Пӑтӑрмахсем
Прокуратура архивӗнчи сӑн Паян кӑнтӑрла иртни 3 сехетре Канаш хули ҫывӑхӗнче хӑрушӑ авари пулнӑ. Унта ҫынсен пурнӑҫӗ татӑлнӑ. Прокуратура малтанлӑха пӗлтернӗ тӑрӑх, «Лачетти» водителӗ чарӑннӑ чухне руле итлеттереймен, хирӗҫ ҫул ҫине тухса кайнӑ та тепӗр машинӑпа ҫапӑннӑ, унтан кювета чӑмнӑ. Аварире 4 ҫын вилнӗ. Ҫав шутра пӗри - ача. Вӗсем пурте «Лачеттире» пулнӑ. Тепӗр машина водительне тата унти ачана медпулӑшу кирлӗ пулнӑ. Халӗ ӗҫ-пуҫа тишкереҫҫӗ. Хыпар ҫӑлкуҫӗ:
|
Пӑтӑрмахсем
Кандинский нейросеть сӑнӳкерчӗкӗ Шупашкарта пурӑнакан икӗ ҫамрӑк, иккӗмӗш сыпӑкри пиччӗшӗпе шӑллӗ, мотоцикл туянас тесе улталаннӑ. 16 ҫулти тӑвансем пӗлтерӗве тӗнче тетелӗнче асӑрханӑ. Тавар сутаканнипе вӗсем мессенджерсенчен пӗринче ҫыру ҫӳретнӗ. Шкул ачисем 165 пине яхӑн тенкӗ куҫарса панӑ. Банксенчен пӗри укҫа куҫарса пама чарса хунӑ-ха, анчах ултавҫӑсем тепӗр банк урлӑ куҫарса пама ыйтнӑ. Укҫана илнӗ хыҫҫӑ ултавҫӑ йӗп пек ҫухалнӑ. Хыпар ҫӑлкуҫӗ:
|
Пӑтӑрмахсем
Кандинский нейросеть сӑнӳкерчӗкӗ Атӑл леш енче, Йӑлӑмра, ют ҫӗр ҫине пура тавраш ларта тухнӑ. Ҫакна Шупашкар хулин Мускав районӗнчи прокуратура тупса палӑртнӑ. Хула администрацийӗн тӳре-шарипе пӗрле надзор органӗ Октябрьский тата Северный поселоксенчи ҫӗр лаптӑкӗсене тӗрӗсленӗ. Вӗсене усламҫӑсем никам ирӗк памасӑрах йышӑнса пӗтернӗ, йывӑҫ-чуспа ӗҫлекенсем 7 пин ытла гектар ҫӗр ҫине пура лартса тата йывӑҫ хурса тухнӑ. Йӗркене пӑсакансем тӗлӗшпе административлӑ ӗҫ пуҫарнӑ. Ҫӗре саккуна пӑсса йышӑннисене ҫӗре пушатма ыйтса суда тавӑҫпа тухнӑ. Хыпар ҫӑлкуҫӗ:
|
Пӑтӑрмахсем
Кандинский нейросеть сӑнӳкерчӗкӗ Чӑваш Енре пурӑнакан ачасем юлашки вӑхӑтра ултавҫӑсен капкӑнне час-часах лекеҫҫӗ. Ӗнер ҫеҫ ун пек тӗслӗх темиҫе тӗслӗх пулса иртнӗ. Патӑрьелте пурӑнакан ҫемье 11 ҫулти хӗрӗ телефонта чакаланнӑ хыҫҫӑн 300 пине яхӑн тенкӗсӗр тӑрса юлнӑ. Ҫав ҫулти Ҫӗнӗ Шупашкар ачи ашшӗ-амӑшӗн счечӗ ҫинчен 13 пин тенкӗ вӑрлаттарнӑ. Хӗрлӗ Чутай районӗнчи ача ашшӗ-амӑшне 40 пинсӗр хӑварнӑ. Чӑваш Енӗн Шалти ӗҫсен министерствинче ачасене телефонпа усӑ курнӑ чухне асӑрхануллӑ пулмаллине асӑрхаттарма чӗнсе калаҫҫӗ. Хыпар ҫӑлкуҫӗ:
|
Пӑтӑрмахсем
t.me/mchs_chuvashia сӑнӳкерчӗкӗ Шупашкар муниципаллӑ округӗнчи Кӳкеҫре тума пуҫланӑ ҫӗнӗ шкулта пушар тухнӑ. Чӑваш Енӗн Инкеклӗ ӗҫсен министерствинче пӗлтернӗ тӑрӑх, унти ҫынсене, строительсене, урама кӑларнӑ. Пушар паян, утӑ уйӑхӗн 24-мӗшӗнче, алхасма тытӑннӑ. Пушар сӳнтерекенсене инкек пирки 10 сехете те 2 минутра пӗлтернӗ. Ҫуртӑн пӗрремӗш хутӗнчи утеплитель ҫунма пуҫланӑ. Пушара алхасма паман, часах сӳнтернӗ. Хыпар ҫӑлкуҫӗ:
|
Пӑтӑрмахсем
pg21.ru сайтран илнӗ сӑнӳкерчӗк Ӗнер, утӑ уйӑхӗн 23-мӗшӗнче, Ҫӗнӗ Шупашкарта нумай хваттерлӗ ҫуртсенчен пӗринче пушар тухнӑ. Хваттерти хӗрарӑм тӑнне ҫухатнӑ, ӑна васкавлӑ пулӑшу кӳреккен служба ӗҫченӗсем урама йӑтса тухнӑ. Пушарпа кӗрешекенсем вут-ҫулӑма васкавлӑн сӳнтернӗ. Вырӑна пырса ҫитнӗ васкавлӑ пулӑшу тухтӑрӗсем хӗрарӑма пулӑшнӑ хыҫҫӑн вӑл тӑна кӗнӗ. Кайран ӑна пульницӑна илсе кайнӑ. Малтанласа палӑртнӑ тӑрӑх, хӗрарӑм пирус туртнӑ чух тимсӗр пулнӑ пирки диван хыпса илнӗ. Хыпар ҫӑлкуҫӗ:
