Олег Николаевӑн Телеграм-каналӗнчи сӑн

Чӑваш Енри спорт ветеранӗсем пысӑк ҫитӗнӳ тунӑ. Вӗсем дзюдо енӗпе иртнӗ Раҫҫей чемпионатӗнчен икӗ медальпе таврӑннӑ.

Ӑмӑрту Тюмень хулинче иртнӗ. Унта 300 ытла дзюдоист хутшӑннӑ. Рустам Шогенов Чӑваш Ен чысне хӳтӗлесе ылтӑн медаль ҫӗнсе илнӗ. Пирӗн тепӗр ентеш Андрей Сушков пӑхӑр медале тивӗҫнӗ.

Чӑваш кӗнеке издательствин сӑнӳкерчӗкӗ

Чӑваш кӗнеке издательстви «Чӑваш кӗнеки. Пултаруллӑ ҫамрӑксем» регионсем хушшинче вун виҫҫӗмӗш хут иртекен конкурса хутшӑнма йыхравлать. Кун пирки издательство халӑх тетелӗнчи хӑйӗн пабликӗнче пӗлтернӗ.

Ӗҫсене ҫурла уйӑхӗн 30-мӗшӗнче йышӑнма пуҫланӑ, вӗсене юпа уйӑхӗн 31-мӗшӗччен йышӑнӗҫ. Конкурс тӑватӑ номинаципе иртет. «Юратнӑ кӗнеке ҫинчен ҫырнӑ чи лайӑх хаклав» номинацие аслисен те хутшӑнма юрать иккен. Унта хутшӑнакансен Чӑваш кӗнеке издательствинче тухнӑ кӑларӑма вуланӑ хыҫҫӑн ҫуралнӑ шухӑш-кӑмӑла уҫса памалла. Хаклава fed_ol@mail.ru электрон почтӑпа ярса пама юрать. Ҫырӑва ӑсатнӑ чухне «Чӑваш кӗнеки. Пултаруллӑ ҫамрӑксем» конкурса» тесе палӑртма ыйтаҫҫӗ.

«Юратнӑ хайлаври чи интереслӗ самант» темӑпа хатӗрленӗ ӳкерчӗк» номинацире хутшӑнакансен кӗнекери пӗр-пӗр саманта ӳкерсе парӗҫ.

Кӑҫал Ҫеҫпӗл Мишши чӑваш классикӗ ҫуралнӑранпа 125 ҫул ҫитнине шута илсе «Ҫеҫпӗл Мишши хайлавӗсем тӑрӑх хатӗрленӗ ӳкерчӗк» номинаци те пур.

«Ача хатӗрленӗ чи лайӑх кӗнеке» номинацире ачан хӑй шухӑшласа кӑларнӑ хайлава кӗнеке пек хатӗрлесе памалла.

"На связи" форумри сӑн

Авӑн уйӑхӗн 1-мӗшӗнче 21 сехетре А-151 автоҫул ҫинче ӗне машина айне лекнӗ. Ку авари Канашпа Ҫӗрпӳ хушшинче пулнӑ.

Шел те, ӗне вилмеллех аманнӑ. Тӗттӗм хӗрлӗ тӗслӗскер каҫхине ҫул ҫине тухнӑ. Пӗр водитель чарӑнса ӗлкӗреймен – ӑна ҫапса хӑварнӑ. Вырӑна йӗрке хуралҫисем ҫитнӗ. Ӗне, ахӑртнех, ҫухалса кайнӑскер пулнӑ.

"Контактри" сӑн

Етӗрне округӗнчи «Вирьял» ансамбль регионсен хушшинче иртнӗ славянсен ӳнерӗн фестивалӗнче палӑрнӑ. Вӑл «Вырӑс уйӗ» /выр. «Русское поле»/ ятпа иртнӗ. Ансамбль фестивальте ятарлӑ премие тивӗҫнӗ. «Халӑх йӑли-йӗркине упранӑшӑн» ятлӑ вӑл.

Палӑртмалла: фольклор ушкӑнӗ 1990 ҫулта Тури Ачак культура ҫурчӗ ҫумӗнче йӗркеленнӗ. Ӑна пуҫарма РФ тата ЧР культурӑн тава тивӗҫлӗ ӗҫченӗ Аркадий Айдак сӗннӗ.

Саламлатпӑр пултаруллӑ ушкӑна!

kostroma.mk.ru сайтри сӑн

Шупашкарти шкулсенче ирхи тата кӑнтӑрлахи апатсен хакне ӳстернӗ. Юлашкинчен хаксене 2022 ҫулта хӑпартнӑччӗ.

Йышӑнӑва ҫак кунсенче Шупашкар пуҫлӑхӗ Владимир Доброхотов алӑ пуснӑ. Авӑн уйӑхӗнчен кӗҫӗн тата аслӑ классен апатланӑвӗ хакланнӑ. 1-4-мӗш классенчи комплекслӑ апатлану 25 тенкӗрен 30 тенкӗ таран ӳснӗ, комплекслӑ кӑнтӑрлахи апат – 68-тан 73 тенкӗ таран. Кӗҫӗн классем унчченхи пекех тӳлевсӗр апатланаҫҫӗ, анчах суйламалла: ирхи е кӑнтӑрлахи.

5-11-мӗш классенче ирхи апатлану 5 тенкӗ хӑпарнӑ: 35 тенкӗпе танлашнӑ. Кӑнтӑрлахи апат хакӗ – 82 тенкӗ /унччен 72 тенкӗ пулнӑ.

