Паян Чӑваш Енӗн Гостехнадзорӗн пуҫлӑхӗн ҫумне Евгений Еландаева ӗҫрен кӑларнӑ. Йышӑнӑва республика Элтеперӗ Олег Николаев алӑ пуснӑ. Ӑна республикӑн влаҫ органӗсен официаллӑ порталӗнче вырнаҫтарнӑ.
Гостехнадзор ертӳҫин пӗр ҫум ҫеҫ пулнӑ. «Правда ПФО» тӗнче тетелӗнчи хаҫат пӗлтернӗ тӑрӑх, должноҫе кам йышӑнасси хальлӗхе паллӑ мар.
Пӗлтӗрхи нарӑс уйӑхӗнчен ведомствӑна каллех Владимир Димитриев ертсе пырать. Шупашкар районӗнче ҫуралнӑ тата ӗҫленӗ ҫав ҫын 2016 ҫулта Гостехнадзор пуҫлӑхӗнче 13,5 ҫул тӑрӑшнӑ хыҫҫӑн Шупашкар район администрацийӗнче тимлеме тытӑннӑччӗ. Пӗлтӗрхи нарӑс уйӑхӗн 14-мӗшӗнче унӑн полномочийӗ вӗҫленчӗ.
Авӑн уйӑхӗн пуҫламӑшӗ тӗлне Чӑваш Енри патшалӑх тата муниципалитет учрежденийӗсенче ӗҫлекенсене, учительсене, шкул ҫулне ҫитменнисен учрежденийӗсенчи педагогсене, суйлав комиссийӗсен пайташӗсене кашнине тенӗ пекех кӑшӑлвирусран прививка тӑвасшӑн. Бизнеса та «хӗсӗҫ»: суту-илӳре, общество апатланӑвӗнче ӗҫлекенсене, йӑла ыйтӑвне тивӗҫтерекенсене е пурне те вакцинаци витӗр кӑлармалла, е ӗҫре тӗрлӗ чару пулӗ.
Ертӳҫӗсен хӑйсене укол тутарнине ӳкерсе илмелле, ҫавна тӗнче тетелӗнчи ушкӑнсем урлӑ ыттисене паллаштармалла.
Унта Алла Салаева, Сергей Артамонов, Дмитрий Краснов вице-премьерсем, цифровизаци министрӗ Кристина Майнина, ӗҫ министрӗ Алена Елизарова, Шупашкар сити-менеджерӗ Алексей Ладыков вӑл енӗпе отчёт тунӑ та темелле.
Ҫак тата ытти ыйтӑва кӑшӑлвирус сарӑлассине чарас енӗпе ӗҫлекен оперативлӑ штабӑн черетлӗ ларӑвӗнче сӳтсе явнӑ. Ӑна Чӑваш Ен Элтеперӗ Олег Николаев ертсе пынӑ. Вӑл палӑртнӑ тӑрӑх, лару-тӑру йывӑрланса пырать, чирлекенсен шучӗ ӳсме тытӑннӑ. «Короновирусӑн штамӗсем вӑй илнӗ май амак чирлесе ирттернисене те, антитела пуррисене те ерме пултарать.
Чӑваш Енӗн тӗп архитекторӗ пулма Алёна Протасевича ҫирӗплетнӗ. Йышӑнӑва республика ертӳҫи Олег Николаев ҫӗртмен 23-мӗшӗнче алӑ пуснӑ. Алёна Протасевича Чӑваш Республикин строительство, архитектура тата ҫурт-йӗрпе коммуналлӑ хуҫалӑх министрӗн ҫумӗ – тӗп архитектор пулма лартнӑ.
Маларах ҫав должноҫе Александр Шевлягин йышӑннӑ. Ӑна ҫав тивӗҫрен кӑҫалхи ака уйӑхн 6-мӗшӗнче хӑтарнӑ.
Строительство министрӗн хальхи вӑхӑтра виҫӗ ҫум: Владимир Максимов (пӗрремӗ ҫум), Михаил Коледа тата Алёна Протасевич.
