Сайта кӗр | Регистраци | Сайта кӗрсен унпа туллин усӑ курма пулӗ
 +20.3 °C
Ӑсмассерен аш турамӗ лекмест.
[ваттисен сӑмахӗ]
 

Хыпарсем

Сывлӑх
rkod.med.cap.ru сӑнӳкерчӗкӗ
rkod.med.cap.ru сӑнӳкерчӗкӗ

Чӑваш Енре онкологи чирӗпе аптӑракансен тата вӗсен тӑванӗсен форумӗ иртӗ.

Мероприятие ҫӗртме уйӑхӗн 30-мӗшӗнче Чӑваш патшалӑх ӳнер музейӗнче пуҫтарӑнӗҫ.

«Ради жизни» (чӑв. Пурнӑҫшӑн) ят панӑскере АНО «Близкие люди» (чӑв. Ҫывӑх ҫынсем) коммерцилле мар автономи организаци (председателӗ — Е.Н. Хрусцелевская) тата Республикӑн клиника онкологи диспансерӗ ирттереҫҫӗ.

Форум тӗллевӗ — врачсене, экспертсене и общество организацийӗсен хастарӗсене онкологи чирӗпе чирлисене тата вӗсен тӑванӗсене информаци тата психологи тӗлӗшӗнчен пулӑшасси, онкочирсем ҫинчен ҫынсене каласа кӑтартасси.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Шупашкарта шыв ҫинчи спектакль кӑтартнӑ. Ун пекки пирӗн патра халиччен пулман.

«Карусель сказок» (чӑв. Юмах каруҫҫелӗ) пӗтӗм тӗнчери IV фестиваль тата «Одинаковыми быть нам необязательно» (чӑв. Пурин те пӗр пек пулмасан та) ыттисенчен уйрӑлса тӑракан куракансен VIII фестивалӗ иртнӗ май пирӗн пата Кострома облаҫӗнчи пукане театрӗ те килнӗ. Вӑл «Иван да Марья» шыв ҫинчи спектакле кӑтартнӑ. Асӑннӑ ӗҫ режиссёрӗ тата художник-постановщикӗ — Марина Пудкова.

Урамри спектакле, урамри кӑна та мар, шыв ҫинчи спектакле, куракансем кӑмӑлласа йышӑннӑ.

 

Чӑвашлӑх
cap.ru сӑнӳкерчӗкӗ
cap.ru сӑнӳкерчӗкӗ

Мускавра чӑвашсем Акатуя пухӑниччен вӑхӑт нумаях юлмарӗ. Кун пирки унччен пӗлтернӗччӗ. Аса илтерер: вӑл утӑ уйӑхӗн 1-мӗшӗнче иртӗ.

Чӑваш Акатуйӗ "Сокольники" паркра 12 сехетре уҫӑлӗ. Уявра Мускав ҫыннисемпе хӑнисене Чӑваш Ен йӑли-йӗркипе паллаштарӗҫ: ташлӗҫ, юрлӗҫ, тӗрлӗҫ, чӑваш апат-ҫимӗҫне тутантарӗҫ.

Раҫҫей халӑх артистки Надежда Бабкина та чӑвашсене Акатуя чӗнет.

Хыпар ҫӑлкуҫӗ: https://t.me/chebcult21
 

Пӑтӑрмахсем
ШӖМ тунӑ сӑн
ШӖМ тунӑ сӑн

Канаш районӗнче иномарка велосипедпа пынӑ арҫынна ҫапса хӑаарнӑ. Шел те, вилмеллех.

Авари "Шӑхасан - Нурӑс" ҫул ҫинче ҫӗртме уйӑхӗн 27-мӗшӗнче 13 сехет те 20 минутра пулнӑ. Малтанлӑха пӗлтернӗ тӑрӑх, транспорта хирӗҫ пыракан велосипедист ҫине "Тойота" кӗрсе кайнӑ. Руль умӗнче 39 ҫулти арҫын ларнӑ. Вӑл ӳсӗр пулманни паллӑ. Велосипедист ҫавӑнтах вилнӗ.

