Сайта кӗр | Регистраци | Сайта кӗрсен унпа туллин усӑ курма пулӗ
 +15.3 °C
Вутӑн алли те, ури те вӑрӑм.
[ваттисен сӑмахӗ]
 

Хыпарсем: Элтепер

Персона

Чӑваш Ен Элтеперӗ Олег Николаев чӑвашла хитре калаҫнине пирӗнтен чылайӑшӗ хӑнӑхса ҫитрӗ ӗнтӗ. Тепӗр тесен, чӑваш ҫынни тӑван чӗлхепе калаҫнинчен (ашшӗ-амӑш чӗлхине хисепленинчен) тӗлӗнме кирлӗ те мар-ха. Аса илтерер: Олег Николаев Хӗрлӗ Чутай районӗнчи Чурпай ялӗнче ҫуралса ӳснӗ.

Республика ертӳҫи интервьюсене те чӑвашла парать, черетлӗ эрнене те икӗ чӗлхепе пӗтӗмлетет.

Ӗнер вара вӑл «Хыпар» хаҫатӑн ыйтӑвӗсене хуравланӑ. Кун пирки «Хыпар» издательство ҫурчӗн директорӗ — тӗп редакторӗ Татьяна Вашуркина Фейсбукра пӗлтернӗ. «Республика Пуҫлӑхӗ, Олег Алексеевич Николаев «Хыпар» хаҫатӑн ыйтӑвӗсене хуравлама килӗшрӗ, паллах — чӑвашла. Тӗплӗнрех, ҫитес номерте», — тесе ҫырнӑ наци медаихолдингӗн пуҫлӑхӗ. Элтеперпе Шупашкарти Чӑваш тӗррин музейӗнче тӗл пулнӑ.

 

Республикӑра
Валерий Борисов. bichurin.cap.ru сӑнӳкерчӗкӗ
Валерий Борисов. bichurin.cap.ru сӑнӳкерчӗкӗ

Ҫурла уйӑхӗн иккӗмӗш вырсарникунӗнче пирӗн ҫӗршывра строительсен кунне уявлаҫҫӗ. Чӑваш Ен Элтеперӗн Олег Николаевӑн паянхи, ҫурла уйӑхӗн 2-мӗшӗнчи, хушӑвӗ ҫавӑнпа ҫыхӑннӑ-тӑр. Ӗҫлӗ документра вӑл республикӑри строительство организацийӗсенче тӑрӑшакан ҫынсене чыслама йышӑннӑ.

«Чӑваш Республики умӗнчи тава тивӗҫлӗ ӗҫсемшӗн» орденпа Шупашкарти «Регионжилстрой» ятарлӑ застройщикӑн гендиректорне Валерий Борисова хавхалантарма палӑртнӑ.

«Чӑваш Республикин тава тивӗҫлӗ строителӗ» ята Шупашкарти 9-мӗш ЖБКри 2-мӗш формовка цехӗн формовщикне Сергей Алмакаева, 3-мӗш стройтрестӑн «Канашстрой» обществин штукатурне Любовь Гавриловӑна, маларах асӑннӑ «Регионжилстрой» предприятин плнапа производство пайӗн пуҫлӑхне Людмила Захаровӑна, Шупашкарти 44-мӗш строительство управленийӗн каменщикне Виталий Ильина, 28-мӗш строительство управленийӗн малярсен бригадирне Людмила Рыбалкинӑна, «Шупашкар керамики» обществӑн цех пуҫлӑхне Руслан Семёнова парӗҫ.

 

Республикӑра

Кӑҫал пирӗн республикӑри шыв башнисене юсаса ҫӗнетӗҫ. Пӗтӗмпе 128 заявка йышӑннӑ. «Хыпар» издательство ҫурчӗ пӗлтернӗ тӑрӑх, «малтанхи тапхӑрта вӗсенчен 99-ӑшне суйласа илнӗ. Халь ҫак список» пысӑкланӗ.

Чӑваш Ен Элтеперӗ Олег Николаев ытти заявка тӗлӗшпе те йышӑну пуласси ҫинчен каланӑ.

Хӑш-пӗр чухне пур укҫа-тенкӗпе те вӑхӑтра усӑ курайман тӗслӗхсем те пулкалаҫҫӗ. Ҫавна май республика ертӳҫи хыснаран уйӑрнӑ укҫана вырӑнсенчи администрацисене вӑраха ямасӑр ҫитерес енӗпе ҫине тӑма хушнӑ. Юсав ӗҫне кӗркуннехи-хӗллехи тапхӑра кӗрсе кайиччен вӗҫлемелле-ҫке, кая юлсан май килмӗ.

