Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Паттӑрӑн пуҫӗ выртнӑ, тараканӑн йӗрӗ выртнӑ.
[ваттисен сӑмахӗ]
 

Хыпарсем

Республикӑра

Чӑваш Енӗн Транспорт тата ҫул-йӗр хуҫалӑхӗн министерстви транспортра кӑшӑлвирусран асӑрханас енӗпе хӑрушсӑрлӑх йӗркине епле пӑхӑннине мобильлӗ укшӑнсем пӗрмай тӗрӗсленине пӗлтерет. Пассажирсене турттаракансене мобильлӗ ушкӑнсем 60 протокол ҫырса панӑ. Инкеклӗ лару-тӑру сиксе тухас лару-тӑрура хӑрушсӑрлӑх йӗркине пӑхӑнманнисен тӗлӗшпе шӑрҫаланӑ протоколсене суда ярса параҫҫӗ.

Аса илтерер: уйрӑм ҫынсене 1 пинрен пуҫласа 3 пин тенкӗ таран штрафлама юрать, должноҫри ҫынсене — 10 пинрен пуҫласа 30 пин тенкӗ таран, предпринимательсене — 30 пинрен 50 пин тенкӗ таран, предприятисене — 100 пинрен пуҫласа 300 пин тенкӗ таран штрафлама юрать.

 

Сывлӑх

Раштав уйӑхӗн 5-мӗшӗнче Вӑрҫӑ ветеранӗсен республикри клиника госпиталӗ Уҫӑ алӑксен кунне ирттерет. Ӑна Диабетпа кӗрешмелли куна халалланӑ.

Ҫынсене терапевт тата ансӑр специалистсем: невролог, отоларинголог, офтальмолог, кардиолог, гинеколог, эндокринолог — йышӑнӗҫ. Тухтӑр патне кайнӑ чухне медицина тӗрӗслевӗсене тата клиника анализӗсене пӗрле илсен лайӑх.

Уҫӑ алӑксен кунне 8 (8352) 45-05-45, 8(8352) 45-07-70 телефон номерӗсемпе шӑнкӑравласа ҫырӑнма пулать.

Госпиталь ҫак адреспа вырнаҫнӑ: Шупашкар хули, Мускав проспекчӗ, 49-мӗш ҫурт.

 

Республикӑра
advokat-sankt-peterburg.ru сӑнӳкерчӗкӗ
advokat-sankt-peterburg.ru сӑнӳкерчӗкӗ

Чӑваш Ен Элтеперӗ Олег Николаев Юрист кунӗпе саламлать.

«Эсир яланах ыттисенчен принциплӑ пулнипе тата саккуна ҫирӗп пӑхӑнса тӑнипе уйрӑлса тӑнӑ та, тӑратӑр та.

Чӑваш Ен юридици пӗрлӗхӗ республикӑн социаллӑ пурнӑҫӗпе экономикине аталантармалли, патшалӑх влаҫӗпе вырӑнти хӑй тытӑмлӑх органӗсен ӗҫ-хӗлне уҫӑмлӑрах тумалли, управлени йышӑнӑвӗсен тухӑҫлӑхне ӳстермелли майсем тӑвас ӗҫе хывакан тӳпене пысӑка хурса хаклатӑп.

Регионти юристсем хӑйсен служба тивӗҫӗсене малашне те чыслӑн пурнӑҫласа пырасса, гражданла обществӑна аталантарма, республикӑра пурӑнакансен право культурине ӳстерсе пыма пулӑшасса шанса тӑратӑп», — тенӗ Элтепер саламра.

 

Культура

Шупашкарти Ф.П.Павлов ячӗллӗ музыка училищин чӑвашла ҫырнӑ патриотизм юррисен фестивальне ирттерме хатӗрленет. Тӳрех палӑртар: вӑл онлайн-мелпе пулӗ.

Музыка училищи юлашки темиҫе уйӑхра капашсӑр пысӑк ӗҫ туса ирттернӗ. «Тӗнчери салтаксем» проекта пурнӑҫа кӗртме республика Элтеперӗн грантне тивӗҫнӗ. Проект авторӗ – Чӑваш Енӗн культурӑн тава тивӗҫлӗ ӗҫченӗ Светлана Ткаленко.

