Хулара
Владимир Гаврилов архивӗнчи сӑн Ҫӗртме уйӑхӗн 14-16-мӗшӗсенче Шупашкарта Пӗтӗм Раҫҫейри «Вӑхӑт машинисем» ретротехника фестивалӗ иртет. Ӑна ЧР Экономика министерстви, Шупашкар хула администрацийӗ тата «Амазония» парк йӗркелеҫҫӗ. Унта хутшӑнас кӑмӑллисенчен заявка йышӑнма тытӑннӑ. Фестивальте иртнӗ ӗмӗрти машинӑсемпе мотоциклсене курма май пулӗ. Ҫавӑн пекех каскадерсем шоу ирттерӗҫ, чӗрӗ рок-кӗвӗ янӑрӗ. Фестивале хутшӑнакансене пурне те диплом, грамота парӗҫ. Чи лайӑх ретротехника хуҫине вара хаклӑ парнепе хавхалантарӗҫ. Хыпар ҫӑлкуҫӗ:
|
Хулара
t.me/chuvashenkalasat сӑнӳкерчӗкӗ Шупашкарта кӑна мар, Чӑваш Енре аттракционсене йӗркене кӗртеҫҫӗ. «Ҫакӑ чи малтанах хӑрушсӑрлӑхпа ҫыхӑннӑ, мӗншӗн тесен ярӑнмалли хатӗрсем ҫинче ачасем аманни пулнӑ. Хальлӗхе 86 аттракциона тӗрӗсленӗ», – пӗлтернӗ Телеграмри «Чӑваш Ен калаҫать» каналта. Хӑш-пӗр чуччу кивелме ӗлкӗрнӗ. Юрӑхсӑра тухнӑ ҫав хатӗрсемпе усӑ курма юрамасть. Ун пекки, сӑмахран, Канаш хулинче те пур. Ӑна утӑ уйӑхӗн 1-мӗшӗччен сӳтмелле. Хыпар ҫӑлкуҫӗ:
|
Хулара
9111.ru сайтри сӑн Ҫӗнӗ Шупашкарта пурӑнакан 61 ҫулти хӗрарӑм ултавҫӑсен аллине лексе вӗсене 1,7 миллион тенкӗ куҫарса панӑ. Лешсем яланхи схемӑпах усӑ курнӑ. Малтан хӗрарӑм патне телефон операторӗн ӗҫченӗ тесе паллаштарнӑ ҫын шӑнкӑравланӑ. Унӑн тарифӗ улшӑнать-мӗн, ҫавӑнпа смспа килнӗ кодсене калама ыйтнӑ. Унтан «банк ӗҫченӗ» шӑнкӑравланӑ, хӗрарӑма укҫине хӑрушсӑр счет ҫине куҫарма ӳкӗте кӗртнӗ. Ку вӗсене итлесе 1 млн тенкине куҫарнӑ. Анчах ултавҫӑсене ку та ҫитмен. Вӗсем хӗрарӑм патне шӑнкӑравлама пӑрахман. Ҫапла вӑл 1,7 млн тенкине ҫухатнӑ. Халӗ полици ултавҫӑсене тупас тӗлӗшпе ӗҫлет. Хыпар ҫӑлкуҫӗ:
|
Хулара
cap.ru сӑнӳкерчӗкӗ Ку эрнекун, ака уйӑхӗн 27-мӗшӗнче, Шупашкарта йӑлана кӗнӗ «Тутлӑ эрнекун» фермерсен фестивалӗ иртӗ. Вӑл «Элара» умӗнче 10 сехет ҫурӑра пуҫланӗ те 15 сехере вӗҫленӗ. Унта республикӑри тӗрлӗ округри ял хуҫалӑх производителӗсем хутшӑнӗҫ. Вӗсем тӗрлӗ продукци сутӗҫ: аш-какай, сӗт юр-варӗ, сыр, пахча ҫимӗҫ, пулӑ. Калчасем те пулӗҫ. «Тутлӑ эрнекуна» ЧР Ял хуҫалӑх министерствипе пӗрле Россельхозбанк ирттерет. Ӑна организацисен заявкисемпе йӗркелеҫҫӗ. Хыпар ҫӑлкуҫӗ:
|
Хулара
Шупашкар хула пухӑвӗн депутачӗсен пресс-служби пӗлтернӗ тӑрӑх, тӗп хуламӑр 555 ҫул тултарнӑ тӗле ҫынсене медаль парасшӑн. Ҫак ыйтӑва ыран, ака уйӑхӗн 23-мӗшӗнче, иртекен ларура пӑхса тухӗҫ. Унта хальлӗхе награда пирки положение йышӑнӗҫ. Миҫе медаль кӑларӗҫ? Паллӑ мар-ха. Сӑмах май, Шупашкар 550 ҫул тултарнӑ тӗле юбилейлӑ медальсем кӑларнӑ. Вӗсене тӗп хуламӑр аталанӑвне тӳпе хывнӑ ҫынсене панӑ. Кӑҫал «Госзнак» астӑвӑм банкнотисем кӑларнӑ. Вӑл – укҫа мар. Кунашкал банкнотӑсене ҫамрӑк мӑшӑрсене, 2024 ҫулта ҫуралнӑ ачасен ашшӗ-амӑшне, юбилея паллӑ тӑвас ҫӗре тӳпе хывнӑ ҫынсене, хула конкурсӗсен ҫӗнтерӳҫисене, хисеплӗ хӑнасене параҫҫӗ. Хыпар ҫӑлкуҫӗ:
|
Хулара
