Васкавлӑ пулӑшу паракан службӑн тухтӑрӗсене смс-ҫыру ярса чӗнсе илме пулать. Анчах ку пулӑшупа врача телефонпа чӗнсе илейменнисем ҫеҫ усӑ кураяҫҫӗ. Сӑмах хӑлха илтменнисемпе чӗлхесӗррисем пирки пырать.
Смс-ҫырура чирлӗ ҫыннӑн тулли адресне, хушаматне, тухтӑра мӗн сӑлтавпа чӗннине пӗлтермелле. Чир паллисене те кӑтартма ыйтаҫҫӗ. Ун пек тусан оперативлӑ пай ӗҫченне ҫӑмӑл пулӗ, мӗншӗн тесен хӑш бригадӑна чӗнсе илесси унран килет-ҫке.
Смс-ҫыру ямалли номере пур ҫынна каламаҫҫӗ. Ӑна социллӑ учрежденисем е ҫавӑн пек службӑсем хӑйсем пӑхса тӑракансене пӗлтереҫҫӗ.
Хӑлха илтменнисемпе чӗлхесӗррисем валли васкавлӑ пулӑшӑва унчченхилле йӗркепе те (васкавлӑ медицина пулӑшӑвӑн телефонӗпе шӑнкӑравласа) чӗнме май пур.
Шупашкарта вырнаҫнӑ Васкавлӑ медицина пулӑшӑвӗн пульницин счечӗ ҫине 435 пин те 548 тенкӗ укҫа куҫса килнӗ. Вӑл — ҫӗнӗ кӑшӑлвирусӗллӗ пациентсемпе ӗҫлекенсен тухтӑрсене тӳлеме икӗ депутат хӑйсен кӗсйинчен уйӑрнӑ укҫа.
«Кӗмӗле» Раҫҫей Патшалӑх Думин депутачӗсем Анатолий Аксаков тата Игорь Моляков уйӑрнӑ. Вӗсем хӑйсен шалӑвӗн пӗр пайне Чӑваш Енре COVID-19 амакпа кӗрешме пулӑшас тӗллевпе парас тенине федераци шайӗнчи тӗрлӗ МИХ тата тӗнче тетелӗнчи халӑх ушкӑнӗсенче унчченех хыпарланӑччӗ. Халӗ депутатсен укҫи пирӗн республикӑна килсе ҫитнӗ.
Чӑваш Енре «Пӗрле» ыркӑмӑллӑх фончӗ те йӗркеленӗ. Ҫавӑн тӗллевӗ — кӑшӑлвирус саманинче ыр кӑмӑлтан пулӑшакансене пӗр ҫӗре пухасси, пулӑшу кирлисене йывӑр саманара тӗрлӗ енлӗн пулӑшасси.
Кӑшӑлвирус алхаснӑ вӑхӑтра ирӗксӗрех килте ларма тивнӗрен хастарсем пуҫарӑвӗпе Виталий Станьяла тата ыттисене апат-ҫимӗҫпе пулӑшма тӗв лартрӑмӑр. Пурӗ 11 707 тенкӗ пухӑнчӗ.
Апат-ҫимӗҫе вӗсем патне паян ҫитерсе пама пуҫласшӑн. Ку ӗҫ мӗнле пыни пирки онлайн хыпарласа тӑрӑпӑр.
ru.chuvash.org/news/5095.html — Тимӗр Акташ вырӑсла хыпар ҫырса пачӗ.
Сӑмах май, ҫак кунсенче тата темиҫе ҫын куҫарса пачӗ. Ҫапла май пӗтӗмӗшле сумма 14 207 тенке ҫитрӗ (эрнекунччен ҫеҫ йышӑнатпӑр тесе пулин те ҫавах куҫарусем килеҫҫӗ-ха..).
Чи малтанах Николай Иванович Егоров патне ҫитнӗ. Пирӗн паллӑ тюрколог хальхи вӑхӑтра чирлекелет. Ҫавна май эпир ӑна сывлӑх сунатпӑр.
Атнер Петровичпа Николай Иванович патне нимеҫӗсем паян ҫеҫ ҫитме пултарчӗҫ. Ытти кунсенче май пулмарӗ. Сӑнӳкерчӗкре вара паян ҫитернӗ апат-ҫимӗҫе куратӑр.
Ыран ҫак акципе Атнер Петрович Хусанкайпа Николай Иванович Егоров патне кайса килме палӑртаҫҫӗ.
