Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Ҫӑла ан сур, шывне хӑвах ӗҫӗн.
[ваттисен сӑмахӗ]
 

Хыпарсем

Пӑтӑрмахсем

Паян, чӳк уйӑхӗн 11-мӗшӗнче, 9 сехет те 55 минутра М-7 ҫулӑн 62-мӗш ҫухрӑмӗ ҫинче авари пулнӑ. Шупашкар районӗнчи Апаш ялӗ ҫывӑхӗнче, Ҫӗрпӳ хули еннелле кайнӑ ҫӗрте, «Форд Транзит» микроавтобус трактор ҫине пырса тӑрӑннӑ.

ШӖМ пӗлтернӗ тӑрӑх, аварире пилӗк ҫын тӗрлӗрен суранланнӑ. Вӗсене тухтӑрсем медпулӑшу панӑ. Вайлах аманманнисем пулман. Халӗ аварири ӗҫ-пуҫа уҫӑмлатаҫҫӗ. Маршруткӑн малти пайӗ сиенленнӗ.

 

Вӗренӳ
foto.cheb.ru сайтри сӑн
foto.cheb.ru сайтри сӑн

Ҫӗнӗ Шупашкарти 5-мӗш шкул ачисене пурне те, пур класа та дистанци мелӗпе вӗрентме янӑ. Роспотребнадзорӑн Чӑваш Енри управленийӗ пӗлтернӗ тӑрӑх, ачасем ку мелпе чӳкӗн 12-26-мӗшӗсенче вӗренӗҫ.

Палӑртмалла: ку шкулта темиҫе класс карантинра пулнӑ. Унта пӗр вӗренткенӗн кӑшӑлвирус пулнине палӑртнӑ. Пӗр ачан амӑшӗ каланӑ тӑрӑх, хушӑва хатӗрлесен сетьри журнал урлӑ ярса парӗҫ.

Каласа хӑвармалла: юлашки вӑхӑтра кӑшӑлвируспа чирлекенсен йышӗ ӳссе пырать. Чӳк пуҫланнӑранпа ку вируса пула 33 ҫын вилнӗ, юлашки талӑкра – 2 ҫын. Пӗтӗмпе 178 ҫын вилнӗ.

Хыпар ҫӑлкуҫӗ: https://pg21.ru/news/67902
 

Сывлӑх
cheb.ru сайтри сӑн
cheb.ru сайтри сӑн

Канашри тата Патӑрьелти пульницӑсене ковид-госпиталь пек ӗҫлеттересшӗн. Ҫакна ЧР Сывлӑх сыхлавӗн министерстви йышӑннӑ.

Паянхи кун тӗлне республикӑра кӑшӑлвируспа чирлекенсем валли 2355 койка хатӗрленӗ, анчах ку ҫителӗклӗ мар. Ҫавна май Сывлӑх сыхлавӗн министерстви Канаш районӗн тата Патӑрьел районӗн тӗп пульницисенче те койкӑсем хатӗрлеме йышӑннӑ.

Паянтан пуҫласа ҫак пульницӑсене харпӑр хӳтӗлев хатӗрӗсемпе, ИВЛ аппарачӗсемпе, кислородпа, эмелсемпе тивӗҫтерме тытӑннӑ. Ҫавӑнпа кирлӗ пулсанах вӗсем ковид-госпиталь пек ӗҫлеме пултарӗҫ.

 

Культура

Ҫулталӑк вӗҫлениччен Шупашкарти Хусанкай ячӗллӗ культура керменне юсаса ҫӗнетӗҫ. Ӗҫе раштав уйӑхӗн 30-мӗшӗччен вӗҫлемелле.

Халӗ унта юсав ӗҫӗсем пыраҫҫӗ ӗнтӗ. Подрядчик тӗп алӑк патӗнчи стенана ҫӗнетет. Ҫавӑн пекех фасада юсаҫҫӗ. Хальлӗхе тӳре-шаран ыйтусем ҫук, ӗҫсен ҫуррине вӗҫленӗ. Объекта Шупашкар хула администрцийӗн пуҫлӑхӗ Алексей Ладыков ҫитсе курнӑ, ӗҫпе кӑмӑллӑ юлнӑ.

