|
Культура
 cap.ru сӑнӳкерчӗкӗ Чӑваш кӗнеке издательствинче Владимир Степановӑн «Великие битвы наших предков. Пирӗн несӗлсен аслӑ вӑрҫисем» кӗнеки пичетленсе тухнӑ. Ҫӗнӗ кӑларӑма «Кӑсӑклӑ теҫетке» ярӑмпа кӑларнӑ. Кӗнекене Дмитрий Литаврин художник илемлетнӗ. Ҫӗнӗ кӑларӑмӑн тиражӗ — 1000 экземпляр. Владимир Степанов тӑван халӑхӑмӑрӑн мӑн аслашшӗсем хутшӑннӑ 10 аслӑ вӑрҫӑ ҫинчен каласа кӑтартнӑ. Асӑннӑ хирӗҫтӑрусем Евразин тӗрлӗ вырӑнӗнче тата тӗрлӗ саманара пулса иртнӗ. Пирӗн йӑхташӑмӑрсене маларах «чӑваш» этнонимпа пӗлмен. «Великие битвы наших предков. Пирӗн несӗлсен аслӑ вӑрҫисем» кӗнекене аслӑ классенчи шкул ачисем валли тесе кун ҫути кӑтартнӑ. Автор хӑйӗн очеркӗсемпе аслисем те кӑсӑклансах паллашасса шанать. Хыпар ҫӑлкуҫӗ:
|
|
Ҫул-йӗр
 forum.zarulem.ws сӑнӳкерчӗкӗ Шупашкарти «Кӗрӗк» фабрика патӗнче тума пуҫланӑ каҫӑ пирки ҫӗршывӗпе пӗлеҫҫӗ. Тӗрӗсрех, ҫав каҫҫа халӗ те туса пӗтерейменнине пӗлеҫҫӗ. Халӑх фрончӗн федераци организацийӗ каҫӑ пирки соцсетьсенчи хӑйӗн страницисенче хыпарланӑ. Ҫынсене автоҫул урлӑ ҫӳлтен каҫса ҫӳремеллине 2014 ҫултах туса пӗтерме палӑртнӑ. Унтанпа Атӑлта сахал мар шыв-шур юхса иртнӗ. Хула ертӳҫисемпе республикӑна ертсе пыракансем те улшӑннӑ, анчах лав вырӑнтан хускалман. Халӑх фрончӗн республикӑри хастарӗсем каҫӑ ыйтӑвӗпе республика ертӳҫи Олег Николаев патне 2021 ҫулх юпа уйӑхӗнче ҫитнӗ-мӗн-ха. Тен, халӗ, ҫав калаҫӑва федераци шайӗнче хусчкатнӑ хыҫҫӑн, ыйту татӑлӗ... Хыпар ҫӑлкуҫӗ:
|
|
Политика
 forum.na-svyazi.ru сӑнӳкерчӗкӗ Шупашкар хула администрацийӗн вӗренӳ управленийӗн пуҫлӑхӗ заместительсемсӗр тӑрса юлнӑ. Кун пирки «Ҫыхӑнура» форум управлени сайтӗнчи хыпар тӑрӑх пӗлтернӗ. Сайтра кӑтартнӑ тӑрӑх, штатра икӗ заместитель пулмалла, анчах вӗсем пушӑ. Вӗренӳ управленийӗн пуҫлӑхӗ пулса 2021 ҫулхи раштав уйӑхӗнченпе Елена Сахарова тӑрӑшать. Унчен вӑл унта пуҫлӑхӑн ҫумӗ пулнӑ. Управленире 2020 ҫулхи кӗркуннеренпе заместитель пулса ӗҫленӗ Наталья Поздеева Чӑваш Енӗн Вӗренӳ министерствинче воспитанипе ҫамрӑксен политкин управленине ертсе пыма тытӑннӑ. Ҫапла вара халӗ Шупашкар хула администрацийӗн вӗренӳ управленийӗнче заместительсен пуканӗсем пушӑ лараҫҫӗ. Хыпар ҫӑлкуҫӗ:
|
|
Политика
