|
Республикӑра
 glava.cap.ru сӑнӳкерчӗкӗ Республикӑра иртнӗ «PRофи-21» конкурса эрнекун пӗтӗмлетрӗҫ. Ӑна «Ютуб» видеохостингра тӳрӗ эфирта пӑхма май туса пачӗҫ. Аса илтерер: пиарҫӑсен конкурсне 79 ҫын хутшӑннӑ, вӗсенчен 32-шне финала суйласа илнӗ. Финалта ҫавсене тӗрлӗ енӗпе хакланӑ. Сӑмахран, PR-кейса тишкерме, республика брендне аталантарма PR-проект тата пресс-релиз хатӗрлеме тивнӗ. «Ӗҫ тӑвакан влаҫ органӗсем» категорире пӗрремӗш вырӑна Федерацин айӑплава пурнӑҫа кӗтессипе ӗҫлекен Чӑваш Енри управленийӗн пресс-служба пуҫлӑхӗ Анна Иванова йышӑннӑ, иккӗмӗшӗнче — ЧР Транспорт министерствин пресс-секретарӗ Светлана Денисова тата Стройминӑн пресс-секретарӗ Зарина Сиярова, виҫҫӗмӗшӗнче — ЧР ШӖМӗн информаци тата общество ҫыхӑнӑвӗн пайӗн пуҫлӑхӗ Олег Ашнин. «Вырӑнти хӑй тытӑмлӑх органӗсем» категорире пӗремӗш вырӑнта — Ҫӗнӗ Шупашкар хулин администрацийӗн пресс-служба секторӗн заведующийӗ Олеся Иванова, виҫҫӗмӗшӗнче (иккӗмӗш вырӑна никама та паман) — Ҫӗмӗрле районӗн адмнистрацийӗн ертсе пыракан специалист-эксперчӗ Екатерина Сибирцева. «Бизнес, ведомствӑлла учрежденисем» категорире пӗрремӗш вырӑнта — Чӑваш Енӗн Регион управленийӗн центрӗн редакторӗ Галина Титарчук, икккӗмӗшӗнче — И. Хыпар ҫӑлкуҫӗ:
|
|
Политика
 Геннадий Федоров. cap.ru сӑнӳкерчӗкӗ РФ Президенчӗн Федерацин атӑлҫи округӗнчи тӗп инспекторӗн вырӑнӗ пушаннӑ. Геннадий Федоров Чӑваш Енӗн Тӗп суйлав комиссине ӗҫлеме куҫнӑ. Ҫавна май тӗп инспектор пуканӗ пушанса юлнӑ. Пурне те пӗлекен «Правда ПФО» кӑларӑм ҫырнӑ тӑрӑх, пушаннӑ вырӑна Григорий Сергеев йышӑннӑ. Вӑл Игорь Комаров полпредӑн авторӗнче тӗрӗслев департаментӗнче ӗҫленӗ. Сергеев Шупашкарта ҫуралнӑ. Кунта вӑл патшалӑх службинчи карьерӑна пуҫланӑ. Кадр улшӑнӑвӗсем, сӑмах май, Шупашкарта та пулса иртмелле-мӗн. Денис Спирин сити-менеджер хула мэрине хӑйӗн командине илсе килесшӗн имӗш. Республика ертӳҫи Олег Николаев нумаях пулмасть Улатӑрта пулнӑ май унта кадр улшӑнӑвӗ пулса иртессине систернӗ иккен. Хыпар ҫӑлкуҫӗ:
|
|
Республикӑра
 54rus.org сайтри сӑн Раштав уйӑхӗн 2-мӗшӗнче 1958 ҫулта ҫуралнӑ хӗрарамӑн ҫӑлавҫӑсене чӗнме тивнӗ. Вӑл шыҫӑнса кайнӑ пӳрнинчи ҫӗррине хывайман. Республикӑри ҫӑлавпа шырав служби пӗлтернӗ тӑрӑх, хӗрарӑм ҫӗрре хӑй тӗллӗн кӑларайман. Ҫӑлавҫӑсем вырӑна ҫитсе ӑна пулӑшнӑ, мӑшӑрланнӑ чухне тӑхӑннӑ ҫӗрринче ятарлӑ хатӗрпе усӑ курса кӑларнӑ. Хӗрарӑм вӗсене тав тунӑ. Сӑмах май, ҫӑлавҫӑсене тӗрлӗ сӑлтавпа чӗнеҫҫӗ. Пӗрисем алӑк уҫаймаҫҫӗ, теприсен ачисем шалтан питӗрӗнсе лараҫҫӗ. Хыпар ҫӑлкуҫӗ:
|
|
Пӑтӑрмахсем