Тӑван ҫӗршывӑн Аслӑ вӑрҫинче ҫӗнтернӗренпе 75 ҫул ҫитнине халалланӑ проекта пурнӑҫласа вӑрҫӑ вӑхӑтӗнче чӑваш композиторӗсем хайланӑ юрӑ-ҫемме электрон коллекцие пухнӑ. Платформӑра нота материалӗсемпе пӗрлех архив докуменчӗсем те вырӑн тупӗҫ.

 

Спорт

Комсомольски районӗнче Валерий Ярды ячӗллӗ 7-мӗш олимп резервӗн шкулӗн велоспорчӗн уйрӑмӗ уҫӑлнӑ. Ҫав ятпа савӑнӑҫлӑ мероприятие «Кӗтне» ача-пӑча спорт шкулӗнче паян ирттернӗ. Унта тӗрлӗ шайри тӳре-шара, спортсменсем хутшӑннӑ.

Раҫҫейӗн тата Чӑваш Республикин тава тивӗҫлӗ тренерӗ, В. Ярды ячӗллӗ республикӑри спорт шкулӗн аслӑ тренерӗ, педагогика ӑслӑлӑхӗсен кандидачӗ, И.Я. Яковлев ячӗллӗ Чӑваш патшалӑх педагогика университечӗн спорт дисциплинисен кафедрин профессорӗ, Чӑваш Республикин физкультурӑпа спортӑн тава тивӗҫлӗ ӗҫченӗ Владимир Краснов хӑйӗн ӗмӗчӗ тулнине, тӑван кӗтесӗнче велоспортӑн уйрӑмӗ уҫӑлнине кӑмӑлтан палӑртнӑ. Уншӑн вӑл республикӑн Спорт министерствине тав тунӑ.

 

Сывлӑх

«Перекресток» суту-илӳ сечӗ лавккасенче кӑшӑлвирус тестне сутма пуҫланӑ иккен. Ҫав тестсем пирки мӗн шухӑшлани пирки паян Чӑваш Енӗн Сывлӑх сыхлав министерствинче пӗлтернӗ.

Республикӑн патшалӑхӑн пысӑк лабораторийӗсенчен пӗринче, Республикӑн ӳтпе венерологи диспансерӗнче, ҫӗнӗ кӑшӑлвируса хӑвӑрт палӑртма темиҫе тест-тытӑмпа усӑ кураҫҫӗ-мӗн.

Вӗсемпе ятарлӑ пӗлӳ илнӗ специалистсем ӗҫлеҫҫӗ.

SARS-CoV-2 антигена палӑртмалли реагентсен пуххине Корейӑри «СД Биосенсор Инк.» фирма кӑларать иккен, теприне –(COVID-19 Ag Respi-Strip палӑртмаллине) Бельгири Coris BioConcept компани.

Лавккари тестсене

Республикӑн Сывлӑх сыхлав министерстви ӗнентернӗ тӑрӑх, тестсен пахалӑхне Росздравнадзор ҫеҫ тӗрӗслесе хаклама пултарать.

Хыпар ҫӑлкуҫӗ: http://xn--80adtqegosnyo.xn--p1ai
 

Республикӑра
Фото agritimes.ru
Фото agritimes.ru

Паян, раштав уйӑхӗн 2-мӗшӗнче, Ҫӗнӗ Шупашкар хула администрацийӗн пуҫлӑхне ҫирӗплетнӗ. Ҫӗнӗ Шупашкарти Депутатсен пухӑвӗн паянхи черетсӗр ларӑвне 25 депутатран 23-шӗ хутшӑннӑ. Вӗсем хулан сити-менеджерне суйланӑ. Ку тлхепене Павел Семенова тыттарнӑ.

