Хулара
cap.ru сайтри сӑн Ҫу уйӑхӗн 9-мӗшӗнче «Ҫӗнтерӳ ҫурти» акци иртӗ. Шупашкарта вӑл каҫхи 9 сехетре Петӗр Хусанкай ячӗллӗ культура керменӗ умӗнче пулӗ. Ҫак акци Раҫҫейӗпех иртӗ. Йӑлана кӗнӗ тӑрӑх, Чӑваш Ен те унта хутшанӗ. Ҫӗнтерӳ кунӗнче ҫынсем Тӑван ҫӗршывӑн Аслӑ вӑрҫинче пуҫ хунӑ паттӑрсене асра тытса ҫурта ҫутӗҫ. Ҫунакан ҫурта – хӑйне евӗр «астӑвӑм кӗперӗ». Вӑл иртнипе хальхине ҫыхӑнтарать, истори астӑвӑмне ӑруран ӑрӑва парасси пӗлтерӗшлӗ пулнине палӑртать. Хыпар ҫӑлкуҫӗ:
|
Хулара
21.мвд.рф сӑнӳкерчӗкӗ Паян, ҫу уйӑхӗн 6-мӗшӗнче, Шупашкарти йӗрке хуралҫисем ҫул урлӑ юраман вырӑнта, Калинин урамӗнчи суту-илӳ центрӗ тӗлӗнче, каҫакан арҫынна асӑрханӑ. Ҫул-йӗр патрулӗн службин ӗҫченӗсем хайхи этеме апла тума юраманни пирки асӑрхаттарас тенӗ. Йӗркене административлӑ майпа пӑсни ҫинчен протокол ҫырма тытӑнсан 68 ҫулти арҫынна ҫывӑх ҫыннисем шырани ҫиеле тухнӑ. Вӑл хыпарсӑр ҫухални пирки маларах арҫыннӑн хӗрӗ полицие пӗлтернӗ. Арҫынна йӗрке хуралҫисем полицин 1-мӗш пайне илсе кайнӑ, кайран унӑн ҫывӑх ҫыннисене ҫухалнӑ ҫын тупӑнни пирки пӗлтернӗ. Хыпар ҫӑлкуҫӗ:
|
Хулара
ШӖМ тунӑ сӑн Шупашкарта пурӑнакан кинемее палламан ҫынсем ҫине-ҫинех улталанӑ. Вӑл вара вӗсене кашнинчех ӗненнӗ. Лешсем унран 1,5 миллион ытла тенкӗ сӑптӑрса илсен те хӑпман - шӑнкӑравласах тӑнӑ. Кинемей патне полицейскисем киле пырса ултавҫӑсем пирки ӑнлантарнӑ. Пӗлтӗр кинемей инвестицисемпе ӗҫлесе илес тесе 150 пин куҫарса панӑ. Иккӗмӗш хутӗнче ун патне «банк ӗҫченӗ» шӑнкӑравланӑ, «хӑрушсӑр счет» ҫине 630 пин тенкӗ куҫарма ӳкӗте кӗртнӗ. Виҫӗ уйӑх каялла кинемее палламан ҫын 800 пин тенкине инвестицие хывма ӳкӗте кӗртнӗ. Ҫав укҫан пӗр пайне вӑл пӗлӗшӗнчен кивҫен илнӗ, тепӗр пайӗ - кредит. Ултавҫӑсем ун патне шӑнкӑравлама пӑрахман. Хальхинче ӑна 1,5 милион тенкине тавӑрма тесе 100 пин тенкӗ ыйтнӑ. Хыпар ҫӑлкуҫӗ:
|
Хулара
vk.com/wall-194537172_14200 страницӑран илнӗ сӑнӳкерчӗк Ҫу уйӑхӗнчи уявсен тӗлӗнче Шупашкара Раҫҫей чемпионки Аделия Петросян килнӗ. Хӗр Этери Тутберидзе командин турне хутшӑннӑ май пирӗн республикӑна килсе ҫитнӗ. Шоуна хутшӑнма килнӗскер хулапа паллашнӑ, кунти паллӑ вырӑнсемпе киленннӗ. Хӑйӗн кӑмӑл-туйӑмӗпе фигуристка халӑх тетелӗнчи хӑйӗн страницинче паллаштарнӑ: «Шупашкар – хӑтлӑ та стильлӗ хула. Кунта урамсене тӗрлӗ вак-тӗвек илемлетет». Хыпар ҫӑлкуҫӗ:
|
Хулара
cap.ru сӑнӳкерчӗкӗ Ҫу уйӑхӗн 9-мӗшӗнче, Ҫӗнтерӳ кунӗнче, Шупашкарта салют пулмӗ. Ун вырӑнне тӳпере прожекторсем ялкӑшӗҫ. Ҫапла иртӗ «Ҫӗнтерӳ пайӑркисем» патриотлӑх акцийӗ. Ҫав кун прожекторсем тӳпене каҫхи 8 сехетрен пуҫласа 11-ччен ҫутатӗҫ. Прожекторсене «Ҫӗнтерӳ» паркӗнче тата Ленин проспектӗнче ларакан «Ӗҫ паттӑрлӑхӗн хули» стелла патӗнче вырнаҫтарӗҫ. Аса илтерер: каҫал «Вилӗмсӗр полк» акци те парад та иртмӗҫ. Хыпар ҫӑлкуҫӗ:
|
Хулара
