Персона
Екатерина Сибирцева архивӗнчи сӑн Чӑваш Енри хӗр ТНТ каналпа пыракан «Битва экстрассенсов» кӑларӑма хутшӑнӗ. Вӑл ҫынсене курӑксемпе, ытти мелпе пулӑшать-мӗн. Екатерина Сибирцева Ҫӗмӗрле хулинче ҫуралса ӳснӗ. Унччен вӑл Ҫӗмӗрле тата Ҫӗмӗрле районӗн администрацийӗнче пресс-серктарьте ӗҫленӗ. Унӑн икӗ пӗлӳ: издательство ӗҫӗн специалисчӗ тата патшалӑх, муниципалитет специалисчӗ. Екатерина кӑларӑмӑн тӗп йышне кӗрӗ-и е ҫук-и – каярахпа паллӑ пулӗ. Малтанлӑха пӗлтернӗ тӑрӑх, ҫӗнӗ кӑларӑма 20-мӗшӗ хыҫҫӑн кӑтартӗҫ. Хыпар ҫӑлкуҫӗ:
|
Спорт
t.me/chuvashenkalasat сӑнӳкерчӗкӗ Вӑрмарсем паттӑр ентешне, ятарлӑ ҫар операцийӗнче пуҫ хунӑ Владимир Сергеева асӑнса йӗлтӗр йӗрӗ ҫине тухнӑ. Телеграмри «Чӑваш Ен калаҫать» каналта пӗлтернӗ тӑрӑх, Пати ялӗн маттур ывӑлӗ – йӗлтӗрпе чупассипе Раҫҫей спорт мастерӗ, Паттӑрлӑх орденӗн кавалерӗ, аслӑ лейтенант. «Вӑл такӑрлатса ӑсталӑхне туптанӑ йӗлтӗр йӗрне хӗл каҫипех Чупай шкулӗнче вӗренекенсем якатаҫҫӗ. Пухӑннисем малтанах паттӑр ентешне халалланӑ асӑну хӑми умне чӗрӗ чечексем хучӗҫ», – пӗлтернӗ хыпарта. Старта Вӑрмар округӗнчи йӗлтӗрҫӗсемпе пӗрлех Шупашкар, Канаш хулисенчен, Кӳкеҫ поселокӗнчен, Ҫӗрпӳ, Тӑвай тӑрӑхӗнчен килнӗ спортсменсем те тухнӑ. Ҫӗнтерӳҫӗсене дипломсемпе, медальсемпе, хаклӑ парнесемпе чысларӗҫ. Хыпар ҫӑлкуҫӗ:
|
Культура
culture.cap.ru сӑнӳкерчӗкӗ Нарӑс уйӑхӗн 22-мӗшӗнче, 16 сехет те 30 минутра, Шупашкарти С.М. Максимов ячӗллӗ 1-мӗш ача-пӑча музыка шкулӗнче «Крылатые качели» (чӑв. Ҫунатлӑ чуччу) концерт иртӗ. Ӑна ҫӗршыври паллӑ композитор Евгений Крылатов ҫуралнӑранпа 90 ҫул ҫитнине халаллӗҫ. Паллӑ композитор, Раҫҫей халӑх артисчӗ пурнӑҫран 2019 ҫулхи ҫу уйӑхӗн 8-мӗшӗнче уйрӑлса кайнӑ. 1953-1959 ҫулсенче вӑл Мускаври П.И. Чайковский ячӗллӗ патшалӑх консерваторийӗнче вӗреннӗ. 1960-мӗш ҫулсен пуҫламӑшӗнче кино валли те музыка ҫырма тытӑннӑ. Сӑмахран, «Колыбельная медведицы», «Песенка о шпаге», «Лесной олень», «Крылатые качели», «Три белых коня», «Прекрасное далеко», «Кабы не было зимы» юрӑсене. Хыпар ҫӑлкуҫӗ:
|
Культура
