗ. Асӑннӑ чире шута илнинчен 48,2 процентӗнче чире пуҫаракан сӑлтава палӑртма май килнӗ. Иртнӗ эрнере ку цифра 38,8 процентчӗ. Асӑннӑ тӗслӗхсенчен кӑшӑлвирус 25 процент йышӑнать, иртнӗ эрнере 16 процент пулнӑччӗ. Ӳпке шыҫҫине пуҫарнӑ сӑлтавсен шутӗнче — микоплазма, тӗрлӗ бактерипе вируссем», — тенӗ Надежда Луговская.

 

Харпӑр шухӑш Культура

Редакцирен: Тимофеев Владимир Николаевич пирӗн пата хӑйӗн черетлӗ чӗнӗвне ярса пачӗ. Эпир сире унпа паллаштаратпӑр.

М.В. Игнатьев саманинче, К.Г. Яковлев культура министрӗ пулнӑ чухне, Вячеслав Николаевич Оринов культура министрӗн ҫумӗ пулса тӑрӑшса ӗҫлерӗ. Хальхинче, Р.М. Лизакова вырӑнне, В.Н. Оринов, нимӗн те мар, культура министрӗ пулса тӑма пултарӗччӗ!

В.Н. Оринов Чӑваш академи театрӗн тӗп режиссерӗ тата илемлӗх ертӳҫи пулса ӗҫлес илӗртӳллӗ ӗмӗтпе пурӑнать!

Пирӗн ҫамрӑксен театрӗ чӑваш чӗлхинчен ютшӑнас ҫул ҫине тӑчӗ-ҫке! Мӗн тумалла-ха?!

Пӗртен-пӗр тӗрӗс ҫул: Валерий Николаевич Яковлева Ҫеҫпӗл Мишши ячӗллӗ театрне куҫарасси! Хӑй лартнӑ «Нарспи», «Кушар», «Кай, кай, Ивана» тата нумай-нумай чаплӑ спектакльсене выляттарас Ҫ. Мишши ячӗллӗ театрӗн артисчӗсене!

Пархатарлӑ шухӑш! Валерий Николаевич халӑхӑмӑрӑн шӑпипе пурӑннӑ ӗмӗр-ӗмӗр! К.В. Иванов ячӗллӗ театртан тухса кайма питӗ йывӑр! Анчах каймалла! В.Н. Яковлевӑн (100) ҫӗр ҫулхи паллӑ кунне Ҫ. Мишши ячӗллӗ театрта ирттермелле пултӑр!

Малалла...

 

Сывлӑх

Улатӑр район пульници ҫумӗнче паян вертолет лапамӗ уҫӑлнӑ. Республикӑри ҫавӑн пек пӗрремӗш лапама Шупашкарти васкавлӑ медицина пулӑшӑвӗн пульници тӗлӗнче тунӑччӗ.

Улатӑртине уҫма Улатӑрпа Пӑрачкав епископӗ Феодор, район пульницин тӗп тухтӑрӗ Юрий Боголюбов, Улатӑр хулин пуҫлӑхӗ — Депутатсен пухӑвӗн председателӗ Денис Трифонов, хула администрацийӗн пуҫлӑхӗ Сергей Лукишин, Республикӑн катастрофа тата васкавлӑ медицина пулӑшӑвӗн центрӗн тӗп врачӗ Ольга Краузе, ҫавӑн пекех Мускаври хӑнасем – Ҫветтуй Лука ячӗллӗ фондӑн правленийӗн ертӳҫи Елена Шморгун тата Спиридон Ҫветтуй ячӗллӗ центрӑн президенчӗ Павел Карпухин хутшӑннӑ.

Сӑмах май каласан, Улатӑртан пӗрремӗш пациента Республикӑн клиника пульницине авӑн уйӑхӗн 17-мӗшӗнче вертолетпа илсе кайнӑ. Паянхи куна ун пеккисен йышӗ 12 ҫынна ҫитнӗ. Пульницӑна илсе кайнисен пысӑк йышӗ 55 ҫултан аслӑрах арҫынсем. Вӗсене миокард инфаркчӗпе илсе каяҫҫӗ.

