Сайта кӗр | Регистраци | Сайта кӗрсен унпа туллин усӑ курма пулӗ
 -4.7 °C
Хитре ҫеҫкен кун кӗске.
[ваттисен сӑмахӗ]
 

Хыпарсем

Республикӑра
komza.ru сайтри сӑн
komza.ru сайтри сӑн

25 ҫыннӑн руль умне ларма юраман. Ҫакна юлашки 5 уйӑхра Улатӑрти районсен хушшинчи прокуратура тупса палӑртнӑ.

Ҫак ҫынсене медтӗрӗрӗслев витӗр тухнӑ чухне тухтӑрсем руль умне ларма чарнӑ. Анчах вӗсен аллинче пурпӗрех водитель прави пулнӑ.

Прокуратура вӗсене водитель правинчен хӑтарас тесе суда тавӑҫ тӑратнӑ. Хальхи вӑхӑтра 25 тавӑҫран 18-шне тивӗҫтерне.

 

Республикӑра
"АиФ" сайтӗнчи сӑн
"АиФ" сайтӗнчи сӑн

Чӑваш Енре йывӑҫ хунавӗ ӳстермешкӗн питомниксенче вӑрман ӳсен-тӑранне акма пуҫланӑ. ЧР Ҫутҫанталӑк министерстви пӗлтернӗ тӑрӑх, Канаш тата Киров лесничествинче пӗтӗмпе 0,43 гектар акнӑ. Чылай пайӗ - хыр. Унсӑр пуҫне чӑрӑш та, Ҫӗпӗр лиственницине те акнӑ.

Питомниксен ӗҫченӗсем каланӑ тӑрӑх, вӗсем икӗ ҫултан вӑй илсе хунав пулӗҫ. Ҫавӑн чухне вӗсене вӑрмана тухса лартма юрать.

 

Тӗн
Чӑваш митрополийӗн сайтӗнчи сӑн
Чӑваш митрополийӗн сайтӗнчи сӑн

Ӗнер каҫхине Ҫӗнӗ Шупашкарти ҫветтуй Николай храмӗн клирикӗн, Чӑваш митрополийӗ кӑларса тӑракан «Турӑ тата ҫын» журналӑн редакторӗн, Геннадий Поляков иерейӑн чӗри тапма пӑрахнӑ. Геннадий атте 70 ҫулта пулнӑ, вӑл чылай вӑхӑт чирленӗ.

Вӑл журнал пуҫарса ярса ӑна 10 ытла ертсе пынӑ, Куславккари тата Шупашкарти храмсенче служба ирттернӗ.

Геннадий аттепе ыран, ҫу уйӑхӗн 13-мӗшӗнче, Ҫӗнӗ Шупашкарти Владимир кнеҫӗн соборӗнче ирхи кӗлӗ хыҫҫӑн (вӑл 7 сехет те 40 минутра пуҫланать) сывпуллашӗҫ.

 

Хулара

Шупашкарта вӑйлӑ ҫил чарӑнӑва ҫавӑрса ҫапнӑ, машинӑсем ҫине тимӗр хӳмесене вӗҫтерсе янӑ.

Ҫавӑн пек пӑтӑрмах ҫу уйӑхӗн 10-мӗшӗнчи вӑйлӑ ҫил вӑхӑтӗнче пулнӑ. Ӗмӗр сӳнми ҫулӑм патӗнчи тимӗр карта вара вӗҫсе кайса ҫывӑхри икӗ ҫӑмӑл машина: «Ладу-Калинӑпа» «Инфинити» – ҫине пырса кӗнӗ.

Машинӑсен хуҫисем йӗрке хуралҫисене чӗнсе илнӗ. Транспорта хуҫисем суда заявлени пама хатӗрленеҫҫӗ.

 

Республикӑра
Телеграмри me/chuv_kray каналтан илнӗ сӑнӳкерчӗк
Телеграмри me/chuv_kray каналтан илнӗ сӑнӳкерчӗк

Шупашкара Василий Чапаевӑн мӑнукӗн ывӑлӗ килнӗ. Пӗччен мар. Хӑйӗн икӗ ҫулти ывӑлӗпе.