Алёна Протасевич 2008 ҫулта Хусанти патшалӑхӑн архитектурӑпа строительство университетӗнчен вӗренсе тухнӑ. Вӑл Шупашкарти «Сугутка» микрорайонне, Короленко урамӗнчи «Виҫӗ пӑхаттир» ҫурт-йӗр комплексне планлама хутшӑннӑ.
«Чӑваш Республикин промышленность аталанӑвӗн тата инвестици ӗҫӗ-хӗлӗн фончӗ» автономи учрежденийӗн ертӳҫине ӗҫрен кӑларнӑ. Пуҫлӑх пуканне
Александр Спиридонов ҫухатнӑ. Ҫавӑн пек хушӑва республикӑн Элтеперӗ, вӑлах Министрсен Кабинечӗн Ертӳҫи Олег Николаев ӗнер, ҫӗртме уйӑхӗн 21-мӗшӗнче, алӑ пуснӑ.
Александр Витальевича фонд ертӳҫи пулма пӗлтӗрхи ҫӗртме уйӑхӗн 8-мӗшӗнче шаннӑ. 2020 ҫулхи ака уйӑхӗнчен ӑна Чӑваш Енӗн аталану корпорацийӗн пуҫлӑхӗн тилхепине тыттарнӑ, кайран ку организаци Аталану фончӗн йышне кӗнӗ.
Чӑваш Республикин Туризма аталантарас енӗпе ӗҫлекен агентствине «Ертӳҫӗсен команди» конкурс финалисчӗ ертсе пыма тытӑнӗ. Республикӑн Экономика аталанӑвӗн тата пурлӑх хутшӑнӑвӗсен министерствине пӑхӑнакан учреждение Мария Гришина ертсе пырӗ. Вӑл наци туризмӗн брендне аталантарас тата халӑхра сарас енӗпе тӑрӑшӗ.
Мария Гришина тата унсӑр пуҫне тепӗр тӑватӑ ҫын пӗлтӗр эпир маларах каланӑ конкурсра финала тухнӑ. Финалистсене ертӳҫӗ пулмалли кандидатсен резервне кӗртеҫҫӗ.
Маларах Мария Гришина «Кванториум» технопарк ертӳҫинче ӗҫленӗ. Ӑслӑлӑхпа педагогика, промышленноҫпа инноваци аталанӑвӗпе ҫыхӑннӑ программӑсене, индустри паркне йӗркелессипе тимленӗ.
«Кванториум» технопаркӑн ертӳҫин тивӗҫӗсене Анна Скворцова (вӑл – директор ҫумӗ) пурнӑҫлӗ.
Ҫак кунсенче пирӗнтен чылайӑшӗ хӑйӗн леш тӗнчере канлӗх тупнӑ тӑван-пӗтенне асра тытнине палӑртса ҫӑва ҫине кайса килме васкать. Шупашкар хулинче пурӑнакансенчен самайӑшӗ Шупашкар районӗнчи Явӑш патӗнчи масар ҫине каять. Машинӑллӑ ҫынсем кӑна мар, ҫуран ҫӳрекенсем те Чапаев ячӗллӗ савут патӗнчи тӳрӗ ҫула суйлама тӑрӑшаҫҫӗ. Анчах вӑл япӑхса пӗтнӗ.
Хула администрацийӗн пуҫлӑхӗ Алексей Ладыков Фейсбукра пӗлтернӗ тӑрӑх, вӑл ҫула ҫынсем юсама ыйтаҫҫӗ-ха, анчах предприятин санитари зони шутланакан ҫӗр ҫинче ҫул тума май ҫук. Апла пулин те ҫав ҫула вак чул сарса, грейдерпа якатма йышӑннӑ. Ӗҫе «Дорэкс» организаци пурнӑҫлать.
Ҫӗртме уйӑхӗн 12-мӗшӗнче Сӗнтӗрвӑрри районӗнче Акатуй иртнӗ. Унта Чӑваш Енӗн пӗрремӗш президенчӗ Николай Федоров та ҫитсе курнӑ. Ӑна унта хисеплӗ ят панӑ.