Патшалӑхӑн влаҫ органӗсенче ӗҫлесе пуян опыт пухнӑ ҫав ҫын 1976 ҫулта Канашра ҫуралнӑ. Экономика ӑслӑлӑхӗсен кандидачӗ. РФ Патшалӑх Думине икӗ хутчен суйланнӑ, РФ ҫут ҫанталӑк ресурсӗсен тата экологи министрӗн ҫумӗ, РФ ял хуҫалӑх министрӗн ҫумӗ, РФ Наци ӗҫӗсен агентствин ертӳҫин ҫумӗ пулнӑ.

 

Республикӑра
medicin.cap.ru сӑнӳкерчӗкӗ
medicin.cap.ru сӑнӳкерчӗкӗ

Ӗнер, раштав уйӑхӗн 1-мӗшӗнче, республикӑри икӗ пульницӑра ҫӗнӗ тӗп тухтӑрсене ҫирӗплетнине пӗлтернӗ. Кун пирки сывлӑх сыхлав министрӗ Владимир Степанов видеоселектор мелӗпе ирттернӗ канашлу вӑхӑтӗнче каланӑ.

Республикӑн кардиологи диспансерӗн тӗп тухтӑрӗ пулма Вадим Бабокина ҫирӗплетнӗ. Ҫӗнӗ ертӳҫӗпе паллаштарнӑ май министр Вадим Егорович кардиологи тытӑмӗн ӗҫне аван пӗлет, вӑл чӗрепе юн тымарӗсен хирургӗ, унӑн кардиологи центрне ертсе пырас опыт пур тесе палӑртнӑ.

Муркаш районӗнчи тӗп пульницӑн тӗп врачӗ пулма Оксана Поповӑна ҫирӗплетнӗ. Вӑл унччен ҫав пульницӑра тӗп врачӑн ҫумӗ пулнӑ.

 

Республикӑра

Хусанти пысӑк суту-илӳ центрӗсем Чӑваш Енри бетонпа усӑ курӗҫ. Ҫакӑн пирки «ЖБК № 9» тулли мар яваплӑ обществӑн гендиректорӗ республикӑн строительство комплексӗнче ӗҫлекенсемпе ирттернӗ канашлура пӗлтернӗ.

«Пирӗн савутӑн продукцине республика тулашӗнче те аван пӗлеҫҫӗ. Кӑҫал эпир хамӑр продукцине сутассине анлӑлатрӑмӑр. Ӑна халӗ Мурманскра иа туянаҫҫӗ. Унччен Хусанпа ӗҫленӗ. Асӑннӑ хулари «Леруа Мерлен», «Икея» организацисем, «Wildberries» пысӑк логистика центрӗ туяннӑ», – пӗлтернӗ тимӗр-бетон предприятийӗн пуҫлӑхӗ.

 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Енри спортсмен Тимур Карамов Пӗтӗм Раҫҫейри ӑмӑртура ылтӑн медаль ҫӗнсе илнӗ. Тупӑшу 14-19 ҫулсенчи юниорсен хушшинче иртнӗ.

ЧР Спорт министерстви пӗлтернӗ тӑрӑх, Шупашкарти Тимур Карамов Раҫҫей шайӗнчи ӑмӑртура Чӑваш Ен тата Санкт-Петербург чысне хӳтӗленӗ. Олимп чемпионне Борис Шилкова халалланӑ тупӑшу шӑпах Питӗр хулинче чӳк уйӑхӗн 23-25-мӗшӗсенче иртнӗ.

Тимур Карамов 500 метра 35,78 ҫеккунтра чупса финиша пӗрремӗш ҫитнӗ, пьедесталӑн чи ҫӳлти картлашки ҫине хӑпарнӑ.

 

Страницӑсем: 1 ... 1278, 1279, 1280, 1281, 1282, 1283, 1284, 1285, 1286, 1287, [1288], 1289, 1290, 1291, 1292, 1293, 1294, 1295, 1296, 1297, 1298, ... 3866
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 03:00) тӗтреллӗ ҫанталӑк, атмосфера пусӑмӗ 739 - 741 мм, 3 - 5 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 05

1961
64
Чӑваш Республикин ҫамрӑк строителӗсен слёчӗ (ака, 5-6) пуҫланнӑ.
Пулӑм хуш...Пулӑм хуш...