Хыпар ҫӑлкуҫӗ: https://www.instagram.com/p/CR30OkZjFnl/
 

Республикӑра
moygorod-online.ru сайтри сӑн
moygorod-online.ru сайтри сӑн

Чӑваш Енре ҫуртсен картишӗсене тата тротуарсене хӑтлӑлатма республика хыснинчен 1 млрд тенкӗ уйӑрнӑ. Йышӑнӑва ЧР Элтеперӗ Олег Николаев алӑ пуснӑ.

Уйӑрнӑ укҫа-тенке 26 муниципалитета пайласа парӗҫ. Вырӑнти тӳре-шаран подрядчиксемпе килӗшӳ тумалла та ӗҫе пуҫӑнмалла. Ӗҫе авӑн уйӑхӗн 1-мӗшӗнчен кая юлмасӑр тытӑнмалла та ҫулталӑк вӗҫлениччен пӗтермелле.

Ӗҫе пуҫӑниччен проектсенче Чӑваш Енӗн тӗп архитекторӗ ҫирӗплетӗ. ЧР Строительство министерстви укҫа-тенке мӗнле тӑкакланине, проектсене епле пурнӑҫланине тӗрӗслесе тӑрӗ.

Сӑмах май, пӗлтӗр ку тӗллевпе 1,2 млрд тенкӗ ытла уйӑрнӑ. Ку укҫапа 330 объекта хӑтлӑлатнӑ.

 

Сывлӑх
cheltv.ru сайтри сӑн
cheltv.ru сайтри сӑн

ЧР Элтеперӗ Олег Николаев ыран оперштаб ларӑвӗнче кӑшӑлвируса сарӑлма парас мар тесе ҫӗнӗ мерӑсем йышӑнма пултарӗ. Кун пирки вӑл тунтикун Правительство ҫуртӗнче иртнӗ канашлура пӗлтернӗ.

Олег Николаев канашлура кӑшӑлвирусран хӳтӗлекен прививка тӑвас ӗҫ мӗнле пынипе кӑсӑкланнӑ. Вӑл вакцинаци шайӗ пӗчӗкленнине палӑртнӑ. Олег Алексеевич каланӑ тӑрӑх, авӑн уйӑхӗн 1-мӗшӗ тӗлне коллективлӑ иммунитет тӑвас тесен республикӑра кунсерен 6 пинрен кая мар ҫынна вакцинацилемелле.

Сывлӑх сыхлавӗн министерстви пӗлтернӗ тӑрӑх, хальлӗхе 240 пин ытла ҫын прививка тунӑ. Ку - плана кӗртнӗ ҫынсен 41 проценчӗ.

 

Пӑтӑрмахсем
sud74.eps74.ru сӑнӳкерчӗкӗ
sud74.eps74.ru сӑнӳкерчӗкӗ

Пӗр-пӗр ыйтӑва хӑвӑрт татса пама кансӗрлекен сыпӑсемпе ӗҫсене пӑрахӑҫламалла. Ҫак шухӑша палӑртса хӑварнӑ Чӑваш Ен Элтеперӗ Олег Николаев. Ӗҫ тӑвакан влаҫра тата ӑна пӑханакан органсенче 2021-2025 ҫулсенче перекетлӗ технологипе усӑ курӗҫ.

«Росатом» патшалӑх корпорацийӗн «Тухӑҫлӑ регион» проекчӗ ертсе пырас ӗҫе ҫӗнӗлле йӗркелеме пулӑшӗ.

Чӑваш Ен ертӳҫин Олег Николаевӑн хушӑвӗнче перекетлӗ производство енӗпе 53 проекта пӑхса хӑварнӑ. Вӗсемшӗн яваплисем — республикӑн Сывлӑх сыхлав, Культура, Вӗрентӳ, Ҫутҫанталӑк, Промышленность, Ял хуҫалӑх, Строительство, Транспорт, Ӗҫ, Спорт, Финанс, Цифра аталанӑвӗн, Экономика аталанӑвӗн министерствисем тата Чӑваш Ен Элтеперӗн Администрацийӗ.

 

Экономика
taigaopt.ru сӑнӳкерчӗкӗ
taigaopt.ru сӑнӳкерчӗкӗ

Чӑваш Енре ӗҫсӗррисен шучӗ чакса пынине ӗнентереҫҫӗ. Ҫакӑн пирки республика Элтеперӗ Олег Николаев черетлӗ ӗҫ эрнине пӗтӗмлетнӗ чух палӑртса хӑварнӑ. Официаллӑ статистикӑна ӗненсен, ӗҫсӗрлӗх шайӗпе республика пандеми пуҫланичченхи шая ҫитсе пырать.

