myagkayasila.ru сайтри сӑн

Республикӑра тепӗр ҫын кӑшӑлвирусран вилнӗ. Ҫапла майпа инфекцирен сывалаймасӑр пурнӑҫран уйрӑлнӑ ҫынсен шучӗ 16-а ҫитнӗ.

Паянхи кун тӗлне тепӗр 84 ҫын кӑшӑлвируспа чирленӗ. Пӗтӗмпе ку таранччен 3395 ҫын инфекциленнӗ.

Юлашки талӑкра 49 ҫын сывалнӑ. Пӗтӗмпе 1525 ҫын кӑшӑлвируса парӑнтарнӑ. Паянхи куна илес тӗк, 1854 ҫын вирусран сипленет. Республикӑра кӑшӑлвирус сарӑлнин индексӗ 0,95-пе танлашать.

Аса илтерсе хӑварар: республикара ҫӗртме уйӑхӗн 8-мӗшӗнчен хуласен хушшинче общество транспорчӗ ҫӳреме тытӑнӗ.

forum.na-svyazi.ru сайтран илнӗ сӑнӳкерчӗк

Республикӑра кӑшӑлвируспа чирлӗ ҫынсене тупса палӑртас тӗллевпе районсем тӑрӑх флюорографи ҫӳрӗ. Кун пирки оперштаб ларӑвӗнче ЧР сывлӑх сыхлавӗн министрӗ Владимир Степанов пӗлтернӗ.

Тунтикун куҫса ҫӳрекен флюорографи Комсомольски районне ҫитӗ. Ку районта 10-20 ҫынран тӑракан ҫемьесем нумай, ҫавӑнпах йышпах чирлеҫҫӗ. Тунтикун Урмаелте тата Тукайра пурӑнакансене тӗрӗслӗҫ. Унта чирлекенсем самай.

Флюорографире ҫыннӑн ӳпки сиенленнине палӑртсан, кирлӗ тӗк, ӑна пульницӑна вырттарӗҫ. Чир ҫӑмӑллӑн иртсен килте сипленме хушӗҫ.

Ҫӗртме уйӑхӗн 6-мӗшӗ тӗлне Чӑваш Енре 3395 ҫын ҫӗнӗ кӑшӑлвирус инфекцийӗпе чирленӗ. 1625 ҫын сывалнӑ, 16 ҫын вилнӗ.

Улатӑр районӗнче​ 51 (паянхи кун тӗлне тата тепӗр 4 ҫын хутшӑннӑ) ҫын чирленӗ; Улатӑрта – 106 (+3 ); Элӗк районӗнче –​ 34 ( 0 ); Патӑрьел районӗнче –​ 112 ( 0); Вӑрнар районӗнче –​ 43 ( 0 ); Йӗпреҫ районӗнче –​ 63 ( +2 ); Канаш районӗнче –​ 96 ( 0); Канаш хулинче – 113 ( 0 ); Куславкка районӗнче​ 26 ( 0 ); Комсомольски районӗнче –​ 120 (0); Красноармейски районӗнче – 16 ( 0 ); Хӗрлӗ Чутай районӗнче –​ 101 ( +12 ); Сӗнтӗрвӑрри районӗнче –​ 50 ( +1 ); Муркаш районӗнче –​ 125 ( +2 ); Пӑрачкав районӗнче –​ 92 ( 0 ); Вӑрмар районӗнче –​ 95 ( 0 ); Ҫӗрпӳ район​ӗнче – 74 ( +6 ); Шупашкар районӗнче –​ 157 (+5); Шӑмӑршӑ районӗнче –​ 91 ( +2 ); Ҫӗмӗрле районӗнче –​ 61 ( 0 ); Ҫӗмӗрле хулинче – 139 (0); Етӗрне районӗнче –​ 208 ( +8 ); Елчӗк районӗнче –​ 51 ( +1); Тӑвай районӗнче –​ 86 ( +0); Ҫӗнӗ Шупашкарта – 148 ( +6 ); Шупашкарта – 1137 (+32.

Паян, ҫӗртме уйӑхӗн 6-мӗшӗнче, Чӑваш Республикин халӑх артистки Тамара Красотина ҫуралнӑранпа 90 ҫул ҫитнӗ. Кун пирки артистӑн кинӗ, Маргарита Красотина (ӑна чылайӑшӗ «Советская Чувашия» хаҫат журналисчӗ пулнипе пӗлет) Фейсбукра хыпарланӑ.