«Премьер» тулли мар яваплӑ общество юсав ӗҫӗсене пурнӑҫлама 57,5 млн тенкӗлӗх клӗшӳ алӑ пуснӑ.

 

Культура

Раштав уйӑхӗн 4-мӗшӗнче Шупашкарта кӗслеҫӗсен фестивалӗ иртет. Кӑшӑлвируса пула ӑна онлайн тата офлайн форматпа йӗркелеҫҫӗ.

Кӑҫал фестиваль Чӑваш автономи облаҫне йӗркеленӗренпе 100 ҫул ҫитнине халаллӗҫ. Палӑртмалла: ӑна пӗрремӗш хут 16 ҫул каялла ирттернӗ.

Фестиваль савӑнӑҫлӑ лару-тӑрура уҫӑлӗ, унтан пултарлӑх ушкӑнӗсем концерт кӑтартӗҫ, ӑсталӑх класӗсем иртӗҫ. Ҫавӑн пекех курав тата ҫавра сӗтел йӗркелӗҫ. Вӗсенче кӗслене кӑна мар, халӑхӑн ытти инструментне те сӳтсе явӗҫ.

 

Сывлӑх
Яндекс.Дзен сӑнӳкерчӗкӗ
Яндекс.Дзен сӑнӳкерчӗкӗ

Республикӑри хӑш-пӗр аптекӑран эмелсем ҫухалнӑ. Пурте мар. Антибиотиксем, вируса хирӗҫле препаратсем, гормонсем. Кирлӗ ассортиментпа тивӗҫтермен аптекӑсене республикӑн сывлӑх сыхлав министрӗ Владимир Степанов административлӑ майпа явап тыттарасси пирки асӑрхаттарнӑ.

Аптекӑсенче антибиотиксен ушкӑнӗнчи азитромицин, левофлоксацин, цефтриаксон, антикоагулянтсен ушкӑнӗнчи натри эноксапарин, вируспа кӗрешекен умифеновир ятлӑ препаратсене, дексаметазон тата метилпреднизолон гормонсене тупса илме йывӑр иккен.

Авӑн уйӑхӗнчен пуҫласа юпа уйӑхӗччен хаксем 0,3 процент хакланнӑ, ҫулталӑк пуҫланнӑранпа – 3,8 процент. Аптекӑсенче хак ӳсни эмел туса кӑларакансем эмелшӗн унчченхинчен 3,6 процент нумайрах ыйтаҫҫӗ. 50 тенкӗрен йӳнӗрех препаратсем пуринчен ытла хакланнӑ – пурӗ 5,9 процент.

Вируспа кӗрешекен 16 йышши препаратӑн пӗрремӗш партийӗ чӳк уйӑхӗн 17-20-мӗшӗсенче килсе ҫитмелле тесе каланӑ министр. Аса илтерер, кӑшӑлвируспа кӗрешекен препарат туянма федераци бюджетӗнчен 48,5 миллион тенкӗ уйӑрнӑ. Ковидран килте сипленекенсене кӑшӑлвируса хирӗҫ препарата тӳлевсӗр парӗьҫ.

Малалла...

 

Чӑвашлӑх
Ираида Захарова страницинчи сӑнӳкерчӗксенчен хатӗрленӗ коллаж
Ираида Захарова страницинчи сӑнӳкерчӗксенчен хатӗрленӗ коллаж

Эстонире пурӑнакан йӑхташсем «Ӑраскал» кӑларӑм йӗркелесе пынине Чӑваш халӑх сайчӗ унччен темиҫе хутчен те пӗлтернӗччӗ.

Передачӑна ертсе пыракан Ираида Захарова Фейсбукра хыпарланӑ тӑрӑх, чӑвашла хатӗрлекен кӑларӑмӑн черетлӗ каларӑмӗ паян, чӳк уйӑхӗн 11-мӗшӗнче, 19 сехет те 35 минутра эфира тухӗ.