Патшалӑх автоинспекцийӗ ӗҫ-пуҫа уҫӑмлатать.

Хыпар ҫӑлкуҫӗ: https://t.me/mvd_chuvashia
 

Пӑтӑрмахсем
stranabolgariya.ru сӑнӳкерчӗкӗ
stranabolgariya.ru сӑнӳкерчӗкӗ

Пӑрачкав районӗнчи пӗр арҫын машинӑсӑр тӑрса юлнӑ. Йӑлтах — хӑй айӑпне пула.

39 ҫулти арҫын автомобиль рулӗ умне унччен те ӳсӗрле ларнӑ. Кӑҫалхи нарӑс уйӑхӗн 12-мӗшӗнче ҫав этем каллех ӳсӗр пуҫпа ҫула тухнӑ. «Нива Шевроле» машинӑпа вӑл «Шупашкар-Сурски-Мишуково-Ардатов» автоҫулпа пынӑ чухне хирӗҫ килекен транспортпа пырса ҫапӑннӑ.

Суд хайхи этеме 2 ҫуллӑха правасӑр хӑварнипех ҫырлахман, машинине конфискациленӗ.

 

Пӑтӑрмахсем
sli24.ru сӑнӳкерчӗкӗ
sli24.ru сӑнӳкерчӗкӗ

Шупашкар хулинче пурӑнакан пӗр хӗрарӑм ӗҫе вырнаҫсан та ӗҫсӗрлӗх пособине илсе тӑнӑ.

Ӗҫпе тивӗҫтерекен центра вӑл 2022 ҫулхи утӑ уйӑхӗнче учёта тӑнӑ. Унта ҫав ҫулхи раштав уйӑхӗччен тӑнӑ чухне 50 пине яхӑн тенкӗ пособи илсе тӑнӑ. Кӑштахран вӑл ӗҫе вырнаҫнӑ, анчах центра ҫавӑн пирки пӗлтермен. Центртан илсе тӑнӑ пособи, пӗр енчен, ытла пысӑк суммах та мар. Ҫапах ун пек хӑтланма юрамасть.

Пӑтӑрмаха прокуратура тупса палӑртнӑ. Вӑлах тӗрӗслев материалӗсене право хуралӗн органӗсене пуҫиле ӗҫ пуҫарма ярса панӑ.

 

Пӑтӑрмахсем
almode.ru сӑнӳкерчӗкӗ
almode.ru сӑнӳкерчӗкӗ

Шупашкар хулинче пурӑнакан пӗр хӗрарӑм туй кӗпине сутас тенӗ. Пӗлтерӗве вӑл тӗнче тетелӗнче вырнаҫтарнӑ.

54 ҫулти хӗрарӑм пӗлтернӗ тӑрӑх, платье туянас кӑмӑллӑ хӗр Воронежран тесе ӗнентернӗ.

Вӑл электрон почтӑпа ятарлӑ каҫӑ ярса панӑ, унта банк карттин реквизичӗсене тата смс-ҫырупа килекен пароле кӑтартма ыйтнӑ. Ҫапла тусан патье укҫи унта куҫса килӗ тесе ӗнентернӗ.

Банк укҫана куҫарса парасран икӗ хутчен чарса лартнӑ, виҫҫӗмӗш хутӗнче 123 пин ытларах тенкӗ такам счёчӗ ҫине куҫса кайнӑ.

 

Персона
cap.ru сайтри сӑн
cap.ru сайтри сӑн

Шупашкарта пурӑнакан Юлия Ермолаева 100 ҫулхи юбилейне паллӑ тунӑ. Ӑна тӳре-шара саламлама килсен вӑл «Катюша» юрра шӑрантарса панӑ.

Юлия Ермолаева Куславкка районӗнчи Тӗмшер ялӗнче ҫуралса ӳснӗ. 18 ҫулта чухне, Тӑван ҫӗршывӑн Аслӑ вӑрҫи пуҫлансан, вӑл Аслӑ Куснар ялӗ ҫывӑхӗнче окоп чавнӑ. Ӑна «1941-1945 ҫулсенче Тӑван ҫӗршывӑн Аслӑ вӑрҫинче тӳрӗ кӑмӑлпа ӗҫленӗшӗн» медальпе чысланӑ.