Апат-ҫимӗҫе ҫитернӗ хыҫҫӑн эпир сире пӗлтерӗпӗр.
Сӑмах май, медицина маскипе те тивӗҫтерес шухӑш пурччӗ, анчах шел те аптекӑсенче ку япалана тупма питӗ хӗн. Ахаль перчаткӑсем те ҫук.
Юрать-ха Елчӗксен чӑнкӑ ачи Николай пулӑшрӗ, Кушкӑ ялӗнчен. Владимир Агеев патне ҫитме вӑхӑт чылай иртни шӑп ҫавӑнпа ҫыхӑнчӗ — маскӑсем илсе килсе парасса кӗтме тиврӗ.
Виталий Станьялпа Праски Витти патне апат-ҫимӗҫ илсе ҫитернӗ вӑхӑтӗнчи тепӗр самант.
Вӗсем иккӗшӗ те пӗр ҫуртрах пурӑнаҫҫӗ. Эпир ҫитнӗ вӑхӑтра Виталий Петрович уҫӑлма тухнӑччӗ — ҫурт картишӗнче хаҫат вуласа ларатчӗ. Кайран вара унтах Праски Виттине тухма чӗнтӗмӗр.
Кӑшӑлвируса пула, паллах, ҫурт картишне тирпей-илем кӗртме ӗлкереймен — ҫавна май тавралӑх ытла та ҫуп-ҫаплӑччӗ.
Телефонри «Яндекс.Клавиатура» самаях чӑрмав кӳчӗ — хӑш-пӗр сӑмахсене хӑй ӑнланнӑ пек ҫырнӑ..
Пирӗн пакетсем тата та юлчӗҫ. Вӗсене Тимӗр малалла валеҫӗ. Эпӗ вара киле таврӑнатӑп.
Чӑваш журналистикин ветеранне — Тимӗр Акташа — апат-ҫимӗҫпе пулӑшас терӗмӗр.
Малалла кайрӑмӑр. Лавккана кӗтӗмӗр.
Праски Виттине кӗтетпӗр.
Ҫиччас Праски Витти тухӗ.
Станьял шӑп та лӑп уҫӑлма тухнӑ.
Ҫавра сӗтел вӗҫленчӗ. Халь ӗнтӗ ку ӗҫе пурнӑҫлӑпӑр.
Чӑваш чӗлхи кунӗ ячӗпе видеоканашлу майӗпе «Язык как средство и фактор сохранения национальной культуры» ҫавра сӗтел иртӗ. Манӑн унта хутшӑнма тивӗ.
Станьяла тата ыттисене апат-ҫимӗҫе ҫав ҫавра-сӗтел хыҫҫӑн илсе ҫитерме палӑртатпӑр.
//нимеҫӗсем ытлашшиех тупӑнмаҫҫӗ те хамӑнах ҫак ӗҫе хутшӑнмалла тесе шутлатӑп.
Чӑваш халӑх сайчӗн ертӳҫине Аҫтахар Плотникова,
Чӑваш халӑх хуралӗн ҫумпуҫлӑхне Тимӗр Тяпкина
Чӑваш сайтӗнче ватӑ ҫынсене Чӑваш халӑх хуралӗ ячӗпе апат-ҫимӗҫ парса пулӑшасси ҫинчен хыпар вуласан, пӗрре савӑнтӑм, тепре хытӑ пӑшӑрханса илтӗм.
Мӗншӗн пӑшӑрхантӑм? Мӗншӗн тесен эпӗ хама, сывлӑхпа хуҫӑлтӑм пулсан та, кӑшӑлвируса пула пулӑшу памалли ҫын теместӗп. Выҫӑ лармастӑп, Пенси вӑхӑтра илетӗп. Кил-йышра мана сывӑ чухнехинчен те тимлӗрех — пӗчӗк ачана пӑхнӑ пек пӑхаҫҫӗ. Ача чухне хирти ҫӗрӗк ҫӗрулми крахмалӗпе, серте-вӗлтренпе, ҫӑка ҫулҫи-турачӗпе ӳсрӗм, ҫапах кӗлмӗҫе каймарӑм. Халӗ вара ҫук ҫын вырӑнӗнче пулас-и?
Мана вӑй-хал сунса пӗр ҫаврӑм хура ҫӑкӑр, пӗр-ик панулми, тепӗр хӑмпӑ тӑварлӑ шыв килсе панине пысӑк хисеп вырӑнне йышӑнӑп.
