Раҫҫейре
Эрмитаж. «Питерские заметки» сайтран илнӗ сӑн Петӗрти Эрмитажра COVID-19 пандеми вӑхӑтӗнче унта ӗҫлекен 26 ҫын пурнӑҫӗ татӑлнӑ. Кун пирки музейӗн «Контактра» официаллӑ ушкӑнӗнче пӗлтерни тӑрӑх, «Питерские заметки» (чӑв. «Питер ҫырӑвӗсем») портал хыпарлать. 2020 ҫулхи пуш уйӑхӗн 17-мӗшӗнчен пуҫласа Эрмитаж 4 уйӑхлӑха ҫынсене йышӑнма чарӑннӑ, онлайн-режимра ӗҫлеме пуҫланӑ. Ҫак вӑхӑтра, ӗҫ-хӗле кирлӗ таран хӑрушсӑрлатнӑ пулин те, Эрмитажра ӗҫлекен 26 ҫыннӑн — ҫав шутра наука ӗҫченӗсен, музей пӑхаканӗсен, инженерсен, реставраторсен тата хӑрушсӑрлӑх службин ӗҫченӗсен — пурнӑҫӗ татӑлнӑ. Хальхи вӑхӑтра, ирӗксӗртен чарусем кӗртме тивет пулин те, Эрмитаж алӑкӗсем куракансем валли уҫӑ. Хыпар ҫӑлкуҫӗ:
|
Раҫҫейре
Чӑваш Енри специалистсем «Архитекторы.рф» программӑпа тӳлевсӗр вӗренӗҫ. Финалистсен йышне 100 ҫын лекнӗ. Тӳлевсӗр вӗренмелли программӑна ДОМ.РФ йӗркеленӗ. Ӑна пурнӑҫлама Раҫҫей Строительство тата ҫурт-йӗрпе коммуналлӑ хуҫалӑх министерстви тата «Стрелка» институт пулӑшаҫҫӗ. Архитекторсен, проектировщиксен, хула тӑвакансен, патшалӑх тата муниципалитет служащийӗсен пӗлӗвне ӳстерес тӗлевпе йӗркеленӗ вӗрентӗве пилӗк пайран йӗркелӗҫ. Вӗсенчен тӑваттӑшӗ офлайн, пӗри онлайн иртӗ. Тӳлевсӗр вӗренмелли программӑна Чӑваш Енри икӗ специалиста суйласа илнӗ. Вӗсем – Этнер Егоров тата Надежда Шмелёва. Хыпар ҫӑлкуҫӗ:
|
Раҫҫейре
rg.ru сайтри сӑн Раҫҫейри влаҫ кӑшӑлвируспа ҫыхӑннӑ пандеми хӑҫан пӗтме пултарассине пӗлтернӗ. Патшалӑх Думин председателӗ Вячеслав Володин экспертсен шухӑшне шута хурса интервьра пӗлтернӗ. Вӑл палӑртнӑ тӑрӑх, ҫӗршывра пандеми хӑрушлӑхне май килнӗ таран пӗчӗклетме май килнӗ. Экспертсен шухӑшӗпе, ҫулла вӗҫнелле, кӗркунне пуҫламӑшнелле чирлесси самай пӗчӗкленет. Кӗркунне вара каллех ӳсме пултарать. Ку ҫынсен отпуск вӗҫленнипе, чылайӑшӗ унтан чирлесе таврӑннипе ҫыхӑннӑ. Хыпар ҫӑлкуҫӗ:
|
Раҫҫейре
ligazakon.ru сайтри сӑн Раҫҫейри влаҫ ҫӗнӗ саккун йышӑннӑ. Патшалӑх Думинче пӗлтернӗ тӑрӑх, малашне транспортра билет туянман ачасене кӑларса яма юрамасть. Ку 16 ҫул тултарманнисене, ашшӗ-амӑшӗсӗр ҫула тухнисене пырса тивет. Патшалӑх Думи ку саккуна виҫҫӗмӗш вулавра йышӑннӑ. Автомобиль транспорчӗн Уставне улшӑнусем кӗртнӗ. Ҫапла майпа билет туянман 16 ҫула ҫитмен ачасене общество транспортӗнчен кӑларса яма юрамасть. Водителӗн е кондукторӑн ачан ашшӗ-амӑшӗ ҫук пулсан, вӑл билетшӑн тӳлемен пулсан ӑна кӑларса яма юрамасть. Аслисем ачашӑн тӳлеме хирӗҫ тӗк вӗсен пӗрле ҫитес чарӑнура тухмалла. Хыпар ҫӑлкуҫӗ:
|
Раҫҫейре
