Айӑплава пурнӑҫлакан федераци сулужбин Чӑваш Енри управленийӗн ҫӗнӗ пуҫлӑх. Ку пукана Геннадий Шиндин йышӑннӑ.
Паян ҫӗнӗ пуҫлӑха ЧР Элтеперне видеоҫыхӑну урлӑ паллаштарнӑ. Геннадий Петрович 1976 ҫулта ҫуралнӑ, Рязаньти патшалӑх ял хуҫалӑх академине пӗтернӗ, «ял хуҫалӑх производствин технологӗ» специальноҫе алла илнӗ. Унӑн ятарлӑ званийӗ – шалти службӑн полковникӗ. 2017 ҫултанпа айӑплава пурнӑҫлакан федераци службин Мӑкшӑ Республикинчи управленийӗн пуҫлӑхӗ пулнӑ. Паянтан – пирӗн республикӑри управлени ертӳҫи.
Унччен ку должноҫе Александр Робота йышӑннӑ пулнӑ. Халӗ вӑл – Саратов облаҫӗнчи управлени пуҫлӑхӗ.
«Шупашкар хулин граждан оборони тата чрезвычайлӑ лару-тӑру управленийӗ» муниципалитетӑн хысна учрежденине ертсе пыма Алексей Андреева шаннӑ. Унччен ҫав пукана Николай Немешкин йышӑннӑ.
Алексей Олегович чрезвычайлӑ лару-тӑруран асӑрханассипе тата ӑна сирсе ярассипе ӗҫлекен организацисенче 14 ҫул ытларах тӑрӑшнӑ. 2016 ҫултанпа вӑл малара эпир асӑннӑ управленире шыравпа ҫӑлав отрядне ертсе пынӑ.
Авӑн уйӑхӗн 26-мӗшӗнче Чӑваш Енӗн финанс министрӗн заместительне ӗҫрен кӑларнӑ. Правительствӑри ҫемҫе пукансӑр Павел Иванов юлнӑ.
Паянхи куна илсен, Чӑваш Ен финанс министрӗн Михаил Ноздряковӑн тӑватӑ заместитель: Ольга Метелева, Галина Павлова, Игорь Смирнов, Татьяна Щербаткина.
Павел Иванов Чӑваш Енӗн Финанс министерствинче 2020 ҫулхи нарӑс уйӑхӗнченпе ӗҫленӗ, министр ҫумӗ пулса вӑл маларах та — 2011-2012 ҫулсенче — тӑрӑшнӑ.
2019 ҫулхи утӑ уйӑхӗнче Павел Иванова экономика министрӗн тилхепине те тыттарнӑ, унччен вӑл пӗр вӑхӑт Перекет банкӗн тата Внешэкономбанк тытӑмӗсенче ӗҫленӗ.
Муркаш районӗнчи Ярапайкасси ял тӑрӑхӗн администрацийӗнче ӗҫлекен хӗрарӑма суд тунӑ. Вӑл ӗҫ вырӑнӗпе усӑ курнӑ. Ӑна 50 пин тенкӗлӗх штрафланӑ.
2020 ҫулхи чӳк уйӑхӗнче вӑл ял тӑрӑхӗн пуҫлӑхӗн тивӗҫӗсене пурнӑҫланӑ. Ун чухне вӑл палӑка юсама тата Иштерек ялӗн хапхине ҫӗнетме строительство организацийӗпе килӗшӳ алӑ пуснӑ. Тепӗртакран вӑл ӗҫе йышӑнни пирки акт алӑ пуснӑ. Хӑй вара ӗҫсене вӗҫлеменнине пӗлсех тӑнӑ. Ҫапла организацие 88 пин тенкӗ куҫнӑ. Ку ял тӑрӑхӗн администрацине ҫавӑн чухлӗ тӑкак кӳнӗ.
Канаш хула администрацийӗн пуҫлӑхӗн ҫумне явап тыттарнӑ. Атӑлҫи регионсем хушшинчи ҫутҫанталӑк прокуратуринче хыпарланӑ тӑрӑх, Шупашкарти ҫутҫанталӑка сыхлакан районсем хушшинчи прокуратура канашсем каяша тирпейлес ӗҫе епле пурнӑҫланине тӗрӗсленӗ.
Хула администрацийӗн пуҫлӑхӗн ҫумӗ — ҫурт-йӗрпе коммуналлӑ хуҫалӑх пайӗн пуҫлӑхӗ Евгений Козлов надзор органӗн ыйтӑвне ыйтнине вӑхӑтра хуравламан.