takt-tv.ru сайтри сӑн Шупашкарта пурӑнакан 9 ҫулти хӗрача виртуаллӑ вӑйӑ выляса ашшӗ-амӑшне 1,3 миллион тенкӗлӗх тӑкак кӑтартнӑ. Ултавҫӑсем ӑна вӑйӑ валли кирлӗ япаласене туянмашкӑн тӗрлӗ задание пурнӑҫлама ыйтнӑ: амӑшӗн е ашшӗн блокировка туман телефонне сӑн ӳкерсе ямалла, банк приложенине кӗмелле... Ҫаксене пурнӑҫласа хӗрача 11 хутчен 100-шер тенкӗ куҫарнӑ, займ илнӗ, ку укҫапа вӑйӑ валли кирлӗ япаласем туяннӑ. Ку тӗслӗх тӗлӗшпе пуҫиле ӗҫ пуҫарнӑ. Хыпар ҫӑлкуҫӗ:
|
Хулара
"Про Город" сайтӗнчи сӑн Шупашкарта «Йытӑсен парачӗ» иртнӗ. Хуҫисем вӗсенк регистрациленӗ те «Каскад» суту-илӳ центрӗ патне пынӑ, унтан кӳлмекри юрӑ уйӗ патне утнӑ. Унта вара концерт пулнӑ. Пнтӗмпе 600 ытла йытӑ параа хутлӑннӑ. Вӗсем тӗрлӗ хуларан, тӗрлӗ ӑратлӑ пулнӑ. Йытӑсене уяв тумӗ тӑхӑнтартнӑ. Кунашкал парад кӑҫалхипе иккӗмӗш хут иртнӗ. Йӗркелӳҫӗсем вӑл ҫулсеренех пуласса шантараҫҫӗ. Хыпар ҫӑлкуҫӗ:
|
Хулара
Вера Иванова сӑнӳкерчӗкӗ Паян «Ҫӗнтерӳ диктанчӗ» пӗтӗм тӗнчери историпе ҫутӗҫ диктанчӗ иртнӗ. Унта Шупашкарта пурӑнакан Фроловсем ҫемйипех хутшӑннӑ. Николай Фролов Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центра (диктант ҫырмалли лапамсене унта виҫӗ уйрӑмра йӗркеленӗ) мӑшӑрӗпе, Екатерина Сильвестровнӑпа, пырса ҫитнӗ. «Ун пек акцие эпӗ кӑҫалхипе иккӗмӗш хут хутшӑнатӑп. Кӑҫал арӑмпах килтӗм», — тенӗ ветеран. Николай Николаевич диктанта ҫырма ҫарта тӑхӑннӑ формӑпа пырса ҫитнӗ. Вӑл тума арҫын яваплӑ мероприятсене хутшӑнма шкапран кӑларать. Хыпар ҫӑлкуҫӗ:
|
Хулара
cap.ru сӑнӳкерчӗкӗ «Промтракторта» айӑпланнӑ ҫынсем валли юсанмалли центр уҫӑлнӑ. Унта суд йышӑнӑвӗпе килӗшӳллӗн ӗҫлеттерме янӑ айӑпланнисем вӑй хурӗҫ. Унта 110 ҫын ӗҫлеме пултарӗ. Республикӑра унашкал центр пӗрре кӑна мар. Ку - саккӑрмӗшӗ. Унсӑр пуҫне юсанмалли центрсем «Улатӑрти ҫӑкӑр савутӗнче», «Улатӑрти механика савутӗнче», «Вӑрнарти СОМ савутра», «Полимирта», «Мега Юрмара», «Текстильмашра», «ССК-Чебоксарский» предприятире, Етӗрнери ҫӗвӗ фабрикинче пур. Хыпар ҫӑлкуҫӗ:
|
Хулара
Медаль эскизӗ Шупашкарӑн 555 ҫулхи юбилейӗ ячӗпе мӗнле медаль пуласси паллӑ. Унӑн эскизӗпе Шупашкар хулин депутатсен пухӑвӗн председателӗ Евгений Кадышев паллаштарнӑ. Эскиза ӗнер, ака уйӑхӗн 23-мӗшӗнче, иртнӗ ларура ҫирӗплетнӗ. «Шупашкар хули 555 ҫул тултарнине халалласа» медале хулан аталанӑвне тӳпе хывнӑ ҫынсене парӗҫ. Чи малтанах – Тӑван ҫӗршывӑн Аслӑ вӑрҫин ветеранӗсене, тыл ӗҫченӗсене, ятарлӑ ҫар операцине хутшӑнакансене. Кандидатурӑсене общество пӗрлешӗвӗсем те, профсоюзсем те, ӗҫ коллективӗсем те, ахаль ҫынсем те тӑратма пултараҫҫӗ. Хыпар ҫӑлкуҫӗ:
|
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Вдовина Ираида Григорьевна, паллӑ чӑваш юрӑҫи ҫуралнӑ. | ||
| Пушкай Леонид Иванович, чӑваш сӑвӑҫи, драматургӗ ҫуралнӑ. | ||
| Афанасьев Алексей Андриянович, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Виталий Енӗш, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Исаева Людмила Сергеевна, сӑвӑҫ, тӑлмач ҫуралнӑ. | ||
| Краснов-Асли Василий Иванович, чӑваш ҫыравҫи ҫут тӗнчерен уйрӑлса кайнӑ. | ||
| Василий Краснов-Асли, чӑваш ҫыравҫи ҫут тӗнчерен уйрӑлса кайнӑ. | ||
| Романов Борис Александрович, чӑваш сӑвӑҫи вилнӗ. | ||
| Чӑваш АССРӗ вырӑнне Чӑваш Совет Социаллӑ Республики пулса тӑнӑ. | ||
Пулӑм хуш... |