vovet.ru сайтри сӑн Ҫитес эрне ӗҫлекенсемшӗн вӑрӑм пулӗ, мӗншӗн тесен шӑматкун та ӗҫе тухма тивӗ. Кӑҫал ултӑ куна тӑсӑлакан пӗртен-пӗр эрне пулӗ: вӑл нарӑсӑн 15-мӗшӗнче пуҫланса нарӑсӑн 20-мӗшӗнче вӗҫленӗ. Нарӑсӑн 22-мӗшӗнчи ӗҫлемелли куна нарӑсӑн 20-мӗшӗ ҫине куҫарнӑ. Ҫапла майпа эрне вӑрӑмланнӑ, 6 кун ӗҫе тухма тивӗ. Анчах кайран виҫӗ кун канӑпӑр. Нарӑс уйӑхӗн 21-23-мӗшӗсенче – канмалли кунсем. Каласа хӑварар: тепӗр икӗ эрнерен те, пуш уйӑхӗн 8-мӗшӗнче, канмалли виҫӗ кун кӗтет пире. Хыпар ҫӑлкуҫӗ:
|
Раҫҫейре
Мускавра пулса иртнӗ пӑтӑрмаха Етӗрне районӗн сучӗ тишкернӗ. «Мускаври метрополитен» Чӑваш Ен арҫыннинчен 63 пин тенкӗ шыраса илнӗ. Иртнӗ ҫулхи кӗркунне Мускаври «Новоясеневская» станцире Чӑваш Ен арҫынни, унта пурӑнаканскер, платформӑн палӑртнӑ йӗрӗнчен шаларах кӗнӗ та тоннеле пуйӑса хирӗҫ аннӑ. Юрать-ха, инкек пулман. Пуйӑс арҫынна тӗкӗрӗпе ҫеҫ лекнӗ. Кун хыҫҫӑн метрона чарнӑ. Ҫавна май тӑватӑ пуйӑс расписанипе каяйман. Ку вара метрополитеншӑн тӑкак. Ӑна судра арҫынран шыраса илнӗ. Хыпар ҫӑлкуҫӗ:
|
Раҫҫейре
«Работа в России» (чӑв. Раҫҫейри ӗҫ) trudvsem.ru вакансисен бази пӗлтернӗ тӑрӑх, кӑрлач уйӑхӗнче шалу енчен чи илӗртӳллӗ ӗҫ вырӑнӗсен шутне инженерсем, механиксем, машинистсем, пилотсем, программистсем тата стоматологсем кӗнӗ. Пысӑк квалификациллӗ инженерсем уйӑхне 300 пин тенкӗ таран ӗҫлесе илме пултараҫҫӗ. Сӑмахран, Хабаровск тӑрӑхӗнче сӑрт-ту предприятийӗсенче ҫавӑн пек тӳлеҫҫӗ иккен. Калиннград тата Челябинск облаҫӗсенче инженерсене уйӑхсерен 200 пин тенкӗ тӳлеме хатӗр. Чукоткӑра, Тутарстанра, Якут Республикинче ҫӗр чавакан тата тиекен машинӑсемпе ӗҫлекен машинистсемпе механиксем 200-300 пин тенкӗ ӗҫлесе илеҫҫӗ. Свердлов, Красноярск, Ямал-Ненецк, Воронкж, Камчатка, Ханты-Манси, Саха (Якути) тӑрӑхӗнче стоматологсем, инфекционистсем, терапевтсем, анестезиолог-реаниматологсем кирлӗ. Вӗсене 100 пин тенкӗ таран тӳлеҫҫӗ. Хыпар ҫӑлкуҫӗ:
|
Раҫҫейре
Ленинград облаҫӗнчи Туслӑх ҫуртӗнче «Паттӑрлӑх ҫӗрӗ» пӗтӗм акцие хутшӑнакансен мероприятийӗ иртнӗ. Унта Тӑван ҫӗршывӑн аслӑ вӑрҫи пынӑ вырӑнти вырӑнти гильзӑсене тата унтан илнӗ тӑпрана тултарнӑ хутаҫа савӑнӑҫлӑ лару-тӑрура панӑ. Ҫав шутра Сӑр тата Хусан хӳтӗлев чиккине чавнӑ вырӑнти ҫӗр те пулнӑ. Хаклӑ япаласем Ҫар туслӑхӗн музейӗнче упранӗҫ. Тӑпра капсулине пӗлтӗрхи юпа уйӑхӗн 28-мӗшӗнче «Чӗмсӗр чикӗсен строителӗсене…» ас тӑвӑм акцийӗ уҫӑлнӑ чухне панӑ. Капсулӑна «Элара» савутра хатӗрленӗ. Ӑна республика Элтеперӗ Олег Николаев Питӗрти чӑвашсен наципе культура автономийӗн ертӳҫине Валериан Гаврилова панӑ. Халӗ чӑваш тӑпри Питӗрти Туслӑх ҫуртӗнче упранӗ. «Паттӑрлӑх ҫӗрӗ» акцие пӗлтӗр Питӗрти «Ленинградский доброволец» общество организацийӗ тата Ломоносов районӗнчи десантниксен союзӗ пуҫарнӑ. Тӑпрана ҫӗршывӗпех пуҫтарнӑ. Нарӑс уйӑхӗн 1-мӗшӗ тӗлне акцие Донецк халӑх республики те хутшӑннӑ. Хыпар ҫӑлкуҫӗ:
|
Раҫҫейре
Мускав ҫывӑхӗнче пурӑнакан хӗрарӑм хӑйӗн Mercedes-Benz седанӗпе чутах нумай хутлӑ парковкӑран тухса вӗҫмен. Ҫурҫӗрте, Мускав ҫывӑхӗнчи Долгопрудный хулара Mercedes-Benz седан нумай хутлӑ парковкӑн тӑваттӑмӗш хутри стенана шӑтарса кӑларнӑ. Пӑтӑрмах пирки пӗлтерсе Daily Storm Telegram-канал видео вырнаҫтарнӑ. Вӗсем хыпарланӑ тӑрӑх, нимӗҫ иномаркин рулӗ умӗнче вӑл вӑхӑтра хӗрарӑм ларнӑ, вӑл машинӑна чарӑнура вырнаҫтарнӑ май хӑвӑртлӑха ытлашши ӳстернӗ. «Тем тесен те ку вӑл ҫулталӑкри чи вӑйлӑ парковка», — ҫапларах комментари ҫырса вырнаҫтарнӑ видеохыпар авторӗ. Тепӗр енчен, Baza Telegram-канал уҫӑмлатнӑ тӑрӑх, ку пӑтӑрмах кӑрлачӑн 27-мӗшӗнче ирхине, Ракета тӑвакансен проспектӗнче вырнаҫнӑ парковкӑра пулса иртнӗ. Вӗсем тунӑ видео ҫинче те (ӑна вӗсем шалта ӳкернӗ) пӑтӑрмах мӗн патне илсе ҫитернине лайӑх курма пулать. Роликсене сӑнас пулсан машина кузовне пысӑк сиен лекмен. Машина хуҫи хӑй те шар курман. Тепӗр тесен, хӗрарӑм чарӑнма ӗлкӗреймен пулсан, седан ним мар аяла персе анма пултарнӑ. Хальхи вӑхӑт тӗлне Mercedes-Benz-а стена шӑтӑкӗнчен туртса кӑларнӑ. Ку пӑтӑрмах пирки ҪҪПХИ официаллӑ комментари пама ӗлкӗреймен-ха. Хыпар ҫӑлкуҫӗ:
|
Раҫҫейре
Ӗҫсӗр тӑрса юлнисене кӑҫал та кӳрентермӗҫ. Вӗсене уйӑхсерен тӳлекен пособин чи пысӑк виҫи 12 130 тенкӗ пулӗ, чи пӗчӗкки – 1500 тенкӗ. Малтанхи виҫӗ уйӑхра шалӑвӑн 75 проценчӗ чухлӗ, анчах пособин чи пысӑк виҫинчен ытла мар, тӳлӗҫ; унтан тепӗр виҫӗ уйӑх — 60 процент, анчах 5 пинрен ытла мар. Аса илтерер: ӗҫсӗррисене тӳлекен пособин чи пысӑк виҫи 8 пин тенкӗччӗ. Пӗлтӗрхи пуш уйӑхӗн 25-мӗшӗнче ӑна 1,5 хута яхӑн ӳстерме йышӑнчӗҫ. Ҫавна вӑхӑтлӑх тесе пӗлтернӗччӗ те, анчах кӑҫал та пӑрахӑҫламӗҫ. Ҫак кунсенче Раҫҫей премьер-министрӗ Михаил Мишустин ун пирки тивӗҫлӗ йышӑну тунӑ. Хыпар ҫӑлкуҫӗ:
|
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Вдовина Ираида Григорьевна, паллӑ чӑваш юрӑҫи ҫуралнӑ. | ||
| Пушкай Леонид Иванович, чӑваш сӑвӑҫи, драматургӗ ҫуралнӑ. | ||
| Афанасьев Алексей Андриянович, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Виталий Енӗш, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Исаева Людмила Сергеевна, сӑвӑҫ, тӑлмач ҫуралнӑ. | ||
| Краснов-Асли Василий Иванович, чӑваш ҫыравҫи ҫут тӗнчерен уйрӑлса кайнӑ. | ||
| Василий Краснов-Асли, чӑваш ҫыравҫи ҫут тӗнчерен уйрӑлса кайнӑ. | ||
| Романов Борис Александрович, чӑваш сӑвӑҫи вилнӗ. | ||
| Чӑваш АССРӗ вырӑнне Чӑваш Совет Социаллӑ Республики пулса тӑнӑ. | ||
Пулӑм хуш... |