Хулара
forum.na-svyazi.ru сӑнӳкерчӗкӗ «Шупашкар хулин граждан оборони тата чрезвычайлӑ лару-тӑру управленийӗ» муниципалитетӑн хысна учрежденине ертсе пыма Алексей Андреева шаннӑ. Унччен ҫав пукана Николай Немешкин йышӑннӑ. Алексей Олегович чрезвычайлӑ лару-тӑруран асӑрханассипе тата ӑна сирсе ярассипе ӗҫлекен организацисенче 14 ҫул ытларах тӑрӑшнӑ. 2016 ҫултанпа вӑл малара эпир асӑннӑ управленире шыравпа ҫӑлав отрядне ертсе пынӑ. Хыпар ҫӑлкуҫӗ:
|
Культура
vk.com/ddn21 сӑнӳкерчӗкӗ Чӑваш Енри Халӑхсен туслӑхӗн ҫуртӗнче «Дерзай, твори!» (чӑв. Чӑрсӑрлан, ту!) ача-пӑчапа ҫамрӑксен наци пултарулӑхӗн конкурсӗ иртӗ. Вӑл 8 ҫултан пуҫласа 20 ҫулчченхи ҫамрӑксене пӗрлештерӗ. Сцена ҫине халӑх юррин, наци вокалӗн тата хореографи ӑстисем тухӗҫ. Ҫӗнӗ конкурс пултарулӑха кӑтартма ҫеҫ мар, ыттисенчен вӗренме те май парӗ тесе ӗнентереҫҫӗ конкурс йӗркелӳҫисем. Конкурсӑн тӗллевӗ — нумай нациллӗ ҫӗршывӑмӑр халӑхӗсен историйӗпе тата культурипе паллаштарасси, ачасемпе ҫамрӑксене аталанма, пӗр-пӗринпе хутшӑнма ҫӗнӗ майсем туса парасси. Конкурса хутшӑнакансен заявкисене юпа уйӑхӗн 11-мӗшӗччен 8 (9352) 51-56-83 телефон номерӗпе тата onknch@mail.ru электрон почтӑпа йышӑнӗҫ. Гала-концерт юпа уйӑхӗн 22-мӗшӗнче 12 сехетре хулари Хусанкай урамӗнчи 20-мӗш ҫуртра иртӗ. Хыпар ҫӑлкуҫӗ:
|
Республикӑра
"Лиза Алерт" сайтри сӑн Чӑваш Енре 38 ҫулти Людмила Ивановӑна вуннӑмӗш кун шыраҫҫӗ. Тӑванӗсем "Лиза Алерт" шырав отрядӗнчен, полицирен пулӑшу ыйтнӑ. Унччен хӗрарӑм пӗрре те ҫухалман. Халӗ вара унӑн телефонӗ ҫине шӑнкӑравласа ҫитме ҫук - ӑна сӳнтернӗ. Людмила Иванова ҫухалнӑ кун сӑрӑ тӗслӗ пальто, кӑвак кофта, тӗттӗм кӑвак шӑлавар тата хура пушмак тӑхӑннӑ пулнӑ. Хӑй 180 сантиметр ҫӳллӗш, хӑмӑр куҫлӑ, тӗттӗмрех ҫӳҫлӗ. Хыпар ҫӑлкуҫӗ:
|
Пӑтӑрмахсем
gov.cap.ru сӑнӳкерчӗкӗ Ҫӗмӗрле районӗнче арӑмӗпе упӑшки авӑн уйӑхӗн 24-мӗшӗнче вӑрмана кӑмпана тухса кайнӑ. Хӑйсемпе пӗрле вӗсем йыттине те ертсе кайнӑ. «Полярная Звезда» посёлок патӗнчен вӑрмана кӗрсе кайнӑскерсенчен пӗри (арҫынӗ) килне кайнӑ, хӗрарӑм вӑрмантах тӑрса юлнӑ. Кӑштахран йытӑ киле таврӑннӑ, хӗрарӑм — ҫук. Ҫавна кура арҫын пӑлханма тытӑннӑ. Ҫухалнӑ хӗрарӑма шырама ял ҫыннисем, йӗрке хуралҫисем, вӑрманта ӗҫлекенсем, кӳршӗллӗ Хӗрлӗ Чутай районӗнчи нимеҫӗсем тухнӑ. Пурӗ 50-а яхӑн ҫын ура ҫине тӑнӑ. Квадрокоптерпа та усӑ курнӑ. Хӗрарӑма темиҫе ушкӑна пайланса шыранӑ. Ӑна тепӗр кунхине ҫеҫ, 17 сехет тӗлӗнче, тупнӑ. Хӗрарӑм машинӑсем кӑшкӑртнӑ сасӑпа вӑрман хӗрне тухнӑ. Хыпар ҫӑлкуҫӗ:
|
Пӑтӑрмахсем
Авӑн уйӑхӗн 23-мӗшӗнче ирхи 9 сехетре Комсомольски ялӗнчи «Ҫӗрулмине мухтав» агрофирмӑра бензовоз ҫунма тытӑннӑ. Вӑл дизель топливине упрамалли резервуарсемпе ҫумӑн пулнӑ. Пушара икӗ техника, тӑватӑ ҫын сӳнтернӗ. Ҫулӑма хӑвӑртах парӑнтарнӑ: 7 минутран бензовоз ҫунма пӑрахнӑ. Хыпар ҫӑлкуҫӗ:
|
Раҫҫейре
nan-news.ru сайтри сӑн Раҫҫей Правительстви ӗҫшӗн тӳлекен чи пӗчӗк виҫене ҫитес ҫул пысӑклатасшӑн. Вӑл 16 пин те 242 тенкӗпе танлашмалла. Кун пирки РИА Новости пӗлтерет. Агентство хыпарланӑ тӑрӑх, улшӑнусем ҫитес ҫул тата 2024 ҫулта пулмалла. Саккун проектне РФ Патшалӑх Думин пӑхса тухмалла. Аса илтерер: халӗ ӗҫшӗн тӳлемелли чи пӗчӗк виҫе 15 пин те 279 тенкӗпе танлашать. Хыпар ҫӑлкуҫӗ:
|
Пӑтӑрмахсем
"Про Город" сайтӗнчи сӑн Паян Шупашкар районӗнчи Ишек ялӗ ҫывӑхӗнче 12 сехетре васкавлӑ медпулӑшу аварие лекнӗ. Кун пирки «Про Город» хаҫата халӑх корреспонденчӗ пӗлтернӗ. Васкавлӑ медпулӑшу ҫӑмӑл машинӑпа ҫапӑннӑ. Иртсе пыракансем ҫакна видео ҫине ӳкернӗ. Васкавлӑ медпулӑшу ҫул хӗрринче ларнӑ. Инҫех мар – ҫӑмӑл машина. «Эпир иртсе кайнӑ чухне унта 3 тухтӑрччӗ. Вӗсенчен пӗри макӑратчӗ, тепри пуҫӗнчен аллипе тытнӑччӗ», — пӗлтернӗ «Про Города» халӑх корреспонденчӗ. Хыпар ҫӑлкуҫӗ:
|
Политика
Павел Иванов. chrio.cap.ru сӑнӳкерчӗкӗ Авӑн уйӑхӗн 26-мӗшӗнче Чӑваш Енӗн финанс министрӗн заместительне ӗҫрен кӑларнӑ. Правительствӑри ҫемҫе пукансӑр Павел Иванов юлнӑ. Паянхи куна илсен, Чӑваш Ен финанс министрӗн Михаил Ноздряковӑн тӑватӑ заместитель: Ольга Метелева, Галина Павлова, Игорь Смирнов, Татьяна Щербаткина. Павел Иванов Чӑваш Енӗн Финанс министерствинче 2020 ҫулхи нарӑс уйӑхӗнченпе ӗҫленӗ, министр ҫумӗ пулса вӑл маларах та — 2011-2012 ҫулсенче — тӑрӑшнӑ. 2019 ҫулхи утӑ уйӑхӗнче Павел Иванова экономика министрӗн тилхепине те тыттарнӑ, унччен вӑл пӗр вӑхӑт Перекет банкӗн тата Внешэкономбанк тытӑмӗсенче ӗҫленӗ. Хыпар ҫӑлкуҫӗ:
|
Культура
Ирина Иванова тата Дмитрий Крестьянкин режиссёр. drama21.ru сайтран илнӗ сӑнӳкерчӗк К.В. Иванов ячӗллӗ Чӑваш патшалӑх академи драма театрӗн артистки Ирина Иванова Раҫҫейри театр ӗҫченӗсен «Лаборатория 40+» проектне хутшӑннӑ. Театр экспериментне сцена ҫине нумай ҫул тухакан опытлӑ ӑстасене йыхравланӑ. Авӑн уйӑхӗн 17-18-мӗшӗсенче иртнӗ мероприяти вӑхӑтӗнче «НУТРО» документлӑ спектакль кӑтартнӑ. Спектакль режиссёрӗ – Дмитрий Крестьянкин, вӑл — инклюзивлӑ театр енӗпе паллӑ ӑста. Спектакле малтанласа палӑртман. Сцена ҫине тухнӑ актёрсен пурнӑҫри хӑйсен историне каласа кӑтартма тивнӗ. Чӑваш актёрӗ кашни ачанах хӑйне юратнине туймалли пирки монолог вуланӑ. Сцена ҫине Вологда, Воркута, Горно-Алтайск, Канск, Ҫӗнҫӗпӗр, Омск, Ӗренпур, Северодвинск, Сарапул, Тӗмен, Череповец, Улан-Удэ тата Якутск хулисенчи ӑстасем тухнӑ. Хыпар ҫӑлкуҫӗ:
|
Пӑтӑрмахсем
Прокуратура архивӗнчи сӑн Ӗнер Ҫӗрпӳ хулинчи станцире пуйӑс ҫунма пуҫланӑ, пӗр вакунра ҫулӑм тухнӑ. "Мускав - Шупашкар" локомотива 15 вакун кӗнӗ, унта 293 пассажир пулнӑ. Пушара локомотив бригади сӳнтернӗ. Никам та шар курман. Пушара пула пуйӑс 1 сехет те 17 минут тытӑнса тӑнӑ. Ӑна тепӗр пуйӑс тапранса каймалли вырӑна илсе ҫитернӗ. Халӗ транспорт прокуратури пушар хӑрушсӑрлӑхӗн йӗркине мӗнле пӑхӑннине тӗрӗслӗ. Хыпар ҫӑлкуҫӗ:
|
Шупашкарта ҫывӑх вӑхӑтра (10.10.2024 15:00) тӗтреллӗ ҫанталӑк, атмосфера пусӑмӗ 754 - 756 мм, 4 - 6 градус ӑшӑ пулӗ, ҫил 3-5 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.
| Юрьев Михаил Иванович, чӑваш сӑвӑҫи, литература критикӗ, журналист, тӑлмач ҫуралнӑ. | ||
| Волков Александр Иванович, чӑваш ҫыравҫи ҫуралнӑ. | ||
Пулӑм хуш... |