«Паян 17 пин ытла ваканси пур. Эпир халӗ Чӑваш Енри предприятисене кирлӗ специалистсене хатӗрлес ӗҫе урӑхларах йӗркелерӗмӗр. Сӑмахран, ҫӗвӗҫсене. Вӗсем 500 ҫын таран кирлӗ. Ӗҫсӗрлӗх центрӗсене специалистсене вӗрентсе кӑларма укҫа уйӑрнӑ май специалистсене хатӗрлессине ҫавсем кирлӗ предприятисенче йӗркелетпӗр», — пӗлтернӗ республика Ертӳҫи.

 

Республикӑра
Альбина Фёдорова (Пӑрчӑкан). @parchakan1967 страницӑри сӑнӳкерчӗк
Альбина Фёдорова (Пӑрчӑкан). @parchakan1967 страницӑри сӑнӳкерчӗк

Ӗнер, утӑ уйӑхӗн 15-мӗшӗнче, Чӑваш Енри темиҫе ҫынна республикӑн Хисеп грамотипе чыслама йышӑннӑ. Хушӑва Олег Николаев Элтепер алӑ пуснӑ.

«Чӑваш Республики умӗнчи тава тивӗҫлӗ ӗҫсемшӗн» орден медальне Куславкка районӗнчи «Автофургон» предприятин директорӗ Игорь Комаров тивӗҫнӗ. Асӑннӑ савутра ӗҫлекен тепӗр ҫынна, йывӑҫ тирпейлекен станоксен станочникне Камиль Максутова, Чӑваш Республикин Хисеп грамотипе чыслӗҫ. Ку грамотӑпа Шупашкар хулинчи халӑхӗн социаллӑ ыйтӑвӗсене тивӗҫтерекен центрта стационар уйрӑмӗн производство заведующийӗнче тӑрӑшакан Альбина Федоровӑна та хавхалантарнӑ.

 

Сывлӑх

Ҫӗмӗрлери муниципалитететсем хушшинчи центрта тӗп тухтӑр пулма ҫӗнӗ ҫынна ҫирӗплетнӗ.

Иртнӗ шӑматкун сиплев учрежденийӗнче республика Элтеперӗ Олег Николаев пулнӑччӗ. Ун чухне ҫӗмӗрлесене ҫӗнӗ кӑшӑлвирус инфекцийӗнчен прививка тӑвассине кирлӗ шайра йӗркелеменнишӗн самах лекнӗччӗ.

Паян вара Ҫӗмӗрлери муниципалитететсем хушшинчи центрта ҫӗнӗ тӗп врач ӗҫе кӳлӗннине пӗлтӗмӗр. Ҫакӑн пирки Ҫӗмӗрле хулин администрацийӗ Инстаграмра пӗлтернӗ.

Должноҫе Владимир Кутина шанса панӑ. Хула администрацийӗн пуҫлӑхӗ Валерий Шигашев ӑна тивӗҫе ӑнӑҫлӑ пурнӑҫласа пыма ырӑ суннӑ.

 

Республикӑра

Паян Чӑваш Ен Элтеперӗ Олег Николаев малтан шантарнӑ пекех «тӳрӗ лини» ирттерчӗ. Вӑл 10 сехетрен пуҫласа 12 сехетчен пычӗ.

Республика ертӳҫин «тӳрӗ линине» Элтеперӗн «Контактри» тата «Инстаграмри» официаллӑ аккаунчӗсенче тата Чӑваш Енӗн Наци телекуравӗн «Ютуб» видеохостингри тата «Контактра» халӑх ушкӑнӗнчи каналӗсенче трансляцилерӗҫ. «Тӳрӗ линин» тексчӗпе Элтеперӗн Телеграм-каналӗнче https://t.me/oanikolaev паллашма пулать.

Ҫынсем ҫул-йӗрпе, строительство вӑраха кайнӑ нумай хваттерлӗ ҫурт-йӗре хӑпартассипе ҫыхӑннӑ тата ытти вун-вун ыйтӑва хускатрӗҫ.

 

Страницӑсем: 1 ... 29, 30, 31, 32, 33, 34, 35, 36, 37, 38, [39], 40, 41, 42, 43, 44, 45, 46, 47, 48, 49, ... 178
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.04.2025 15:00) пӗлӗтлӗ ҫанталӑк, атмосфера пусӑмӗ 738 - 740 мм, 13 - 15 градус ӑшӑ пулӗ, ҫил 7-9 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 04

1882
143
Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ.
1943
82
Аттил Алексей Васильевич, чӑваш сӑвӑҫи ҫуралнӑ.
1963
62
Пӑртта Александр Иванович, чӑваш сӑвӑҫи, драматургӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хуҫин ҫитӗннӗ ачисем
пӗтӗм кил-йышпа тухаҫҫӗ
хуҫа хӑй
хуҫа арӑмӗ
кил-йышри арҫын
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хуҫа тарҫи