 

Персона

Георгий Тал-Мӑрса Тутарстанри Ҫӗпрел районӗнчи Пасарлӑ Упи ялӗнче чӳк уйӑхӗн 26-мӗшӗнче ҫуралнӑ. Ялти шкулта, Чӗмпӗрти чӑваш шкулӗнче (1909–1915), Хусанти Ҫурҫӗр Хӗвел тухӑҫ халӑхӗсен этнографипе археологи институтӗнче (1917–1920) вӗреннӗ. 1918 ҫулта чӑваш театрне пуҫарса яраканӗсенчен пӗри пулнӑ, актер тата режиссер пулса вӑй хунӑ, спектакльсем лартма вырӑсларан чӑвашла 40 ытла пьеса куҫарнӑ, хӑй те драмӑсем ҫырнӑ. Ҫыравҫӑна IV степеньлӗ Георгий хӗресӗпе чысланӑ.

Шупашкарти К.В. Иванов ячӗллӗ Литература музейӗнче Тал-Мӑрсан ал ҫырӑвӗсем, докуменчӗсем, сӑнӳкерчӗкӗсем, ытти япали упранать.

 

Хулара

Ҫӗнӗ ҫул ҫывхарнине туятӑр-и? Ҫук-и? Апла Шупашкарти Республика тӳремне ҫитсе курӑр. Унта Ҫӗнӗ ҫул чӑрӑшне лартма тытӑннӑ.

Шупашкар хула администрацийӗ пӗлтернӗ тӑрӑх, чӑрӑш раштав уйӑхӗн 1-мӗшӗнче тӗрлӗ тӗслӗ тӗспе ҫуталса кайӗ. Вӑл пилӗк ҫул каялла туяннӑскер. 25 метр ҫӳллӗшскер тӑхӑр ярусран тӑрать, турачӗсем – 3 пин ытла. Чӑрӑш пӗтӗмпе ултӑ тонна таять.

Шупашкарти тӗп чӑрӑша иртнӗ эрне вӗҫӗнчех лартма пуҫланӑ.

 

Персона

Чӳк уйӑхӗн 25-мӗшӗнче К.В. Иванов ячӗллӗ Чӑваш патшалӑх академи драма театрӗнче ӗнер Чӑваш Республикин тава тивӗҫлӗ артисткин Надежда Воюцкаян юбилейне уявланӑ.

60 ҫулхи артиста Чӑваш Ен культура, национальноҫсен ӗҫӗсен тата архив ӗҫӗн министрӗн ҫумӗ Татьяна Казакова саламланӑ.

«Чӑваш драма театрне юратнӑшӑн сире тав тӑватӑп. Ҫак ҫулсенче эсир тӗрлӗ енлӗ хӗрарӑм сӑнарӗсене хӑвӑр витӗр кӑларнӑ. Ҫав сӑнарсем пирӗн куракансен чӗрисенче юласса шаннӑ. Телекурава та сирӗн юбилее ҫакӑн пек йышпа килнӗшӗн тав тӑвасшӑн. Сирӗн юбилей каҫӗ театр ӳнерӗн ылтӑн фондне кӗрсе юлӗ. Сире сывлӑх тата халиччен выляман роле сунатӑп», – тенӗ министр ҫумӗ. Юбиляра вӑл республикӑн Культура, национальноҫсен ӗҫӗсен тата архив ӗҫӗн министерствин «Культурӑри ҫитӗнӳсемшӗн» кӑкӑр ҫине ҫакмалли паллӑпа чысланӑ.

 

Вӗренӳ
"Про Город" сайтран илнӗ сӑн
"Про Город" сайтран илнӗ сӑн

Шупашкарта Правительство ҫурчӗ умӗнче пӗр хӗрарӑм пикет ирттернӗ. Вӑл унта плакат йӑтса тухнӑ.

«Дистанта хирӗҫ! Ачасене шкула тавӑрӑр! Йӑлана кӗнӗ вӗрентӳшӗн!» - тесе ҫырнӑ палакат ҫине. Хӗрарӑм ачасене шкулта дистанци мелӗпе вӗрентнине хирӗҫ пулнӑ.

Сӑмах май, чӳк уйӑхӗн 24-мӗшӗнче те Правительство ҫурчӗ умне арҫын пикета тухнӑ. Вӑл та плакат йӑтнӑ, ун ҫине: «Ачасене шкула тавӑрӑр! Дистанци мелӗпе вӗренни – вӗренӳ мар, фикци ҫеҫ!» - тесе ҫырнӑ.