Прокурор ыйтнине пӑхӑнманшӑн Канашри тӳре-шара административлӑ майпа явап тыттарса 2 пин тенкӗ штраф хурса панӑ.
Чӑваш Енре туса илекен ҫӑнӑхӑн пӗр партине Таджикстана ӑсатӗҫ. Кун пирки республикӑн вице-премьерӗ — ял хуҫалӑх министрӗ Сергей Артамонов хӑйӗн Телеграм-каналӗнче хыпарланӑ.
«Чӑвашхлебопродуктӑн» ҫӑнӑхӗн сӑнавлӑ партийӗ Таджикистана чукун ҫулпа ӑсанӗ. Енчен те тавар туянакана продукци пахалӑхӗ тата логистики тивӗҫтерсен экспорта яланхи мелпе йӗркелӗпӗр», – хыпарланӑ министр.
Хальхи вӑхӑтра Чӑваш Енре туса илекен продукцирен 5,2 проценчӗ Таджикистана ӑсанать. Ҫав вӑхӑтрах Китая – 48,9 процент, Беларуҫ Республикине – 10,4 процент.
Шупашкар хула администрацийӗн пуҫлӑхӗ Денис Спирин хулара хутса ӑшӑтмалли сезон хӑҫан пуҫланассине пӗлтернӗ. Ахӑртнех, авӑн уйӑхӗн 26-мӗшӗнче. Ҫапла ҫырнӑ вӑл Телеграм-каналӗнче.
Малтан ача пахчисенче, шкулсенче, пульницӑсенче ӑшӑ парӗҫ, кайран - нумай хваттерлӗ ҫуртсенче. Сезон пуҫлансан 7-10 кунран пур ҫӗре те ӑшӑ ҫитмелле.
Аса илтерер: Ҫӗмӗрлере — авӑнӑн 14-мӗшӗнче, Ҫӗнӗ Шупашкарта авӑнӑн 19-мӗшӗнче ӑшӑ янӑ. Паянхи куна республикӑри чылай районта хутса ӑшӑтмалли сезон пуҫланнӑ.
Паян ЧР сывлӑх сыхлавӗн министрӗ Владимир Степанов тӳрӗ лини ирттернӗ, унта кӑшӑлвирус, вакцинаци пирки калаҫнӑ.
Министр ҫак каварлӑ чирпе ытларах камсем нушаланнине каласа кӑтартнӑ. Республикӑра чирленисенчен ытларахӑшӗ, 92 проценчӗ, илте амбулатори мелӗпе сипленет. Пӗтӗмпе - 3 пин ытла ҫын.
Аса илтерер: юлашки вӑхӑтра кӑшӑлвируспа чирлекенсен йышӗ ӳссе пырать.
Паянтан Ҫӗмӗрле хулинче хутса ӑшӑтмалли сезон пуҫланать. Ҫапла пӗлтерет хула администрацийӗ.
Чи малтан ача пахчисене, социаллӑ учрежденисене ӑшӑ парӗҫ. Пурӑнмалли ҫуртсенче те кӗҫех ӑшӑ пуласса шантараҫҫӗ. Ҫывӑх кунсенче офиссенче тата ытти учрежденире те ӑшӑ парӗҫ.
Йӗркепе килӗшӳллӗн, вӑтам сывлӑш температури 5 кун 8 градус тӑрсан ӑшӑ пама тытӑнмалла. Хальлӗхе ун пекех сивӗ пулман-ха. Ҫапах ҫӗмӗрлесен ав хваттерӗсенче ӑшӑ пулӗ.
Чӑваш Енре ҫитес ҫула мӗне халаллассине палӑртнӑ. Ку ыйтӑва Наци музейӗнче ҫурла уйӑхӗн 30-мӗшӗнче сӳтсе явнӑ.
Чӑваш Енри ашшӗсен канашӗн председателӗ Алексей Мурыгин 2023 ҫула Телейлӗ ачалӑх ҫулталӑкне халаллама сӗннӗ. Хӗрарӑмсен канашӗн председателӗ Наталья Николаева кунпа килӗшсе ку шухӑша ырланӑ. ЧР Элтеперӗ ҫумӗнчи общество канашӗн председателӗ Наталия Партасова телейлӗ ачалӑх теми Раҫҫейре Ачалӑх вунӑҫуллахӗпе /2018-2027 ҫулсем/ килӗшсе тӑрассине каланӑ.
Ҫитес ҫул Телейлӗ ачалӑх ҫулталӑкӗ пулӗ-и е ҫук-и — юлашкинчен ҫакна ЧР Элтеперӗ Олег Николаев татса парӗ.
+28.3 °C