Халӑх ӗҫӗшӗн пуҫ хума хӑрамасӑр тӑрӑшакан хӑюллӑ ҫынсене тата вӗсем тӑвакан пулӑмсене (сӑмахран, Аҫтахар, эсӗ тытса пыракан сайта) тӗкӗ парса тӑрсан вырӑнлӑрах пулӗ тесе шутлатӑп.
Мӗншӗн савӑнтӑм?
Кӑшӑлвируса пула килте ларма тивнӗрен ваттисене самай йывӑр лекет. Нимеҫӗсем вӗсене апат-ҫимӗҫпе тивӗҫтерме тӑрӑшаҫҫӗ пулин те пурин патне те ҫавах ӗлкереймеҫҫӗ. Ҫавна май чӑваш хастарӗсем «Чӑваш халӑх сайчӗн» редакцине сӗнӳпе тухрӗҫ — хӑйсен пурнӑҫне чӑвашлӑха аталантарма нумай вӑй хунӑ ватӑ ҫынсене апат-ҫимӗҫпе тивӗҫтерессине хамӑр ҫине илме.
Унашкал ҫынсем пирӗн сахал мар: Владимир Агеев, Николай Карачарский, Виталий Станьял, Праски Витти, Анатолий Кипеч, Юхма Мишши, тата ытти, тата ытти паллӑ ҫынсем. Чӑваш халӑх сайчӗ урлӑ вара Виталий Станьяла пулӑшма сӗнчӗҫ. Эпир килӗшрӗмӗр.
Ҫавна май нимелле пулӑшу пуҫаратпӑр — эрнекунччен укҫа-тенкӗ пухӑпӑр. Кам пулӑшас тет — 200–300 тенкӗ куҫарсан ҫитӗ тесе шутлатпӑр. Сбербанк картти — 2202 2002 6822 5974. Е редакци номерӗпе куҫарма пулать: +7-905-027-61-37. Куҫарнӑ чухне «Станьяла» тесе палӑртсан аван пулӗччӗ.
Хушни: витаминлӑ апат-ҫимӗҫпе пулӑшас кӑмӑл пур пулсан — Чӑваш наци конгресне ҫитерме пулать.
Кам-кам пулӑшнисене ҫак хыпар айӗнче асӑнса тухӑпӑр (ытларах та пухӑнсан, тен, ыттисем валли те пулӑшу парни хатӗрлеме ҫитӗ).
Шупашкарта нимеҫӗсем троллейбуспа тӳлевсӗрех ҫӳрӗҫ. Кунашкал ҫӑмӑллӑх вӗсен пандеми пӗтиччен пулӗ.
Шупашкарта нимеҫӗсене 20 ытла центрӗ ӗҫлет. 50-а яхӑн нимеҫӗ пандеми вӑхӑтӗнче ваттисене пулӑшать. Вӗсем 60 ҫултан аслӑрах ҫынсем патне апат-ҫимӗҫ илсе килеҫҫӗ. Аса илтерер: 60-тан аслӑраххисем халӗ килте лараҫҫӗ, вӗсен урама тухма юрамасть.
Нимеҫӗсен центрӗсенче тӑрӑшакансем пандеми пӗтиччен троллейбуспа тӳлевсӗрех ҫӳрӗҫ. Кондукторсем вӗсене бейджик пулӑшнипе пӗлӗҫ. Унта вӗсен ятне-шывне, штаб номерне ҫырнӑ.
Шупашкар хула администрацийӗн пуҫлӑхӗ Алексей Ладыков дистанци мелӗпе вӗреннӗ вӑхӑтра 5 пин ачана сухпаек пама хушнӑ. Ку – хула шутӗнчен.
Пуҫлӑх палӑртнӑ тӑрӑх, кунашкал пулӑшу сахал тупӑшлӑ ҫемьесене халӗ питӗ кирлӗ. Ҫӑмӑллӑхпа усӑ куракан шкул ачисене вӗреннӗ чухне те хула шутӗнчен апат ҫитернӗ, хальхи йывӑр лару-тӑрура та вӗсене пулӑшаҫҫӗ.
Валеҫсе памалли апат-ҫимӗҫе шкулсене ака уйӑхӗн 8-мӗшӗнче кӳрсе килме тытӑннӑ. Сухпаек йышне макарон, тип ҫу, сахӑр, рис, чей, сӗткен, канфет, печени кӗнӗ. Кама мӗн лекесси категорирен килет.