Календарь ҫинче – кӗркунне. Анчах ҫанталӑк ҫулахи пекех ӑшӑ-ха. Синоптиксем пӗлтернӗ тӑрӑх, паян-ыран ӑшӑ пулӗ. Ытларикун кӑнтӑрла хыҫҫӑн сивӗ фрончӗ килӗ, хушӑран ҫумӑр ҫукалӗ.

Эрне тӑршшӗпех хӗвеллӗ ҫанталӑк тӑрӗ. Юнкун 18-20 градус кӑна ӑшӑ пулӗ, ҫӗрле вара – 5 градус кӑна. Кӗрхи ҫанталӑк пекех туйӑнӗ.

Анчах сывлӑш майӗпен ӑшӑнӗ. Эрнекун 22-24 градус таран ӑшӑтӗ, вырсарникунранпа вара 26 градус таранах ӑшӑ пулма пултарать.

Малтанлӑха пӗлтернӗ тӑрӑх, кун пек ҫанталӑк авӑн уйӑхӗн варриччен пулӗ.

forum.na-svyazi.ru сайтран илнӗ сӑнӳкерчӗк

Ют ҫӗршывсене тухса каякансем хула ҫыннисем хушшинче ялтисенчен ытларах. Ҫакӑн пек пӗлтернӗ «Ҫыхӑнура» форумра Чӑвашстат хыпарланине тӗпе хурса.

Хула ҫыннисем, ялта пурӑнакансемпе танлаштарсан, ют ҫӗршывсене 17 хут ытларах утхса кайнӑ.

2023 ҫулта Чӑваш Енрен 2 496 хула ҫынни тата 146 ял ҫынни тухса кайнӑ. 2022 ҫулат ку уйрӑмлӑх тата пысӑкрах пулнӑ-мӗн — 20 хут (5 104 хула ҫынни тата 251 ял ҫынни).

Пӗлтӗр пирн республикӑран 14 418 ҫын тухса кайнӑ. 11 776 ҫын урӑх региона ҫул тытнӑ, 2 642 —ют ҫӗршыва.

Чӑваш Ене 13 476 ҫын килнӗ. Ҫав шутран 11 091-шӗ — Раҫҫейӗн тӗрлӗ субъектӗнчен, 2 385-шӗ — ют ҫӗршывран.

chuvbook.ru сӑнӳкерчӗкӗ

Чӑваш Ен Наци вулавӑшӗ «Литература Чӑваш Енӗ: 2023 ҫулти кӗнеке конкурс» ирттерет. Фестиваль-конкурса йӗркелеме Чӑваш Енӗн Культура министерстви пулӑшать. Ҫавӑн пекех Чӑваш Енри Профессионал писательсен союзӗ, Чӑваш кӗнеке издательстви, Чӑваш патшалӑх гуманитари ӑслӑлӑхӗсен институчӗ хутшӑнать.

Конкурса ҫак номинацисемпе ирттереҫҫӗ: «Чи лайӑх ӑслӑлӑх кӗнеки (гуманитари енӗпе)»; «Тӑван тӑрӑх ҫинчен чи лайӑх кӗнеке»; «Илемлӗ прозин чи лайӑх кӗнеки», «Чи лайӑх поэзи кӗнеки», «Ачасемпе ҫамрӑксем валли чи лайӑх кӗнеке», «Чи хитре илемлетнӗ кӗнеке», «Чи вулакан кӗнеке».

саp.ru сайтри сӑн. Кавал шкулӗ

Чӑваш Енри виҫӗ ҫурта культура еткерлӗхӗсен шутне кӗртнӗ. Кун пирки ЧР Культура министерстви пӗлтерет.

Пӗрремӗшӗ – Вӑрмар округӗнчи Кавал шкулӗ. Ӑна 1012 ҫултах тума тытӑннӑ. Ун чухнехи фасачӗ тата шалти планировки паянхи кунччен сыхланса юлнӑ. Ҫурт стилӗ – эклектика.

Ҫавӑн пекех Шупашкарти 12-мӗш шкул тата 36-мӗш ача пахчи культура еткерлӗхӗ шутланаҫҫӗ. Вӗсене классика стилӗпе конструктивизм стилӗпе усӑ курса хута янӑ.

gcheb.cap.ru сӑнӳкерчӗкӗ

Чӑваш Ен Элтеперӗн йышӑнӑвӗпе Чӑваш Енре пӑтӑрмахпа ӗҫлекен штаб туса хунӑ.

Асӑннӑ документ ячӗ ҫапларах: О создании регионального штаба по исполнению инцидента № 55 «Очистные сооружения» (чӑв. «Тасатмалли сооруженисем» 55-мӗш номерлӗ инцидента пурнӑҫа кӗртессипе ӗҫлекен регионти штаба туса хурасси ҫинчен).

Асӑннӑ документ, ҫак йӗркесен авторӗ штаб ятне кура тӗшмӗртнӗ пекех, Атӑла тасатассипе ҫыхӑннӑ федераци проекчӗпе ҫыхӑннӑ иккен.

Атӑла тасатассипе ҫыхӑннӑ федераци программине хӑш-пӗр регионта тивӗҫлипе пурнӑҫламанни ҫиеле тухнӑ хыҫҫӑн (укҫана хут ҫинче тӑкакланӑ, ӗсне йӗркеллӗ пурнӑҫламан) ку ыйтӑва тӗрлӗ Телеграм-каналта, пуҫлӑхсен, ҫивӗч чӗлхеллӗ общество хастарӗсен шайӗнче хытах ҫӗклерӗҫ. Ҫак йӗркесен авторӗ пӗлнӗ тӑрӑх, пирӗн республикӑра та кӑлтӑксӑр пулман.