Хыпар ҫӑлкуҫӗ: https://t.me/spirincheb/7386
 

Хулара
pravdapfo.ru сайтри сӑн
pravdapfo.ru сайтри сӑн

Шупашкарти «Садовый» микрорайонта пурӑнакансем шкул уҫӑласса чӑтмсӑррӑн кӗтеҫҫӗ. Унӑн алӑкӗ хӑҫан яои уҫӑлӗ? Ҫак кун часах ҫитесси пирки тӳре-шара пӗрре мар каланӑ. Анчах ку таранччен те шкул уҫӑлман-ха.

ЧР Элтеперӗ Олег Николаев унта кӑҫал аванӑн 1-мӗшӗнчен ачасем вӗренме пуҫласса шантарнӑччӗ.

Анчах микрорайонти ҫынсен ҫӗнӗ шкула татах кӗтме тивӗ. «Правда ПФО» сайт пӗлтернӗ тӑрӑх, халӗ ӑна кӑҫал раштав уйӑхӗн 1-мӗшӗ тӗлне уҫма шантарнӑ.

Аса илтерер: ҫӗнӗ шкулта 1650 ача валли вырӑн пулмалла.

 

Ӑслӑлӑх
Шупашкар сити-менеджерӗн телеграм-каналӗнчи сӑн
Шупашкар сити-менеджерӗн телеграм-каналӗнчи сӑн

Чӑваш патшалӑх гуманитари ӑслӑлӑхӗсен институчӗ Атӑл леш енче археологи шыравӗ ирттерет. Ӑна институтӑн аслӑ ӑслӑлӑх ӗҫченӗ Николай Мясников ертсе пырать.

Хальхи вӑхӑтра археологсем 10-11-мӗш ӗмӗрсенче виле пытарнӑ вырӑнсене тӗпчеҫҫӗ. Паянхи куна вӗсем пуртӑ, ҫӗҫӗ, шӑрҫа, сулӑ, раковина, тункӑр тупнӑ.

Сӑмах май, пӗлтӗр археологсем Шупашкарти 1-мӗш больница вырӑнӗнче тӗпчевсем ирттернӗ. Ун чухне 15-мӗш ӗмӗр тата 16-мӗш ӗмӗр пуҫламӑшӗнчи артефактсене тупнӑ.

Хыпар ҫӑлкуҫӗ: https://t.me/spirincheb/7387
 

Страницӑсем: 1 ... 361, 362, 363, 364, 365, 366, 367, 368, 369, 370, [371], 372, 373, 374, 375, 376, 377, 378, 379, 380, 381, ... 3741
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (08.10.2024 15:00) сайра пӗлӗтлӗ ҫанталӑк, атмосфера пусӑмӗ 745 - 747 мм, 18 - 20 градус ӑшӑ пулӗ, ҫил 2-4 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Хăш чухне пĕр еверлĕ, анчах кирлĕ ĕçсемпе аппаланма тивет. Пĕрмай вĕсене кая хăварнин усси çук - вĕсем каплансах пыраççĕ вĕт. Канмалли кунсенче çывăх çынсемпе хутшăнăр, анчах ытлашши нумай ан ыйтăр - хирĕçес хăрушлăх пур.

Юпа, 08

1873
151
Абрамов Яков Абрамович, пӗрремӗш чӑваш депутачӗ ҫуралнӑ.
1915
109
Турхан Кузьма Сергеевич, чӑваш ҫыравҫи ҫуралнӑ.
1948
76
Хусанкай Атнер Петрович, филологи ӑслӑлӑхӗсен кандидачӗ, профессор ҫуралнӑ.
1959
65
Смирнова Валентина Владимировна, Чӑваш Республикин халӑх артистки ҫуралнӑ.
Пулӑм хуш...Пулӑм хуш...