Чапаев династине кӗрекенсем Шупашкара ҫу уйӑхӗн 9-мӗшӗнче ҫитнӗ. Вӗсем хаклӑ парнепе илсе килнӗ. Хулари Чапаев музейне вӗсем дивизин легендарлӑ командирӗн Василий Ивановичӑн аслӑ ывӑлӗн ҫар тумне парнеленӗ.

«Ку – ҫулла вӗҫнӗ чухне тӑхӑннӑ костюм. СССРа вӑл ленд-лизпа лекнӗ, ӑна лётчиксене тата командирсене панӑ.

Пирӗн несӗлӗмӗрсене асра тытнӑшӑн тав тӑватӑп», – тенӗ Александр Чапаев.

Хыпар ҫӑлкуҫӗ: https://t.me/chuv_kray/2951?single
 

Республикӑра
Пӗрремӗш канал ӳкернӗ видео скринӗ
Пӗрремӗш канал ӳкернӗ видео скринӗ

Пӗрремӗш каналпа пыракан «Поехали!» кӑларӑм ертӳҫисем Мария Осадник тата Евгений Покровский Шупашкар пирки сюжет хатӗрлени пирки пӗлтернӗччӗ. Кӑларӑм паян кӑнтӑрла эфира тухнӑ.

Телеертӳҫӗсем Владимир Нагорнов скульпторпа паллашнӑ. Вӑл Шупашкарти Анне палӑкне хатӗрленӗ. Скульптор хӑнасене палӑка мӗнле туни пирки каласа кӑтартнӑ.

Мария Осадник чӑваш тӗррисемпе паллашнӑ, ӑна чӑвашсен хӗрарӑмсен тата арҫынсен пуҫ хатӗрӗсем пирки каласа кӑтартнӑ. Телеертӳҫӗсене ташлама та вӗрентнӗ. Унтан вӗсем чӑваш наци ҫимӗҫӗсене тутанса курнӑ: тӑварлӑ тӑпӑрчӑ, пашалу, шӑрттан.

Унтан телеертӳҫӗсем Чӑваш пылӗн фабрикипе паллашнӑ.

Хыпар ҫӑлкуҫӗ: https://pg21.ru/news/96200
 

Культура
Чӑваш Енри профессионал ҫыравҫӑсен союзӗн "Контактра" страницинчен илнӗ сӑнӳкерчӗк
Чӑваш Енри профессионал ҫыравҫӑсен союзӗн "Контактра" страницинчен илнӗ сӑнӳкерчӗк

Чӑваш ҫыравҫисем Йошкар-Олари Пукане театрӗнче «Йӳд орол» (чӑв. Каҫхи хурал) спектакль курнӑ. Ӑна Хусанти Денис Осокин писатель хайлавӗ тӑрӑх лартнӑ.

Асӑннӑ спектакль — «Ылтӑн маска» преми лауреачӗ. Унта ҫулланнӑ арҫын тӑван тӑрӑхне, ашшӗ-амӑшӗн килне, пушанса юлнӑ ҫурта таврӑннине кӑтартса панӑ.

Мӗнпур зал – сцена. Куракансем спектакле тӗртнӗ кавир сарнӑ сак ҫине ларса курнӑ.

Чӑваш ҫыравҫисене ҫармӑссен спектакльне курма мари халӑх писателӗ Зоя Дудина йыхравланӑ.

Хыпар ҫӑлкуҫӗ: https://vk.com/wall-211725618_1745
 

Культура
Надина Джавадован "Контактра" страницинчен илнӗ сӑнӳкерчӗк
Надина Джавадован "Контактра" страницинчен илнӗ сӑнӳкерчӗк

«Стамбул ҫинчен юратнӑ юрӑсем» ятпа ӗнер, ҫу уйӑхӗн 10-мӗшӗнче, Турцири Стамбул хулинче концерт иртнӗ.