«Лиза Алерт» архивӗнчи сӑн Шупашкарта пурӑнакан 40 ҫулти Денис Николаевич Аркадьев ҫухалнӑ. Вӑл килтен ака уйӑхӗн 19-мӗшӗнче тухса кайнӑ. Вӑл 180 сантиметр ҫӳллӗш, вӑтам пӳ-силлӗ, куҫӗ симӗс, ҫӳҫӗ тӗттӗм ҫырӑ. Ҫав кун тӗттӗм кӑвак куртка, ҫутӑрах кофта, тӗттӗм кӑвак джинс шӑлавар, хура кроссовка тӑхӑннӑ пулнӑ. Ӑна куракансене ҫак номерпе шӑнкӑравлама ыйтаҫҫӗ: 8 800 700-54-52, 89196666680. Хыпар ҫӑлкуҫӗ:
|
Хулара
9111.ru сайтри сӑн Шупашкарти 74 ҫулти хӗрарӑм тӗнче тетелӗнче арҫынпа пӗлтӗрех ҫырӑнма тытӑннӑ. Вӑл ӑна савни вырӑнне йышӑннӑ. Ҫак тапхӑрта виртуаллӑ савни тӗрлӗ сӑлтав тупса хӗрарӑмран укҫа ыйтнӑ: авари хыҫҫӑн машинӑна штрафстоянкӑран илсе каймалла-мӗн, тата темӗнскер... Хӗрарӑм ӑна пулӑшма килӗшнӗ, укҫи ҫук пулсан та ҫынран кивҫен илсе панӑ. Савнине пулӑшас тесех вӑл хӑйӗн хваттерне сутса янӑ. Пӗтӗмпе ҫав арҫынна 5 миллион тенкӗ куҫарса панӑ. Савнийӗ кӑҫал нарӑс уйӑхӗнче килме шантарнӑ. Анчах килмен. Хӗрарӑм икӗ уйӑхран тин, туй пулмассине ӑнлансан, полицие пырса пулӑшу ыйтнӑ. Хыпар ҫӑлкуҫӗ:
|
Хулара
Патшалӑх Думин депутачӗ Анатолий Аксаков Хула кунне Раҫҫейри паллӑ юрӑҫа Шамана илсе килесси пирки пӗлтернӗччӗ. Патшалӑх Канашӗн депутачӗ Константин Степанов вара ҫӗршывшӑн ҫӑмӑлах мар тапхӑрта укҫана перекетлеме сӗннӗ - Аксаков юрӑҫа хыснари мар укҫапа илсе килме шантарсан та. Степанов депутат Хула кунне вырӑнти тата кӳршӗ регионсенчи юрӑҫсене чӗнме сӗннӗ. Ҫавна май вӑл Шупашкар хулин пуҫлӑхӗн тивӗҫӗсене пурнӑҫлакан Владимир Доброхотов патне ҫырупа тухнӑ, уяври тӑкаксене тепӗр хут пӑхса тухма ыйтнӑ. Сӑмах май, Шаман юрӑҫа чӗнме вӑтамран 12 миллион тенкӗ тӑрать. Хыпар ҫӑлкуҫӗ:
|
Хулара
Шупашкарӑн ҫуралнӑ кунне Раҫҫейри паллӑ юрӑҫа Шамана илсе килесшӗн. Кур пирки Патшалӑх Думин депутачӗ Анатолий Аксаков калаҫса татӑлнӑ. Малтанлӑха пӗлтернӗ тӑрӑх, юрӑҫа хыснари мар укҫаран тӳлӗҫ. «Тӗрӗслӗхшӗн Раҫҫей» парти сайтӗнче пӗлтернӗ тӑрӑх, Шупашкарӑн 555 ҫулхи юбилейне федераци масштабне кӑларасшӑн. «Ку мероприятие федерци шайӗнче кӑтартма пӗлмелле - пӗлтӗр Хусан тунӑ пек», - тесе ҫырнӑ унта. Хыпар ҫӑлкуҫӗ:
|
Хулара
dzen.ru сайтри сӑн «Мускав - Шупашкар» рейспа вӗҫнӗ Питӗр арҫыннине суд 500 пин тенкӗ штраф тӳлеттерме йышӑннӑ. Вӑл самолетра общество йӗркине пӑснӑ. Арҫын пӗлтӗр чӳк уйӑхӗнче Шупашкара каҫхи рейспа вӗҫнӗ. Хайхискер самолетра хӑйне йӗркеллӗ тытман. Бортпроводниксем, кӳршисем лӑпланма ыйтсан та хӑлхана чикмен, хирӗҫ те тӑнӑ. Ӑна Калинин районӗн сучӗ суд тунӑ. Арҫын хӑйӗн айӑпне йышӑннӑ пулсан та ӑна ҫур милионлӑх штраф тӳлеттерме йышӑннӑ. Хыпар ҫӑлкуҫӗ:
|
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Вдовина Ираида Григорьевна, паллӑ чӑваш юрӑҫи ҫуралнӑ. | ||
| Пушкай Леонид Иванович, чӑваш сӑвӑҫи, драматургӗ ҫуралнӑ. | ||
| Афанасьев Алексей Андриянович, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Виталий Енӗш, чӑваш сӑвӑҫи, ҫыравҫи, тӑлмачӗ ҫуралнӑ. | ||
| Исаева Людмила Сергеевна, сӑвӑҫ, тӑлмач ҫуралнӑ. | ||
| Краснов-Асли Василий Иванович, чӑваш ҫыравҫи ҫут тӗнчерен уйрӑлса кайнӑ. | ||
| Василий Краснов-Асли, чӑваш ҫыравҫи ҫут тӗнчерен уйрӑлса кайнӑ. | ||
| Романов Борис Александрович, чӑваш сӑвӑҫи вилнӗ. | ||
| Чӑваш АССРӗ вырӑнне Чӑваш Совет Социаллӑ Республики пулса тӑнӑ. | ||
Пулӑм хуш... |