Ираида Захарова Фейсбукри хӑйӗн страницинче пӗлтернӗ тӑрӑх, черетлӗ кӑларӑмра «Уяв» ансамбль пултарулӑхӗпе паллаштарӗҫ. Тӗнче тетелӗнчи страницӑра радиоертӳҫӗ ансамблӗн тӗрлӗ тапхӑрӗнчи сӑнӳкерчӗксене илсе кӑтартнӑ.

 

Республикӑра
el-site.ru сӑнӳкерчӗкӗ
el-site.ru сӑнӳкерчӗкӗ

Чӑваш Енре «республика Элтеперӗ» валли «Genesis G80» автомобиль туянасшӑн. Кун пирки патшалӑх закупкисен порталӗнче пӗлтерӳ вырнаҫтарнӑ.

Машина туянасси пирки «Чӑваш Республикин Элтеперӗн Администрацийӗн автобази» хысна учрежденийӗ пӗлтернӗ.

Техника заданийӗнче палӑртнӑ тӑрӑх, машина кӑҫал кӑларнӑскер тата тулли приводлӑ пулмалла. Двигателӗн хӑвачӗ — 197 лаша вӑйӗ. Автомобиле пилӗк пассажир вырнаҫтӑр.

Машина туянма хыснаран 3 миллион та 203 пин те 500 тенкӗ кӑларса хума хатӗр.

 

Чӑвашлӑх

Thebiggest.ru сайтра хӑйне евӗр сасӑлав пуҫарнӑ. Унта хутшӑнакансен хӑйсене хӑш наци ҫынни тесе шухӑшланине пӗлтермелле. Сасӑлава ҫак йӗркесен авторӗ те хутшӑнчӗ. Хӑйсене чӑваш тесе палӑртнисем ҫак самантра – 1671 ҫын.

Сасӑлав страницинче кашни халӑх пирки кӗскен ӑнлантарса пани пур. Унта Раҫҫейре чӑвашсем 1,58 миллион ҫын пурӑннине пӗлтернӗ, тӗнчере – 1,6 миллион тенкӗ. Сайтра ҫырнӑ тӑрӑх, историлле тӑван ҫӗршывӗнче ҫак тӗрӗк этносӗн ҫурри пурӑнать, ытти пайӗ пӗтӗм ҫӗршыв тӑрӑх сапаланнӑ. Хӑй вӑхӑтӗнче чӑвашсем чӑн тӗне ӗненнӗ.

Сасӑлава хутшӑнас тесен ҫак каҫӑпа иртмелле.

 

Культура

Иркутск облаҫӗнчи чӑвашсем халӑх ҫыравне халалланӑ пӗтӗм ҫӗршыври сӑнӳкерчӗксен «Страна в объективе» (чӑв. Объективри ҫӗршыв) конкурсӗн регионти тапхӑрӗнче «Храним традиции» (чӑв. Йӑла-йӗркене упратпӑр) номинацире ҫӗнтернӗ. Зима районӗнчи Новолетники ялӗнче пурӑнакан Нина Машугина облаҫ шайӗнче финала тухнӑ.

Иркутск тӑрӑхӗнчи чӑвашсен автономийӗн ертӳҫи Вероника Тимофеева Нина Машугинӑна тата конкурса хутшӑннӑ Зима районӗнчи Успенский-3 ялӗнчи Светлана Быковӑна чӑваш халӑхӗн сумне сарассипе тӑрӑшнӑшӑн тав туса Фейсбукра ҫырнӑ.

 

Страницӑсем: 1 ... 1300, 1301, 1302, 1303, 1304, 1305, 1306, 1307, 1308, 1309, [1310], 1311, 1312, 1313, 1314, 1315, 1316, 1317, 1318, 1319, 1320, ... 3866
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 21:00) пӗлӗтлӗ ҫанталӑк, атмосфера пусӑмӗ 743 - 745 мм, 3 - 5 градус ӑшӑ пулӗ, ҫил 0-2 м/ҫ хӑвӑртлӑхпа ҫурҫӗр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 05

1961
64
Чӑваш Республикин ҫамрӑк строителӗсен слёчӗ (ака, 5-6) пуҫланнӑ.
Пулӑм хуш...Пулӑм хуш...