 "Про Город" сайтран илнӗ сӑн Ҫӗнӗ Шупашкарта паян 13 сехет те 45 минутра нумай хутлӑ ҫурт умӗнче хӗрарӑм виллине тупнӑ. Кун пирки «Про Город» хаҫата халӑх корреспонденчӗ пӗлтернӗ. Ку пӑтӑрмах Винокуров урамӗнчи 115-мӗш ҫуртра пулнӑ. Ҫиччӗмӗш хутран хӗрарӑм ӳкнӗ. Вӑл чӗрех пулнӑ. Ҫакна иртен-ҫӳрен асӑрханӑ та ӑна курткӑпа витнӗ. Васкавлӑ медпулӑшу машини часах ҫитнӗ. Халӑх корреспонденчӗ пӗлтернӗ тӑрӑх, хӗрарӑма Шупашкара илсе кайнӑ. Хыпар ҫӑлкуҫӗ:
|
|
Харпӑр шухӑш
Хулара
Назовем одну из улиц Чебоксар в честь профессора М.И. Скворцова!Вот уже пять лет, как с нами нет нашего коллеги – ученого и педагога доктора филологических наук, профессора Михаила Ивановича Скворцова. Его не стало 1 декабря 2016 года. М.И. Скворцов свою трудовую деятельность начал как журналист: после окончания Казанского государственного университета трудился в республиканских газетах «Хӗрлӗ ялав» (Казань), «Коммунизм ялавӗ», Чувашском радиокомитете. Но вскоре понял, что ему предназначено связать судьбой свою жизнь с наукой, и всерьез занялся изучением родного чувашского языка. Систематизация его лексики, составление и редактирование двуязычных словарей, разработка теории русско-чувашского и чувашско-русского перевода стали основой его научной деятельности на долгие годы. М.И. Скворцов – автор свыше 200 публикаций, в т.ч. 4 монографий, боле 30 словарей. Михаил Иванович проявил себя и как замечательный педагог: преподавал студентам Чувашского госуниверситета, читал лекции учителям на курсах повышения квалификации в Чувашском республиканском институте образования. |
|
Чӑвашлӑх
 Светлана Константинован архивӗнчи сӑнӳкерчӗксем Ҫак кунсенче, раштав уйӑхӗн 2-4-мӗшӗсенче, Пушкӑртстанри Ӗпхӳре Ремесласен эрни иртнӗ. Ҫавна май унта «Уфа-Арт. Ремёсла. Сувениры» курав-фестиваль йӗркеленӗ. Ҫавӑнта хутшӑннӑ Чӑваш Енри ӑста, Светлана Константинова, «Контактри» хӑйӗн страницинче хӑйӗн пӑшӑрханӑвӗпе паллаштарнӑ. «Чи пысӑк тӗллев вӑл — тӗрлӗ маҫтӑрсемпе паллашса вӗсен ӗҫӗсене курасси», — палӑртнӑ ӑста курав хутшӑннин тӗллевне. «Чӑваш кӗписене тата капӑрлӑхӗсене пуҫтарма пуҫӑннӑ май, умра паллах нумай ыйту сиксе тухать. Ыттисемпе хутшӑнни, сӗнӳсемпе тата канашсемпе ылмашӑнни кирлех. <...> Паянхи кун ӗлӗкхи майпа капӑрлӑхсене пуҫтарма йывӑрлансах пырать. Ӗҫ хатӗрӗсем урӑх, материалӗсем виҫипе те калӑпӑшӗпе уйрӑлса тӑраҫҫӗ тата, мӗн калас тен, тавракурӑм та паянхи кун малтанхи евӗрлӗ мар. Пушкӑрт маҫтӑрӗсемпе чылай калаҫрӑмӑр, ҫакӑн пек йывӑрлӑх вӗсен умӗнче те тӑрать иккен. Костюмсене тӗрӗс те тирпейлӗ пухасси пурин те пулмасть. Сӑмах май, вӗсене пирӗн культурӑпа ҫыхӑннӑ тӗрлӗ кӗнекесем нумай пулни тӗлӗнтерчӗ. Эпир вара вӗсен костюмӗсене чӗрӗлле курса ыйтусем пама пултартӑмӑр~~», — тесе ҫырнӑ Светлана Константинова. Хыпар ҫӑлкуҫӗ:
|
|
Республикӑра
 чувашинформ.рф сӑнӳкерчӗкӗ Чӑваш Енре цифра танмарлӑхне пӗтерессипе ҫыхӑннӑ программӑн иккӗмӗш тапхӑр пуҫланнӑ. Ҫӗмӗрле районӗнчи Хӗрлӗ Октябрь тата Тури Кӑмаша, Елчӗк районӗнчи Энтепе, Пӑрачкав районӗнчи Никулино, Вӑрмар районӗнчи Анаткас ялӗсене интернет ҫыхӑнӑвне ҫитернӗ. Цифра аталанӑвӗн министерствипе «Ростелеком» организаци 100 ҫынран пуҫласа 500 ҫын таран пурӑнакан ялсене 4G технологиллӗ ҫыхӑну ҫитереҫҫӗ. 2022 ҫулта 38 база станцийӗ тума палӑртнӑ. Цифра танмарлӑхне пӗтерессипе ҫыхӑннӑ программӑн пӗрремӗш тапхӑрӗнче 250 ҫынран пуҫласа 500 ҫын таран пурӑнакан Чӑваш Енри 328 яла интернет ҫыхӑнӑвӗ ҫитернӗ. Хыпар ҫӑлкуҫӗ:
|
|
Культура
 Улькка Эльмен тата Лидия Филиппова. Лидия Филиппован Фейсбукри страницинчен илнӗ сӑнӳкерчӗк Паян республикӑн Наци вулавӑшӗнче Чӑваш Енри Профессионал ҫыравҫӑсен союзӗн пухӑвӗ иртессине эпир унччен пӗлтернӗччӗ-ха. Аса илтерер: вӑл 15 сехетре пуҫланнӑ. Отчётпа суйлав пухӑвӗнче ҫӗнӗ председателе суйланӑ. Кун пирки союзӑн правленийӗн унчченхи ертӳҫи Лидия Филиппова Фейсбукра пӗлтернӗ. Лидия Ивановна союза пулӑшса пынисене – ЧР Культура министерствине, Наци вулавӑшне, Республикӑн ача-пӑча вулавӑшне, Чӑваш кӗнеке издательствине – тав тунӑ. Ҫыравҫӑсен йышне нумаях пулмасть илнӗ Нина Царыгинӑна, Лариса Петровӑна тата Мая Селендеевӑна ӑнӑҫу суннӑ. Тата вӑл ҫӗнӗ ертӳҫӗне, Улькка Эльменне, чунтан ырӑ суннӑ. Хыпар ҫӑлкуҫӗ:
|
|
Республикӑра
 v-kurse.ru сайтри сӑн Килсӗр йытӑсемпе кушаксене тытса ятарлӑ ҫӗрте усраҫҫӗ. Ку тӗллевпе ятарласа укҫа уйӑраҫҫӗ. Шупашкар хула администрацийӗ ҫак ӗҫе пурнӑҫлакана тупас тӗллевпе аукцион ирттерессине пӗлтернӗ. Малтанхи хак – 3 миллион тенкӗ. Аукцион раштав уйӑхӗн 15-мӗшӗнче иртӗ. Ҫӗнтерӳҫӗн кӑрлачӑн ҫитес ҫул 1-мӗшӗнчен пуҫласа раштавӑн 31-мӗшӗччен килсӗр чӗрчунсене тытмалла. Вӗсене пӗр вӑхӑт усрамалла, стерилизацилемелле, операци хыҫҫӑн пӑхмалла, маркерламалла та пурӑннӑ ҫӗрех тавӑрмалла. Пӗр чӗрчуншӑн вӑтамран 7641 тенкӗ лекет. Пӗтӗмпе 390 чӗрчун. Хыпар ҫӑлкуҫӗ:
|
|
Хулара
 "Про Город" сайтри сӑн Паян, раштав уйӑхӗн 4-мӗшӗнче, Шупашкарта «Лента» микрорайонта «зебра» патӗнче ҫул урлӑ каҫакан хӗре машина ҫапса кайнӑ. Ку пӑтӑрмах 17 сехет тӗлӗнче Асламас урамӗнчи 3-мӗш ҫурт ҫывӑхӗнче пулнӑ. «Тойота» водителӗ ҫул урлӑ каҫакан хӗр ҫине пырса кӗнӗ. Васкавлӑ медпулӑшу бригади вырӑна хӑвӑртах ҫитнӗ. Ҫавӑн пекех полици килнӗ. «Про Город» хаҫата халӑх корреспонденчӗ пӗлтернӗ тӑрӑх, хӗре пульницӑна илсе кайнӑ. Хыпар ҫӑлкуҫӗ:
|
-1.7 °C