«Вӑл пӗр самант пек иртсе кайрӗ, ырӑ аса илӳ хӑварчӗ», – тесе ҫырнӑ Стамбулта пурӑнакан чӑваш хӗрӗ Надина Джавадова халӑх тетелӗнчи хӑйӗн страницинче.

Чӑваш Енри Елчӗк районӗнче ҫуралса ӳснӗ, тахҫанах Турцинче тӗпленнӗ ентешӗмӗр пӗлтернӗ тӑрӑх, концерт вӑхӑтӗнче икӗ хор бенефисӗ иртнӗ. Стамбул хулин мэрийӗ ҫумӗнчи Турцири классика музыкин хорӗ Германири Ахен хулинчи хорпа пӗр сцена ҫине тухнӑ.

Турцинчи хор ҫывӑх вӑхӑтра Германие кайӗ.

Хыпар ҫӑлкуҫӗ: https://vk.com/wall96741526_3171
 

Раҫҫейре
"Контактри" сӑн
"Контактри" сӑн

Чӑваш Енри ал ӗҫ ӑсти Светлана Куманейкина Мускавра иртекен «Раҫҫей» курав-форумра чӑннипех те тӗлӗнтернӗ. Вӑл - Улатӑр муниципаллӑ округӗнчи Анютино ялӗнчен.

Светлана курава килекенсем валли хӑйне евӗр стенд хатӗрленӗ. Унта пусмаран, мамӑкран хатӗрленӗ пуканесем, яппун вӗтӗ шӑрҫинчен хатӗрленӗ колье вырӑн тупнӑ.

Светлана Куманейкина куравра ал ӗҫ енӗпе ӑсталӑх класӗсем те ирттерет. Унта хӗрарӑмсем кӑна мар, арҫынсем те, ачасем те хаваспах хутшӑнаҫҫӗ.

Хыпар ҫӑлкуҫӗ: https://vk.com/wall-143818234_377204
 

Ҫутҫанталӑк

Ҫу уйӑхӗн пуҫламӑшӗ нормӑран 7 градус сивӗрех пулнине палӑртнӑ. Кун пекки юлашки хутчен 1999 ҫулта пулнӑ.

Хӑҫан ӑшӑтать? Синоптиксем мӗн калаҫҫӗ? Телее, чи сивӗ кунсем иртсе кайнӑ, малалла ӑшӑтма тытӑнӗ.

Иккӗмӗш декада нормӑран 3 градус кӑна сивӗрех пулӗ. Ҫитес кунсенче нӳрӗк нумайланса пырӗ кӑна. Ыран ҫумӑр ҫӑвӗ. Шӑматкун ҫӗрле йӗпе юр ҫума пултарать. Кайран каллех шӑнтӗ. Вырсарникун юр, ҫумӑр ҫумӗ. Ҫӗрле вара шӑнтма пултарӗ.

Юнкун ҫумӑр ҫӑвӗ, эрнекунччен ҫуса тӑрӗ. Ситес эрнере канмалли кунсенче 15 градус таран ӑшӑтӗ.

 

Страницӑсем: 1 ... 162, 163, 164, 165, 166, 167, 168, 169, 170, 171, [172], 173, 174, 175, 176, 177, 178, 179, 180, 181, 182, ... 3798
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.12.2024 03:00) тӗтреллӗ ҫанталӑк, атмосфера пусӑмӗ 757 - 759 мм, -3 - -5 градус сивӗ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Нумай ӗҫлемелли эрне кӗтет, пуҫӑннисене вӗҫлемелле. Ҫӗнӗ ҫула парӑмсемпе кӗмелле мар. Харпӑр пурнӑҫра кӗтмен кӑмӑллӑ пулӑмсем пулӗҫ. Ҫывӑх ҫынсене вӑхӑт ытларах уйӑрӑр.

Раштав, 29

1885
139
Элмен Данил Семенович, Чӑваш автономи облаҫне йӗркелекенӗ политика ӗҫченӗ ҫуралнӑ.
1915
109
Патмар Иван Анисимович, халӑх пултарулӑхне пухаканни ҫуралнӑ.
Пулӑм хуш...Пулӑм хуш...