«Сцена ҫинчи унӑн дебючӗ кинори сюжет евӗр пулнӑ. Амур ҫинчи Благовещенск хулинчи театрта тӗп сӑнар рольне выляма 15 ҫулта тухнӑ», — тесе ҫырнӑ журналист. Ун чухне вӑл театр студийӗнче вӗреннӗ. Ҫамрӑк хӗр урине хуҫнӑ артист вырӑнне вылянӑ. Спектакле хулана пынӑ Рокоссовский маршал тата ҫар командованийӗ валли вылянӑ. Маршал ҫамрӑк артисткӑна пӗр курупкӑ канихвет парнеленӗ. Ҫав спектакль хыҫҫӑн ҫамрӑкскере Амурти облаҫ театрне йыхравланӑ. 16 ҫул харӑсах икӗ театрта ӗҫленӗ артисткӑ. Кайран Тӗменте, Магнитогорскра, Чӗмпӗрте, темиҫе вунӑ ҫул Шупашкарта тӑрӑшнӑ.

Унӑн мӑшӑрӗ, Раҫҫей халӑх артисчӗ Алексей Красотин театра ӗҫлеме Константин Рокоссовский пилленипе лекнӗ. Ку вӑл Польшӑра, Ҫарсен ҫурҫӗр ушкӑнӗн вырӑс театрӗнче пулнӑ. Ҫавӑн хыҫҫӑн пилӗк ҫултан Тамарӑпа Алексей тӗл пулнӑ. Легендарлӑ маршалпа иккӗшӗ те пӗр вӑхӑталла тӗнчен тӗрлӗ кӗтесӗнче тӗл пулнинчен тӗлӗнсе каярах пӗрре ҫеҫ мар аса илнӗ.

Малалла...

Ача-пӑча уйлӑхӗсене утӑ уйӑхӗн 1-мӗшӗнче уҫасшӑннине Чӑваш халӑх сайчӗ _/news/25090.html|пӗлтернӗччӗ-ха__. Уйлӑхсенчи лару-тӑрӑва Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаевпа Шупашкар хула администрацийӗн пуҫлӑхӗ Алексей Ладыков тӗрӗсленӗ.

Пуҫлӑхсем «Березка» уйлӑхра пулнӑ. Унти пӳлӗмсене, столовӑя юсаса ҫӗнетнӗ. Территорие тата занятисем валли лапамсене ачасене йышӑнма хатӗрленӗ.

«Республикӑри уйлӑхсене ачасене утӑ уйӑхӗн 1-мӗшӗнчен йышӑнма пуҫламалла. Пирӗн муниципалитетӑн виҫӗ уйлӑхӗ: «Березка», «Бригантина», «Волна» – ачасене йышӑнма хатӗр», – тесе хыпарланӑ Алексей Ладыков тӗнче тетелӗнчи халӑх ушкӑнӗсенчи пӗринчи страницӑра.

Шупашкар хула администрацийӗн уйлӑхӗсем кану программине хатӗрленӗ, персонала вӗрентнӗ, вожатӑйсене пухнӑ.

Шупашкар хулинче пӗр машина Атӑла путма пуҫланӑ. Ҫул-йӗр хӑрушсӑрлӑхӗн инспекторӗсем пӗлтернӗ тӑрӑх, «Лада Калина» машина рулӗ умне хӗрӗнкӗ ҫамрӑк хӑйӗн ӳсӗр тусне лартнӑ. Атӑл ҫыранӗн хӗррипе пынӑ чух машина каялла чакса шыва чӑмнӑ.

Автомобиле эвакуаторсӑр ҫӑлма май ҫукран ҫамрӑксен пулӑшу ыйтма тивнӗ.

Каччӑна правасӑр тата хӗрӗнкӗ ҫынна руль тыттарнӑшӑн айӑплӗҫ. Унӑн тусне ятарлӑ приемника 10 талӑклӑха ӑсатнӑ.

Машина хуҫин эвакуаторшӑн тата штрафлапамшӑн укҫа тӳлеме тивӗ. Транспорт хуҫи машинӑна чӗртсе тухнӑ ҫамрӑкӑн амӑшӗ пулнӑ. Каччӑ пӑтӑрмахшӑн амӑшӗ тарӑхассинчен те питӗ хытӑ хӑранӑ. Асли, чӑн та, пӗртте савӑнман тесе пӗлтернӗ ҫул-йӗр инспекторӗсем.