|
Пӑтӑрмахсем
chuvashia.sledcom.ru сӑнӳкерчӗкӗ Вӑрмар муниципаллӑ округӗнчи Пинер ялӗнче пӗр арҫын пӗрле пурӑнакан хӗрарӑма хӗнесе вӗлернӗ. Пӑтӑрмах утӑ уйӑхӗн 13-мӗшӗнчи каҫхине пулса иртнӗ. Ҫав каҫхине арҫын ӳсӗр пулнӑ. Вӑл пӗрле ҫырӑнмасӑр пурӑнакан хӗрарӑмпа вӑрҫӑнма тапранса кайнӑ. Сӑмахпа ятланипе ҫырлахман, ӑна хӗнесе пӗтернӗ. Тапнӑ, ҫапнӑ. Суранланса пӗтнӗ хӗрарӑм кӑштахран вилсе кайнӑ. Арҫына пакунлисем тытса чарнӑ, вӑхӑтлӑха хупса хунӑ. Пуҫиле ӗҫе малалла тӗпчеҫҫӗ. Хыпар ҫӑлкуҫӗ:
|
Пӑтӑрмахсем
Кандинский нейросеть сӑнӳкерчӗкӗ Чӑваш Енре пурӑнакан 31 ҫултиа рҫынна хӗре вуннӑмӗш хутран пенӗшӗн айӑпласшӑн. Ун тӗлӗшпе РФ Пуҫиле кодексӗн 105-мӗш статйин 1-мӗш пайӗпе пуҫарнӑ пуҫиле ӗҫе суда ярса панӑ. РФ Следстви комитечӗн тӗпчевҫисем палӑртнӑ тӑрӑх, кӑҫалхи ака уйӑхӗн 28-29-мӗшӗсенчи каҫхине арҫын пӗр хӗрпе паллашнӑ. Ир енне вӑл ӑна Шупашкарти Петров урамӗнчи нумай хваттерлӗ ҫуртсенчен пӗринчи вуннӑмӗш хутра вырнаҫнӑ хӑйӗн хваттерне илсе пынӑ. Унта хӗрпе каччӑ хушшинче тавлашу сиксе тухнӑ, арҫын хӑнана темиҫе хутчен ҫапса янӑ. Унтан вӑл ӑна пӑвма тытӑннӑ. Унтан чӳречене уҫнӑ та хӗре ҫавӑнтан пенӗ. Шар курни ҫавӑнтах вилнӗ. Ҫамрӑк арҫын хӑйӗн айӑпне йышӑнман, хӗр чӳречерен хӑй ӳкнӗ тесе ӗнентерме тӑрӑшнӑ. Хыпар ҫӑлкуҫӗ:
|
Пӑтӑрмахсем
"Контактри" сӑн Утӑ уйӑхӗн 20-мӗшӗнче каҫхи 11 сехетре Елчӗк округӗнчи «Яманчӳрел - Исемпел» ҫул ҫинче иномарка кювета чӑмнӑ. Машина ҫырманах анса кайнӑ. 20 ҫулти пассажир ҫавӑнтах вилнӗ. Водителе, 2003 ҫулта ҫуралнӑскере, пульницӑна илсе ҫитернӗ. Унӑн сывлӑхӗ питӗ йывӑр. Ҫак икӗ ҫамрӑк - Патӑрьел округӗнчи Шӑнкӑртам ялӗнчен. Халӗ ӗҫ-пуҫа уҫӑмлатаҫҫӗ. Малтанлӑха пӗлтернӗ тӑрӑх, авари пысӑк хӑвӑртлӑхпа пынӑран пулнӑ. Хыпар ҫӑлкуҫӗ:
|
Пӑтӑрмахсем
ШӖМ тунӑ сӑн Паян 11 сехет те 20 минутра Ҫӗрпӳ округӗнче авари пулнӑ. Шел те, инкекре ҫын пурнӑҫӗ татӑлнӑ. Унта ВАЗ-2114 тата фура ҫапӑннӑ. Малтанлӑха пӗлтернӗ тӑрӑх, ВАЗ-2114 иномаркӑпа ҫапӑнасран пӑрӑннӑ та фура ҫине пырса кӗнӗ. Ҫӑмӑл машинӑра малта ларнӑ 46 ҫулти хӗрарӑм вилмеллех аманнӑ. Водителе тата тепӗр икӗ пассажира пульницӑна илсе кайнӑ. Халӗ ӗҫ-пуҫа малалла тӗпчеҫҫӗ. Хыпар ҫӑлкуҫӗ:
|
Шупашкарта ҫывӑх вӑхӑтра (22.09.2024 03:00) сайра пӗлӗтлӗ ҫанталӑк, атмосфера пусӑмӗ 747 - 749 мм, 11 - 13 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.
| Сӗнтӗрвӑрри районӗнчи Пуснаркасси ялӗнче вулама-ҫырма вӗрентекен шкул уҫӑлнӑ. | ||
| Алексеев Валериан Алексеевич, ял хуҫалӑх ӑслӑлӑхӗсен докторӗ, профессор ҫуралнӑ. | ||
| Резникова Ирина Борисовна, Чӑваш Республикин халӑх артистки, эстрада юрӑҫи ҫуралнӑ. | ||
Пулӑм хуш... |