 Юрий Кручинин. Александр Беловӑн Фейсбукри страницинчен илнӗ сӑнӳкерчӗк Ӗнер, кӑрлач уйӑхӗн 25-мӗшӗнче, Чӑваш Республикин тава тивӗҫлӗ юрисчӗ, Ф.Н. Плевако ячӗллӗ ылтӑн тата кӗмӗл медаль лауреачӗ Юрий Кручинин куҫне ӗмӗрлӗхе хупнӑ. Усал хыпара Александр Белов журналист Фейсбукра пӗлтернӗ. Юрий Сергеевич ковидпа чирленӗ-мӗн, унӑн ӳпки 90 процент шыҫнӑ иккен. Юрий Кручинин Раҫҫейри адвокатсен гильдийӗн пӗрремӗш вице-президенчӗ, «Мускаври юридици центрӗ» адвокатсен коллегийӗн президиумӗн председателӗн пӗрремӗш заместителӗ, Вырӑсла калаҫакан адвокатсен пӗтӗм тӗнчери ассоциацийӗн президиумӗ членӗ пулнӑ. Мари Элта ҫуралса ӳснӗ Юрий Кручининпа ҫак йӗркесен авторӗ вӑл Чӑваш Енре этем правине хӳтӗлекен уполномоченнӑйра ӗҫленӗ чухне паллашнӑччӗ. Унпа республикӑн Патшалӑх Канашӗн «Республика» хаҫачӗ валли анлӑ интервью хатӗрленӗччӗ. Ҫав калаҫура Юрий Сергеевич ӑслӑ та анлӑ тавракурӑмлӑ ҫын ҫеҫ мар, вӑл тӗрӗсмарлӑха тӳсме пултарайманни питех те аван сисӗннӗччӗ. Каярах унтан пӗр ыйтупа пулӑшу та ыйтма тивнӗччӗ... Халӗ вара йывӑр тӑпри ҫӑмӑл пултӑр тесси ҫеҫ юлать... Хыпар ҫӑлкуҫӗ:
|
|
Хулара
 sobiz-fond.ru сайтри сӑн Кӑрлач уйӑхӗн 21-мӗшӗнче Шупашкарти 30-мӗш шкулта 14 ҫулти арҫын ача тантӑшӗсен умӗнче газ баллонне пӗрӗхтернӗ. Вӗсем вӑл мӗнле ӗҫленине тӗрӗслесшӗн пулнӑ-мӗн. Республикӑри Шалти ӗҫсен министерстви пӗлтернӗ тӑрӑх, пилӗк ача Республикӑри ача-пӑча клиника пульницин тухтӑрӗсенчен пулӑшу ыйтнӑ. Арҫын ачан амӑшне административлӑ майпа явап тыттарнӑ. Ҫав кун шкулта мӗн пулса иртнӗ? Газ баллонӗ ачан аллине мӗнле майпа лекнӗ? Прокуратура ӗҫченӗсем ӗҫ-пуҫа уҫамлатӗҫ. Хыпар ҫӑлкуҫӗ:
|
|
Хулара
 karavantver.ru сайтри сӑн Кӑрлач уйӑхӗн 24-мӗшӗнче васкавлӑ медпулӑшу тухтӑрӗсем пациент патне ҫитнӗ те унӑн килне кӗреймен. Вӗсен ҫӑлавҫӑсене чӗнме тивнӗ. Шалта вара хӗрарӑм, хӑйне йывӑр туяканскер, пулнӑ. Унччен маларах вӑл васкавлӑ медпулӑшу чӗннӗ. Анчах тухтӑрсем кӗреймен, алӑк питӗрӗнчӗк пулнӑ. 14 сехет те 20 минутра шурӑ халатлисем ҫӑлавҫӑсем патне шӑнкӑравланӑ. Вӗсем Шупашкарти Токмаков тӑкӑрлӑкӗнчи ҫурта кӗрейменни, унта пациент пулни пирки пӗлтернӗ. Ҫӑлавҫӑсем вырӑна ҫитсен карта урлӑ каҫнӑ та алӑка уҫнӑ. Хӗрарӑма килтен наҫилккапа йӑтса тухнӑ та пульницӑна илсе кайнӑ. Хыпар ҫӑлкуҫӗ:
|
|
Сывлӑх