culture.cap.ru сӑнӳкерчӗкӗ Хӗрлӗ Чутайӗнчи истори ҫуртне юсаса ҫӗнетме палӑртнӑ. Икӗ хутлӑ йывӑҫ шкул ҫуртне реставрацилессин проекчӗ патшалӑх экспертизи витӗр тухнӑ. Ӑна Пӗрлехи патшалӑх реестрӗнче пӗлтӗрхи раштав уйӑхӗн 13-мӗшӗнче регистрациленӗ. Культура эткерлӗхӗн объекчӗн адресӗ – Хӗрлӗ Чутайӗнчи Совет урамӗнчи 5б ҫурт. Вӑл ҫурт XIX ӗмӗр вӗҫӗнче – XX ӗмӗр пуҫламӑшӗнче хӑпартса лартнӑ общество ҫурт-йӗрӗн паха тӗслӗхӗ шутланать. Хальхи вӑхӑтра икӗ хутлӑ ҫуртпа усӑ курмаҫҫӗ. Реставраци вӑхӑтӗнче ҫурта юсаса ҫӗнетӗҫ, анчах унӑн малтанхи сӑнне упраса хӑварӗҫ. Хыпар ҫӑлкуҫӗ:
|
Республикӑра
Следстви комитечӗн сайтӗнчи сӑн Ҫӗрпӳ муниципаллӑ округӗнче пурӑнакан 68 ҫулти арҫынна пӗрле кун кунлакан хӗрарӑмӑн 10-ри мӑнукне ясар шухӑшсемпе тапӑннӑшӑн суд тунӑ. Судья ӑна ҫирӗп режимлӑ колоние 13 ҫуллӑха ӑсатма йышӑннӑ. Суд палӑртнӑ тӑрӑх, ҫак арҫын хӗрарачапа шыва кӗме ҫӳренӗ. Ҫавӑн чухне, пӗлтӗрхи ҫурла уйӑхӗнче, вӑл хӗрачана ясар шухӑшпа икӗ хутчен тапӑннӑ. Арҫын хайӗн айӑпне йышӑнман. Анчах суд хӗрача, кӳнтеленсем каланине шута илсе унӑн айӑпне ҫирӗплетнӗ. Хыпар ҫӑлкуҫӗ:
|
Культура
vk.com/chnmuseum сӑнӳкерчӗкӗ Чӑваш наци музейӗ «Старые Чебоксары» (чӑв. Авалхи Шупашкар) конкурс ирттерет. Ӑна республикӑмӑрӑн тӗп хулине пуҫарса янӑранпа 555 ҫул ҫитнине халалланӑ. Конкурса хутшӑнакансем хула архитектури епле улшӑннипе, хулари урапмсемпе ҫуртсем ылмашса пынине кӑтартса памалла. Конкурса 14 ҫултан аслӑраххисем хутшӑнма пултараҫҫӗ. Вӗсен XXI ӗмӗр пуҫламӑшӗнчи ҫурт-йӗр, урамсен, кварталсен, территорисен макетне кӑтартмалла. Хыпар ҫӑлкуҫӗ:
|
Пӑтӑрмахсем
forum.zarulem.ws сӑнӳкерчӗкӗ Ҫынпа куллен ӗҫлекенсен темле ӑнланманлӑх та сиксе тухма пултарать. Нумаях пулмасть пӗр таксистпа пассажир хушшинче пӑтӑрмах пулса иртнӗ. Клиент малтан пӗр вырӑна каяс тенӗ иккен, кайран маршрута улӑштарнӑ. Водитель килӗшмен, ман смена пӗтет, хулан тепӗр вӗҫне каяс килмест тесе кутӑнлашнӑ. Тарӑхса кайнӑ пассажир «Элара» завод тӗлӗнчи ҫул хӗресленнӗ вырӑнта машинӑран анса юлнӑ. Ҫавӑн чухне вӑл автомобиле урипе хыттӑн тапса хӑварнӑ. Хыпар ҫӑлкуҫӗ:
|
Культура