Хыпар ҫӑлкуҫӗ: https://pg21.ru/news/68207
 

Сывлӑх
dez911.ru сӑнӳкерчӗкӗ
dez911.ru сӑнӳкерчӗкӗ

Кӑшӑлвируса пула вилекенсен шучӗ пирӗн республикӑра ӳссех пырать. Чӳк уйӑхӗн 26-мӗшӗ тӗлне илсен тата тепӗр тӑхӑр ҫын пурнӑҫӗ татӑлнӑ. Кун пирки кӑшӑлвирус сарӑлнипе кӗрешекен оперативлӑ штаб мессенджерсенчен пӗринчи ушкӑнра паян пӗлтернӗ.

Унта хыпарланӑ тӑрӑх, ҫулталӑк пуҫланнӑранпа пирӗн республикӑра 12 пин те 69 ҫын кӑшӑлвируспа чирленӗ. Сывалнисен хисепӗ — 10 пин те 973 ҫын. Вилнисен йышӗ 259 ҫынна ҫитнӗ, ҫав шутран тепӗр тӑххӑрӑшӗ иртсе кайнӑ талӑкра пурнӑҫран уйрӑлнӑ.

Чиртен асӑрханас тесен халӑх йышлӑ вырӑнта маска тӑхӑнмалла, санитарипе гигиена правилисене май килнӗ таран пӑхӑнма тӑрӑшмалла.

 

Пӑтӑрмахсем

Элӗк районӗнче шкул автобусӗ ҫул-йӗр ҫинче аварие лекнӗ. Ку паян 15 сехет те 50 минутра Пиҫенер ялӗ ҫывӑхӗнче пулнӑ.

ҪҪХПИ малтанлӑха пӗлтернӗ тӑрӑх, ПАЗик водителӗ руле итлеттереймен – кювета чӑмнӑ. Автобус хӑяккӑн ҫаврӑнса ӳкнӗ.

Авари вӑхӑтӗнче салонра ачасемпе педагог пулнӑ. Ачасем – Тавӑт шкулӗнче 2-11-мӗш классенче вӗренекенсем. Тухтӑрсен пулӑшӑвӗ водителе тата вӗрентекене кирлӗ пулнӑ.

 

Хулара

Чӳк уйӑхӗн 9-мӗшӗнче Шупашкарта Ярославль урамӗнче тин ҫуралнӑ ача виллине тупни пирки унччен хыпарланӑччӗ. Кун тӗлӗшпе пуҫиле ӗҫ пуҫарнӑ, ҫак тискер ӗҫе тунӑ ҫынна ҫийӗнчех шырама пуҫланӑ.

Хальлӗхе йӗрке хуралҫисем тин ҫуратнӑ ачине вӗлернӗ хӗрарӑма тупайман-ха, ӑна шыраҫҫӗ. Следстви органӗсем ку ӗҫре пулӑшма ыйтаҫҫӗ. Ача кӗтнӗ, пепкене ҫуратсан унран хӑтӑлма пултарнӑ хӗрарӑма пӗлетӗр-и? Кун пирки йӗрке хуралне пӗлтерме ыйтаҫҫӗ. Анонимлӑ пулӗ ку, сирӗн ят-шывӑра никама та каламӗҫ.

Аса илтерер: следстви версийӗ тӑрӑх, амӑшӗ тин ҫуралнӑ ачине наушникпе пӑвса вӗлернӗ, унтан полиэтилен хутаҫпа чӗркенӗ те йывӑҫлӑ вырӑнта пӑрахса хӑварнӑ.

 

Страницӑсем: 1 ... 1284, 1285, 1286, 1287, 1288, 1289, 1290, 1291, 1292, 1293, [1294], 1295, 1296, 1297, 1298, 1299, 1300, 1301, 1302, 1303, 1304, ... 3866
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 03:00) тӗтреллӗ ҫанталӑк, атмосфера пусӑмӗ 739 - 741 мм, 3 - 5 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 05

1961
64
Чӑваш Республикин ҫамрӑк строителӗсен слёчӗ (ака, 5-6) пуҫланнӑ.
Пулӑм хуш...Пулӑм хуш...