Ачасене кунашкал апат-ҫимӗҫе хальлӗхе кашни эрнере парса тӑрӗҫ.
Хӑй вӑхӑтӗнче ипотека илсе, халӗ йывӑрлӑха лекнисене пулӑшма ятарлӑ центр ӗҫлесе кайнӑ. Ипотека заёмщикӗсене пулӑшмалли информаци центрне «ДОМ.РФ» компани уҫнӑ. Ипотека тӳлессипе йывӑрлӑх сиксе тухсан 8-800-700-56-77 номерпе тӳлевсӗр шӑнкӑравлама пулать. Тӗнче тетелӗнче спроси.дом.рф сайт уҫнӑ. Унта ыйтса ҫырма май пур.
Ипотекӑпа ҫыхӑннӑ йывӑрлӑх тӗрлӗ сӑлтавпа ҫыхӑнма пултарать. Коронавирус пандемийӗ вӑхӑтӗнче предприятисем хупӑнса ҫынсем ӗҫсӗр юлма пултараҫҫӗ. Кредита вӑхӑтра тӳлеймесен мӗн тумалла? Ипотека каникулне кама тата мӗне кура параҫҫӗ? Кредита реструктуризацилес тесен мӗн тумалла? Ҫак тата ыйтӑва уҫӑмлатма май килӗ. Маларах асӑннӑ сайтра «Вопрос-ответ» (чӑв. Ыйту-хурав) форма пур.
Аса илтерер: ҫӗршыв Президенчӗ Владимир Путин ятарлӑ каникул пама чӗнсе каланӑччӗ. Коронавирус пандемийӗ тесе йышӑннӑран РФ Правительстви тата Раҫҫей банкӗ ҫынсене пулӑшма ятарлӑ йышӑну тунӑ.
Чӑваш Енре почтальона киле чӗнсе илме пулать. Почта социаллӑ тӳлеве тата пенсие киле ҫитерсе панине пӗлетпӗр-ха.
Почтальонсем урлӑ пирӗн республикӑра 100 пин ытла ҫын пенси илсе тӑрать. Вӗсенчен пысӑк пайӗ, 30 пин ҫын, Шупашкарпа Ҫӗнӗ Шупашкар хулисенче пурӑнать. Вӗсенчен хӑшӗсем пенси илме почта уйрӑмӗсене каяҫҫӗ. Халӗ коронавирус пирки текех калаҫҫӗ те, инфекци чирӗ лекесрен почтальонсене киле чӗнсе илме сӗнеҫҫӗ. Почтальон киле пырсан газшӑн, ҫутӑшӑн тата ытти тӳлевшӗн те татӑлма май пур. Посылкӑсене, хаҫат-журнала та вӗсем киле ҫитерсе параяҫҫӗ.
Почтальона киле чӗнсе илес тесен Федерацин почта ҫыхӑнӑвӗн Чӑваш Енри управленине (8 8352) 63-62-12 телефон номерӗпе талӑкӗпех шӑнкӑравлама май пур.
Чӑваш Енри васкавлӑ пулӑшу тухтӑрӗсем ют япала ҫӑтса янӑ ачапа ватӑ ҫын пурнӑҫне ҫӑлнӑ.
Инкекрен пӗри Вӑрнар районӗнче пулнӑ. Унта 11 уйӑхри пепке ача апачӗн хатӗрӗн хупӑлчине ҫӑтнӑ. Кӑвакарса кайнӑскер патне васкавлӑ пулӑшӑвӑн чи ҫывӑхри бригадине часрах янӑ. Хупӑлчана туртса кӑларнӑ хыҫҫӑн ачана пульницӑна илсе кайнӑ. Халӗ пӗчӗкскерӗн сывлӑхӗ чиперех.
Тепӗр инкек Шупашкарта пулса иртнӗ. Апат ҫинӗ чухне 67 ҫулти арҫын чӑх какайне пыра лартнӑ. Васкавлӑ пулӑшу чӗнсе тухтӑрсем патне унӑн арӑмӗ шӑнкӑравланӑ. Кӑвакарса кайнӑ арҫынна пулӑшма тухтӑрсем тӑватӑ минутран ҫитнӗ. Снежана Князева тата Татьяна Выросова фельдшерсем Геймлих мелӗпе усӑ курса какая туртса кӑларнӑ, кӑвакарса кайнӑ арҫын лӑшах сывласа янӑ.
+0.3 °C
