Раҫҫейре
kkm.cloudrfid.ru сайтри сӑн Раҫҫейри налук служби лавккасенче чек паман чухне явап тыттарассине вӑхӑтлӑха пӑрахӑҫланӑ. Мӗншӗн? Лавккасенче касса ленти ҫитмест-мӗн. Кун пирки «Коммерсантъ» хаҫат пӗлтернӗ. Ҫыннӑн лавккара чек ыйтма ирӗк пур. Анчах малашне сутуҫӑ ӑна памасть пулсан явап тыттармӗҫ. Ку вӑхӑтлӑха кӑна паллах. Малтан вара куншӑн 10 пин тенкӗ таран штраф тӳлеттерме пултарнӑ. Ҫитес вӑхӑтра лавккасем электрон чек ҫине куҫӗҫ. «Про Город» хаҫата Надежда Кузнецова усламҫӑ пӗлтернӗ тӑрӑх, чек ленти 3 хут хакланнӑ. Унччен пӗр упаковка 220 тенкӗ тӑнӑ пулсан халӗ – 650 тенкӗ. Хыпар ҫӑлкуҫӗ:
|
Раҫҫейре
life.ru сайтри сӑнӳкерчӗк Раҫҫей Президенчӗ Владимир Путин Пӗтӗм тӗнчери хӗрарӑмсен кунӗпе саламланӑ май 8-16 ҫулсенчи ачасене воспитани паракан ҫемьесене пулӑшасси пирки каланӑ. Ҫак ӳсӗмри шӑпӑрлансемшӗн те пособи парӗҫ. Анчах ӑна сахал тупӑшлӑ ҫемьесем ҫеҫ илейӗҫ. Ку ака уйӑхӗн 1-мӗшӗнчен пурнӑҫланма тытӑнӗ. Заявленисене вара ҫу уйӑхӗн 1-мӗшӗнчен йышӑнӗҫ. Ӑна Патшалӑх пулӑшӑвӗсен порталӗ урлӑ пама пулать. Пособи парассине ырласан тӳрех икӗ уйӑхшӑн укҫа килӗ. Пособин ҫуррине пама йышӑнсан вӑл 526,5 тенкӗпе танлашӗ. Тупӑша кура 75%-не ырласан – 7824,75 тенкӗпе. Пособин 100 проценчӗ – 10433 тенкӗ. Хыпар ҫӑлкуҫӗ:
|
Раҫҫейре
tass.ru сӑнӳкерчӗкӗ Раҫҫейре хӗрарӑмсем ӗҫлеме пултарайман должноҫсен переченьне ҫӗнетнӗ. Саккун кӑҫалхи пуш уйӑхӗн 1-мӗшӗнчен вӑя кӗнӗ. Малашне хӗрарӑмсем авиаци механикӗ, самолётсемпе вертолётсене техника енчен тытса тӑракан инженерсем пулса ӗҫлейӗҫ. Техника тата нефть промыслин оборудованине тытса тӑрас тата юсас енӗпе те хӗрарӑмсене тар тӑкма текех чармаҫҫӗ. Этемлӗхӗн черчен ҫуррийӗ арҫын ҫеҫ тума пултаракан тесе тахӑҫан шухӑшланӑ чылай йывӑр ӗҫе алла илнӗ. Хӗрарӑмсем сварщикра та тӑрӑшаҫҫӗ, пысӑк тиевлӗ машина рульне ҫирӗппӗн тытса пыраҫҫӗ. Вертолётпа ҫӳрекенсем те пу. Хыпар ҫӑлкуҫӗ:
|
Раҫҫейре
Пирӗн ҫӗршывра «Объясняем.рф» ҫӗнӗ портал ӗҫлеттерсе янӑ. Ӑна йӗркелеме пурнӑҫ хӑех хистенӗ. Тӗнчере пулса иртекен лару-тӑру Раҫҫее те пырса тивет. Ун пирки темле ҫыракан, хыпарлакан та пур. Пурне те ӗненсе ларсан пуҫ ҫаврӑнса кайӗ. Ҫынсене официаллӑ тата тӗрӗсленӗ информаципе паллаштарас тесе ҫӗнӗ портал ӗҫлеттерсе янӑ. Кун пирки Раҫҫейӗн вице-премьерӗ Дмитрий Чернышенко пӗлтернӗ. «Халӑх тетелӗсенче тата массӑллӑ информаци хатӗрӗсенче суя хыпарпа тӗрлӗ сас-хурана та вырнаҫтараҫҫӗ. Ҫавӑнпа «Объясняем.рф» портал ӗҫлеттерсе ятӑмӑр», — ӑнлантарса панӑ вӑл. Ҫынсене хумхантаракан ыйтусемпе хуравсене тӗрлӗ ярӑмра вырнаҫтарнӑ. Хыпар ҫӑлкуҫӗ:
|
Раҫҫейре
tass.ru сайтри сӑн Раҫҫейри 75 субъектра кӑшӑлвируспа чирлекенсен йышӗ чакнине пӗлтернӗ. Ҫавна май Роспотребнадзор ковидпа ҫыхӑннӑ чарусене пӑрахӑҫлама сӗннӗ. Ку общество вырӑнӗсенче маска тӑхӑнассине пырса тивмест. Раҫҫейри тӗп санитари тухтӑрӗ Анна Попова каланӑ тӑрӑх, кӑшӑлвируспа инфекциленнисен 97 проценчӗ чире ОРВИ пек е симптомсемсӗр ирттерет. Роспотребнадзор малашне общество вырӑнӗсенче маскӑпа ҫӳрессине тата алла ҫине тӑрсах дезинфекцилессине ҫеҫ хӑварма сӗннӗ. Палӑртмалла: Чӑваш Енре оперштаб ларӑвӗ пуш уйӑхӗн 4-мӗшӗнче пулӗ. Хыпар ҫӑлкуҫӗ:
|
Раҫҫейре
Gettyimages.ru © Vincent Boisgard / EyeEm сӑнӳкерчӗкӗ Пирӗн ҫӗршыв урлӑ 36 ҫӗршыв самолёчӗсене вӗҫсе иртме чарнӑ. Ҫакӑ — Раҫҫейри авиакомпанисен самолёчӗсене хӑйсен территорийӗ урлӑ вӗҫтерме Европӑри тата тӗрлӗ вырӑнти хӑш-пӗр ҫӗршыв чарнӑран тунӑ йышӑну. Раҫҫей урлӑ вӗҫсе каҫма Австрири, Албанири, Ангильяри, Бельгири, Болгаринчи, Британири Виргинский утравӗсене, Великобританири, Венгрири, Германири, Гибралтарти, Грецири, Данири (ҫав шутра — Гренланди, Фарер утравӗсем, Территори тинӗсӗ), Джерсинчи, Ирландири, Исландири, Испанири, Италири, Канадӑри, Кипрти, Латвирии, Литвари, Люксембургри, Мальтӑри, Нидерландри, Норвегири, Польшӑри, Португалири, Румынири, Словакири, Словенири, Финляндири, Францири, Хорватири, Чехири, Швецири, Эстонири авиакомпанисене чарнӑ. Хыпар ҫӑлкуҫӗ:
|
Раҫҫейре
Раҫҫейре паян Тӗп банк тӗп ставкӑна (выр. «ключевая ставка») 20 процент таран ҫитерме йышӑннӑ. Ку таранччен вӑл 9,5 процентпа танлашнӑ. Паян тӑрук 10,5 процент хӑпарнӑ. Ҫакна Раҫҫей экономики валли условисем тӗпрен улшӑннипе ҫыхӑнтарнӑ. Тӗп банк ставка малашне те ӳсме пултарассине систерет. Ставкӑна ӳстерни пирки паян Тӗп банк председателӗ Эльвира Набиуллина 16 сехетре (Мускав вӑхӑчӗпе) официаллӑ майпа пӗлтерӗ. Хыпар ҫӑлкуҫӗ:
|
Раҫҫейре
Ака уйӑхӗнченпе Раҫҫей чукунҫулӗн виҫӗ пуйӑсӗ икӗ хутлӑ пулӗ. Ака уйӑхӗн 15-мӗшӗнче Мускавран Чӗмпӗре каяканни икӗ хутли ҫине куҫӗ. Ака уйӑхӗн 16-мӗшӗнче Йошкар-Олана ҫитекенни те ҫаплах ҫӳреме тытӑнӗ. Ака уйӑхӗн 18-мӗшӗнче "Чӑваш Ен" пуйӑс та икӗ хутлӑ пулӗ. Ун йышӗнче хальхи йышши икӗ хутлӑ, купеллӗ вакунсем пулӗҫ. Ҫапла мапа Раҫҫей чукунҫулӗ пуйӑсри вырӑнсене 30 процент нумайлатма, билет хакне йӳнетме пултарнӑ. Пуйӑс ҫав расписанипех ҫӳрӗ. Хакӗ вара пӗчӗкрех. Купене илес тӗк 1738 тенкӗ пама тивӗ. Халӗ ку билет 3320 тенкӗ тӑрать. Плацкартпа каяс тӑк халӗ 2273 тенкӗ тӳлемелле. Хыпар ҫӑлкуҫӗ:
|
Раҫҫейре
ШӖМ тунӑ сӑн Упӑшкипе арӑмӗ тӗнче тетелӗнче тавар туянакансене улталанӑ. Ҫак йышӑ Чӑваш Енре пурӑнакансем те лекнӗ. Вӗсем йӗркене пӑснӑ 58 тӗслӗхе тупса палӑртнӑ. Пӗтӗмпе ҫынсене 200 пин ытла тенкӗлӗх тӑкак кӳнӗ. Упӑшкипе арӑмӗ 2 ҫул тӗнче тетелӗнче сайтсем йӗркеленӗ, унта пушмак, тум, парфюмери сутни пирки пӗлтерӳсем вырнаҫтарнӑ. Таварӗсем хаклӑ мар пулнӑ. Анчах вӗсем клиентсенчен укҫа илсен сайтри тавара мар, йӳнӗреххине ярса панӑ. Тӗслӗхрен, брендлӑ кроссовка вырӑнне йӳнӗ угги пулнӑ. Ултавҫӑсене пӗлтӗр ҫӗртме уйӑхӗнче тытса чарнӑ. Хыпар ҫӑлкуҫӗ:
|
Кӑсӑклӑ
Раҫҫейре
Нумай пулмасть «Новые известия» (чӑв. «Ҫӗнӗ хыпарсем») тӗнче тетелӗнчи кӑларӑмра статья пичетленсе тухрӗ, сире унӑн чӑвашла куҫарӑвӗпе паллаштарасшӑн. Статьяна куҫарнин тепӗр сӑлтавӗ — «Чӑваш чӗлхин икчӗлхеллӗ ҫӳпҫине» пуянлатасси. Ҫавна май вӑл вырӑсла текста питӗ ҫывӑх. Харпӑр опыт: хамӑн хӗрача ҫӳрекен шкулта спортзал урайне мӗнле улӑштартӑм тата ҫакӑ мӗнпе вӗҫленчӗПатшалӑхран пӗчӗк юсав ирттерме уйӑрнӑ укҫана самантрах вӑрласа пӗтернӗ, урая вара физкультура вӗрентекенӗн сӑрлама тивнӗ. Пирӗн ҫӗршывра пулса иртекен лару-тӑрӑва уҫӑмлӑн кӑтартса паракан историе Евгений Пятковский Ҫӗнҫӗпӗрти усламҫӑ хӑйӗн блогӗнче ҫапла каласа панӑ: «Авӑн уйӑхӗнче эпӗ 146-мӗш шкул ашшӗ-амӑшӗсене ал пустартӑм, мэрине хуталарӑм: ыйтаттӑм, хистеттӗм, ятлаттӑм. Ҫапла май спортзал урайне юсама мэри 600 пин тенкӗ уйӑрма килӗшрӗ. Урайне тӗппипех юсамалӑх мар, пӗр пайне ҫеҫ… Кайран вара эпӗ ҫак укҫа урая сӑрлама ҫеҫ ҫитнине, ӑна та пулин физрук тунине пӗлтӗм… Ну, эпӗ ытла хӗремесленсе тӑмарӑм, прокуратурӑна каймарӑм, ҫав шкулта унччен директор пулса ӗҫленӗ ҫынран ҫак ҫӗршывра мӗншӗн АПЛА пулса иртет-ха тесе ыйтрӑм? |
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Вдовина Ираида Григорьевна, паллӑ чӑваш юрӑҫи ҫуралнӑ. | ||
| Пушкай Леонид Иванович, чӑваш сӑвӑҫи, драматургӗ ҫуралнӑ. | ||
| Афанасьев Алексей Андриянович, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Виталий Енӗш, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Исаева Людмила Сергеевна, сӑвӑҫ, тӑлмач ҫуралнӑ. | ||
| Краснов-Асли Василий Иванович, чӑваш ҫыравҫи ҫут тӗнчерен уйрӑлса кайнӑ. | ||
| Василий Краснов-Асли, чӑваш ҫыравҫи ҫут тӗнчерен уйрӑлса кайнӑ. | ||
| Романов Борис Александрович, чӑваш сӑвӑҫи вилнӗ. | ||
| Чӑваш АССРӗ вырӑнне Чӑваш Совет Социаллӑ Республики пулса тӑнӑ. | ||
Пулӑм хуш... |