Евгенйи Князев. chuvdram.ru сайтри сӑнӳкерчӗк Театра юратакансене пуш уйӑхӗн 28-мӗшӗнче Чӑваш патшалӑх кадеми драма театрне Мускаври Арбатра вырнаҫнӑ Вахангов ячӗллӗ театр гастрольпе килӗ. Шупашкар ҫыннисене культура учрежденийӗ Александр Пушкинӑн «Пиковая дама» повеҫӗпе лартнӑ моноспектакль кӑтартӗ. Спектакльте — Раҫҫей халӑх артисчӗ Евгений Князев тата театрӑн оркестрӗн артисчӗсем. Евгений Владимирович куракана асамлать-тыткӑнлать теҫҫӗ унӑн пултарулӑхӗпе паллашнисем. Спектакльте ҫавӑн пекех музыкантсем пулӗҫ: клавесинпа — Надежда Кашкина тата Наталья Туриянская, флейтӑпа — Ольга Жевлакова, скрипкӑпа — Полина Евланова, гитарӑпа — Андрей Чернышов. Моноспектаклӗн музыка ертӳҫи — Татьяна Агаева. Хыпар ҫӑлкуҫӗ:
|
Хулара
roddom.msk.ru сайтри сӑн Иртнӗ эрнере Шупашкарти Калинин районӗн ЗАГС пайӗ хӑйне евӗр ятсене регистрациленӗ: Аюна тата Добромир. Аюна ят мӗнле пулса кайнине темиҫе тӗрлӗ ӑнлантараҫҫӗ. Чи анлӑ сарӑлни – тӗрӗк чӗлхинчен: «кӑмӑллӑ», «хитре» тенине пӗлтерет. Добромир славян чӗлхинчен пулса кайнӑ. Вӑл икӗ сӑмахран тӑрать: «добро» (чӑв. «ырӑ») тата «мир» (чӑв. тӑнӑҫлӑх»). Ҫапла вӑл «нумай ырӑ» е «ырӑлӑхпа пуян» тенине пӗлтерет. Хыпар ҫӑлкуҫӗ:
|
Статистика
mykaleidoscope.ru сайтри сӑн Чӑваш Енре ОМС полисӗпе ЭКО тума пӗлтӗр 120 миллион тенкӗ уйӑрнӑ. Ку укҫапа 1074 процедура пурнӑҫланӑ, 850 хӗрарӑма ЭКО тунӑ. 674 хӗрарӑма эмбрион вырнаҫтарнӑ. 211 хӗрарӑмӑн ҫие юлнӑ. Тепӗр майлӑ каласан, кашни 4-мӗшӗн варта ача тӗвӗленнӗ. Ҫапла 192 ача ҫуралнӑ. Палӑртмалла: пӗлтӗр Шупашкарти Президент пепкелӗх центрӗнче 2944 хӗрарӑма ҫураттарнӑ. Виҫӗмҫулхипе танлаштарсан, 2023 ҫулта унта 157 ача ытларах кун ҫути курнӑ. Пӗлтӗр ҫак пульницӑра 65 йӗкӗреш ҫуралнӑ, 2022 ҫулта - 53 йӗкӗреш. Хыпар ҫӑлкуҫӗ:
|
Шупашкарта ҫывӑх вӑхӑтра (09.01.2025 15:00) тӗтреллӗ ҫанталӑк, юр ҫума пултарать, атмосфера пусӑмӗ 745 - 747 мм, 0 - 2 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.
| Быков Александр Артемьевич, Мухтав орденӗн тулли кавалерӗ ҫуралнӑ. | ||
| Васильев Александр Георгиевич, чӑваш кӗвӗ ҫыраканӗ ҫуралнӑ. | ||
| Юдин Василий Николаевич, чӑваш ҫыравҫи, талмачӗ, публицисчӗ вилнӗ. | ||
Пулӑм хуш... |