 ptzgovorit.ru сайтри сӑн Юлашки кунсенче кӑшӑлвируспа чирлекенсен йышӗ нумай ӳссе пырать. Юлашки талӑкра 297 ҫын инфекциленнине палӑртнӑ. Хальччен унашкалли пулман. Ӗнер кӑна рекорд – 235 ҫын – пулнӑччӗ. 124 ҫынна пульницӑна вырттарнӑ. Ку таранччен республикӑра 48715 ҫын кӑшӑлвируспа чирленӗ. Вӗсенчен 42086-шӗ сывалнӑ. Ку 86,4 процентпа танлашать. 4285 ҫын кӑшӑлвируса пула вилнӗ. Ку 8,6 процентпа танлашать. Юлашки талӑкра 6 ҫын каварлӑ вируса парӑнтарайман. Ӗнер те ҫавӑн чухлех пациент пурнӑҫран уйрӑлнӑ. Хыпар ҫӑлкуҫӗ:
|
|
Пӑтӑрмахсем
 Александр Андреевӑн Фейсбукри страницинчен илнӗ сӑнӳкерчӗк Шупашкартан Кӳкеҫе тата Кӳкеҫрен Шупашкара пассажирсене турттаракан 162-мӗш маршурта Софронов хушаматлӑ ҫынпа килӗшӳ тунӑ водительсем туттаратчӗҫ. Юлашки вӑхӑтра асӑннӑ маршрутпа ҫӳрекенсем йӗркеллех ӗҫлеме тытӑннӑччӗ-ха. Тепӗр тесен, пӗрмай тӗрӗслесе тӑни вӗсене ҫапла тума хистерӗ пулинех. Унччен вара маршрут водителӗсем йӗркеллӗ ҫӳременни пулкалатчӗ-ха. Пассажирсене хӳтӗлесе Чӑваш Ен Патшалӑх Канашӗн депутачӗ Александр Андреев республикӑн Транспорт тата ҫул-йӗр хуҫалӑхӗн ӗҫченӗсемпе унчечн тӗл пулнӑччӗ-ха. Асӑннӑ хастар халӗ Фейсбукра пӗлтернӗ тӑрӑх, Софронова пассажирсене турттарма пӑрахтарӗҫ. Ҫапла тума суд урлӑ йышӑннӑ. Хыпар ҫӑлкуҫӗ:
|
|
Республикӑра
 ШӖМ тунӑ сӑн Кӑрлач уйӑхӗн 20-мӗшӗнче 38 ҫулти хӗрарӑм хӗрӗпе пӗрле машинӑпа Шупашкар районӗнчи Миснер ялне кайнӑ чухне ҫул ҫинче кӗрсе ларнӑ. Водитель хӑй тӗллӗн тухма хӑтланнӑ, анчах пулӑшу кирлине ӑнланса экстреннӑй службӑна шӑнкӑравланӑ. Диспетчер хӗрарӑм пӑтӑрмаха ҫакланни пирки полици нарядне пӗлтернӗ. Полици лейтенанчӗ Александр Сергеев тата Дмитрий Ирбитский аслӑ сержант вырӑна ҫитсе хӗрарӑмӑн иномаркине кӗрт ӑшӗнчен туртса кӑларнӑ. Яла илсе ҫитерекен ҫула юртан тасатман, ҫавна май хӗрарӑм каллех кӗрсе ларасран шикленнӗ. Александр Сергеев инспектор хӑй руль умне ларса амӑшӗпе хӗрне киле ҫитерсе янӑ. Хыпар ҫӑлкуҫӗ:
|
|
Пӑтӑрмахсем
 stolica-s.su сӑнӳкерчӗкӗ Мускав облаҫӗнче пурӑнакан арҫын Чӑваш Енри кинемее машинӑпа ҫапса хӑварнӑ. Вӑл ӑна вилмеллех амантнӑ. Инкек хыҫҫӑн водитель вырӑнтан тапса сикнӗ. Хӑйне тупаймаҫҫӗ тенӗ пулинех. Анчах вӑл хытах йӑнӑшнӑ. 45 ҫулти арҫын ватӑ хӗрарӑма 2020 ҫулхи авӑн уйӑхӗн 23-мӗшӗнче каҫхи 19 сехет тӗлӗнче ҫапса хӑварнӑ. Инкек «Никольски — Етӗрне — Нурӑс» ҫул ҫинче, Элӗк районӗнчи Крымсарайккӑ ялӗ тӗлӗнче пулса иртнӗ. Ҫынна вилмеллех амантнӑ, ҫитменнине тата инкек вырӑнӗнчен тапса сикнӗ водителе суд 7 ҫул ҫурӑлӑха тӗрмене ӑсатма йышӑннӑ. Хыпар ҫӑлкуҫӗ:
|
+4.3 °C