Кӑҫалхи кӑрлач–ҫу уйӑхӗсенче пирӗн республикӑри 39 ҫын ӗҫсӗрлӗх пособине суя мелпе илнӗ.

Чӑваш Ен Ӗҫ тата социаллӑ хӳтлӗх министерстви пӗлтернӗ тӑрӑх, ҫынсем ӗҫсӗрлӗх центрӗсенче учета тӑнӑ чух хӑйсем ӗҫленине пытараҫҫӗ. Официаллӑ ӗҫлемесен ӗҫсӗрлӗх центрӗнче шутра тӑма юрать теҫҫӗ курӑнать.

Маларах асӑннӑ 39 ҫын 248,6 пин тенкӗлӗх пособи илнӗ, ҫав шутран 197,5 пин тенкине хыснана тавӑрса панӑ. Ытти укҫана та шыраса илӗҫ.

Суйса пособи илнисем тӗлӗшпе материалсене право тытӑмне ярса панӑ тесе хыпарланӑ Чӑваш Ен Ӗҫ тата социаллӑ хӳтлӗх министерствин пресс-службинче. Улталаса укҫаллӑ пулнисене административлӑ тата пуҫиле майпа явап тыттарӗҫ.

Чӑваш Енӗн Транспорт тата ҫул-йӗр хуҫалӑхӗн министерстви пассажирсене тата багажа хулапа хула хушшинче турттарассине унчченхилли йӗркепе ҫӗнӗрен пуҫарма йышӑннӑ. Ҫапла тӑвассине кӑшӑлвирус сарӑлассине хирӗҫ ӗҫлекен республикӑри оперативлӑ штабӑн ларӑвӗнче ырланӑ.

Ҫапла вара ҫӗртме уйӑхӗн 8-мӗшӗ хыҫҫӑн муниципалитетсем хушшинчи маршрутсем реестрти расписанипе килӗшӳллӗн ӗҫлӗҫ.

Аса илтерер: республикӑра хальхи вӑхӑтра ятарлӑ санитарипе эпидемиологи режимӗ вӑйра. Ҫавӑ ҫӗнӗ кӑшӑлвирус инфекцийӗ алхаснипе ҫыхӑннӑ. Автобуссем унчченхиллех ҫӳреме тытӑнсан та хӑрушсӑрлӑх мерисене пӑхӑнмалла мар тесе асӑрхаттарать ЧР Транспорт тата ҫул-йӗр хуҫалӑхӗ. Транспортра тата чарӑнусенче маска тӑхӑнмалла.

Чӑваш Енри ача ҫурчӗсенче пурӑнакансене ҫуллахи каникул вӑхӑтӗнче ҫемьене илме юрать. Ача ҫуртӗнче темле лайӑх пулсан та килтине нимӗн те ҫитмест. Унта ачасем ҫемьери хутшӑнусене кураҫҫӗ, пӗр-пӗринпе епле тытмаллине хӑнӑхаҫҫӗ. Ку ҫеҫ те мар. Ялан ача ҫуртӗнче пурӑнни йӑлӑхтарать-ывӑнтарать. Ҫемьере пурӑнни вӗсемшӗн уяв пекех. Унта йӑлтах урӑхла.

Каникул вӑхӑтӗнче тӑлӑхсене пӗр-пӗр ҫемьене илес тесен ача ҫурчӗсене ҫитсе заявлени ҫырмалла. Ачана иличчен ҫемьесен ҫӗнӗ кӑшӑлвируспа чирлеменнине тата чирлӗ ҫынсемпе хутшӑнманнине справкӑпа ӗнентермелле. Ҫав справкӑна вӗсен ачана киле илсе кайиччен виҫ кун маларах илмелле.

mk103.med.cap.ru сайтри сӑн

Паян, ҫӗртме уйӑхӗн 5-мӗшӗнче, республикӑра кӑшӑлвируспа чирлекенсен йышӗ татах хушӑннӑ. Тепӗр 80 ҫын инфекциленнӗ.

Ҫапла майпа ку таранччен 3311 ҫын кӑшӑлвируспа чирленӗ. Вӗсенчен 15-шӗ вилнӗ.

Сӑмах май, ЧР Элтеперӗн тивӗҫӗсене вӑхӑтлӑх пурнӑҫлакан Олег Николаев хальлӗхе чару мерисене пӑрахӑҫламассине каланӑ. Кун пирки сайтра хыпрланӑччӗ. Хальлӗхе Чӑваш Ен пӗрремӗш тапхӑра кӗме те хатӗр мар-ха.