Николай Васильевич Сӗнтӗрвӑрри районӗн хисеплӗ ҫынни пулса тӑнӑ. Ҫакна ӑна районӑн социаллӑ экономика аталанӑвне пысӑк тӳпе хывнӑшӑн панӑ.
Палӑртмалла: Николай Федоров Сӗнтӗрвӑрри районӗнчи Чучукасси ялӗнче ҫуралнӑ. Халӗ ҫав ял ҫук ӗнтӗ, ӑна «Химпрома» тунӑ чухне пӗтернӗ.
Чӑваш Республикин Раҫҫей Президенчӗ ҫумӗнчи тулли праваллӑ элчин ҫумне Александр Граблюка ӗҫрен кӑларнӑ.
Чӑваш Енӗн Раҫҫей Президенчӗ ҫумӗнчи тулли праваллӑ элчин ҫумӗ пулма ӑна 2018 ҫулхи раштавӑн 7-мӗшӗнче шаннӑччӗ. Асӑннӑ хута Чӑваш Енӗн Министрсен Кабинечӗн Ертӳҫи Иван Моторин алӑ пуснӑччӗ.
2018 ҫулта Юрий Акиньшин полпреда ӗҫрен кӑларсан ҫак тивӗҫе вӑхӑтлӑха Александр Граблюк пурнӑҫланӑччӗ. Паян, ав, вӑл ку тивӗҫе пурнӑҫлама пӑрахнӑ.
Республикӑра хӑш-пӗр вырӑнта ҫумӑр вӑйлӑ ҫунӑ. Атӑл леш енче вара «Ҫамрӑксен хули» форум иртет. Ҫумӑра пула унти 150 ҫынна эвакуацилеме тивнӗ. Кун пирки Шупашкар хула администрацийӗн пуҫлӑхӗ Алексей Ладыков Инстаграмри страницинче пӗлтернӗ.
Атӑл леш енче ҫумӑр, пӑр ҫунӑ. Ҫавна май ҫамрӑксене Шупашкара тата Сосновкӑна эвакуациленӗ. Иккӗмӗш сменӑна савӑнӑҫлӑ лару-тӑрура каярахпа уҫӗҫ.
Ҫав вӑхӑтра ҫумӑр хыҫҫӑн «Буревестник» кану базинче ӳкнӗ йывӑҫсене тасатнӑ.
РФ Следстви комитечӗн Чӑваш Енри управленийӗн тӗпчевҫисем Ҫӗмӗрле районӗнчи Мӑн Улхаш ял тӑрӑхӗн пуҫлӑхӗ тӗлӗшпе пуҫарнӑ пуҫиле ӗҫе тӗпчесе пӗтернӗ. Тӳре-шарана РФ Пуҫиле кодексӗн 286-мӗш статйин 2-мӗш пайӗпе (вырӑнти хӑй тытӑмлӑх органӗн пуҫлӑхӗ ӗҫ тивӗҫне ӳстерсе усӑ курни) тата 292-мӗш статьян 2-мӗш пайӗпе (ӗҫ вырӑнӗпе усӑ курни) явап тытарасшӑн.
Тӗпчевҫӗсем шухӑшланӑ тӑрӑх, ял тӑрӑхӗн пуҫлӑхӗ 2019 ҫулхи чӳк-раштав уйӑхӗсенче халӑхпа пуху ирттермесӗрех пуху пулнӑҫи туса протокол ҫырнӑ. Вырӑнти ял тӑрӑхӗнчи Депутатсен пухӑвӗн йышӑнӑвне те вӑл суйса ҫырнӑ. Ҫав хут тӑрӑх «Сычуань-Чӑваш Ен Агропромышленность суту-илӳ компанийӗ» предприятие ҫӗр лаптӑкӗ ҫинче силос курганӗсем тума ирӗк панӑ. Каярах вырӑнти Депутатсен пухӑвӗн йышӑнӑвне пӑрахӑҫланӑ-ха.
+5.3 °C