Хулара
«Уҫӑ хула» порталта Шупашкарӑн хисеплӗ ҫыннине суйлас тӗлӗшпе сасӑлав вӗҫленнӗ. Кӑҫал унта 4887 ҫын сасӑланӑ. Ята илессишӗн 9 кандидат кӗрешнӗ. Кам ытларах сасӑ пухнӑ-ха? Патшалӑх Думин депутачӗ Анатолий Аксаков чи нумай сасӑ пухнӑ. Уншӑн 2466 ҫын сасӑланӑ. Ҫапла вӑл кӑҫал Шупашкарӑн хисеплӗ ҫынни пулса тӑма пултарӗ. Ку ыйтӑва хула пухӑвӗн депутачӗсем пӑхса тухӗҫ. Сӑмах май, Анатолий Аксаков унччен Чӑваш Енӗн хисеплӗ ҫынни пулнӑ. Хыпар ҫӑлкуҫӗ:
|
Хулара
cheb-centr.soc.cap.ru сӑнӳкерчӗкӗ Шупашкарта пурӑнакан Геннадий Михайлов тивӗҫлӗ канура пулин те ӗҫсӗр лармасть, вӑл гипсран тӗрлӗ япала ӑсталать. Мучие Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗн социаллӑ ӗҫченӗ Эльвира Авдеева пулӑшса пырать. Ватӑ ҫын гипсран илемлӗ тӗрлӗ япала ӑсталассинче чун киленӗҫне тупнӑ. «Кӳлепесене тӑвасси пуҫа ӗҫлеттерме хистет. Вӗсене епле формӑллӑ тата мӗнле тӗспе сӑрласси таранах пуҫа вататӑп», — тет иккен мучи. Хыпар ҫӑлкуҫӗ:
|
Хулара
www.cap.ru сӑнӳкерчӗкӗ Шупашкарта утӑ уйӑхӗн 13-мӗшӗнче «Шупашкар ҫемйи» фествиаль иртӗ. Вӑл Хӗрлӗ тӳремре 14 сехетре пуҫланӗ те 22 сехетре вӗҫленӗ. Мероприяти вӑхӑтӗнче тӗп сцена ӗҫленисӗр пуҫне спорт зони пулӗ, тӗрлӗ вӑйӑ вырӑнӗсем, батут парк, ӗҫлӗ вӑйӑсен лапамӗсем, ӑсталӑх лаҫҫисем, интерактивлӑ фотозонӑсем, крафт-маркетсем пулӗҫ. Фестиваль пултарулӑх, спорт, ӑс-тӑн вӑййисем иртӗҫ. Хыпар ҫӑлкуҫӗ:
|
Хулара
chv.aif.ru сайтри сӑн Шупашкар 555 ҫулхи юбилейне паллӑ тума хатӗрленет. Шупашкар пуҫлӑхӗ Владимир Доброхотов тата Чапаев ячӗллӗ ЧПО директорӗ Михаил Резниковпа тӗл пулса калаҫнӑ. Вӗсем хула кунӗнче фейерверксен шоуне ирттерессине сӳтсе явнӑ. Икӗ тӳре-шара темиҫе варианта пӑхса тухнӑ. Владимир Доброхотов палӑртнӑ тӑрӑх, шоу пулӗ. Вӑл хула ҫыннисемпе хӑнисемшӗн парне пулӗ. Ӑна хулана юбилей ячӗпе Чапаев савучӗ парнелӗ. Хыпар ҫӑлкуҫӗ:
|
Хулара
mospravda.ru сайтри сӑн Шупашкарта пурӑнакан 30 ҫулти арҫын 2 миллион тенкӗ парӑма мӗнле кӗрсе кайнине ӑнланман та. Вӑл полицие кайса заявлени ҫырнӑ. Йӗрке хуралҫисем мӗн пулса иртнине палӑртнӑ. Арҫын нумаях пулмасть телефон номерне улӑштарнӑ иккен, анчах мобильлӗ банкран ҫав номере илмен. Номерӗн ҫӗнӗ хуҫи вара кунпа усӑ курнӑ, онлайн майпа кредит илсе укҫине илнӗ. Хальхи вӑхӑтра ҫав ҫынна шыраҫҫӗ. Хыпар ҫӑлкуҫӗ:
|
Хулара
www.og21.ru сӑнӳкерчӗкӗ Шупашкар хулине йӗркеленӗренпе 555 ҫул ҫитнине халалласа «Чебоксарский хит» (чӑв. Шупашкар хичӗ) юрӑ конкурсӗ иртет. Конкурса хутшӑнакансен хӑйсен ӗҫӗсене е вырӑсла, е чӑвашла тӑратмалла пулнӑ. Пӗтӗмпе 34 заявка пулнӑ, вӗсенче — 39 хайлав. Композицисене тӗрлӗ музыка жанрӗпе ҫырнӑ: бард юрри, хорал, фолк, рэп. Профессилле тӳресем ӗҫсене хакласа суйласа илнӗ. Жюри балсенчен 60 процентне парать, ыттине — ҫынсем. Сасӑлав «Уҫӑ хула» порталта пырать. Малтанхи тапхӑрта 10 юрра суйласа илме май пур. Иккӗмӗш тапхӑрта 10 чи лайӑх юрӑран финала тухма тивӗҫҫине уйӑрса илӗҫ. Конкурс ҫӗнтерӳҫине композицишӗн 100 пин тенкӗ парӗҫ, унсӑр пуҫне юрра студире ҫыртарма май килӗ. Тӗп хит Шупашкарӑн 555 ҫулхине халалланӑ гала-концертра янӑрӗ. Хыпар ҫӑлкуҫӗ:
|
Хулара
cap.ru сайтри сӑн Шупашкара тепӗр 16 ҫӗнӗ троллейбус килсе ҫитнӗ. Пӗтӗмпе «Горожанин» ятлӑ 20 транспорт кӳрсе килмелле. Тепӗр 4 троллейбуса ҫитес вӑхӑтра илсе килӗҫ. Малтан транспорт тӗрӗслев витӗр тухӗ, кайран ӑна транспорт управленине парӗҫ. Кун хыҫҫӑн троллейбуссем рейса тухӗҫ. Вӗсем «Шупашкар – Ҫӗнӗ Шупашкар» маршрутпа ҫӳрӗҫ: 52-мӗш, 53-мӗш, 54-мӗш тата 55-мӗш маршрутсем. Аса илтерер: Республика кунӗнче Шупашкарпа Ҫӗнӗ Шупашкар хушшинче 62-мӗш троллейбус рейса тухнӑ. Маршрут ҫинчи пӗтӗмпе 21 троллейбус ӗҫлет. Хыпар ҫӑлкуҫӗ:
|
Хулара
Юрий Коновалов тунӑ сӑн Шупашкарти Хевеш урамӗнчи 30-мӗш ҫурт стени ҫине чӑваш хӗрарӑмне ӳкерни пирки пӗлтернӗччӗ. Ӗҫ вӗҫленнӗ - мурал хатӗр. Аса илтерер: ӗҫ авторӗ - ҫамрӑк ӳнерҫӗ Ксения Кокель. Вӑл чӑваш хӗрарӑмне ҫӗртме уйӑхӗн24-мӗшӗнче ӳкерме тытӑннӑ. Сӑмах май, ҫуртӑн тепӗр стени ҫинче - Андриян Николаев космонавт. Хыпар ҫӑлкуҫӗ:
|
Хулара
Следстви комитечӗ тунӑ сӑн Паян Шупашкарта Трактор тӑвакансен проспектӗнчи ҫуртра ҫулталӑкри ача чӳречерен ӳкнӗ. Вӑл виҫҫӗмӗш хутран персе аннӑ. Ку 13 сехетре пулнӑ. Ҫав вӑхӑтра арҫын ачапа килте амӑшӗ пулнӑ. Вӑл йӑпӑртлӑха тепӗр пӳлӗме тухнӑ, чӳречене кӑшт уҫӑ хӑварнӑ. Суранланнӑ ачана пульницӑна илсе кайнӑ, ӑна тухтӑрсем сиплеҫҫӗ. Аса илтерер: ҫу уйӑхӗнче Ҫӗнӗ Шупашкарта 5 ҫулти ача пиллӗкмӗш хутран ӳксе аманнӑччӗ. Хыпар ҫӑлкуҫӗ:
|
Хулара
cheb-centr.soc.cap.ru сӑнӳкерчӗкӗ Ӗнер, утӑ уйӑхӗн 2-мӗшӗнче, Шупашкарти ватӑсем ҫуллахи спартакиадӑна пуҫтарӑннӑ. Спорт ӑмӑртӑвне хулари Дорисс-парка пуҫтарӑннӑ. Спартакиадӑна Шупашкар хулинчи халӑхӑн социаллӑ ыйтӑвӗсене тивӗстерекен комплекслӑ центр ирттернӗ. Ӑмӑртӑва асӑннӑ учреждение ҫӳрекен кинемисемпе мучисем пуҫтарӑннӑ. Ватӑсем виҫӗ командӑна пайланса тӗрлӗ ӑмӑртӑва хутшӑннӑ. Мероприятие хутшӑнманнисем вара курма пуҫтарӑннӑ. Вӗсем хавхасланса хавхалантарса тӑнӑ. Командӑсене пӗрремӗш, иккӗмӗш, виҫҫӗмӗш вырӑнпа уйӑрса наградӑламан — пурте тӑрӑшнине кура тӗрлӗ номинаципе чысланӑ. Хыпар ҫӑлкуҫӗ:
|
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Вдовина Ираида Григорьевна, паллӑ чӑваш юрӑҫи ҫуралнӑ. | ||
| Пушкай Леонид Иванович, чӑваш сӑвӑҫи, драматургӗ ҫуралнӑ. | ||
| Афанасьев Алексей Андриянович, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Виталий Енӗш, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Исаева Людмила Сергеевна, сӑвӑҫ, тӑлмач ҫуралнӑ. | ||
| Краснов-Асли Василий Иванович, чӑваш ҫыравҫи ҫут тӗнчерен уйрӑлса кайнӑ. | ||
| Василий Краснов-Асли, чӑваш ҫыравҫи ҫут тӗнчерен уйрӑлса кайнӑ. | ||
| Романов Борис Александрович, чӑваш сӑвӑҫи вилнӗ. | ||
| Чӑваш АССРӗ вырӑнне Чӑваш Совет Социаллӑ Республики пулса тӑнӑ. | ||
Пулӑм хуш... |